ဖေဖော်ဝါရီ ၁ ၊ ၂၀၁၄
M-Media
ဖေဖော်ဝါရီ၊ ၁။ ။ ပါလက်စတိုင်းပိုင်အနောက်ဘက်ကမ်းခြေ ဂျော်ဒန်တောင်ကြားရှိ ပါလက်စတိုင်းရွာ တစ်ရွာအား အစ္စရေးကဖျက်ဆီးခဲ့မှုနှင့် ပက်သက်၍ ကုလသမဂ္ဂက ပြစ်တင်ရှုတ်ချခဲ့သည်ဟု သိရသည်။
ဇန်န၀ါရီ ၃၀ ရက်နေ့ (ကြာသာပတေးနေ့) က ပြုလုပ်ခဲ့သော ထိုဖျက်ဆီးမှုတွင် ပါလက်စတိုင်းတို့၏ အိမ်ခြေ ၃၆ လုံးဆုံးရှုံးခဲ့ရပြီး ကလေးငယ် ၃၆ ဦးအပါအ၀င် စုစုပေါင်း ၆၆ ဦး အိုးမဲ့အိမ်မဲ့ဖြစ်ခဲ့ရသည်။ ထိုကိစ္စနှင့် ပက်သက်၍ အသိမ်းပိုက်ခံ ပါလက်စတိုင်း နယ်မြေ ကုလသမဂ္ဂ လူသားချင်း စာနာထောက်ထားမှုဆိုင်ရာ အကြီးအကဲ ဂျိမ်းစ်ရော်လေးက ယမန်နေ့က ကြေညာချက် တစ်ရပ်ထုတ်ပြန်ခဲ့ပြီး အနောက်ဘက် ကမ်းခြေတွင် ပြုလုပ်နေသည့် အစ္စရေး၏ အဆိုပါ လုပ်ရပ်များအား ရပ်တန့်ရန် တိုက်တွန်းခဲ့သည်။
“ဂျော်ဒန်တောင်ကြား တစ်လျှောက်မှာ ဖြစ်ပွားနေသော ပါလက်စတိုင်းတို့၏ အိမ်ရာများ ဖယ်ရှားခြင်း၊ သိမ်းပိုက်ခြင်းများအတွက် မိမိအနေဖြင့် အလွန်စိုးရိမ်မိပါသည်။ ထိုဒေသတွင် အိမ်ရာများ ဖျက်ဆီးမှုများမှာ လွန်ခဲ့သည့် နှစ်က နှစ်ဆခန့်မြင့်တက်လာခဲ့သည်။ ထိုကိစ္စရပ်များသည် ပါလက်စတိုင်းတို့၏ နေထိုင်ခွင့်နှင့် အခြေခံ လိုအပ်ချက်များကို ပိတ်ပင်ထားခြင်းသာမက နိုင်ငံတကာ ဥပဒေကို ချိုးဖောက်ခြင်းလည်း ဖြစ်ပေသည်” ဟု ထိုကြေညာချက်တွင် ရော်လေးက ပြောကြားခဲ့သည်။
အစ္စရေးက မတရားသိမ်းပိုက်ထားသော ပါလက်စတိုင်းပိုင် အနောက်ဘက်ကမ်းခြေနှင့် အရှေ့ဂျေရုစလင်တွင် ခွင့်ပြုချက်မရှိဘဲ တည်ဆောက် ထားသည်ဟု အကြောင်းပြကာ အစ္စရေးက ပါလက်စတိုင်းတို့၏ အိမ်ရာများအား ဖျက်ဆီးမှုကြောင့် ၂၀၁၃ ခုနှစ်တွင် ပါလက်စတိုင်းပြည်သူ ၁၀၀၀ ကျော် အိုးမဲ့အိမ်မဲ့ဖြစ်ခဲ့ ရသည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာ ရုံးခန်းက ပြောကြားခဲ့သည်။
ပါလက်စတိုင်းအရေး တက်ကြွ လှုပ်ရှားသူများကမူ ထိုကဲ့သို့ ဖျက်ဆီးခြင်းမှာ ပါလက်နယ်မြေများအတွင်း ဂျူးအခြေချအိမ်ရာများ တည်ဆောက်ရန် ရည်ရွယ်၍ ပြုလုပ်ခြင်းဖြစ်သည်ဟု ပြောကြားခဲ့သည်။
Ref: Press TV
