ဇန်ဝါရီ ၂၁၊ ၂၀၁၈
M-Media
– လာမည့်လတွင် ကျင်းပပြုလုပ်မည့် ဆောင်းရာသီ အိုလံပစ်ပြိုင်ပွဲအတွက် ကျင်းပမည့် နေရာများကို ကြည့်ရှုရန်နှင့် ယဉ်ကျေးမှုဆိုင်ရာအခမ်းအနားများ ပြင်ဆင်ရန်တွက် မြောက်ကိုရီးယား ကိုယ်စားလှယ်အဖွဲ့မှာ ယနေ့တွင် တောင်ကိုရီးယားနိုင်ငံ ဆိုးလ်မြို့သို့ ရောက်ရှိလာခဲ့သည်ဟု သိရသည်။
မြောက်ကိုရီးယား၏ နာမည်ကြီး Moranbong တီးဝိုင်းခေါင်းဆောင် ဟွန်ဆွန်ဝူလ် ခေါင်းဆောင်သည့် ၇ ဦး ကိုယ်စားလှယ်အဖွဲ့မှာ နှစ်နိုင်ငံနယ်စပ်ကို ဘတ်စ်ကားဖြင့် ဖြတ်ကျော်ကာ မီးရထားဖြင့် ဆိုးလ်မြို့သို့ ရောက်ရှိလာခြင်းဖြစ်သည်။
မြောက်ကိုရီးယား အာဏာပိုင်များ တောင်ကိုရီးယားသို့ ယခုကဲ့သို့ လာရောက်မှုမှာ ၄ နှစ်အတွင်း ပထမဆုံးဖြစ်သည်။
ပြီးခဲ့သည့်နှစ် မေလတွင် တောင်ကိုရီးယားသမ္မတ ဖြစ်လာခဲ့သည့် မွန်ဂျယ်အင်က မြောက်ကိုရီးယားနှင့် တွေ့ဆုံဆွေးနွေးမှုများ ပြုလုပ်ရန် ဆန္ဒရှိသည်ဟု ပြောကြားခဲ့ပြီးနောက် ပြီးခဲ့သည့် သီတင်းပတ်များအတွင်း ကိုရီးယားနှစ်နိုင်ငံ ဆက်ဆံရေးမှာ တိုးတက်လာခဲ့သည်။
ဖေဖော်ဝါရီ ၉ ရက်နေ့တွင် တောင်ကိုရီးယားရှိ ပြုံချမ်းမြို့တွင် ကျင်းပပြုလုပ်မည့် ဆောင်းရာသီ အိုလံပစ်ပွဲတော်သို့ အားကစားသမားများနှင့် အနုပညာရှင်များ စေလွှတ်မည်ဟု မြောက်ကိုရီးယားက ပြောကြားထားသည်။
ကိုရီးယားနှစ်နိုင်ငံမှာ အမျိုးသမီး ရေခဲပြင်ဟော်ကီအသင်းကို ပူးပေါင်းဖွဲ့စည်းကာ အိုလံပစ်တွင် ၀င်ရောက်ယှဉ်ပြိုင်မည်ဖြစ်ပြီး၊ ဖွင့်ပွဲနေ့တွင်လည်း အလံတစ်ခုတည်းအောက်၌ နှစ်နိုင်ငံ ပူးတွဲ ချီတက်မည်ဖြစ်သည်။
Ref: CNA
