ဧပြီ ၂၂၊ ၂၀၂၂
M-Media
– အစ္စရေးတပ်ဖွဲ့တွေဟာ သောကြောနေ့ မနက်ပိုင်းက ဂျေရုစလင်မှာရှိတဲ့ အလ်အက်ဆွာ ဗလီ၀တ်ကျောင်းတော်ထဲကို ထပ်မံ ၀င်ရောက်စီးနင်း တိုက်ခိုက်ခဲ့ပြီး အနည်းဆုံး ပါလက်စတိုင်း ၃၀ လောက် ဒဏ်ရာရရှိခဲ့ပါတယ်။
ဒါဟာ တစ်ပတ်အတွင်း အစ္စရေးတပ်ဖွဲ့တွေရဲ့ ၂ ကြိမ်မြောက် စီးနင်းမှုဖြစ်ပါတယ်။ ဗလီထဲမှာရှိနေတဲ့ ၀တ်ပြုသူတွေကို ရာဘာကျည်တွေ၊ မျက်ရည်ယိုဗုံးတွေနဲ့ ပစ်ခတ်ခဲ့ပြီး၊ ကျည်အစစ်နဲ့ ပစ်တာလည်းရှိကာ၊ ဗလီပရ၀ုဏ်ထဲ သစ်ပင်တစ်ချို့ကိုလည်း အစ္စရေးတပ်ဖွဲ့တွေက မီးရှို့ခဲ့တယ်လို့ မျက်မြင်သက်သေတွေက ပြောပါတယ်။
ပါလက်စတိုင်း လခြမ်းနီအဖွဲ့က ပါလက်စတိုင်း ၃၁ ဦး ဒဏ်ရာရခဲ့ပြီး ၁၄ ဦး ဆေးရုံတင်လိုက်ရတယ်လို့ပြောပါတယ်။ ဒဏ်ရာရသူတွေထဲမှာ ဂျာနယ်လစ် ၃ ဦးလည်း ပါ၀င်ပါတယ်။
အစ္စရေးကတော့ ပါလက်စတိုင်းတွေ ခဲနဲ့ထုတဲ့အတွက် ၀င်စီးတာလို့ ထုတ်ပြန်ပါတယ်။
ဂျူးဘာသာရေးပွဲတော် pass over ကို အလ်အက်ဆွာဗလီထဲမှာလုပ်ဖို့ ဂျူးလက်ယာစွန်းရောက်တွေက ကြိုးစားလာခဲ့တဲ့ ပြီးခဲ့တဲ့ သီတင်းပတ်ကတည်းက အလ်အက်ဆွာဗလီမှာ တင်းမာမှုတွေ မြင့်တက်လာတာပါ။
အစ္စရေးတပ်ဖွဲ့တွေက ဂျူးအစွန်းရောက်တွေကို ကာကွယ်ကာ အလ်အက်ဆွာဗလီထဲ ပို့ဆောင်ပေးတာတွေရှိပြီး ပါလက်စတိုင်းတွေက ဒီလုပ်ရပ်ကို ပြင်းပြင်းထန်ထန် ဆန့်ကျင် ကန့်ကွက်နေတာဖြစ်ပါတယ်။
Ref: Aljazeera
