ဧပြီ ၂၀၊ ၂၀၂၃

M-Media

“ဆီမီးဖိုင်နယ်ကို ထိုက်တန်လို့ ကျွန်တော်တို့ ရောက်လာတာပါ။ အိပ်မက်တွေ အကောင်အထည်ပေါ်လာပါပြီ။ ရေကုန်ရေခမ်း ကစားသွားမှာပါ” 

အင်ဇာဂီ (အင်တာနည်းပြ

“ထူးခြားတဲ့ ဒါဘီပွဲ ဖြစ်လာမှာပါ။ ချန်ပီယံလိဂ် ဆီမီးဖိုင်နယ်မှာ မီလန်ဒါဘီ ကစားရတာ ဘယ်လောက်အဓိပ္ပါယ်ရှိတယ်ဆိုတာ ကျွန်တော်တို့အားလုံးသိပါတယ်။ ကျွန်တော် အရမ်းပျော်တယ်။ အရင်ကအဆင့်အတန်းကို ပြန်ရောက်လာတဲ့ အသင်းကြီးတစ်သင်းကို ကိုယ်စားပြုရတဲ့အတွက်လည်း ဂုဏ်ယူပါတယ်” 

လော်တာရို မာတီနက်ဇ် (အင်တာတိုက်စစ်မှူး)

ပရီးမီးယားလိဂ်အသင်းအားလုံးမှာ ကျွန်တော်တို့ရဲ့ ပွဲစဥ်ဇယားက အဆိုးရွားဆုံးပါ။ ၆ ရက်အတွင်း ၃ ပွဲကစားရမယ်။ ကျေနပ်စရာမဟုတ်ပေမယ့် ကစားရမှာပါပဲ။ ဘယ်လိုပြိုက်ဘက်မျိုးကိုမဆို မက်ဂွိုင်းယားက ကိုင်တွယ်နိုင်ပါတယ်။ သူ့ကို ကွင်းထဲထည့်ရမယ်။ လေ့ကျင့်ကွင်းမှာ သူ့ရဲ့ စွမ်းဆောင်နိုင်မှုတွေကို ကျွန်တော် တွေ့ပြီးသားပါ။ ဘောလုံး ရှိရှိ မရှိရှိ ပြိုင်ဘက်တွေကို သူ ထိန်းထားနိုင်ရမယ်။ ဒါဟာ သူလုပ်ရမယ့် တာ၀န်၊ သူ့ရဲ့ ဂုဏ်သိက္ခာပါပဲ။ 

(အဲရစ်တန် ဟဂ် – မန်ယူနည်းပြ)

ပီအက်စ်ဂျီပရိတ်သတ်တွေက မက်ဆီလိုကစားသမားမျိုးကို ‘၀ူး’ လို့ အော်ဟစ်လှောင်ပြောင်တာ သိပ်ကို ရှက်စရာကောင်းပါတယ်။ အသင်းက ကမ္ဘာ့အကောင်းဆုံးကစားသမားကို ဒီလို မလုပ်ရပါဘူး။ ဒီရာသီမှာ သူဟာ ၁၃ ဂိုးသွင်းပြီး ၁၃ ဂိုး ဖန်တီးပေးထားတယ်။ ကျွန်တော့်သဘောအရဆိုရင်တော့ သူ့ကို ဘာစီလိုနာမှာ ကစားသမားဘ၀ကုန်ဆုံးတာ မြင်ချင်ပါတယ်။ အဲဒီနောက်ပိုင်း သူ့ဟာသူ ဘာလုပ်လုပ်ပေါ့။ ဘာကာအတွက် ပေးဆပ်ခဲ့ပြီး ဒီအတိုင်းထွက်သွားတာမျိုးကို ကျွန်တော် မကြိုက်ဘူး။ ဘောလုံးကို ချစ်တယ်ဆိုရင် ဘာစီလိုနာကို ပြန်သွားသင့်ပါတယ်။ 

-အွန်နရီ

မေ ၂၇၊ ၂၀၂

M-Media

အကောင်းဆုံးနောက်ခံလူကိစ္စ ဖာဒီနန်နှင့် တယ်ရီတို့ အချင်းများ 

-မန်ယူနောက်ခံလူဟောင်း ရီယိုဖာဒီနန်ရဲ့ ပရီးမီးယားလိဂ်သမိုင်းက အကောင်းဆုံး နောက်ခံလူရွေးမှုကို ချယ်ဆီးနောက်ခံလူဟောင်း ဂျွန်တယ်ရီက ၀ေဖန်လိုက်ပါတယ်။ 

နောက်ခံလူ ၅ ယောက်ပါတဲ့ အဲဒီစာရင်းမှာ ဖာဒီနန်က သူ့ကိုယ်သူ နံပါတ် ၁ ထားပြီး၊ တယ်ရီကို နောက်ဆုံးမှာ ထားခဲ့တာပါ။ 

တယ်ရီက ဖာဒီနန်ဟာ အတ္တကြီးတဲ့သူလို့ Twitter စာမျက်နှာမှာ ရေးသားခဲ့ပါတယ်။ Twitter အသုံးပြုသူတစ်ယောက်က ရီယိုဖာဒီနန်ရဲ့ အစ်ကို အန်တန်ဖာဒီနန်ကို ၂၀၁၁ ခုနှစ်မှာ တယ်ရီက လူမျိုးရေးခွဲခြား ပြောဆိုခဲ့တယ်ဆိုတဲ့ကိစ္စကို တိုက်ခိုက်ရေးသားခဲ့ပြီး တယ်ရီက ဒီအတွက် တရားရုံးက အပြစ်မရှိဘူးလို့ ဆုံးဖြတ်ခဲ့ကြောင်း တုန့်ပြန်ပါတယ်။ 

ချယ်ဆီးပရိတ်သတ်တစ်ယောက်ကလည်း ဖာဒီနန်ဟာ တယ်ရီကို ဖိနပ်ကြိုးချည်ပေးဖို့တောင် အဆင့်မရှိဘူးလို့ ရေးသားခဲ့ပါတယ်။ 

မန်ယူကို နောက်ဆုံးအချိန်မှာ ပယ်ချခဲ့တဲ့ မာနေး

-၂၀၁၆ ခုနှစ်က မန်ယူကို နောက်ဆုံးအချိန်ရောက်မှ ပယ်ချကာ လီဗာပူးလ်ကို သွားခဲ့တာလို့ တိုက်စစ်မှူး ဆာဒီယိုမာနေးက ဖွင့်ဟလာပါတယ်။ 

မာနေးဟာ မော်ရင်ဟိုနည်းပြနေတဲ့ မန်ယူဆီက စာချုပ်ရပြီး လက်မှတ်ထိုးတော့မယ့်အချိန်မှာ လီဗာပူးနည်းပြ ကလော့ပ်က ကြားဖြတ်ခေါ်ယူသွားခဲ့တာဖြစ်ပါတယ်။ 

ကလော့ပ် ဒေါ့မွန်မှာတုန်းက ခေါ်မယ်ဆိုပြီး မခေါ်ဖြစ်ခဲ့တဲ့ကိစ္စကို စိတ်ခုခဲ့ပေမယ့် ကလော့ပ်က ပြန်ရှင်းပြခဲ့တဲ့အတွက် ခွင့်လွှတ်ပေးခဲ့ပြီး လီဗာပူးလ်ရဲ့ ကြီးမားတဲ့စီမံကိန်းမှာ ပါ၀င်ဖို့ ဆွယ်တာကြောင့် ပြောင်းဖြစ်ခဲ့တာလို့ မာနေးက ဆိုပါတယ်။ 

“မန်ယူနဲ့ အားလုံး သဘောတူပြီးပြီဗျ။ အားလုံးအဆင်သင့်ပဲ။ ရုတ်တရက် – လီဗာပူးလ်မှာ ပိုအဆင်ပြေမယ်ဆိုတဲ့အတွေး ၀င်လာတယ်။ ကလော့ပ်ကလည်း သူ့စီမံကိန်းတွေကိုပြပြီး ကျွန်တော့်ကိုဆွယ်တယ်။ အဲဒီတုန်းက သူဖုန်းခေါ်တဲ့အချိန်ကို အခုအထိ ကျွန်တော် မှတ်မိပါတယ်”

ချန်ပီယံလိဂ်ဖိုင်နယ်ကွင်းအတွက် စိုးရိမ်မှုရှိနေ

-ချန်ပီယံလိဂ်  နောက်ဆုံးဗိုလ်လုပွဲကစားမယ့် ပြင်သစ်နိုင်ငံ ပဲရစ်မြို့က Stade de France ဘောလုံးကွင်းမှာ မြက်ခင်းကို အလျင်စလို ခင်းခဲ့ရပြီး ကွင်းအခြေအနေအတွက် စိုးရိမ်မှုတွေလည်း ရှိနေပါတယ်။ 

ဗိုလ်လုပွဲကို ရုရှားနိုင်ငံ စိန့်ပီတာစဘတ်ကကွင်းမှာ ကျင်းပဖို့ စီစဥ်ထားပေမယ့် ယူကရိန်းကျူးကျော်စစ်ကြောင့် ဥရောပဘောလုံးအဖွဲ့ချုပ်က ပဲရစ်ကို ပြောင်းလိုက်တာပါ။ 

Stade de France မှာ တနင်္ဂနွေ့နေ့ မနက်ပိုင်းအထိ ရှိုးပွဲကျင်းပခဲ့ပြီး၊ ဘောလုံးပွဲအတွက် မြက်ခင်းကိုလည်း စပိန်ကနေ ထရပ်ကား ၂၀ ကျော်နဲ့မှာယူခဲ့ရကာ ကြာသာပတေးနေ့ နေ့လယ်ပိုင်းကမှ ခင်းပြီးခဲ့ပါတယ်။ အလျင်စလိုခင်းခဲ့တာဖြစ်ပြီး ပုံမှန်ကြာချိန်ထက် ထက်၀က်လောက် မြန်ခဲ့ပါတယ်။ 

ယှဥ်ပြိုင်မယ့် လီဗာပူးလ်နဲ့ ရီးယဲလ်မက်ဒရစ်တို့ဟာ ကွင်းအခြေအနေကို အသားကျဖို့အတွက် သောကြောနေ့ညပိုင်းမှာ အဲဒီကွင်းအတွင်း လေ့ကျင့်ခန်းဆင်းရမှာ ဖြစ်ပါတယ်။