Tag: Palestine

မေ ၂၈၊ ၂၀၁၇
M-Media

– အကျဉ်းထောင်အခြေအနေ တိုးတက်ရေးနှင့်ပတ်သက်၍ အစ္စရေးအာဏာပိုင်များနှင့် သဘောတူညီချက် ရရှိခဲ့ပြီးနောက် အစ္စရေးအကျဉ်းထောင်အတွင်းရှိ ပါလက်စတိုင်းအကျဉ်းသားများမှာ ယမန်နေ့က အစာငတ်ခံ ဆန္ဒပြမှုကို အဆုံးသတ်လိုက်သည်ဟု သိရသည်။

နှိပ်စက်ခံရခြင်း၊ မိသားစုနှင့်တွေ့ခွင့်မရခြင်း၊ ကျန်းမာရေးစောင့်ရှောက်မှု ညံ့ဖျင်းခြင်း၊ တရားစွဲ၍မရသော်လည်း ဆက်လက်ဖမ်းဆီးထားခြင်း စသည့် အကြောင်းအရင်းများကြောင့် အစ္စရေးအကျဉ်းထောင်အတွင်းရှိ ပါလက်စတိုင်းအကျဉ်းသား ၁၅၀၀ ကျော်မှာ ဧပြီလ ၁၇ ရက်နေ့မှစ၍ အစာငတ်ခံ ဆန္ဒပြခဲ့ကြသည်။

အဆိုပါ ဆန္ဒပြမှုကို ထောက်ခံသည့်အနေဖြင့် အစ္စရေးက သိမ်းပိုက်ထားသော ပါလက်စတိုင်းနယ်မြေများမှ ပါလက်စတိုင်း ပြည်သူများမှာ ချီတက်ဆန္ဒပြမှုများ ပြုလုပ်ခဲ့ပြီး အစ္စရေးလုံခြုံရေးတပ်ဖွဲ့ဝင်များနှင့် ထိပ်တိုက်တွေ့ဆုံခဲ့သည်။

နိုင်ငံတကာ ကြက်ခြေနီအဖွဲ့၊ ပါလက်စတိုင်းအာဏာပိုင်အဖွဲ့က အကျဉ်းသားတစ်ယောက်အတွက် တစ်လလျှင် လာရောက်တွေ့ဆုံသူနှစ်ဦး ခွင့်ပြုပေးရန် အပါအ၀င် အစ္စရေးနှင့် သဘောတူညီချက် ရရှိပြီးနောက်ပိုင်း ပါလက်စတိုင်းအကျဉ်းသား ၈၀၀ ကျော်မှာ ယမန်နေ့က အစာငတ်ခံ ဆန္ဒပြမှုကို အဆုံးသတ်ခဲ့သည်။ သဘောတူညီချက် အသေးစိတ်ကိုမူ ထုတ်ပြန်ခြင်း မရှိသေးပေ။

ဗုဒ္ဓဟူးန့က ကုလ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ်-ဟူစိန်ကလည်း ဖမ်းဆီးထားသော ပါလက်စတိုင်းများ၏ နေထိုင်မှုအခြေအနေ တိုးတက်စေရေး ဆောင်ရွက်ပေးရန် အစ္စရေးကို တိုက်တွန်းခဲ့သည်။

အစ္စရေးအကျဉ်းထောင်များတွင် လက်ရှိ ပါလက်စတိုင်းအကျဉ်းသားအရေအတွက်မှာ ၆၅၀၀ ကျော် ရှိနေပြီး မည်သည့်အပြစ်မှ မရှိသောကြောင့် တရားစွဲမှု ပြုလုပ်၍မရသော်လည်း လွှတ်မပေးသည့် အကျဉ်းသားများစွာလည်း ပါဝင်သည်။

Ref: Aljazeera

မေ ၁၅၊ ၂၀၁၇
M-Media

– ပါလက်စတိုင်း-အစ္စရေး ပြဿနာတွင် နှစ်နိုင်ငံတည်ရှိရေးသည်သာ တစ်ခုတည်းသောအဖြေ ဖြစ်သည်ဆိုသည့် သဘောထားကို ဂျော်ဒန်၊ ပါလက်စတိုင်းနှင့် အီဂျစ်တို့က ထပ်မံ ထုတ်ဖော် ပြောကြားလိုက်ပြီး ထိုရည်မှန်းချက် အောင်မြင်ရေး အမေရိကန်အစိုးရနှင့် ပူးပေါင်းဆောင်ရွက်ရန် စိတ်ဆန္ဒရှိသည်ဟုလည်း ဆိုသည်။

ဂျော်ဒန်နိုင်ငံခြားရေးဝန်ကြီး အေမန် ဆာဖာဒီက အီဂျစ်နိုင်ငံခြားရေးဝန်ကြီး ဆာမဟ် ရှူကရီ၊ ပါလက်စတိုင်း လွတ်မြောက်ရေးအဖွဲ့၏ အမှုဆောင်ကော်မတီမှ အတွင်းရေးမှူးနှင့် ညှိနှိုင်းဆွေးနွေးမှုအဖွဲ့ခေါင်းဆောင် ဆအစ်ဘ် အီရီကတ်တို့နှင့် ယမန်နေ့က ဂျော်ဒန်မြို့တော် အမ်နန်၌ တွေ့ဆုံစဉ် ထိုကဲ့သို့ ပြောကြားခဲ့ခြင်းဖြစ်သည်။

၎င်းတို့ ၃ ဦးမှာ ငြိမ်းချမ်းရေးလုပ်ငန်းစဉ်နှင့် ပတ်သက်၍ ရှေ့ဆက် ခြေလှမ်းများလှမ်းရန် ဆွေးနွေးခဲ့ကြသည်။

ဆွေးနွေးပွဲအပြီး ပူးတွဲထုတ်ပြန်သော ကြေငြာချက်တွင် ဂျော်ဒန် နိုင်ငံခြားရေးဝန်ကြီးက ငြိမ်ချမ်းရေးကို မဟာဗျူဟာမြောက် ရွေးချယ်မှုတစ်ခုအဖြစ် ၃ နိုင်ငံစလုံးက သဘောထားပြီး၊ မကြာသေးမီက ဂျော်ဒန်နိုင်ငံတွင် ကျင်းပခဲ့သည့် ၂၈ ကြိမ်မြောက် အာရပ် ထိပ်သီးအစည်းဝေးတွင် ‘အာရပ်ငြိမ်းချမ်းရေး အစီအစဉ်’ကို အာရပ်နိုင်ငံများအားလုံးက ပြန်လည်အတည်ပြု လက်ခံခဲ့သည်ဟု ပြောကြားခဲ့သည်။

အမေရိကန်သမ္မတ ဒေါ်နယ်ထရမ့်မှာ အမေရိကန်က အချိန်ကာလအတော်ကြာ ရပ်တည်ခဲ့သည့် နှစ်နိုင်ငံ ငြိမ်းချမ်းစွာ အတူယှဉ်တွဲတည်ရှိရေးအဖြေမှ လမ်းကြောင်းပြောင်းရန် ပြောကြားမှုများ ရှိလာခဲ့ပြီး၊ အမေရိကန်သံရုံးကိုလည်း နိုင်ငံတကာအသိုင်းအ၀ိုင်းက အနာဂတ် ပါလက်စတိုင်းနိုင်ငံ၏ မြို့တော်အဖြစ် သတ်မှတ်ထားသည့် အရှေ့ဂျေရုစလင်သို့ ပြောင်းရွှေ့ရန် ဆောင်ရွက်လာခဲ့သောကြောင့် ပါလက်စတိုင်း ပြဿနာအတွက် စိုးရိမ်မှုများ မြင့်တက်လာခဲ့သည်။

Ref: Alarabiya

မေ ၁၄၊ ၂၀၁၇
M-Media

– အစ္စရေးအကျဉ်းထောင်တွင် အစာငတ်ခံ ဆန္ဒပြနေသည့် ပါလက်စတိုင်း အကျဉ်းသားခေါင်းဆောင်အား လှောင်ပြောင်သရော်သည့် ကြော်ငြာအတွက် Pizza Hut က တောင်းပန်လိုက်ပြီး၊ တာဝန်ရှိသည့် ကြော်ငြာလုပ်ငန်းနှင့်လည်း လမ်းခွဲခဲ့သည်။

အစာငတ်ခံ ဆန္ဒပြနေသည့် ပါလက်စတိုင်းအကျဉ်းသားများမှ ခေါင်းဆောင် မာရ်ဝမ် ဘာဂူတီမှာ ၎င်း၏ အကျဉ်းခန်းတွင် မုန့်ခိုးစားနေသည်ဆိုသည့် ဓာတ်ပုံတစ်ပုံကို အစ္စရေး အကျဉ်းဌာနက ယခုသီတင်းပတ် အစောပိုင်းတွင် ထုတ်ပြန်ခဲ့ပြီးနောက်ပိုင်း အစ္စရေးရှိ Pizza Hut က ၎င်းတို့၏ Facebook စာမျက်နှာတွင် ထိုဓာတ်ပုံ၌ ပီဇာဘူးကို ထည့်သွင်းကာ ‘ဘာဂူတီ – ခင်ဗျား အစာငတ်ခံဆန္ဒပြမှုကို ဖျက်မယ်ဆိုရင် ပီဇာက ပိုမကောင်းဘူးလား’ ဆိုသည့် ဟီဘရူးစာတမ်းဖြင့် ပို့စ်တင်ခဲ့သည်။

ထိုကြော်ငြာက ပါလက်စတိုင်းပြည်သူများကို ဒေါ်သထွက်စေခဲ့ပြီးနောက် Pizza Hut မိခင်ကုမ္ပဏီက အဆိုပါ Facebook စာမျက်နှာက်ကို ဖျက်သိမ်းခဲ့ပြီး အင်္ဂါနေ့က ထုတ်ပြန်သော ကြေငြာချက်တွင် ထိုပို့စ်မှာ ‘လုံးဝ သင့်လျော်ခြင်းမရှိသည့်’ ပို့စ်ဖြစ်သည်ဟု ဖော်ပြခဲ့သည်။

ထို့ပြင် အစ္စရေး၌ Pizza Hut ကြော်ငြာအတွက် တာဝန်ယူထားသည့် Grass Pink လုပ်ငန်းကိုလည်း တာဝန်မှ ရပ်စဲခဲ့သည်။ ထိုလုပ်ငန်းမှ တာဝန်ရှိသူတစ်ဦးကမူ ကြော်ငြာမှာ ‘မည်သူ့ကိုမှ ထိခိုက် နစ်နာစေလိုသည့် ရည်ရွယ်ချက်မရှိ’ ဟု တုန့်ပြန်ခဲ့သည်။

Ref: Alarabiya

မေ ၁၃၊ ၂၀၁၇
M-Media

– အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် အနောက်ဖက်ကမ်းတွင် ပါလက်စတိုင်းပြည်သူများ၏ ဆန္ဒပြမှုအတွင်း အစ္စရေးတပ်ဖွဲ့က လူငယ်တစ်ဦးကို ပစ်သတ်ခဲ့သည်ဟု သိရသည်။

အစ္စရေးအကျဉ်းထောင်များရှိ ပါလက်စတိုင်းအကျဉ်းသား ၁၅၀၀ ၏ အစာငတ်ခံ ဆန္ဒပြမှုကို ထောက်ခံသည့်အနေဖြင့် ရာမာလာမြောက်ပိုင်း နဘီဆာလေဟ်ရွာအနီးတွင် ပါလက်စတိုင်းပြည်သူများက ယမန်နေ့တွင် စုရုံးဆန္ဒပြခဲ့ကြကာ အစ္စရေး လုံခြုံရေးတပ်ဖွဲ့များနှင့် ထိပ်တိုက် တွေ့ဆုံခဲ့သည်။

သေဆုံးသွားသူမှာ အသက် ၂၀ အရွယ် နီဒဲလ် အိုဘိုက်ဖြစ်ပြီး ၀မ်းဗိုက်ကို သေနတ်ဖြင့် ပစ်ခံခဲ့ရကာ အနီးရှိ ဆေးရုံတွင် သေဆုံးသွားခဲ့သည်ဟု ပါလက်စတိုင်း ကျန်းမာရေးဝန်ကြီးဌာနမှ ထုတ်ပြန်သော ကြေငြာချက်တွင် ဖော်ပြထားသည်။ အစ္စရေးလုံခြုံရေးတပ်ဖွဲ့များ၏ ပစ်ခတ်မှုကြောင့် အခြား လူ ၁၀ ဦးကျော် ဒဏ်ရာ ရရှိခဲ့သည်။

လခြမ်းနီအဖွဲ့မှ ပြောရေးဆိုခွင့်ရှိသူတစ်ဦးက အစ္စရေးတပ်ဖွဲ့များမှာ နဘီဆာလေဟ်ကျေးရွာအတွင်းသို့ လူနာတင်ယာဉ်များ ၀င်ရောက်ခွင့်မပြုခဲ့ဘဲ ဒဏ်ရာရရှိသူအများစုကို ကိုယ်ပိုင်ကားများဖြင့် ဆေးရုံသို့ ပို့ဆောင်ပေးခဲ့ရသည်ဟု ပြောကြားခဲ့သည်။

၂၀၁၇ ခုနှစ်အတွင်း အစ္စရေးစစ်တပ်နှင့် ပါလက်စတိုင်းပိုင်နက်တွင် ကျူးကျော်နေထိုင်သည့် ဂျူးများ၏ တိုက်ခိုက်မှုကြောင့် သေဆုံးသူမှာ ၂၁ ဦး ရှိလာပြီဖြစ်သည်။

အစ္စရေးစစ်တပ်၏ ပြောရေးဆိုခွင့်ရှိသူ တစ်ဦးကလည်း ‘နဘီဆာလေဟ်ရွာတွင် ခဲများဖြင့် ပစ်ပေါက်သည့်’ ပါလက်စတိုင်း ဆန္ဒပြလူအုပ်အပေါ် စစ်တပ်က ကျည်အစစ်များကို အသုံးပြုခ့သည်ဟု ၀န်ခံခဲ့သည်။

Ref: Aljazeera