Tag: north korea

အောက်တိုဘာ ၂၉၊ ၂၀၁၇
M-Media

– မြောက်ကိုရီးယားနိုင်ငံ နျူလက်နက်ပိုင်ဆိုင်သည်ကို အမေရိကန်က မည်သည့်အခါမှ လက်ခံမည်မဟုတ်ဘဲ၊ ပြုံးယမ်အနေဖြင့် နျူလက်နက်ဖြင့် တိုက်ခိုက်လာပါက စစ်ရေးဖြင့် ပြင်းထန်စွာ တုံ့ပြန်မည်ဟု အမေရိကန် ကာကွယ်ရေးဝန်ကြီး ဂျိမ်းစ်မာတစ်က သတိပေးလိုက်သည်။

ဆိုးလ်မြို့၌ တောင်ကိုရီးယား ကာကွယ်ရေးဝန်ကြီး ဆောင်ယွန်းမူနှင့် စနေနေ့က ပြုလုပ်သည့် ပူးတွဲသတင်းစာရှင်းလင်းပွဲတွင် ထိုကဲ့သို့ ပြောကြားခဲ့ခြင်းဖြစ်သည်။ တောင်ကိုရီးယားသို့ ရောက်ရှိနေသည့် မာတစ်မှာ သောကြာနေ့က ၁၉၅၀-၅၃ ခုနှစ် ကျွန်းဆွယ်စစ်ပွဲမှစတင်၍ ကိုရီးယားကို နှစ်ခြမ်းကွဲစေခဲ့သည့် စ
စ်ရပ်စဲရေးဇုန်သို့ သွားရောက်ခဲ့သည်။

“အမှားတော့မလုပ်မိပါစေနဲ့။ အမေရိကန်ပြည်ထောင်စု ဒါမှမဟုတ် ကျွန်တော်တို့ရဲ့ မဟာမိတ်တွေကို ဘယ်လို တိုက်ခိုက်မှုတွေပဲလုပ်လုပ် ပြန်လည် ချေမှုန်းသွားမှာပါ။ ဘယ်နျူကလီးယားလက်နက်ကိုမဆို အသုံးပြုတာနဲ့ စစ်ရေးအရ ပြင်းပြင်းထန်ထန်တုန့်ပြန်မှုနဲ့ ရင်ဆိုင်ရပါလိမ့်မယ်” ဟု မာတစ်က ဆိုသည်။

ထို့ပြင် မြောက်ကိုရီးယားအား နျူလက်နက်ပိုင်ဆိုင်သည့် နိုင်ငံတစ်နိုင်ငံအဖြစ် အမေရိကန်က မည်သည့်အခြေအနေမျိုးတွင်မှ လက်ခံသွားမည်မဟုတ်ဘဲ တောင်ကိုရီးယားနှင့် အမေရိကန်တို့၏ ပူးပေါင်းကြိုးပမ်းမှုမှာ ခြိမ်းခြောက်မှုများကို တားဆီးရန်နှင့် လိုအပ်ပါက စစ်ရေးနည်းလမ်းများဖြင့် တုန့်ပြန်သွားရန် ဖြစ်သည်ဟုလည်း မာတစ်က ထည့်သွင်းပြောကြားခဲ့သည်။

မြောက်ကိုရီးယားသတင်းစာ Sinmun က အမေရိကန်နှင့် တောင်ကိုရီးယားတို့မှာ ‘ထိပ်တိုက်တွေ့ဆုံရေး အနေအထားကို ရူးနှမ်းစွာ ဖန်တီးနေကြသည်’ ဟု စနေနေ့တွင် ရေးသားခဲ့သည်။

Ref : Aljazeera

အောက်တိုဘာ ၂၈၊ ၂၀၁၇
M-Media

– ပြုံးယမ်နှင့်ပက်သက်၍ ၀ါရှင်တန်၏ ရည်ရွယ်ချက်မှာ စစ်ရေးတင်းမာမှုများ လျှော့ချရန်သာဖြစ်ပြီး စစ်ပွဲဆင်နွှဲရန် မဟုတ်ကြောင်း အမေရိကန် ကာကွယ်ရေးဝန်ကြီး ဂျင် မာတစ်က သောကြာနေ့တွင် ပြောကြားလိုက်ပြီး ကိုရီးယားနှစ်နိုင်ငံကြား ကြီးမားသောတံတိုင်းကြီးအဖြစ်သာ ရပ်တည်သွားမည်ဟု ဆိုသည်။

အမေရိကန်သမ္မတဒေါ်နယ်ထရမ့်နှင့် မြောက်ကိုရီးယားခေါင်းဆောင် ကင်မ်ဂျုံအမ်တို့အကြား စစ်ရေးခြိမ်းခြောက်မှုများ၊ ပုဂ္ဂိုလ်ရေးစော်ကားမှုများ ဖြစ်ပေါ်ခဲ့ပြီးနောက်ပိုင်း နှစ်နိုင်ငံကြား တင်းမာမှုများ မြင့်တက်လာခဲ့သည်။

တောင်ကိုရီးယားသို့ ရောက်ရှိစဉ် နှစ်နိုင်ငံ စစ်ရပ်စဲရေးဇုန်သို့ သွားရောက်ခဲ့သည့် အမေရိကန် ကာကွယ်ရေးဝန်ကြီး မာတစ်က အမေရိကန်အနေဖြင့် သံတမန်ရေးနည်းလမ်းကိုသာ လိုလားသည်ဟု ပြောကြားခဲ့သည်။

“နိုင်ငံခြားရေးဝန်ကြီး တီလာဆန် ပြောသွားသလိုပါပဲ။ ကျွန်တော်တို့ ရည်ရွယ်ချက်က စစ်ပွဲဆိုတာထက် ကိုရီးယားကျွန်းဆွယ်မှာ နျူကလီးယားလက်နက် ကင်းစင်ရေးသာ ဖြစ်ပါတယ်”

မိမိနှင့် မြောက်ကိုရီးယားကာကွယ်ရေးဝန်ကြီး စောင်ယွန်မူးတို့မှာ မြောက်ကိုရီးယားနိုင်ငံ၏ တရားလက်လွတ် ပြုမူကျင့်ကြံမှုကို သံတမန်မနည်းလမ်းဖြင့်သာ ဖြေရှင်းရေး အပြန်အလှန်ကတိက၀တ်ထားရှိမှုအကြောင်း ရှင်းရှင်းလင်းလင်းပြောကြားခဲ့သည်ဟု မာတစ်ကဆိုသည်။

အမေရိကန်အနေဖြင့် စစ်ပွဲကို အလျင်စလို ပြုလုပ်သွားမည်မဟုတ်ဘဲ၊ ငြိမ်းချမ်းရေးကိုရှေ့ရှုသည့် အဖြေတစ်ခု ရှာဖွေနေသည်ဟု မာတစ်က ပြောဆိုခဲ့ပြီး တစ်ရက်အကြာတွင် ယခုမှတ်ချက် ထပ်မံ ပေါ်ထွက်လာခြင်းဖြစ်သည်။

Ref : CNA

အောက်တိုဘာ ၂၁၊ ၂၀၁၇
M-Media

– ကင်ဂျုံအန်မှာ အမေရိကန်ရှိ ပစ်မှတ်များကို ပစ်ခတ်နိုင်သော နျူဒုံးကျည် ပိုင်ဆိုင်နိုင်မည့် အနေအထားတွင် ရှိနေပြီး ထိုကိစ္စကို တားဆီးရေး ဆောင်ရွက်ရမည်ဟု CIA အကြီးအကဲ မိုက် ပွမ်ပီယိုက သတိပေးလိုက်သည်။

ဒီမိုကရေစီ ကာကွယ်ရေး ဖက်ဒရေးရှင်း (FDD) က စီစဉ်သော ၀ါရှင်တန် ပေါ်လစီဖိုရမ်တွင် ကြာသာပတေးနေ့က သတိပေးလိုက်ခြင်းဖြစ်ပြီး အချိန်မရွေးကျရောက်လာနိုင်သည့် နျူကလီးယားအန္တရာယ်ကို ကာကွယ်ရန် သမ္မတဒေါ်နယ်ထရမ့်က ဆုံးဖြတ်ထားပြီးဖြစ်သည်ဟုလည်း ၎င်းက ဆိုသည်။

ထရမ့်အနေဖြင့် အရေးယူပိတ်ဆို့မှုနှင့် သံတမန်နည်းလမ်းများကို အသုံးပြု၍ ကင်ဂျုံအန်အား စားပွဲဝိုင်းသို့ ခေါ်ဆောင်ရန် ပိုလိုလားသည်ဟု ပွမ်ပီယိုနှင့် အမျိုးသားလုံခြုံရေးအကြံပေး အိခ်ျအာရ် မက်ခ်မာစတာတို့က ထိုဖိုရိမ်တွင် ထည့်သွင်း ပြောဆိုခဲ့သည်။

သို့သော်လည်း မြောက်ကိုရီးယားက တာဝေးပစ် နျူဒုံးကျည် ပိုင်ဆိုင်မှုကို တားဆီးရန် စစ်အင်အား အသုံးပြုခြင်းမှာလည်း ရွေးချယ်စရာတစ်ခုအဖြစ် ရှိနေသည်ဟု ၎င်းတို့နှစ်ဦးစလုံးက သတိပေးခဲ့သည်။

မြောက်ကိုရီးယား၏ နျူစီမံကိန်းကို အမေရိကန်ထောက်လှမ်းရေးက အနီးကပ်စောင့်ကြည့်ခဲ့ပြီး ၎င်းတို့၏ ဒုံးကျည်စွမ်းဆောင်ရည်မှာ အလျင်အမြန် တိုးတက်လာကာ အောင်မြင်မည့်အလားအလာ ရှိနေပြီဟုလည်း ပွမ်ပီယိုက ထည့်သွင်း ပြောကြားခဲ့သည်။

အမေရိကန်အနေဖြင့် ရန်လိုသည့်ရပ်တည်ချက်ကို မရုပ်သိမ်းပါက မိမိတို့၏ နျူကလီးယား လက်နက်နှင့် တိုက်ချင်းပစ်ဒုံးကျည်အစီအစဉ်ကို စာပွဲဝိုင်းသို့ ယူဆောင်လာမည်မဟုတ်ဟု ကုလဆိုင်ရာ မြောက်ကိုရီးယား ဒုတိယ သံအမတ်က ယခုသီတင်းပတ်အစောပိုင်းတွင် ပြောကြားခဲ့သည်။

မြောက်ကိုရီးယားအစိုးရမှာ အမေရိကန်ပြည်မရှိ မြို့ကြီးများ၊ ပစိဖိတ်ရှိ အမေရိကန် အခြေစိုက်စခန်းများကို ပစ်ခတ်နိုင်သည့် တိုက်ချင်းပစ်ဒုံးကျည်များ ထုတ်လုပ်ရန် ကြိုးစားမှုများကို လျှို့ဝှက်မထားဘဲ ပုံမှန် စမ်းသပ်မှုများကို ပြုလုပ်ပြနေသည်။

Ref : CNA

အောက်တိုဘာ ၁၇၊ ၂၀၁၇
M-Media

– ကိုရီးယားကျွန်းဆွယ်ကိစ္စမှာ အထိမခံသည့်အခြေအနေကို ရောက်ရှိလာပြီး အချိန်မရွေး နျူစစ်ပွဲ ဖြစ်ပွားနိုင်သည်ဟု ကုလဆိုင်ရာ မြောက်ကိုရီးယား ဒုတိယသံအမတ်က သတိပေး ပြောကြားလိုက်သည်။

မနေ့က ကုအထွေထွေညီလာခံ၏ လက်နက်ဖျက်သိမ်းရေး ကော်မတီတွင် သံအမတ် ကင်အင်ယွန်က ထိုကဲ့သို့ သတိပေးခြင်းဖြစ်ပြီး ၁၉၇၀ ပြည့်နှစ်မှစ၍ မြောက်ကိုရီးယားမှာ အမေရိကန်၏ နျူခြိမ်းခြောက်မှုကို ခံနေရသည့် တစ်ခုတည်းသော နိုင်ငံဖြစ်ကြောင်း၊ မိမိကိုယ်ကို ကာကွယ်ရေးအတွက် မြောက်ကိုရီးယားမှာ နျူ
လက်နက်များကို ပိုင်ဆိုင်ခွင့်ရှိကြောင်း ထည့်သွင်းပြောဆိုခဲ့သည်။

မြောက်ကိုရီးယားမှာ နျူလက်နက် အပြည့်အ၀ပိုင်ဆိုင်သည့် နိုင်ငံတစ်ခု ဖြစ်လာခဲ့ပြီး နျူဗုံး၊ ဟိုက်ရိုဂျင်ဗုံးနှင့် တိုက်ချင်းပစ် ဒုံးကျည်များအပါအ၀င် နေရာစုံကို ပစ်ခတ်နိုင်သည့် စွမ်းရည်များလည်း ရှိနေပြီဟု သံအမတ်က ဆိုသည်။

“အမေရိကန်ပြည်မကြီးတစ်ခုလုံးဟာ ကျွန်တော်တို့ရဲ့ ပစ်ခတ်နိုင်စွမ်းအတွင်းမှာ ရှိပါတယ်။ တကယ်လို့ ကျွန်တော်တို့အချုပ်အခြာကို တစ်လမလောက် အမေရိကန်က ကျူးကျော်ပြီဆိုတာနဲ့ ကမ္ဘာ့ဘယ်နေရာမှာပဲ ရှိနေနေ အမေရိကန်ဟာ ကျွန်တော်တို့ရဲ့ ပြင်းထန်တဲ့ အပြစ်ပေးမှုကနေ လွတ်မှာမဟုတ်ပါဘူး”

ထရမ့်နှင့် ကင်ဂျုံအန်တို့အကြား ပြီးခဲ့သည့်သတင်းပတ်များအတွင်း စကားစစ်ထိုးပွဲများ ဖြစ်ခဲ့သော်လည်း အမေရိကန် နိုင်ငံခြားရေးဝန်ကြီး ရက်စ်တီလာဆန်က ပထမဆုံး ဗုံးမကြဲခင်အထိ သံခင်းတမန်ခင်းလမ်းကြောင်းကို ဖွင့်လှစ်ပေးထားသည်ဟု တနင်္ဂနွေနေ့တွင် ပြောကြားခဲ့သည်။

ကင်အင်ယွန်က မိမိတို့အနေဖြင့် နျူကင်းစင်ကမ္ဘာဖြစ်ရန် မျှော်လင့်သော်လည်း မိမိတို့၏ နျူစွမ်းအားကို မည်သည့်အခါမှ အဆုံးရှုံးခံမည်မဟုတ်ဟု ထပ်လောင်း ပြောကြားခဲ့သည်။ ထို့ပြင် မြောက်ကိုရီးယားအပေါ် အမေရိကန်က စစ်ရေးဖြင့် အရေးယူလျှင် အခြေားနိုင်ငံများ မပါဝင်ရန်နှင့် သို့မှသာ မြောက်ကိုရီးယား၏ လက်တုန့်ပြန်ခြင်းမှ ကင်းလွတ်ခွင့်ရမည်ဟု ၎င်းက ထည့်သွင်း သတိပေးခဲ့သည်။

Ref: Aljazeera