Tag: Palestine

နိုဝင်ဘာ ၂၅၊ ၂၀၁၅
M-Media

အော်တိုမန်ခေတ်မှ ရွှေဒင်္ဂါးအမြောက်အများကို ဂါဇာကမ်းမြှောင်၊ ဂါဇာစီးတီးမြို့ရှိ ရှုဂျာယေးဒေသ အနီးတ၀ိုက်
ဆောက်လုပ်ရေးလုပ်ငန်းခွင်တွင် တနင်္လာနေ့က ရှာဖွေတွေ့ရှိခဲ့သည်ဟု သိရသည်။

အလွန်အရေးပါသော ဗိသုကာဆိုင်ရာ တွေ့ရှိချက်ဖြစ်သည့် တူရကီဒင်္ဂါးများကို ရှုဂျာယေး အနီးတ၀ိုက်ရှိ လမ်းဖောက်လုပ်နေသော ဆောက်လုပ်ရေးလုပ်သားများက တွေ့ရှိခဲ့ခြင်းဖြစ်သည်။

ဂါဇာမြူနီစီပါယ်ရုံး၏ စီမံကိန်းနှင့် အင်ဂျင်နီယာ အမှုဆောင်ဒါရိုက်တာ ဒေါက်တာနီဟဒ်မူဂါနီက ဒင်္ဂါးပြားများနှင့်အခြား ဗိသုကာဆိုင်ရာပစ္စည်းများကို ရှုဂျာယေးအနီးတွင် မတော်တဆ တွေ့ရှိခဲ့ခြင်းဖြစ်ကြောင်း၊အော်တိုမန်ခေတ်တွင် အသုံးပြုခဲ့သည့်အရာများဖြစ်ကြောင်း သတင်းစာရှင်းလင်းပွဲတွင် ပြောကြားခဲ့သည်။

ဂါဇာစီးတီး မြူနီစီပါယ်ရုံးက သင့်တော်သော ရှင်းလင်းစုံစမ်းမှုများ ပြုလုပ်မပြီးမချင်း ဆောက်လုပ်ရေးလုပ်ငန်းများ ရပ်တန့်ထားရမည်ဟု ကြေငြာချက်ထုတ်ပြန်ထားကြောင်း ရှင်းလင်းခဲ့ပြောကြားခဲ့သည်။

Ref: IINA News

နိုဝင်ဘာ ၂၄၊ ၂၀၁၅
M-Media

– အသက် ၁၂ နှစ်အရွယ် ပါလက်စတိုင်းကလေးငယ်များအား ဖမ်းဆီးထိန်းသိမ်းနိုင်ပြီး လူ့အခွင့်အရးအဖွဲ့များက ပြင်းပြင်းထန်ထန် ဝေဖန်နေသည့် ဥပဒေကြမ်းတစ်ခုကို အစ္စရေး ၀န်ကြီးများ၏ ဥပဒေရေးရာ ကော်မတီက ယမန်နေ့တွင် အတည်ပြုခဲ့သည်ဟု သိရသည်။

အဆိုပါ ဥပဒေကြမ်းက လူသတ်မှု၊ လူသတ်ရန်ကြိုးစားမှုတို့ အပါအ၀င် အမျိုးသားရေးက လှုံ့ဆော်သည့် တိုက်ခိုက်မှုများအတွက် အပြစ်ရှိသည်ဟု တွေ့ရှိရသော အသက် ၁၂ နှစ်နှင့် အထက် ပါလက်စတိုင်း လူငယ်များကို ထောင်ဒဏ်များ ချမှတ်နိုင်မည့် ဥပဒေဖြစ်သည်။ လက်ရှိတွင် ထိုဥပဒေကြမ်း အသက်ဝင်လာစေရေးအတွက် အစ္စရေး ပါလီမန်က အတည်ပြုရန် လိုအပ်နေသည်။

လူ့အခွင့်အရေး အဖွဲ့များကမူ ထိုဥပဒေက အစ္စရေးမှ သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင်ရှိ ပါလက်စတိုင်း ကလေးငယ်များ၊ အစ္စရေးနိုင်ငံသား ကိုင်ဆောင်ထားသူများ၊ အစ္စရေးတစ်ဝှမ်းတွင် နေုထိုင်သည့် ပါလက်စတိုင်းများအပေါ် သက်ရောက်မည်ဟု ပြောကြားခဲ့သည်။

လက်ရှိအချိန်တွင် အရှေ့ဂျေရုစလင်မှ ပါလက်စတိုင်းကလေးငယ်များကို အသက် ၁၄ နှစ်နှင့်အထက် မဟုတ်မချင်း ထောင်ချ၍ မရပေ။

အစ္စရေးမှာ ပါလက်စတိုင်းပိုင် အနောက်ဖက်ကမ်းကို ကျူးကျော်ပိတ်ဆို့ထားကာ စစ်အုပ်ချုပ်ရေးစနစ်ကို ကျင့်သုံးနေပြီး ပြီးခဲ့သည့်လများအတွင်း ဖြစ်ပွားခဲ့သော တင်းမာမှုများ၌ ကလေးငယ် ၁၇၇ ဦးအပါအ၀င် ပါလက်စတိုင်းပြည်သူ ၁၁၉၇ ဦးကို ဖမ်းဆီးခဲ့သည်။

ပြီးခဲ့သည့်လကလည်း အစ္စရေးမှာ အရှေ့ဂျေရုစလင်တွင် ကလေးငယ်များအား စစ်ကြောရေးနှင့် ထိန်းသိမ်းရေးစင်တာ တစ်ခုကို ဖွင့်လှစ်ခဲ့သည်။ လက်ရှိအချိန်တွင် အစ္စရေးအကျဉ်းထောင်များ၌ ပါလက်စတိုင်းပြည်သူ ၆၇၀၀ ကို ဖမ်းဆီးထိန်းသိမ်းထားပြီး အနည်းဆုံး ကလေးငယ် ၃၂၀ ဦး ပါဝင်သည်။

Ref: Aljazeera

နိုဝင်ဘာ ၁၉၊ ၂၀၁၅
M-Media

– ပါလက်စတိုင်းပိုင် အနောက်ဖက်ကမ်းရှိ အလွန်စောင့်ဆိုင်းရသော အစ္စရေး စစ်ဆေးရေးဂိတ်များကို ပြသပေးပြီး ယာဉ်ကျောပိတ်ဆို့မှုများကို ပြေလျော့စေရေး အထိုက်အလျောက် ကူညီပေးမည့် ဖုန်း အက်ပလီကေးရှင်းနှစ်ခုကို ပါလက်စတိုင်းများက တီထွင်ထုတ်လုပ်လိုက်သည်ဟု သိရသည်။

အဆိုပါ အက်ပလီကေးရှင်းနှစ်ခု၏ အမည်များမှာ Azmeh (ယာဉ်ကျောပိတ်ဆို့မှု) နှင့် Qalandiya (ဂျေရုစလင် ဆင်ခြေဖုံးရှိ အစ္စရေး၏ အဓိက စစ်ဆေးရေးဂိတ်) တို့ ဖြစ်ကြပြီး ပြီးခဲ့သည့်လက ထုတ်လုပ်ဖြန့်ချီခဲ့ခြင်း ဖြစ်သည်။ ပါလက်စတိုင်း ဆက်သွယ်ရေးကုမ္ပဏီများ 3G ၀န်ဆောင်မှုပေးခြင်းကို အစ္စရေးက တားမြစ်ထားသောကြောင့် အဆိုပါ အက်ပလီကေးရှင်းများကို နှေးကွေးသည့် အင်တာနက်လိုင်းတွင် အသုံးပြုနိုင်အောင် စီစဉ်ပေးထားသည်။

လက်ရှိအချိန်တွင် ထို အက်ပလီကေးရှင်းကို ထောင်းနှင့်ချီသော ပါလက်စတိုင်းပြည်သူများက အခမဲ့ Download ဆွဲယူ အသုံးပြုနေပြီး၊ ပြည်သူများအကြားတွင် လူကြိုက်များနေပြီဖြစ်သည်။ ထိုဆော့ဖ်ဝဲကို ထုတ်လုပ်သူများကမူ ၎င်းတို့၏ ထိုဖန်းတီးမှုမှာ အစ္စရေး စစ်ဆေးရေးဂိတ်များတွင် ဖြစ်ပွားတတ်သည့် ပိတ်ဆို့မှု ပြဿနာကို တစ်စိတ်တစ်ပိုင်း ဖြေရှင်းပေးခြင်းဖြစ်မည်ဟု ပြောကြားခဲ့သည်။

“အစ္စရေးရဲ့ သိမ်းပိုက် ပိတ်ဆို့မှုဟာ ပါလက်စတိုင်းပြည်သူတွေရဲ့ အခြေအနေတိုင်းကို ထိခိုက်စေပါတယ်။ အခွင့်အရေးတွေ ဆုံးရှုံးတယ်။ အဲဒီအခွင့်အရေးတွေထဲက တစ်ခုကတော့ လွတ်လပ်စွာ သွားလာလှုပ်ရှားခွင့် ဆုံးရှုံးတာပါပဲ။ ဒီအက်ပလီကေးရှင်းက သူတို့တွေကို လွတ်လပ်စွာ သွားလာခွင့်တော့ မပေးနိုင်ဘူးပေါ့လေ။ ဒါပေမယ့် တစ်ချို့ကိစ္စလေးတွေကိုတော့ ပိုပြီး လွယ်ကူသွားစေနိုင်ပါတယ်” ဟု Azmeh အက်ပလီကေးရှင်းကို တီထွင်ခဲ့သူ အသက် ၂၀ အရွယ် ဘေဆဲလ် ဆာဒါရ်က ပြောကြားခဲ့သည်။ ဆာဒါရ်မှာ အရှေ့ဂျေရုစလင်တွင် နေထိုင်သူ ဥပဒေကျောင်းသားတစ်ဦးလည်း ဖြစ်သည်။

အစ္စရေးမှာ ပါလက်စတိုင်းပိုင် အနောက်ဖမ်းကမ်းတွင် စစ်ဆေးရေးဂိတ်အများအပြားကို ချထားပြီး အချို့သော လမ်းများကိုလည်း ပါလက်စတိုင်းများ သွား၍မရရန် ပိတ်ဆို့ထားသည်။ ထို့ကြောင့် အနောက်ဖက်ကမ်း တောင်ဘက်အခြမ်းမှ မြောက်ဖက်အခြမ်းသို့ သွားရောက်ရန်အတွက် နာရီပေါင်းများစွာ ကြာမြင့်လေသည်။

အဆိုပါ စစ်ဆေးရေးဂိတ်များတွင် အစ္စရေးစစ်သားများမှာ ပါလက်စတိုင်းပြည်သူများကို မကြာခဏ အရှက်ရဖွယ် ရှာဖွေမှုများလည်း ပြုလုပ်လေ့ရှိသည်။ ထို့ပြင် အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင်ကို ၀င်ရောက်ရန်အတွက်လည်း ပါလက်စတိုင်းများမှာ အစ္စရေးထံမှ ခွင့်ပြုချက် ရယူရပြီး ပါလက်စတိုင်း ဂျော်ဒန်နယ်စပ်တစ်လျှောက်ကိုလည်း အစ္စရေးက ထိန်းချုပ်ထားသည်။

ပါလက်စတိုင်းပိုင်နက်များတွင် အစ္စရေးက ဆောက်လုပ်ထားသည့် တရားမ၀င် အခြေချအိမ်ယာများတွင် နေထိုင်သော ဂျူးများကိုမူ အစ္စရေးက လွတ်လပ်စွာ သွားလာခွင့်ပြုထားသည်။

Ref: Aljazeera

နိုဝင်ဘာ ၁၇၊ ၂၀၁၅
M-Media

– ပါလက်စတိုင်းပိုင် အနောက်ဘက်ကမ်းရှိ ကွာလန်ဒီယာ ဒုက္ခသည်စခန်းတွင် ယမန်နေ့မနက် အာရုဏ်တက်အချိန်က ပါလက်စတိုင်းနှစ်ဦးကို အစ္စရေး လုံခြုံရေးတပ်ဖွဲ့များက ပစ်သတ်ခဲ့သည်ဟု သိရသည်။

သေဆုံးသွားသူများမှာ အသက် ၂၈ နှစ်အရွယ် အဟ်မဒ် အဘူ အလ်-အီရ်ှနှင့် ၂၁ နှစ်အရွယ် လာအစ် မာနာဆရာတို့ ဖြစ်ကြပြီး ထိုပစ်ခတ်မှုအတွက် အခြားတစ်ဦးလည်း ဒဏ်ရာရရှိကာ စိုးရိမ်ရသည့် အခြေအနေတွင် ရှိနေသည်ဟု ဆိုသည်။

ဂျေရုစလင်မြောက်ပိုင်းရှိ အဆိုပါဒုက္ခသည်စခန်းသို့ ရာနှင့်ချီသော အစ္စရေးစစ်သားများနှင့် အထူးတပ်ဖွဲ့ဝင်များမှာ ၀င်ရောက်စီးနင်းခဲ့ပြီး အပြန်အလှန် ပစ်ခတ်မှုများလည်း ဖြစ်ပွားခဲ့သည်။ အစ္စရေးတပ်ဖွဲ့များမှာ ဇူလိုင်လက ပါလက်စတိုင်းပိုင်နက်အတွင်းရှိ တရားမ၀င်ခြေချအိမ်ယာတွင် နေထိုင်သည့် ဂျူးတစ်ဦးကို ပစ်ခတ်မှုကြောင့် လက်ရှိအတွင် ဖမ်ဆီးခံထားရသည့် မိုဟာမက် အဘူ ရှာဟင်၏ နေအိမ်ကိုလည်း ဖြိုချဖျက်ဆီးခဲ့သည်။

ဖာတာအဖွဲ့ကို သစ္စာခံသော အလ်-အက်ဆွာ အာဇာနည်တပ်ဖွဲ့နှင့် ဒုက္ခည်စခန်းကို ၀င်ရောက်စီးနင်းသည့် အစ္စရေးတပ်ဖွဲ့ဝင်များအကြား ပစ်ခတ်မှုများမှာ ၁ နာရီခန့် ကြာမြင့်ခဲ့သည်။ အစ္စရေး သတင်းရင်းမြစ်များကမူ ၎င်းတို့၏ စစ်သားတစ်ဦး ဒဏ်ရာရရှိခဲ့သည်ဟု ဖော်ပြခဲ့သည်။

အဘူရှာဟင်၏ နေအိမ်အား ဖြိုချရန် အစ္စရေးစစ်တပ်က ပြီးခဲ့သည့်သီတင်းပတ်များအတွင်း ကြိုးစားခဲ့သော်လည်း ကွာလန်ဒီယာ ဒုက္ခသည်စခန်းမှ ဒေသခံများက ဆန့်ကျင်ဆန္ဒပြမှုခဲ့ကြောင့် မဆောင်ရွက်နိုင်ခဲ့ပေ။

ယခုအချိန်တွင် ဆာဟင်၏ မိသားစုများကို နေအိမ်မှာ အတင်းမောင်းထုတ်ကာ နေအိမ်အား ဖောက်ခွဲ ဖျက်ဆီးခဲ့ခြင်းဖြစ်သည်။ ထိုဖောက်ခွဲမှုကြောင့် အနီးရှိ နေအိမ်များတွင်လည်း ဆိုးဆိုးရွားရွား ပျက်ဆီးမှုများ ရှိခဲ့သည်။

အစ္စရေး၏ ထိုကဲ့သို့ စီးနင်းဝင်ရောက်မှုအတွင်း ပါလက်စတိုင်းလူငယ်မျာမှာ ဒုက္ခသည်စခန်းမှထွက်ကာ ဆန္ဒပြ၍ ကျောက်ခဲဖြင့် ပစ်ပေါက်မှုများ ပြုလုပ်ခဲ့ပြီး အစ္စရေးတပ်ဖွဲ့များက ပြန်လည် ပစ်ခတ်ခဲ့သည်။

Ref: Aljazeera