ဖေဖော်ဝါရီ ၇၊ ၂၀၁၇
M-Media
– ပါလက်စတိုင်းပိုင် အနောက်ဖက်ကမ်းရှိ ပါလက်စတိုင်းပြည်သူများ ပုဂ္ဂလိကပိုင်ဆိုင်ထားသော မြေပေါ်၌ တရားမ၀င်အခြေချ အိမ်ယာ ထောင်နှင့်ချီ ဆောက်လုပ်ရန်အတွက် အငြင်းပွားဖွယ် မူကြမ်းတစ်ခုကို အစ္စရေးက အတည်ပြုလိုက်ပြီး ပါလက်စတိုင်း ခေါင်းဆောင်များနှင့် လူ့အခွင့်အရေးအဖွဲ့များက ထိုလုပ်ရပ်အား ရှုတ်ချလိုက်သည်။
ထိုတရားမ၀င်အိမ်ယာ ဆောက်လုပ်မှုမှာ အခြေခံဥပဒေနှင့် မညီညွတ်ဟု အစ္စရေး ထိပ်တန်းရှေ့နေတစ်ဦးက ပြောကြားထားသော်လည်း လွှတ်တော်က ယမန်နေ့ညနှောင်းပိုင်းတွင် ခွင့်ပြုလိုက်ခြင်းဖြစ်သည်။
ပါလက်စတိုင်းအာဏာပိုင်အဖွဲ့ PLO ကမူ အဆိုပါဆုံးဖြတ်ချက်မှာ ပါလက်စတိုင်းပိုင်နက်ကို ‘တရားဝင်ခိုးယူသည့် ဥပဒေ’ ဖြစ်သည်ဟု ဝေဖန်ရှုတ်ချခဲ့ပြီး၊ နိုင်ငံရေးအရ အဖြေထုတ်နိုင်ရေး အခွင့်အလမ်းများကို အစ္စရေးအစိုးရက ဖျက်ဆီးလိုက်ခြင်းဖြစ်ကြောင်း၊ ပါလက်စတိုင်း ပိုင်နက်များရှိ အစ္စရေး၏ တရားမ၀င် အခြေချအိမ်ယာများက ငြိမ်းချမ်းရေးနှင့် နှစ်နိုင်ငံအဖြေကို ပျက်ဆီးစေနိုင်ကြောင်း ကြေငြာချက်ထုတ်ပြန်ခဲ့သည်။
“Regulation Bill” ဟု အမည်ပေးထားသည့် အဆိုပါမူကြမ်းတွင် အနောက်ဖက်ကမ်းရှိ ပါလက်စတိုင်းပြည်သူများ ပုဂ္ဂလိက ပိုင်ဆိုင်ထားသော မြေများတွင် တရားမ၀င်အိမ်ယာပေါင်း ၄၀၀၀ ဆောက်လုပ်ရန် ဖော်ပြထားသည်။ လက်ရှိတွင် အစ္စရေးမှ ဂျူးများမှာ ထိုမြေများပေါ်တွင် အဆောက်အဦးများ ဆောက်လုပ် နေထိုင်နေကြပြီး၊ ယခုမူကြမ်းက ၎င်းတို့အား တိုက်တွန်းအားပေးမှုတစ်ခုလည်း ဖြစ်သည်။
အဆိုပါ ဥပဒေမူကြမ်းကို ပါလက်စတိုင်းပိုင်နက်အား နောက်ထပ် တစ်စိတ်တစ်ပိုင်း သိမ်းပိုက်မှုအဖြစ် ရှုမြင်နေကြပြီး၊ လက်ရှိ ပါလက်စတိုင်းများ ပုဂ္ဂလိက ပိုင်ဆိုင်ထားသော မြေများပေါ်တွင် ဆောက်လုပ်ထားသည့် ဂျူးများ၏ ကျူးကျော်အိမ်ယာ အများအပြား တရားဝင်ဖြစ်လာမည့်အနေအထားသို့ ဦးတည်နေသည်။
အစ္စရေး အန်ဂျီအိုအဖွဲ့များဖြစ်သော Peace Now၊ Yesh Din နှင့် Association for Civil Rights တို့က ထိုမူကြမ်းနှင့် ပတ်သက်၍ တရားရုံးချုပ်သို့ အသနားခံစာတင်ရန် ရှိနေသည်။
Ref : Aljazeera
