နိုဝင်ဘာ ၁၊ ၂၀၁၉
M-Media
-မတ်လအတွင်း ခရိုက်ချက်မြို့က ဗလီဝတ်ကျောင်းတော် ၂ လုံးမှာ လူဖြူအစွန်းရောက်တစ်ဦးရဲ့ အကြမ်းဖက်တိုက်ခိုက်မှုကို အားပေးတဲ့ ဗီဒီယိုဂိမ်းတစ်ခုကို နယူးဇီလန်အစိုးရက တားမြစ် ပိတ်ပင်လိုက်ပါတယ်။
လူပေါင်း ၅၁ ဦးသေဆုံးခဲ့ပြီး အများအပြားဒဏ်ရာရခဲ့တဲ့ အဲဒီတိုက်ခိုက်မှုကို ကျူးလွန်သူဟာ Facebook မှာ live လွှင်ခဲ့တာပါ။
နယူးဇီလန် ဆင်ဆာအကဲဖြတ်ရေးအဖွဲ့ ဒေးဗစ်ရှန့်က ဒီ live ဗီဒီယိုကို ကျောရိုးယူပြီး ဖန်တီးဖြန့်ချီတဲ့ ဂိမ်းတစ်ခုကို ပိတ်ပင်လိုက်တယ်လို့ ပြောကြားခဲ့ပါတယ်။
“လူဖြူအစွန်းရောက် အကြမ်းဖက်သမားရဲ့ နေရာကနေ ကစားဖို့ ဂိမ်းထုတ်လုပ်သူက ဒီဇိုင်းဆွဲထုတ်ပြီး ရောင်းချတာပါ။ လူဖြူမဟုတ်တဲ့သူတွေ၊ လိင်တူဆက်ဆံသူတွေကို ပစ်မှတ်တွေအဖြစ်လည်း ထည့်သွင်းထားပါတယ်”
နယူးဇီလန် ဆင်ဆာအဖွဲ့ဟာ ခရိုက်ချက်ပစ်ခတ်မှု ကျူးလွန်တဲ့ Live Video နဲ့ သေနတ်သမားရဲ့ ကြေငြာစာတမ်းတွေကို တားမြစ်ပိတ်ပင်ကာ ဆိုရှယ်မီဒီယာအပါအဝင် မီဒီယာဖလက်ဖောင်းအားလုံးပေါ်ကနေ ဖယ်ရှားခဲ့ပါတယ်။
ဂျာမနီနိုင်ငံ Halle မြို့ ဂျူးဘုရားကျောင်းတစ်ခုမှာ အောက်တိုဘာလအစောပိုင်းက ဖြစ်ပွားခဲ့တဲ့ ဂျူးဆန့်ကျင်ရေး အကြမ်းဖက်တိုက်ခိုက်မှု ဗီဒီယိုကိုလည်း နယူးဇီလန်မှာ ပိတ်ပင်ထားပါတယ်။
ရှန့်က တစ်ချို့ဂိမ်းထုတ်လုပ်သူတွေဟာ လူဖြူအစွန်းရောက်သမားတွေကို အသားပေးတဲ့ ဂိမ်းတွေ ထုတ်လုပ်လေ့ရှိတယ်လို့လည်း ထည့်သွင်းပြောဆိုခဲ့ပါတယ်။
Ref: Free Malaysia Today