Tag: Palestine

နိုဝင်ဘာ ၁၉၊ ၂၀၁၅
M-Media

– ပါလက်စတိုင်းပိုင် အနောက်ဖက်ကမ်းရှိ အလွန်စောင့်ဆိုင်းရသော အစ္စရေး စစ်ဆေးရေးဂိတ်များကို ပြသပေးပြီး ယာဉ်ကျောပိတ်ဆို့မှုများကို ပြေလျော့စေရေး အထိုက်အလျောက် ကူညီပေးမည့် ဖုန်း အက်ပလီကေးရှင်းနှစ်ခုကို ပါလက်စတိုင်းများက တီထွင်ထုတ်လုပ်လိုက်သည်ဟု သိရသည်။

အဆိုပါ အက်ပလီကေးရှင်းနှစ်ခု၏ အမည်များမှာ Azmeh (ယာဉ်ကျောပိတ်ဆို့မှု) နှင့် Qalandiya (ဂျေရုစလင် ဆင်ခြေဖုံးရှိ အစ္စရေး၏ အဓိက စစ်ဆေးရေးဂိတ်) တို့ ဖြစ်ကြပြီး ပြီးခဲ့သည့်လက ထုတ်လုပ်ဖြန့်ချီခဲ့ခြင်း ဖြစ်သည်။ ပါလက်စတိုင်း ဆက်သွယ်ရေးကုမ္ပဏီများ 3G ၀န်ဆောင်မှုပေးခြင်းကို အစ္စရေးက တားမြစ်ထားသောကြောင့် အဆိုပါ အက်ပလီကေးရှင်းများကို နှေးကွေးသည့် အင်တာနက်လိုင်းတွင် အသုံးပြုနိုင်အောင် စီစဉ်ပေးထားသည်။

လက်ရှိအချိန်တွင် ထို အက်ပလီကေးရှင်းကို ထောင်းနှင့်ချီသော ပါလက်စတိုင်းပြည်သူများက အခမဲ့ Download ဆွဲယူ အသုံးပြုနေပြီး၊ ပြည်သူများအကြားတွင် လူကြိုက်များနေပြီဖြစ်သည်။ ထိုဆော့ဖ်ဝဲကို ထုတ်လုပ်သူများကမူ ၎င်းတို့၏ ထိုဖန်းတီးမှုမှာ အစ္စရေး စစ်ဆေးရေးဂိတ်များတွင် ဖြစ်ပွားတတ်သည့် ပိတ်ဆို့မှု ပြဿနာကို တစ်စိတ်တစ်ပိုင်း ဖြေရှင်းပေးခြင်းဖြစ်မည်ဟု ပြောကြားခဲ့သည်။

“အစ္စရေးရဲ့ သိမ်းပိုက် ပိတ်ဆို့မှုဟာ ပါလက်စတိုင်းပြည်သူတွေရဲ့ အခြေအနေတိုင်းကို ထိခိုက်စေပါတယ်။ အခွင့်အရေးတွေ ဆုံးရှုံးတယ်။ အဲဒီအခွင့်အရေးတွေထဲက တစ်ခုကတော့ လွတ်လပ်စွာ သွားလာလှုပ်ရှားခွင့် ဆုံးရှုံးတာပါပဲ။ ဒီအက်ပလီကေးရှင်းက သူတို့တွေကို လွတ်လပ်စွာ သွားလာခွင့်တော့ မပေးနိုင်ဘူးပေါ့လေ။ ဒါပေမယ့် တစ်ချို့ကိစ္စလေးတွေကိုတော့ ပိုပြီး လွယ်ကူသွားစေနိုင်ပါတယ်” ဟု Azmeh အက်ပလီကေးရှင်းကို တီထွင်ခဲ့သူ အသက် ၂၀ အရွယ် ဘေဆဲလ် ဆာဒါရ်က ပြောကြားခဲ့သည်။ ဆာဒါရ်မှာ အရှေ့ဂျေရုစလင်တွင် နေထိုင်သူ ဥပဒေကျောင်းသားတစ်ဦးလည်း ဖြစ်သည်။

အစ္စရေးမှာ ပါလက်စတိုင်းပိုင် အနောက်ဖမ်းကမ်းတွင် စစ်ဆေးရေးဂိတ်အများအပြားကို ချထားပြီး အချို့သော လမ်းများကိုလည်း ပါလက်စတိုင်းများ သွား၍မရရန် ပိတ်ဆို့ထားသည်။ ထို့ကြောင့် အနောက်ဖက်ကမ်း တောင်ဘက်အခြမ်းမှ မြောက်ဖက်အခြမ်းသို့ သွားရောက်ရန်အတွက် နာရီပေါင်းများစွာ ကြာမြင့်လေသည်။

အဆိုပါ စစ်ဆေးရေးဂိတ်များတွင် အစ္စရေးစစ်သားများမှာ ပါလက်စတိုင်းပြည်သူများကို မကြာခဏ အရှက်ရဖွယ် ရှာဖွေမှုများလည်း ပြုလုပ်လေ့ရှိသည်။ ထို့ပြင် အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင်ကို ၀င်ရောက်ရန်အတွက်လည်း ပါလက်စတိုင်းများမှာ အစ္စရေးထံမှ ခွင့်ပြုချက် ရယူရပြီး ပါလက်စတိုင်း ဂျော်ဒန်နယ်စပ်တစ်လျှောက်ကိုလည်း အစ္စရေးက ထိန်းချုပ်ထားသည်။

ပါလက်စတိုင်းပိုင်နက်များတွင် အစ္စရေးက ဆောက်လုပ်ထားသည့် တရားမ၀င် အခြေချအိမ်ယာများတွင် နေထိုင်သော ဂျူးများကိုမူ အစ္စရေးက လွတ်လပ်စွာ သွားလာခွင့်ပြုထားသည်။

Ref: Aljazeera

နိုဝင်ဘာ ၁၇၊ ၂၀၁၅
M-Media

– ပါလက်စတိုင်းပိုင် အနောက်ဘက်ကမ်းရှိ ကွာလန်ဒီယာ ဒုက္ခသည်စခန်းတွင် ယမန်နေ့မနက် အာရုဏ်တက်အချိန်က ပါလက်စတိုင်းနှစ်ဦးကို အစ္စရေး လုံခြုံရေးတပ်ဖွဲ့များက ပစ်သတ်ခဲ့သည်ဟု သိရသည်။

သေဆုံးသွားသူများမှာ အသက် ၂၈ နှစ်အရွယ် အဟ်မဒ် အဘူ အလ်-အီရ်ှနှင့် ၂၁ နှစ်အရွယ် လာအစ် မာနာဆရာတို့ ဖြစ်ကြပြီး ထိုပစ်ခတ်မှုအတွက် အခြားတစ်ဦးလည်း ဒဏ်ရာရရှိကာ စိုးရိမ်ရသည့် အခြေအနေတွင် ရှိနေသည်ဟု ဆိုသည်။

ဂျေရုစလင်မြောက်ပိုင်းရှိ အဆိုပါဒုက္ခသည်စခန်းသို့ ရာနှင့်ချီသော အစ္စရေးစစ်သားများနှင့် အထူးတပ်ဖွဲ့ဝင်များမှာ ၀င်ရောက်စီးနင်းခဲ့ပြီး အပြန်အလှန် ပစ်ခတ်မှုများလည်း ဖြစ်ပွားခဲ့သည်။ အစ္စရေးတပ်ဖွဲ့များမှာ ဇူလိုင်လက ပါလက်စတိုင်းပိုင်နက်အတွင်းရှိ တရားမ၀င်ခြေချအိမ်ယာတွင် နေထိုင်သည့် ဂျူးတစ်ဦးကို ပစ်ခတ်မှုကြောင့် လက်ရှိအတွင် ဖမ်ဆီးခံထားရသည့် မိုဟာမက် အဘူ ရှာဟင်၏ နေအိမ်ကိုလည်း ဖြိုချဖျက်ဆီးခဲ့သည်။

ဖာတာအဖွဲ့ကို သစ္စာခံသော အလ်-အက်ဆွာ အာဇာနည်တပ်ဖွဲ့နှင့် ဒုက္ခည်စခန်းကို ၀င်ရောက်စီးနင်းသည့် အစ္စရေးတပ်ဖွဲ့ဝင်များအကြား ပစ်ခတ်မှုများမှာ ၁ နာရီခန့် ကြာမြင့်ခဲ့သည်။ အစ္စရေး သတင်းရင်းမြစ်များကမူ ၎င်းတို့၏ စစ်သားတစ်ဦး ဒဏ်ရာရရှိခဲ့သည်ဟု ဖော်ပြခဲ့သည်။

အဘူရှာဟင်၏ နေအိမ်အား ဖြိုချရန် အစ္စရေးစစ်တပ်က ပြီးခဲ့သည့်သီတင်းပတ်များအတွင်း ကြိုးစားခဲ့သော်လည်း ကွာလန်ဒီယာ ဒုက္ခသည်စခန်းမှ ဒေသခံများက ဆန့်ကျင်ဆန္ဒပြမှုခဲ့ကြောင့် မဆောင်ရွက်နိုင်ခဲ့ပေ။

ယခုအချိန်တွင် ဆာဟင်၏ မိသားစုများကို နေအိမ်မှာ အတင်းမောင်းထုတ်ကာ နေအိမ်အား ဖောက်ခွဲ ဖျက်ဆီးခဲ့ခြင်းဖြစ်သည်။ ထိုဖောက်ခွဲမှုကြောင့် အနီးရှိ နေအိမ်များတွင်လည်း ဆိုးဆိုးရွားရွား ပျက်ဆီးမှုများ ရှိခဲ့သည်။

အစ္စရေး၏ ထိုကဲ့သို့ စီးနင်းဝင်ရောက်မှုအတွင်း ပါလက်စတိုင်းလူငယ်မျာမှာ ဒုက္ခသည်စခန်းမှထွက်ကာ ဆန္ဒပြ၍ ကျောက်ခဲဖြင့် ပစ်ပေါက်မှုများ ပြုလုပ်ခဲ့ပြီး အစ္စရေးတပ်ဖွဲ့များက ပြန်လည် ပစ်ခတ်ခဲ့သည်။

Ref: Aljazeera

နိုဝင်ဘာ ၁၄၊ ၂၀၁၅
M-Media

– ပါလက်စတိုင်းပိုင် အနောက်ဖက်ကမ်းရှိ ပါလက်စတိုင်းတို့၏ နေအိမ်နှစ်လုံးကို အစ္စရေးစစ်တပ်က ယမန်နေ့ နှောင်းပိုင်းတွင် ဖြိုချဖျက်ဆီးခဲ့သည်ဟု သိရသည်။

အိမ်တစ်လုံးမှာ နဘ်လုစ်မြို့ရှိ ပါလက်စတိုင်းမိသားစု ၃ ဦးပိုင် အိမ်ဖြစ်ပြီး ၎င်းတို့မှာ ပြီးခဲ့သည့်လက အစ္စရေး စုံတွဲကို သတ်ဖြတ်သည်ဟု စွပ်စွဲခံခဲ့ရသည်။ အခြားတစ်လုံးမှာမူ ရာမာလာ အရှေ့မြောက်ဖက် စီလ်ဝဒ်ရှိ အိမ်တစ်လုံးဖြစ်ပြီး ဇွန်လက အစ္စရေးတစ်ဦးအား သတ်ဖြတ်သည်ဟု စွပ်စွဲခံရသူ၏ အိမ်ဖြစ်သည်။

ထိုကဲ့သို့ အိမ်များ ဖြိုချဖျက်ဆီးခြင်းကြောင့် ပါလက်စတိုင်းများနှင့် အစ္စရေးစစ်တပ်အကြား ရုန်းရင်းဆန်ခတ်မှုများ ဖြစ်ပွားခဲ့ပြီး ပါလက်စတိုင်း ၉ ဦး ဒဏ်ရာရရှိခဲ့သည်ဟု ဆေးဘက်ဆိုင်ရာ ရင်းမြစ်များက ပြောကြားခဲ့သည်။

အစ္စရေးစစ်တပ်နှင့် ပါလက်စတိုင်းပိုင်နက်များရှိ တရားမ၀င် အခြေချအိမ်ယာများတွင် နေုထိုင်သည့် ဂျူးများမှာ ပါလက်စတိုင်းများနှင့် ၎င်းတို့၏ ပိုင်ဆိုင်မှုများကို မကြာခဏ ဖျက်ဆီးလေ့ရှိပြီး ပါလက်စတိုင်းများအကြား တင်းမာမှုများ မြင့်တက်လာကာ တရားမ၀င်အိမ်ယာများရှိ ဂျူးများကို တိုက်ခိုက်မှုများ ပြုလုပ်ကြသည်။ ထိုအချိန်တွင် အစ္စရေးစစ်တပ်က ပါလက်စတိုင်းများ၏ အိမ်ကို ဖြိုချဖျက်ဆီးလေ့ ရှိသည်။

Ref: PressTV

နိုဝင်ဘာ ၁၂၊ ၂၀၁၅
M-Media

– ပါလက်စတိုင်းပိုင် အနောက်ဖက်ကမ်း ဟီဘရွန်ရှိ အလ်-အဟ်လီဆေးရုံသို့ အစ္စရေးကွန်မန်ဒိုများမှာ ယနေ့တွင်
ရုပ်ဖျက်၍ ၀င်ရောက်စီးနင်းခဲ့ကာ အသက် ၂၇ နှစ်အရွယ် လူငယ်တစ်ဦးကို ပစ်သတ်ခဲ့သည်ဟု ပါလက်စတိုင်း ကျန်းမာရေး ၀န်ကြီးဌာနက ပြောကြားလိုက်သည်။

သေဆုံးသွားသူမှာ အဘ်ဒူလာ အလ်-ရှာလာဒက်ရ်ှဖြစ်ပြီး ၂၁ ဦးပါသော အစ္စရေးတပ်ဖွဲ့က ဆေးရုံတွင် ဆေးကုသမှုခံယူနေသည့် ၎င်း၏ ၀မ်းကွဲညီအစ်ကို အက်ဇမ် အလ်-ရှာလာလ်ဒက်ရ်ှအား ဖမ်းဆီးရန် ဆောင်ရွက်စဉ် တားမြစ်မှုအတွက် ပစ်သတ်ခံခဲ့ရခြင်းဖြစ်သည်။ အစ္စရေးစစ်တပ်မှာ အဘ်ဒူလာအား ၅ ချက် ပစ်ခတ်ခဲ့သည်။

အဇ်ဇမ်မှာလည်း အစ္စရေးလုံခြုံရေးတပ်ဖွဲ့၏ ပစ်ခတ်မှုကြောင့် ခွဲစိတ်ကုသရန် ဆေးရုံသို့ ရောက်ရှိနေခြင်းဖြစ်သည်။ အဘ်ဒူလာဟ် သေဆုံးပြီးနောက် အဇ်ဇမ်အား ရုပ်ဖျက်ထားသော အဆိုပါ စ္စရေးကွန်မန်ဒိုအဖွဲ့က ဖမ်းဆီး ခေါ်ဆောင်သွားခဲ့သည်။

အလ်-အဟ်လီ ဆေးရုံမှ ဒါရိုက်တာဖြစ်သူ ဒေါက်တာ ဂျီဟတ် ရှာဝါရ်ကမူ အစ္စရေးတပ်ဖွဲ့များမှာ ဒေသစံတော်ချိန် ယနေ့မနက် ၃ နာရီခန့်တွင် ဆေးရုံသို့ ၀င်ရောက်လာကြပြီး ၎င်းတို့ထဲမှာ တစ်ဦးမှာ ကိုယ်ဝန်ဆောင်အမျိုးသမီးဟန် ဆောင်ထားသည်ဟု ပြောကြားခဲ့သည်။

“သူတို့ဟာ အဇ်ဇမ် အလ်-ရှာလာလ်ဒက်ရှ် ကုသနေတဲ့ ခွဲစိပ်ဆောင်ကို တန်းသွားခဲ့ပါတယ်” ဟု ဒေါက်တာရှာဝါရ်က ပြောကြားခဲ့သည်။ အဇ်ဇမ်၏ ၀မ်းကွဲညီအကို အဘ်ဒူလာမှာ သန့်စင်ခန်းထဲက ထွက်လာချိန်တွင် အစ္စရေးတပ်ဖွဲ့က ဦးခေါင်းနှင့် ခန္ဓာကိုယ်ကို အချက်ပေါင်းများစွာ ပစ်ခတ်ခဲ့သည်။

“သူတို့က ဆေးရုံဝန်ထမ်းတွေကို သေနတ်နဲ့ထောက်ပြီး ဓားစာခံလုပ်ထားတယ်။ လူနာကို ဖမ်းဆီးခဲ့ပြီး သူ့ရဲ့ ၀မ်းကွဲညီအကိုကတော့ သွေးအိုင်ထဲမှာ သေဆုံးခဲ့ပါတယ်”

ထိုဆေးရုံသို့ ၀င်ရောက်စီးနင်းမှုကိုလည်း အစ္စရေး ပြည်တွင်းလုံခြုံရေးဌာနက AFP သတင်းဌာနသို့ အတည်ပြု  ပြောကြားခဲ့သည်။

Ref: Aljazeera