Tag: north korea

စက်တင်ဘာ ၂၆၊ ၂၀၁၇
M-Media

– သမ္မတထရမ့်က မိမိတို့အား စစ်ကြေငြာသည်ဟု မြောက်ကိုရီးယား၏ ပြောကြားမှုကို အမေရိကန်က ငြင်းဆိုလိုက်ပြီး ယုတ္တိကင်းသော ပြောဆိုချက်သာဖြစ်သည်ဟု ပြောကြားလိုက်သည်။

တနင်္ဂနွေနေ့က Twitter စာမျက်နှာတွင် ထရမ့်လွှင်တင်ခဲ့သော မှတ်ချက်တစ်ခုမှာ မိမိတို့အား စစ်ကြေငြာခြင်းဖြစ်ကြောင်း၊ မိမိတို့အနေဖြင့် တုန့်ပြန်သွားမည်ဖြစ်ကြောင်း၊ မြောက်ကိုရီးယား နိုင်ငံခြားရေးဝန်ကြီးက ယမန်နေ့တွင် ပြောကြားခဲ့သောကြောင့် ဒေသအတွင်း စိုးရိမ်စိတ်များလည်း မြင့်တက်လာခဲ့သည်။

တောင်ကိုရီးယား ထောက်လှမ်းရေးအဖွဲ့ (NIS) က မြောက်ကိုရီးယားမှာ စစ်လေယာဉ်များကို အရှေ့ဖက် ကမ်းရိုးတန်းတွင် ချထားပြီး ကမ်းရိုးတန်းခံစစ်ကို တိုးမြှင့်နေသည်ဟု ပြောကြားထားကာ၊ ဒေသတွင်း ခေါင်းဆောင်များကလည်း ကိုရီးယားကျွန်းဆွယ်တွင် စစ်ပွဲ ဖြစ်ပွားပါက ဆိုးရွားသည့် နောက်ဆက်တွဲရလဒ်များ ဖြစ်ပေါ်လာမည်ဟု ယနေ့တွင် သတိပေးခဲ့သည်။

အိမ်ဖြူတော် တာဝန်ရှိသူများက မြောက်ကိုရီးယားနိုင်ငံခြားရေးဝန်ကြီး၏ ပြောကြားမှုကို ယမန်နေ့ ညပိုင်းတွင် ငြင်းဆိုခဲ့သည်။

“ကျွန်မတို့ မြောက်ကိုရီးယားကို စစ်မကြေငြာပါဘူး။ ဒီပြောဆိုချက်ဟာ ယုတ္တိလည်း မရှိပါဘူး” ဟု အိမ်ဖြူတော် ပြောရေးဆိုခွင့်ရှိသူ ဆာရာ ဟက်ကာဘီ ဆန်းဒါးစ်က ပြောကြားခဲ့သည်။

အမေရိကန်မှာ ကိုရီးယားကျွန်းဆွယ်ပေါ်တွင် စနေနေ့က ဗုံးကြံလေယာဉ်များ ပျံသန်းကာ စစ်အင်အား ပြသခဲ့သည်။

ပြီးခဲ့သည့် သီတင်းပတ်အတွင်း အမေရိကန်နှင့် မြောက်ကိုရီးယားတို့မှာ အပြန်အလှန် ခြိမ်းခြောက်ပြောဆိုမှုများ ပြုလုပ်ခဲ့ပြီး ကိုရီးယားကျွန်းဆွယ် တင်းမာမှုမှာ အမြင့်ဆုံးသို့ ရောက်ရှိလာခဲ့သည်။

Ref: Aljazeera

စက်တင်ဘာ ၂၅၊ ၂၀၁၇
M-Media

– အမေရိကန်သမ္မတ ဒေါ်နယ်ထရမ့်မှာ မိမိတို့နိုင်ငံအား စစ်ကြေငြာလိုက်ပြီး မိမိတို့လေပိုင်နက်ထဲ ၀င်ရောက်ခြင်း မရှိလျှင်ပင် အမေရိကန် ဗုံးကြဲလေယာဉ်များအား ပစ်ချမှုအပါအ၀င် တန်ပြန်ဆောင်ရွက်ခွင့် ရှိနေပြီဟု မြောက်ကိုရီးယားနိုင်ငံခြားရေးဝန်ကြီး ရီယွန်ဟိုက ပြောကြားလိုက်သည်။

မြောက်ကိုရီးယား နိုင်ငံခြားရေးဝန်ကြီး၏ စနေနေ့ ကုလမိန့်ခွန်းကို ရည်ညွှန်း၍ ထရမ့်က ယမန်နေ့တွင် Twitter စာမျက်နှာ၌ “ကုလမှာ မြောက်ကိုရီးယား နိုင်ငံခြားရေးဝန်ကြီး ပြောတာကို ကြားလိုက်တယ်။ ဒါဟာ ဒုံးကျည်လူသားလေးရဲ့ အာဘော် ဖြစ်မယ်ဆိုရင်တော့ သူတို့ သိပ်ပြီး ကြာကြာခံတော့မှာမဟုတ်ပါဘူး” ဟု ရေးသားခဲ့သည်။

ရီက ထိုရေးသားမှုမှာ မိမိတို့နိုင်ငံအား စစ်ကြေငြာခြင်းဖြစ်သည်ဟု နယူးယောက်ရှိ သတင်းထောက်များကို ယနေ့တွင် ပြောကြားခဲ့သည်။

“ကျွန်တော်တို့တိုင်းပြည်ကို အမေရိကန်က ပထမဆုံး စစ်ကြေငြာလိုက်တယ်ဆိုတာ တစ်ကမ္ဘာလုံးက ရှင်းရှင်းလင်းလင်း သိထားဖို့ လိုပါတယ်။ အမေရိကန်က ဒီလို စစ်ကြေငြာလိုက်တာကြောင့် တန်ပြန်တုန့်ပြန်ရမယ့် အခွင့်အရေးအားလုံး ကျွန်တော်တို့မှာ ရှိနေပါတယ်။ ကျွန်တော်တိုင်းပြည်ရဲ့ လေပိုင်နက်ထဲကို ၀င်မလာရင်တောင် အမေရိကန်ရဲ့ မဟာဗျူဟာ ဗုံးကြဲလေယာဉ်တွေကို ပစ်ချခွင့်ပါ ဒီအထဲမှာ ပါဝင်ပါတယ်”

အင်္ဂါနေ့ ထရမ့်၏ မိန့်ခွန်းတွင် မြောက်ကိုရီးယားခေါင်းဆောင် ကင်ဂျုံအန်ကို ‘ဒုံးကျည်လူသား’ ဟု ပြောင်လှောင် ခေါ်ဝေါ်ခဲ့ကာ မြောက်ကိုရီးယားကို လုံးဝ ဖျက်ဆီးပစ်မည်ဟု ပြောကြားခဲ့သည်။

စနေနေ့က မြောက်ကိုရီးယား နိုင်ငံခြားရေးဝန်ကြီး၏ ပြောကြားမှုတွင် ထရမ့်ကို ‘မစ္စတာ မကောင်းဆိုးဝါး သမ္မတ’ ဟု ပြင်တင်ရှုတ်ချခဲ့ပြီး အမေရိကန်အား ခြိမ်းခြောက်မှုများလည်း ပြုလုပ်ခဲ့သည်။

Ref: Aljazeera

စက်တင်ဘာ ၁၈၊ ၂၀၁၇
M-Media

– လက်ရှိ နမော်နမဲ့ လုပ်ရပ်များကို ဆက်လက်လုပ်ဆောင်နေပါက မြောက်ကိုရီးယားကို ဖျက်ဆီးပစ်မည်ဟု ကုလဆိုင်ရာ အမေရိကန်သံအမတ် နစ်ကီဟာလေးက ခြိမ်းခြောက်ပြောဆိုလိုက်သည်။

ယမန်နေ့ ကုလလုံခြုံရေးကောင်စီ အစည်းအဝေးတွင် ထိုကဲ့သို့ ပြောကြားလိုက်ဖြစ်ပြီး မြောက်ကိုရီးယား၏ နျူအစီအစဉ်ကို ရပ်တန့်ရေး ရွေးချယ်စရာ မရှိတော့ဘဲ စစ်ရေးဖက်သို့ လှည့်ရမည်ဟု ဆိုသည်။

“ကျွန်မတို့မှာရှိတဲ့ ဖြစ်နိုင်ချေတွေကို ကြိုးစားနေပါတယ်။ ဒါပေမယ့် စစ်ရေးနည်းလမ်းအားလုံးကို ထည့်သွင်းထားပါတယ်” ဟု ဟာလေးက ပြောကြားခဲ့သည်။

မြောက်ကိုရီးယား အမျိုးသားလုံခြုံရေးအကြံပေး မခ် မာစတာကလည်း ကင်ဂျုံအန်အနေဖြင့် နျူလက်နက်ကို စွန့်လွှတ်ရမည်ဖြစ်ပြီး သမ္မတက မိမိတို့အနေဖြင့် ဆက်လက်၍ သည်းခံသွားတော့မည်မဟုတ်ဟု ပြောကြားထားကြောင်း သတိပေးထားသည်။

မြောက်ကိုရီးယားမှာ ပြီးခဲ့သည်တစ်ပတ်က ဂျပန်ပိုင် ဟိုကိုင်းဒိုးကျွန်းကိုကျော်၍ ပစိဖိသမုဒ္ဒရာထဲသို့ ဒုံးကျည် ပစ်လွှတ်ခဲ့ပြီး ထိုလုပ်ရပ်ကို လက်တုန့်ပြန်သည့်အနေဖြင့် အမေရိကန်နှင့် တောင်ကိုရီးယားတို့မှာ ကိုရီးယားကျွန်းဆွယ်ပေါ်၌ ဗုံးကြဲစစ်ရေးလေ့ကျင်မှုကို ယနေ့တွင် ပြုလုပ်နေသည်။

Ref: Aljazeera