နိုဝင်ဘာ ၅ ၊ ၂၀၁၄
M-Media
သဘာဝတောရိုင်း တိရိစ္ဆာန်တွေကို လေ့လာတဲ့ သိပ္ပံပညာရှင်တွေဟာ သူတို့လေ့လာ အာရုံစိုက်ရတဲ့ တောကောင်တွေရဲ့ သဘာဝလှုပ်ရှားမှုတွေကို အနှောက်အယှက် မဖြစ်စေဘဲ နီးနိုင်သမျှ အနီးကပ်လေ့လာလိုကြပါတယ်။ အဲ့ဒါကို ဖြစ်နိုင်စေမယ့် နည်းလမ်းတစ်ခုကတော့ ရီမုတ်ကွန်ထရိုး ရိုဗာယာဉ် အသုံးပြုခြင်းပဲဖြစ်ပါတယ်။
လေ့လာမှု အသစ်တစ်ခုမှာ ပြင်သစ်နိုင်ငံ Strasbourg တက္ကသိုလ်က ဗွန်လီမာဟို နဲ့သူ့အဖွဲ့သားတွေဟာ ပင်ဂွင်း (၃၄) ကောင်ကို ပြင်ပ နှလုံးခုန်နှုန်းတိုင်း ကိရိယာ တပ်ဆင်ပေးထားခဲ့ကြပါတယ်။ နှလုံးခုန်နှုန်း ကိရိယာက အချက်အလက်တွေကို RFID Antenna ကနေပြန်လည် ဖမ်းယူမှာဖြစ်ပါတယ်။ (RFID ဆိုတာ ကား၊ရထားစီးတဲ့အခါ သို့ ရုံးထဲဝင်တဲ့အခါ အထဲဝင်ဖို့ ကတ်ဖြတ်ရတဲ့နည်းပညာနဲ့တူ) ။
နောက်တစ်နေ့မှာ သူတို့ဟာ ပြင်ဆင်မှုမလုပ်ထားတဲ့ ရိုဗာယာဉ်ကို ပင်ဂွင်းတွေဆီလွှတ်လိုက်တဲ့အခါ အနီးကပ်ခံရုံမျှမက ယာဉ်ငယ်ကြောင့် ပင်ဂွင်းတွေရဲ့ နှလုံးခုန်နှုန်းဟာ ခဏသာမြင့်တက်ပြီး ချက်ခြင်းဆိုသလို ပုံမှန်ပြန်ဖြစ်သွားပါတယ်။ အလားတူစမ်းသပ်မှုကို လူကိုယ်တိုင်အနီးကပ် လက်ကိုင်နှလုံးခုန်နှုန်းတိုင်းတာ စက်နဲ့ပြုလုပ်တဲ့အခါ နှလုံးခုန်နှုန်းဟာ ပိုမိုမြန်ဆန်နေပါတယ်။
နောက်ထပ်စမ်းသပ်မှု တစ်ခုမှာတော့ သုတေသီတွေဟာ ရိုဗာယာဉ်ကို ပင်ဂွင်းကလေးငယ်လေး ပုံစံပြောင်းပေးလိုက်ပြီး အင်မတန် ရှက်တတ်တဲ့ ပင်ဂွင်းတွေဆီ လွှတ်လိုက်ပါတယ်။ ပင်ဂွင်းငှက်တွေဟာ သူတို့အနား အကပ်ခံရုံတင်မကဘဲ ပင်ဂွင်းပေါက်စလေးတွေနဲ့ ပွေ့ဖက်နေပါတယ်။ နောက်ဆုံးမှာ သူတို့ဟာ ပေါင် (၇ဝဝဝ) ကျော်အလေးချိန်ရှိတဲ့ ဖျံအကြီးစားတွေ(ပင်လယ်ဖျံ)ဆီကို မပြင်ဆင်ထားတဲ့ရိုဗာယာဉ်သက်သက်ကို လွှတ်ကြည့်ခဲ့ပါတယ်။ ပင်လယ်ဖျံတွေက သတိတောင် မထားမိကြပါဘူး။ ပင်လယ်ဖျံတွေဟာ သူတို့အမြီးနားကို လူအကပ်မခံဘဲ ပြင်းပြင်းထန်ထန် ရန်မှုတတ်ကြောင်း လူသိများတဲ့ သတ္တဝါဖြစ်ပါတယ်။
သုတေသီ လီမာဟို ဟာ ရိုဗာယာဉ်တွေသုံးပြီး ရာသီဥတုပြောင်းလဲမှုဟာ ပင်ဂွင်းတွေရဲ့ သားပေါက်နှုန်းနဲ့ ရှင်သန်မှုအပေါ် ဘယ်လို အကျိုးသက်ရောက် မှုတွေဖြစ်နေလဲဆိုတာ လေ့လာနေတာဖြစ်ပါတယ်။ သူနဲ့အဖွဲ့သားတွေက ရိုဗာယာဉ်ရဲ့ အသုံးဝင်မှုဟာ ဒီထက် အများကြီးရှိသေးတယ်လို့ဆိုပါတယ်။ ရိုဗာယာဉ်ကို ပြုပြင်ပြီး တိရိစ္ဆာန်တွေရဲ့ ဝန်းကျင်မှာ သူတို့ကိုအနှောက်အယှက်မဖြစ်စေဘဲ အာရုံခံ ကိရိယာတွေက တစ်ဆင့် အချက်အလက်တွေ ယူ လေ့လာနိုင်တယ်လို့ဆိုပါတယ်။
Source: Science Alert
မြတ်ဇော် ရှာဖွေတင်ဆက်သည်။
