ဧပြီ ၁၁၊ ၂၀၁၅
M-Media
– လက်ရှိဖြစ်ပွားနေသာ ယီမင်ပြဿနာတွင် ပါကစ္စတန်နိုင်ငံအနေဖြင် ကြားနေသွားမည့် မူဝါဒကို အတည်ဖြစ်စေသော ဆုံးဖြတ်ချက်တစ်ခုကို ပါလီမန်က ယမန်နေ့တွင် တစ်ညီတစ်ညွတ်တည်း အတည်ပြုခဲ့ပြီး ထိုသို့ အတည်ပြုခဲ့ခြင်းက ဆော်ဒီခေါင်းဆောင်သည့် မဟာမိတ်များ ယီမင်ရှိ ဟူသီသူပုန်များကို တိုက်ခိုက်မှုတွင် ပါကစ္စတန်က ပါဝင်မည်မဟုတ်ဟု ဖော်ပြလိုက်ခြင်းလည်း ဖြစ်သည်။
ပါကစ္စတန်ပါလီမန်မှာ ထိုကိစ္စနှင့်ပတ်သက်၍ တစ်ပတ်လုံး အကြိတ်အနယ် ဆွေးနွေးခဲ့ပြီးနောက် ဘဏ္ဍာရေးဝန်ကြီး အစ္စဟက် ဒါရ် တင်သွင်းသည့် အဆိုပါမူကြမ်းကို ယမန်နေ့က တစ်ညီတစ်ညွှတ်တည်း အတည်ပြုခဲ့ခြင်း ဖြစ်သည်။ အဆိုပါဆုံးဖြတ်ချက်တွင် ပါကစ္စတန်မှာ ယီမင်ပြဿနာ၌ ကြားနေရမည်ဟူသည့် ဆန္ဒကို ဖော်ပြထားပြီး ဆော်ဒီ၏ တိုက်ခိုက်မှုများကိုလည်း လုံးဝ ကူညီသွားမည်မဟုတ်ဟု အသေအချာ ဖော်ပြထားသည်။
သို့သော်လည်း ပါလီမန်အမတ်များမှာ ဆော်ဒီနိုင်ငံ၏ပိုင်နက် တည်တံ့ခိုင်မြဲမှုကို ချိုးဖောက်မှုများ ရှိလာပါက သို့မဟုတ်
မွတ်စလင်တို့ အထွဋ်အမြတ်ထားသော မက္ကာနှင့် မဒီနာမြို့တို့အား ခြိမ်းခြောက်မှုများ ရှိလာပါက ဆော်ဒီနိုင်ငံနှင့် အတူတကွ ရပ်တည်ရင်ဆိုင်သွားမည်ဟု သဘောတူညီခဲ့ကြသည်။
ယီမင်ပြဿနာဖြစ်လာပြီးနောက် ဆောက်ဒီက ပါကစ္စတန်အား ၎င်းတို့၏ တိုက်ခိုက်မှုများတွင် ပါဝင်ရန် တိုက်တွန်းခဲ့ပြီး ပါကစ္စတန်ခေါင်းဆောင်များကမူ ပြီးခဲ့သည့် နှစ်ပတ်အတွင်း ဆော်ဒီအကြီးတန်းအရာရှိများနှင့် တွေ့ဆုံ ဆွေးနွေးခဲ့ကြကာ စစ်ဘက်ခေါင်းဆောင်များကလည်း အီရန်၊ အီဂျစ်တို့နှင့် ဆွေးနွေးခဲ့ကြသည်။
ပါကစ္စတန်သမ္မတ နာဝဇ်ရှရစ်ဖ်မှာ ယီမင်ပြဿနာနှင့်ပတ်သက်၍ တူရကီခေါင်းဆောင်များနှင့် ဆွေးနွေးခဲ့ကြပြီး အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်ကလည်း ပါကစ္စတန်သို့ ၂ ရက်ကြာ လာရောက်လည်ပတ်ခဲ့ကာ ထိုကိစ္စများနှင့် ပတ်သက်၍ ပါကစ္စတန်ခေါင်းဆောင်များနှင့် တွေ့ဆုံဆွေးနွေးခဲ့သည်။
ယီမင်ပြဿနာတွင် ပါကစ္စတန်မှာ မဟာမိတ်တူရကီနှင့်အတူ ကြားဝင်ညှိနှိုင်းပေးမည့်နိုင်ငံအဖြစ် ၎င်းတို့ကိုယ်ကို သတ်မှတ်ထားပြီး ပဋိပက္ခအဆုံးသတ်ရေး ဆွေးနွေးညှိနှိုင်းမှုများ ပြုလုပ်ရာတွင် တက်ကြွသည့်အခန်းကဏ္ဍမှ ပါဝင်ရန် ကုလနှင့် OIC တို့ကိုလည်း တိုက်တွန်းပြောဆိုခဲ့သည်။
Ref: Aljazeera
