ဖေဖော်ဝါရီ ၁၆၊ ၂၀၁၇
M-Media
– အစ္စရေးနှင့် ပါလက်စတိုင်း နှစ်နိုင်ငံ ယှဉ်တွဲတည်ရှိရေး အမေရိကန်၏ ကာလရှည် သဘောထားကို သမ္မတ ဒေါ်နယ်ထရမ့်က အဆင့်လျှော့ချလိုက်ပြီး အစ္စရေးတစ်နိုင်ငံတည်း မူဝါဒကိုလည်း ထောက်ခံမည်ဟု ပြောကြားလိုက်သည်။
ယမန်နေ့က အစ္စရေးဝန်ကြီးချုပ် နေတန်ယာဟုနှင့် ပူးတွဲပြုလုပ်သည့် သတင်းစာရှင်းလင်းပွဲတွင် ထရမ့်က နှစ်ဖက်သဘောတူညီလျှင် တစ်နိုင်ငံတည်းအဖြေကို တောက်ခံသွားမည်ဟု ဆိုသည်။
“နှစ်နိုင်ငံပဲဖြစ်ဖြစ်၊ တစ်နိုင်ငံပဲဖြစ်ဖြစ် ကျွန်တော်ကတော့ နှစ်ဖက်စလုံးက လက်ခံရင် တစ်နိုင်ငံတည်းကို ကြိုက်ပါတယ်။ နှစ်ဖက်လုံးက တစ်နိုင်ငံတည်းအဖြေကို ကြိုက်မယ်ဆိုရင် ကျွန်တော် တော်တော်လေး ပျော်ရွှင်ပါတယ်” ဟု ထရမ့်က နေတန်ယာဟုနှင့် တွေ့ဆုံပြီးနောက် သတင်းထောက်များအား ပြောကြားခဲ့သည်။
ထို့ပြင် အမေရိကန်က ငြိမ်းချမ်းရေးနှင့် ငြိမ်းချမ်းရေးသဘောတူညီချက်တစ်ခု ရရှိရန်အတွက် တိုက်တွန်းအားပေးကာ လုံ့လစိုက် ဆောင်ရွက်သွားမည်ဖြစ်ကြောင်း၊ သို့သော်လည်း သဘောတူညီချက်အတွက် ၎င်းတို့နှစ်ဦးနှစ်ဖက် ဆွေးနွေးရမည်ဖြစ်ကြောင်း ထပ်လောင်း ပြောဆိုခဲ့သည်။
အစ္စရေးနှင့် ပါလက်စတိုင်း နှစ်နိုင်ငံ ငြိမ်းချမ်းစွာ အတူယှဉ်တွဲနေထိုင်ရေး မူဝါဒမှာ လွန်ခဲ့သည့် နှစ် ၂၀ အတွင်း အမေရိကန်နှင့် နိုင်ငံတကာ၏ အခြေခံမူဖြစ်ခဲ့သည်။
ထရမ့်က ဤမူကို အလေးမထားမှုမှာ ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်နှင့် နိုင်ငံတကာအသိုင်းအ၀ိုင်း၏ သဘောထားကို ဆန့်ကျင်ခြင်းလည်းဖြစ်သည်။
နေတန်ယာဟုကမူ ငြိမ်းချမ်းရေးအတွက် တင်ကြိုလက်ခံရမည့် အချက် ၂ ချက်ရှိပြီး တစ်ချက်မှာ ပါလက်စတိုင်းများအနေဖြင့် ဂျူးနိုင်ငံကို အသိအမှတ်ပြုရမည်ဖြစ်ကြောင်း၊ အခြားတစ်ချက်မှာ ဂျော်ဒန်မြစ် အနောက်ခြမ်းဒေသ လုံခြုံရေးကို အစ္စရေးက ထိန်းချုပ်မှုအား လက်ခံရမည်ဖြစ်ကြောင်း သတင်းထောက်များအား ပြောကြားခဲ့သည်။
ထရမ့်ကလည်း အစ္စရေးရှိ အမေရိကန်သံရုံးကို တလ်အဗီးမှ အရှေ့ဂျေရုစလင်သို့ ပြောင်းရွှေ့ရန် ဆောင်ရွက်နေကြောင်း ထည့်သွင်းပြောဆိုခဲ့သည်။ အရှေ့ဂျေရုစလင်မှာ အနာဂတ် လွတ်လပ်သော ပါလက်စတိုင်းနိုင်ငံ၏ အစိတ်အပိုင်းအဖြစ် နိုင်ငံတကာ အသိုင်းအ၀ိုင်းက သတ်မှတ်ထားသည်။
ကုလသမဂ္ဂ အထွေထွေအတွင်းရေးမှူး အန်တိုနီယို ဂူတာရက်စ်က အစ္စရေး-ပါလက်စတိုင်း ပြဿနာအတွက် နှစ်နိုင်ငံအဖြေမှလွဲ၍ အခြားအဖြေမရှိဟု အင်္ဂါနေ့တွင် သတိပေးပြောကြားခဲ့သည်။
Ref: Aljazeera
