Tag: russia

ဖေဖော်ဝါရီ ၂၁၊ ၂၀၁၉
M-Media

– အမေရိကန်က ဥရောပမှာ ဒုံးကျည်အသစ်တွေ ချထားမှုအတွက် ရုရှားက သတိပေးလိုက်ပြီး မိမိတို့ကလည်း လက်နက်အသစ်တွေနဲ့ ဥရောပမြို့ကြီးတွေကို လက်တုန့်ပြန်သွားမယ်လို့ ပြောကြားလိုက်ပါတယ်။

မနေ့က နိုင်ငံတော်အခြေပြမိန့်ခွန်းမှာ ပူတင်က အမေရိကန်ဟာ ဒုံးကျည်တွေ လွတ်လွတ်လပ်လပ် ထုတ်လုပ်နိုင်ဖို့အတွက် ရုရှားနဲ့ချုပ်ထားတဲ့ ဒုံးကျည်ထိန်းချုပ်ရေးစာချုပ် 1987 Intermediate-Range Nuclear Forces ကနေ နှုတ်ထွက်တာဖြစ်ပြီး ရုရှားကို အပြစ်တင်ဖို့ ကြိုးစားနေတယ်လို့လည်း ဆိုပါတယ်။

အမေရိကန် ဒီစာချုပ်က နှုတ်ထွက်မှုဟာ အင်အားကြီးနိုင်ငံတွေအကြား လက်နက်ပြိုင်ဆိုင်မှုတစ်ခု စတင်လိုက်တာမျိုး ဖြစ်တယ်လို့ လေ့လာစောင့်ကြည့်သူတွေက သုံးသပ်ကြပါတယ်။

အမေရိကန်က ဥရောပမှာ ဒုံးကျည်အသစ်တွေ ချထားမှုဟာ ‘ဆိုးရွားတဲ့ခြိမ်းခြောက်မှု’ ဖြစ်တယ်လို့လည်း ပူတင်က ပြောပါတယ်။

“ဘွင်းဘွင်းရှင်းရှင်းပြောရရင် ကျွန်တော်တို့ကို ခြိမ်းခြောက်နေတဲ့ ဒုံးကျည်စနစ်တွေတည်ရှိရာ အချက်အချာနေရာတွေကို ပစ်ခတ်နိုင်မယ့် ဒုံးကျည်တွေကို ရုရှားက ချထားရတော့မယ့်အနေအထား ဖြစ်လာပါလိမ့်မယ်။ ဒီဒုံးကျည်တွေရဲ့ ရောက်ရှိချိန်နဲ့ ပြင်းအားဟာ ရုရှားအပေါ် ခြိမ်းခြောက်မှုတွေနဲ့အညီ ဖြစ်မှာပါ”

ရုရှားဟာ ဘယ်လိုလက်နက်သစ်မျိုး ချထားမလဲဆိုတာကို ပူတင်က အသေးစိတ် ပြောကြားခဲ့ခြင်း မရှိပါဘူး။ ပြီးခဲ့တဲ့ တစ်နှစ်အတွင်း ရုရှားက လက်နက်သစ် တော်တော်များများကို ထုတ်ပြခဲ့ပြီး အသံထက်မြန်တဲ့ တိုက်လေယာဉ်တွေကို အခုနှစ်အတွင်း တပ်ဖြန့်ထားမယ်လို့ ဆိုပါတယ်။

Sarmat လို့ခေါ်တဲ့ တိုက်ချင်းပစ်ဒုံးကျည်အသစ်း၊ နျူစွမ်းအင်သုံး Burevestnik ခရုဇ်ဒုံးကျည်တွေကိုလည်း ရုရှားက စမ်းသပ်နေပြီး နျူစွမ်းအင်သုံး ရေငုပ်ဒရုန်း
Poseidon က အခုနှစ်နှောင်းပိုင်းမှာ တပ်တော်ဝင်ဖို့ ရှိနေပါတယ်။

အသံထက် ၉ ဆမြန်ပြီး ကီလိုမီတာ ၁၀၀၀ အထိ ရောက်ရှိနိုင်မယ့် Zircon ဒုံးကျည်ကို ရုရှားရေတပ်မှာ မကြာခင် အသုံးပြုဖို့ ရှိနေတယ်လို့လည်း ပူတင်က ထည့်သွင်း ပြောဆိုခဲ့ပါတယ်။

Ref: Aljazeera

အောက်တိုဘာ ၁၂၊ ၂၀၁၈
M-Media

ဟာရီကိန်းကြောင့် အမေရိကန်တွင် အနည်းဆုံး ၆ ဦးသေ
=============
ဟာရီကိန်းမိုက်ကယ်ကြောင့် အမေရိကန် ဖလော်ရီဒါ၊ ဂျော်ဂျီယာနဲ့ မြောက်ကယ်ရိုလိုင်းနား ပြည်နယ် ၃ ခုမှာ သေဆုံးသူအရေအတွက်ဟာ အနည်းဆုံး ၆ ဦးအထိ ရှိလာခဲ့ပြီး အဆောက်အဦးတွေ ဆိုးဆိုးဝါးဝါး ထိခိုက်ပျက်ဆီးမှုတွေလည်း ရှိခဲ့ပါတယ်။ အမေရိကန်သမ္မတဒေါ်နယ်ထရမ့်က နိုင်ငံသားတွေ ထိခိုက်ဆုံးရှုံးမှုအတွက် ၀မ်းနည်းရပြီး ရှာဖွေကယ်ဆယ်ရေးလုပ်ငန်းတွေ ပြီးဆုံးသွားတဲ့အထိ မရပ်မနား လုပ်ဆောင်သွားမယ်လို့ ပြောကြားခဲ့ပါတယ်။ ဗုဒ္ဓဟူးနေ့က ဖလော်ရီဒါပြည်နယ် ကုန်းတွင်းပိုင်းကို ၀င်ရောက်ခဲ့တဲ့ ဟာရီကိန်းမိုက်ကယ်ဟာ နှစ် ၁၀၀ သမိုင်းမှာ အဆိုးဝါးဆုံးဖြစ်ပြီး အခုအချိန်မှာတော့ အပူပိုင်းမုန်တိုင်းအဖြစ် အားပျော့သွားပြီ ဖြစ်ပါတယ်။

အာကာသယာဉ်မှူးများ လိုက်ပါသွားသည့် ရုရှားဆိုယုဇ်ဒုံးပျံ စက်ချို့ယွင်းမှုဖြစ်
=====================
မနေ့က ရုရှားကနေ နိုင်ငံတကာအာကာသစခန်းကို လူနဲ့ ကုန်စည်တွေပို့ဆောင်တဲ့ ဆိုယုဇ်ဒုံးပျံဟာ စက်ချို့ယွင်းမှုပြဿနာကြောင့် အာကာသယာဉ်မှူးတွေ အရေးပေါ် ကမ္ဘာမြေကို ပြန်ဆင်းခဲ့ရပြီး ဒီအတွက် စုံစမ်းစစ်ဆေးမှု ပြုလုပ်နေတယ်လို့ ရုရှားအာဏာပိုင်တွေက ပြောကြားလိုက်ပါတယ်။ အမေရိကန်နဲ့ ရုရှားက အာကာသယာဉ်မှူးနှစ်ဦးကတော့ ကာဇက်စတန်နိုင်ငံမှာ ဘေးရန်ကင်းစွာ ဆင်းသက်နိုင်ခဲ့ပါတယ်။ ဆိုယုဇ်ဒုံးပျံဟာ အာကာသနယ်ပယ်မှာ သက်တမ်းအရင့်ဆုံး ဒုံးပျံဖြစ်ပြီး စိတ်အချရဆုံး ဒုံးပျံတွေထဲက တစ်ခုလည်း ဖြစ်ပါတယ်။

အမေရိကန်က F-35 တိုက်လေယာဉ်အားလုံး ပြန်စစ်မည်
==================
အမေရိကန်က သူတို့ရဲ့ F-35 တိုက်လေယာဉ်အားလုံးကို စက်ပိုင်းဆိုင်ရာ စစ်ဆေးမှုတွေ စတင်ပြုလုပ်နေပြီး ပြီးခဲ့တဲ့လ တောင်တရုတ်ပင်လယ်မှာ F-35 လေယာဉ်တစ်စီး ပျက်ကျပြီးတဲ့နောက် ဒီလို စစ်ဆေးမှု ပေါ်ထွက်လာတာ ဖြစ်ပါတယ်။ F-35 တိုက်လေယာဉ်ဟာ ကမ္ဘာပေါ်မှာ ဈေးအကြီးဆုံးနဲ့ အဆင့်အမြင့်ဆုံးလေယာဉ်ဖြစ်ပါတယ်။ ဒါပေမယ့် ဆီလိုင်းပြဿနာတွေကို ကြုံတွေ့နေတာဖြစ်ပြီး အခုစစ်ဆေးမှုမှာ ဒါကို ပြုပြင်ဖို့ ရှိနေပါတယ်။ စစ်ဆေးမှုဟာ ၁ ရက်ကနေ ၂ ရက်အတွင်း ပြီးစီးမယ်လို့ ခန့်မှန်းထားပါတယ်။

Ref : BBC, Aljazeera