News @ M-Media

ဂါဇာ ကလေးငယ် ၄ သိန်းနီးပါးမှာ စိတ်ပိုင်းဆိုင်ရာ အကူအညီများ လိုအပ်နေ

သြဂုတ် ၂၂ ၊ ၂၀၁၄
M-Media
NYHQ2014-0901
– အစ္စရေး၏ ကျူးကျော်တိုက်ခိုက်မှုကို ခံနေရသည့် ဂါဇာဒေသတွင် ပါလက်စတိုင်း ကလေးငယ် ၄ သိန်းနီးပါးမှာ ကနဦး စိတ်ပိုင်းဆိုင်ရာ အကူအညီများကို ချက်ခြင်း လိုအပ်နေသည်ဟု ယူနီဆက်ဖ်က ပြောကြားလိုက်သည်။

“(အစ္စရေးမှ ကျူးကျော်တိုက်ခိုက်မှု၏) ဆိုးကျိုးတွေက ရုပ်ပိုင်းဆိုင်ရာမှာ တော်တော်လေးကို များပြားပြီး သေဆုံးဒဏ်ရာရသူတွေ၊ အခြေခံအဆောက်အအုံတွေ ပျက်ဆီးတာတွေ ရှိနေပါတယ်။ ဒါပေမယ့် အရေးအကြီးဆုံးကတော့ ဘယ်သူမှမသိတဲ့ ခံစားမှုပိုင်းဆိုင်ရာနဲ့ စိတ်ပိုင်းဆိုင်ရာ မတည်မငြိမ်မှုတွေပါပဲ။ ဂါဇာမှာ ဘယ်နေရာမှ လုံခြုံမှုမရှိဘူးဆိုတဲ့ ခံစားမှုမျိုးက ကောင်းမွန်တဲ့ ဖီလင်မျိုးတော့ မဟုတ်ပါဘူး” ဟု
ဂါဇာဒေသ ဆိုင်ရာ ယူနီဆက်ဖ် အကြီးအကဲ ပါနီလာ အိုင်းရင်းဆိုက်က ကုလသမဂ္ဂ ရုံးချုပ်တည်ရှိရာ နယူးယောက်တွင် ယမန်နေ့ကပြုလုပ်ခဲ့သော သတင်းစာ ရှင်းလင်းပွဲ၌ ပြောကြားခဲ့သည်။

အစ္စရေးတို့၏ ကျူးကျော်တိုက်ခိုက်မှုကြောင့် ပြီးခဲ့သည့် ၄၈ နာရီအတွင်း ဂါဇာတွင် ကလေးငယ် ၉ ဦး သေဆုံးခဲ့ပြီး ကျူးကျော်တိုက်ခိုက်မှု စတင်ခဲ့သည့် ဇူလိုင်လအစောပိုင်းမှစ၍ သေဆုံးခဲ့သည့် ကလေးငယ် အရေအတွက် ၄၉၆ ဦး ရှိလာခဲ့ပြီဖြစ်သည်။

ယာယီအပစ်ရပ်ရေး ပျက်ပြယ်သွားခဲ့ပြီးနောက် အင်္ဂါနေ့မှ စတင်ကာ အစ္စရေးက ဂါဇာဒေသအား လေကြောင်းမှ ကျူးကျော်တိုက်ခိုက်မှုများ ပြန်လည်ပြုလုပ်ခဲ့ပြီး ယမန်နေ့ တိုက်ခိုက်မှုအတွင်းမှာပင် ကလေငယ်များအပါအ၀င် ပါလက်စတိုင်း ၂၀ ကျော် သေဆုံးခဲ့ည်။

ထို့ကြောင့် ၁ လကျော်ကြာ ကြာမြင့်ခဲ့သည့် တိုက်ခိုက်မှုများအတွင်း သေဆုံးသူ ပါလက်စတိုင်း အရေအတွက်မှာ ၂၀၉၀ ရှိလာပြီဖြစ်ပြီး၊ ဒဏ်ရာရသူ သောင်းနှင့်ချီ၍ ရှိနေကာ အိုးအိမ်စွန့်ခွာ ထွက်ပြေးရသူ သန်းချီရှိနေသည်။

Comments

Leave a Reply