မတ် ၃၁၊ ၂၀၁၇
M-Media
– ပါလက်စတိုင်းပိုင် အနောက်ဖက်ကမ်းတွင် တရားမ၀င် အခြေချအိမ်ယာများ ဆောက်လုပ်ရန်အတွက် အစ္စရေးအစိုးရက ယမန်နေ့တွင် အတည်ပြုလိုက်ပြီး နှစ်နိုင်ငံတည်ရှိရေးအဖြေကို အတားအဆီးဖြစ်စေသည့် ထိုလုပ်ရပ်အတွက် ဝေဖန်မှုများနှင့်လည်း ရင်ဆိုင်နေရသည်။
အနောက်ဖက်ကမ်းတွင် နှစ်ပေါင်း ၂၀ အတွင်း ပထမဆုံး ဆောက်လုပ်မည့် အဆိုပါ အစီအစဉ်အတွက် ယမန်နေ့ည နှောင်းပိုင်းက အတည်ပြုခဲ့ခြင်းဖြစ်ပြီး အစ္စရေးက သိမ်းပိုက်ထားသည့် ပါလက်စတိုင်းပိုင်နက်များတွင် အခြေချအိမ်ယာများ ဆောက်လုပ်မှုကို ကုလက ဝေဖန်ခဲ့ပြီးနောက် တစ်ပတ်အကြာတွင် ပေါ်ထွက်လာခြင်းဖြစ်သည်။
ပါလက်စတိုင်းပိုင် အနောက်ဖက်ကမ်း၊ အရှေ့ဂျေရုစလင်နှင့် ဂါဇာကမ်းမြှောင်တို့တွင် အစ္စရေးက အခြေချအိမ်ယာများ ဆောက်လုပ်ခြင်းမှာ နိုင်ငံတကာဥပဒေအရ တရားမ၀င်ပေ။
ဒီဇင်ဘာလကလည်း ကုလ လုံခြုံရေးကောင်စီက ပါလက်စတိုင်းပိုင်နက်များအတွင်း အစ္စရေးက အခြေချအိမ်ယာများ ဆောက်လုပ်မှုများ ရပ်တန့်ရန် ဆုံးဖြတ်ချက်တစ်ခု ချမှတ်ခဲ့သည်။
အေမက်ရှီလိုဒေသတွင် ဆောက်လုပ်မည့် အဆိုပါ အခြေချအိမ်ယာ စီမံကိန်းကို ပါလက်စတိုင်း ခေါင်းဆောင်များက ဝေဖန်ရှုတ်ချခဲ့သည်။
“ဒီနေ့ ဒီလိုကြေငြာမှုက အစ္စရေးဟာ တည်ငြိမ်ရေးနဲ့ တရားမျှတရေးအတွက် လိုအပ်ချက်ကိုတွေကို လိုက်နာမှုထက် တရားမ၀င်ဝင်ရောက်နေထိုင်တဲ့သူတွေရဲ့ ဆန္ဒကို ပိုပြီး ဦးစားပေးတယ်ဆိုတာ ထပ်ပြီး သက်သေပြလိုက်တာပါ” ဟု ပါလက်စတိုင်း လွတ်မြောက်ရေးအဖွဲ့မှ အမှုဆောင်ကော်မတီအဖွဲ့ဝင် ဟာနန်
အက်ရ်ှရာဝီက ပြောကြားခဲ့သည်။
ထို့ပြင် ၁၉၇၆ ခုနှစ်က ပိုင်နက်ပြန်လည်ရရှိရေးအတွက် ငြိမ်းချမ်းစွာ ဆန္ဒပြသော ပါလက်စတိုင်းပြည်သူများကို အစ္စရေးတပ်ဖွဲ့များက ပစ်သတ်ခဲ့သောကြာင့် ၆ ဦးသေဆုံးခဲ့ပြီး အများအပြား ဒဏ်ရာရရှိခဲ့သည့် နှစ်ပတ်လည်နေ့တွင် အစ္စရေးက ယခုကဲ့သို့ အတည်ပြုလိုက်မှုမှာ ‘အတင့်ရဲသည့်လုပ်ရပ်’ ဖြစ်သည်ဟုလည်း
၎င်းက ဆိုသည်။
အစ္စရေးမှာ အမေရိကန်သမ္မတ ဒေါ်နယ်ထရမ့် အာဏာရပြီးကတည်းက ပါလက်စတိုင်းပိုင်နက်များအတွင်း တရားမ၀င် အခြေချအိမ်ယာများ ထပ်မံဆောက်လုပ်ရန် စီမံကိန်းအများအပြားကို အတည်ပြုခဲ့သည်။
Ref: Aljazeera
