သြဂုတ် ၁၃၊ ၂၀၁၆
M-Media
– ပါလက်စတိုင်းပိုင် အနောက်ဘက်ကမ်းတွင် ပြင်သစ်က ရန်ပုံငွေမတည်ကာ ဆောက်လုပ်ထားသည့် အဆောက်အဦး များကို ဖျက်ဆီးပစ်သည့်အတွက် ပြင်သစ်နိုင်ငံက အစ္စရေးကို ဝေဖန်ရှုတ်ချလိုက်ပြီး အစ္စရေးတပ်များက ဖျက်ဆီးနေသည့် အဆောက်အအုံများမှာ ဥရောပသမဂ္ဂ (EU) အဖွဲ့ဝင်နိုင်ငံများ ၏ ရန်ပုံငွေဖြင့် ဆောက်လုပ်ထားခြင်း ဖြစ်သည်ဟုလည်း သတိပေးလိုက်သည်။
“ပါလက်စတိုင်းကျေးရွာ နာဘီဆမ်မြူယဲလ်မှာ ပြင်သစ်ရန်ပုံငွေနဲ့ ဆောက်လုပ်ပေးထားတဲ့ အဆောက်အဦးတွေကို သြဂုတ်လ ၃ ရက်နေ့မှာ အစ္စရေးတပ်က ဖျက်ဆီးမှုအပေါ် ပြင်သစ်နိုင်ငံက ဝေဖန်ရှုတ်ချလိုက်ပါတယ်။ ပြင်သစ်နိုင်ငံက ပေးအပ်ထားတဲ့ လူသားချင်းစာနာထောက်ထားမှုဆိုင်ရာ အကူအညီတွေကို အစ္စရေးအာဏာပိုင်တွေက ၂၀၁၆ အစပိုင်းလောက်ကစပြီး ပေါ်ပေါ်ထင်ထင် ဖျက်ဆီးပစ်နေတာ အခုအကြိမ်နဲ့ဆိုရင် သုံးကြိမ် ရှိပါပြီ။ ဖေဖော်ဝါရီလမှာလည်း ကျောင်းတစ်ကျောင်းကို တစ်စစီ ဖြိုဖျက်ပစ်ခဲ့ပါတယ်” ဟု ပြင်သစ်အစိုးရက ကြာသပတေးနေ့တွင် ထုတ်ပြန်သည့် ကြေငြာချက်တွင် ဖော်ပြထားသည်။
အနောက်ဘက်ကမ်းတောင်ပိုင်းရှိ အလ်ခါလီလ်မြို့အနီးတွင် EU က ထောက်ပံ့ထားသည့် ခိုလှုံရေးစခန်းသုံးခုကို အစ္စရေးက အင်္ဂါနေ့တွင် ဖျက်ဆီးပစ်ခဲ့မှုကိုလည်း ပြင်သစ်က ထည့်သွင်းရှုတ်ချခဲ့ပြီး စိုးရိမ်ကြောင်း ပြောကြားခဲ့သည်။
အစ္စရေးဆိုင်ရာ အီယူးသံအမတ်ဖြစ်သူ လာစ် ဖာဘော့ဂ်-အန်ဒါဆန်ကမူ ၂၀၀၉ ခုနှစ်မှစ၍ ယနေ့အချိန်အထိ ပါလက်စတိုင်း ပိုင်နက်များ၌ အစ္စရေးက ဖြိုချဖျက်ဆီးခဲ့သည့်၊ သိမ်းဆည်းခဲ့သည့် အီးယူအဆောက်အဦး စုစုပေါင်း ၁၇၀ နီးပါး ရှိသည်ဟု ပြီးခဲ့သည့်လတွင် ပြောကြာခဲ့သည်။
ထို့ပြင် နောက်ထပ် အဆောက်အဦး ၆၀၀ ကိုလည်း အစ္စရေးက ဖျက်သိမ်းရန်၊ သို့မဟုတ် ဆောက်လုပ်မှုရပ်တန့်ရန် အမိန့်ထုတ်ပြန်ထားပြီး ထိုအဆောက်အဦးများမှာ ဖြိုချဖျက်ဆီးခံရမည့်အခြေအနေတွင် ရှိနေသည်။
Ref : Presstv
