Tag: Palestine

ဇန်န၀ါရီ ၂၂၊ ၂၀၁၇
M-Media

– ပါလက်စတိုင်းပိုင် အရှေ့ဂျေရုစလင်တွင် အခြေချအိမ်ယာပေါင်း ၅၆၆ ခုကို ဆောက်လုပ်ရန် အစ္စရေးအာဏာပိုင်များက အတည်ပြုလိုက်ပြီး နိုင်ငံတကာအသိုင်းအ၀ိုင်း၏ သတိပေးမှုကို မထိလေးစားလုပ်ခြင်းလည်း ဖြစ်သည်။

ပါလက်စတိုင်းပိုင်နက်များတွင် ဂျူးအခြေချအိမ်ယာများ ဆောက်လုပ်နေခြင်းမှာ နိုင်ငံတကာဥပဒေကို အတိအလင်း ချိုးဖောက်ခြင်းဖြစ်သည်ဟု ကုလနှင့် နိုင်ငံတကာအသိုင်းအ၀ိုင်းက ပြောကြားထားသော်လည်း အစ္စရေးမှာ လိုက်နာခြင်းမရှိဘဲ ဆက်လက်ဆောင်ရွက်နေသည်။

အဆိုပါ အိမ်ယာ ၅၀၀ ကျော် ဆောက်လုပ်ရန်အတွက် ယနေ့တွင် အတည်ပြုခဲ့ခြင်းဖြစ်ပြီး ထိုအစီအစဉ်မှာ သမ္မတအိုဘားမားအစိုးရ၏ ဝေဖန်မှုကြောင့် ၎င်းတို့အစိုးရ သက်တမ်းကုန်သည်အထိ ရပ်ဆိုင်ထားသည့် စီမံကိန်းဖြစ်သည်။

“ဒေါ်နယ်ထရမ့် သမ္မတဖြစ်လာတဲ့အတွက်ကြောင့် ကစားပွဲရဲ့ ဥပဒေတွေက ပြောင်းလဲသွားပါပြီ။ ဘာရက်အိုဘားမား လက်ထက်တုန်းကလို ကျွန်တော်တို့ ချုပ်တည်းမထားတော့ပါဘူး။ နောက်ဆုံးမှာတော့ ကျွန်တော်တို့ ဆောက်ရတော့မှာပါ” ဟု ဂျေရုစလင်မြို့၏ ဒုတိယမြို့တော်ဝန် မီအီရ် တာရ်ဂျီမန်က ပြောကြားခဲ့သည်။

ထို့ပြင် နောက်ထပ် အိမ်ယာ ၁၁၀၀၀ ခန့် ဆောက်လုပ်ရန်လည်း အစီအစဉ်ရှိနေသည်ဟု ၎င်းက ထည့်သွင်း ပြောဆိုခဲ့သည်။

အရှေ့ဂျေရုစလင်မှာ အာနဂတ် ပါလက်စတိုင်းနိုင်ငံတော်၏ မြို့တော်အဖြစ် နိုင်ငံတကာအသိုင်းအ၀ိုင်းက အသိအမှတ်ပြုပေးထားသော်လည်း အစ္စရေးက ကျူးကျော်သိမ်းပိုက် ထိန်းချုပ်ထားပြီး တရားမ၀င်အိမ်ယာများ ဆောက်လုပ်နေခြင်းဖြစ်သည်။

ဒေါ်နယ်ထရမ့်ကမူ ဂျေရုစလင်ကို အစ္စရေးမြို့တော်အဖြစ် အသိအမှတ်ပြုကာ အမေရိကန်သံရုံးကိုလည်း ဂျေရုစလင်သို့ ပြောင်းရွှေ့မည်ဟု ကတိပြုထားသည်။

ရှုတ်ချ

၂၀၀၉ ခုနှစ်မှ ၂၀၁၄ ခုနှစ်အတွင်း ပါလက်စတိုင်းပိုင် အနောက်ဖက်ကမ်းတွင် အစ္စရေးမှာ ၎င်းတို့၏ တရားမ၀င်အိမ်ယာ ဆောက်လုပ်မှုကို ၂၃ ရာခိုင်နှုန်းအထိ တိုးချဲ့ခဲ့သည်။

“ဥပဒေအထက်ကိုရောက်နေတဲ့ အစ္စရေးနဲ့ပတ်သက်ပြီး ဆောင်ရွက်ဖို့ အချိန်ကျပါပြီ” ဟု ပါလက်စတိုင်းသမ္မတ မဟ်မူးဒ် အဘတ်စ်၏ ပြောရေးဆိုခွင့်ရှိသူ နဘီလ် အဘူ ရူဒီ နာဟ်ကဆိုပြီး အစ္စရေး၏ ယခုအတည်ပြုချက်ကို ရှုတ်ချကာ ကုလအနေဖြင့် မကြာသေးမီက ပြဌာန်းခဲ့သည့် ဆုံးဖြတ်ချက်အတိုင်း အရေးယူသွားရန် တောင်းဆိုခဲ့သည်။

ပါလက်စတိုင်းပိုင်နက်များတွင် အစ္စရေးက တရားမ၀င်အခြေချအိမ်ယာ ဆောက်လုပ်မှုကို ဆန့်ကျင်သည့် ဆုံးဖြတ်ချက်တစ်ခုကို ကုလသမဂ္ဂ လုံခြုံရေးကောင်စီက ဒီဇင်ဘာတွင် အတည်ပြုခဲ့သည်။

Ref: Aljazeera

ဇန်န၀ါရီ ၁၈၊ ၂၀၁၇
M-Media

– ဖာတာပါတီက ကြီးစိုးသော ပါလက်စတိုင်းအာဏာပိုင်အဖွဲ့က ၎င်းတို့၏ အတိုက်အခံအဖွဲ့ ဟားမက်စ်နှင့် ပူးပေါင်းကာ ညီညွတ်သောအစိုးရတစ်ရပ် ဖွဲ့စည်းရန် သဘောတူညီခဲ့သည်ဟု သိရသည်။

ရုရှားနိုင်ငံ မြို့တော် မော်စကိုတွင် ၃ ရက်တာ ပြုလုပ်ခဲ့သည့် ညှိနှိုင်းဆွေးနွေးမှုအတွင်း ယမန်နေ့နှောင်းပိုင်းက ထိုကဲ့သို့ သဘောတူညီခဲ့ခြင်းဖြစ်သည်။ ၎င်းတို့နှစ်ဖွဲ့မှာ အမျိုးသားကောင်စီကို ဖွဲ့စည်းသွားမည်ဖြစ်ကာ ထိုအဖွဲ့တွင် နိုင်ငံရပ်ခြားရောက်ရှိနေသည့် ပါလက်စတိုင်းခေါင်းဆောင်များ ပါဝင်မည်ဖြစ်ကာ ရွေးကောက်ပွဲကိုလည်း ကျင်းပသွားမည်ဖြစ်သည်။

“(ဒီလို ဆောင်ရွက်မှုအတွက်) ဒီနေ့လို အခြေအနေမျိုးဟာ ဘယ်တုန်းနဲ့မှ မတူတဲ့ အခြေအနေမျိုးပါ” ဟု ဖာတာအဖွဲ့မှ အကြီးတန်းတာဝန်ရှိသူ အဇမ် အလ်-အဟ်မဒ်က ပြောကြားခဲ့သည်။

အဆိုပါ သဘောတူညီချက်တွင် ညှိနှိုင်းဆွေးနွေးမှုများအတွင်း ယခင်ကာလများက မပါဝင်ခဲ့သည့် အစ္စလာမ့်မစ်ဂျီဟတ်အုပ်စုလည်း ပါဝင်ခဲ့သည်။

၂၀၀၆ ခုနှစ်တွင် ရွေးကောက်ပွဲ အနိုင်ရပြီးသည့်အခါ ဟားမက်စ်အဖွဲ့က ဂါဇာအား ထိန်းချုပ်ပြီးနေက်ပိုင်း ပါလက်စတိုင်းသမ္မတ မဟ်မူဒ်အဘတ်စ်၏ ဖာတာပါတီနှင့် ဟားမက်စ်အဖွဲ့တို့အကြား တင်းမာမှုများ ဖြစ်ပွားခဲ့ပြီး ၂၀၀၇ ခုနှစ်တွင် ပြည်တွင်းစစ် ဖြစ်လုဆဲဆဲ ဖြစ်ခဲ့သည်။

ဟားမက်စ်နှင့် ဖာတာတို့ပါဝင်သော အထွေထွေရွေးကောက်ပွဲကို ၂၀၀၆ ခုနှစ်အတွက် နောက်ဆုံးအကြိမ် ကျင်းပနိုင်ခဲ့သည်။

Ref: Aljazeera