မေ ၂၊ ၂၀၁၇
M-Media
– ၁၉၆၇ ခုနှစ်က သတ်မှတ်ထားသည့် ပါလက်စတိုင်းပိုင်နက်များကို လက်ခံသည်ဟု ဖော်ပြထားသော နိုင်ငံရေးဆိုင်ရာ စာတမ်းအသစ်ကို ဂါဇာကမ်းမြှောင်အား စီမံနေသည့် ဟားမက်စ်အဖွဲ့က ထုတ်ပြန်လိုက်ပြီး ပါလက်စတိုင်းပြဿနာမှာ ဘာသာရေးပြဿနာမဟုတ်ဟုလည်း ဖော်ပြထားသည်။
ယမန်နေ့က ကာတာနိုင်ငံ ဒိုဟာမြို့တွင် ဟားမက်စ်အဖွဲ့၏ ပြည်ပရောက်ခေါင်းဆောင် ခါလစ် မက်စ်ဟာလ်က တရားဝင်ထုတ်ပြန်လိုက်ခြင်းဖြစ်ပြီး ထိုစာတမ်းတွင် အစ္စရေးနိုင်ငံကိုမူ အသိအမှတ် မပြုထားချေ။
“လက်ရှိဖိအားတွေ ဘယ်လောက်ပဲရှိရှိ၊ ကျူးကျော်သိမ်းပိုက်မှုတွေ ဘယ်လောက်ကြာကြာ အမိမြေ ပါလက်စတိုင်းကို တစ်လက်မမှ စွန့်လွှတ်မှာမဟုတ်ပါဘူး။ အမိမြေတစ်ခုလုံး လုံးဝလွတ်မြောက်ရေးကလွဲလို့ ဘယ်လို အယူအဆကိုမှ ဟားမက်စ်က လက်ခံမှာ မဟုတ်ပါဘူး။ ဒါပေမယ့် ဒါဟာ ဇီယွန်တိုင်းပြည် ရှိနေတာကို လက်ခံတယ်လို့ ဆိုလိုတာမဟုတ်သလို၊ ပါလက်စတိုင်းတွေရဲ့ ဘယ်လို အခွင့်အရေးမျိုးကိုမဆို စွန့်လွှတ်မှာလည်း မဟုတ်ပါဘူး” ဟု မက်စ်ဟာလ်က သတင်းထောက်များအား ပြောကြားခဲ့သည်။
၁၉၈၈ ခုနှစ် ဟားမက်စ်အဖွဲ့၏ ဖွဲ့စည်းပုံတွင် ဗြိတိန်အုပ်ချုပ်မှုအောက်၌ ပါလက်စတိုင်းနိုင်ငံအဖြစ် ရှိခဲ့ပြီး လက်ရှိတွင် အစ္စရေးနိုင်ငံထူထောင်ထားသည့် ပိုင်နက်အားလုံးကို ပြန်လည်ရယူရန် ဖော်ပြထားသော်လည်း လက်ရှိ စာတမ်းအသစ်တွင်မှု၊ ဂျေရုစလင်ကို မြို့တော်အဖြစ်သတ်မှတ်၍ ၁၉၆၇ ခုနှစ် နယ်နမိတ်သတ်မှတ်ချက်များကို ပါလက်စတိုင်းနိုင်ငံ၏ အခြေခံအဖြစ် လက်ခံမည်ဖြစ်ပြီး၊ ဒုက္ခသည်များ နေရပ်ပြန်နိုင်ရေးကိုလည်း ဖော်ပြထားသည်။
၁၉၆၇ ခုနှစ် နယ်နမိတ်သတ်မှတ်ချက်မှာ အစ္စရေးက အရှေ့ဂျေရုလင်၊ အနောက်ဖက်ကမ်းနှင့် ဂါဇာကမ်းမြှောင်တို့ကို မသိမ်းပိုက်ခင် ရှိနေသည့် ဒေသအားလုံးကို ရည်ညွှန်းခြင်းဖြစ်သည်။
ဟားမက်စ်က ယခု ထုတ်ပြန်လိုက်သည့် စာတမ်းမှာ အစ္စရေးနှင့် ပါလက်စတိုင်းလွတ်မြောက်ရေးအဖွဲ့ PLO တို့ကြား ချုပ်ဆိုထားသည့် အော်စလိုသဘောတူညီချက်တွင် ဖော်ပြထားသော နှစ်နိုင်ငံ အဖြေကို လက်ခံရေး သဘောထားနှင့် အနည်းငယ် ကွာဟနေသည်။
ဟားမက်စ်က မိမိတို့မှာ ‘ဇီယွန်ဝါဒ’ ကို တိုက်ခိုက်နေခြင်းဖြစ်ပြီး ဂျူးဘာသာတရားကို တိုက်ခိုက်နေခြင်းမဟုတ်ကြောင်း၊ ဂျူးဘာသာတရားကို လိုက်နာကျင့်သုံးသည့် ဂျူးများနှင့် ပါလက်စတိုင်းပိုင်နက်များကို သိမ်းပိုက်နေသည့် ဇီယွန်ဝါဒီအစ္စရေးနိုင်ငံသာများမှာ မတူညီကြောင်းလည်း အဆိုပါ စာတမ်းအသစ်တွင် ဖော်ပြထားသည်။
Ref: Aljazeera
