Tag: russia

ဖေဖော်ဝါရီ ၁၊ ၂၀၁၅
M-Media

– ရုရှားနိုင်ငံ မော်စကိုရှိ တက္ကသိုလ်စာကြည့်တိုက်တစ်ခု ယမန်နေ့က မီးလောင်မှုအတွင်း သမိုင်းဝင် စာရွက်စာတမ်းပေါင်း တစ်သန်းကျော် ပျက်စီးခဲ့သည်ဟုသိရသည်။

လူမှုသိပ္ပံဆိုင်ရာ သိပ္ပံအချက်အလက်တက္ကသိုလ် INION မှ စာကြည့်တိုက်ဖြစ်ပြီး သောကြာနေ့က မီးလောင်ကျွမ်းခဲ့ခြင်းဖြစ်ကာ စနေနေ့ညနေပိုင်းအထိ စနေနေ့ညပိုင်းမှ လုံးဝ ငြှိမ်းသက်နိုင်ခဲ့ကာ မီးလောင်မှုကြောင့် ၂၀၀၀ စတုရန်းမီတာ ပျက်စီးခဲ့သည်။

အဆိုပါတက္ကသိုလ်ကို ၁၉၁၈ ခုနှစ်တွင် စတင်ထည်တောင်ခဲ့ပြီး စာကြည့်တိုက်တွင် စာအုပ်စာတမ်းပေါင်း ၁၀ သန်းကျော်ရှိကာ ၁၆ ရာစုနှစ်မှ သိပ္ပံဆိုင်ရာ စာရွက်စာတမ်းများပင် ပါဝင်သည်။ ထိုစာကြည့်တိုက်မှာ ရုရှားနိုင်ငံ၏ အကြီးဆုံးစာကြည့်တိုက်များထဲမှ တစ်ခုလည်းဖြစ်သည်။

`သိပ္ပံဆိုင်ရာအတွက် ဆုံးရှုံးမှုကြီးတစ်ခုပါပဲ။ ကမ္ဘာပေါ်က ဒီလိုမျိုးစုစည်းထားတဲ့အထဲမှာ ဒါဟာအကြီးမားဆုံး စာကြည့်တိုက်ဖြစ်ပြီး (အမေရိကန်က) လွှတ်တော်စာကြည့်တိုက်လောက်ကို ရှိပါတယ်။ ဘယ်နေရာမှာမှ ရှာလို့မရတဲ့ စာရွက်စာတမ်းတွေကို ဒီမှာ ရှာနိုင်တယ်။ လူမှုသိပ္ပံဆိုင်ရာ သမိုင်းပညာရှင်တွေအားလုံးက ဒီစာကြည့်တိုက်ကိုပဲ သုံးကြတာပါ´ ဟု ရုရှား သိပ္ပံအကယ်ဒမီမှ ဥက္ကဌ ဗလာဒီမီရ် ဖော်တော့ဗ်၏ ပြောကြားမှုကို ရုရှားသတင်းစာများက ဖော်ပြခဲ့သည်။

မီးလောင်မှုကြောင့် စာကြည့်တိုက်တွင်စုထားသည့် စာရွက်စာတမ်းပေါင်း ၁၅ ရာခိုင်နှုန်း ပျက်ဆီးခဲ့ပြီး ဆာလ်ဗစ်ဘာသာစကားဖြင့် ရေးသားထားသော စာအုပ်စာတမ်းအမြောက်အများနှင့် ဗြိတိန်၊ အီတလီနှင့် အမေရိကန်တို့မှ စာရွက်စာတမ်းများလည်း ပါဝင်သည်။ ဖော်တော့ဗ်ကမူ ပျက်ဆီးမှုအများစုမှာ မီးသတ်သမားများ၏ ရေကြောင့် ဖြစ်သည်ဟု ပြောကြားခဲ့ပြီး သေဆုံးဒဏ်ရာရသူ မရှိခဲ့ပေ။

မီးမှာ စာကြည့်တိုက်၏ ဒုတိယထပ်မှ စတင်လောင်ကျွမ်းခဲ့ခြင်းဖြစ်ပြီး ကယ်ဆယ်ရေးလုပ်သားများကမူ မီးအရှိန်ကြောင့် စာအုပ်များကို ပြောင်းရွှေ့ရန် မဖြစ်နိုင်ခဲ့ဟု ပြောကြားခဲ့သည်။ တာဝန်ရှိသူများကမူ မီးလောင်ရသည့်အကြောင်းအရင်းကို စုံစမ်းစစ်ဆေးခဲ့ပြီး လျှပ်စစ်ရှော့ဖြစ်ခြင်းကြောင့်ဟု ဆိုသည်။

Ref: alarabiya

ဇန်န၀ါရီ ၁၀၊ ၂၀၁၅
M-Media

– လိင်ပြောင်းထားသူများနှင့် လိင်တူစိတ်ဝင်စားသူများ ကားမောင်းခြင်းနှင့် လိုင်စင်ရယူခြင်းကို ပိတ်ပင်မည့် ဥပဒေအသစ်တစ်ခုကို ရုရှားအာဏာပိုင်များက ထုတ်ပြန်လိုက်သည်ဟု သိရသည်။

လိင်တူစိတ်ဝင်စားသူများကို စိတ်မူမမှန်သော ရောဂါရှိသူများ၏ စာရင်းတွင် ထည့်သွင်းကာ ကားမောင်းခြင်းကို ယခုကဲ့သို့ ပိတ်ပင်လိုက်ခြင်းဖြစ်ပြီး အစိုးရကမူ ထိုဆောင်ရွက်မှုမှာ ကားမတော်တဆဖြစ်မှုများ တိုးလာခြင်းကို လျှော့ချရန် ပေါ်လစီ၏ အစိတ်အပိုင်းတစ်ခု ဖြစ်သည်ဟု ပြောကြားခဲ့သည်။

`မတော်တဆကြောင့် သေတဲ့လူတွေ သိပ်များနေပါတယ်။ ဒါ့ကြောင့် လိုင်စင်လျှောက်သူတွေအတွက် ဆေးဘက်ဆိုင်ရာလိုအပ်ချက်ကို တင်းကျပ်လိုက်ခြင်းက တကယ့်ကို ကျိုးကြောင်း ဆီလျော်တဲ့အရာလို့ ယုံကြည်ပါတယ်´ ဟု ပရော်ဖက်ရှင်နယ်
ကားမောင်းသမားများ အစည်းအရုံး အကြီးအကဲက ပြောကြားခဲ့သည်။

လူ့အခွင့်အရေးဆိုင်ရာ ရုရှားဥပဒေပညာရှင်များ အသင်းကမူ အဆိုပါ ဥပဒေသစ်ကို ခွဲခြား ဆက်ဆံမှုအဖြစ် တံဆိပ်ကပ်ခဲ့ပြီး ရုရှားအခြေခံဥပဒေခုံရုံးမှ ရှင်းလင်းချက် ရယူသွားမည်ဟု ပြောကြားခဲ့သည်။

ကားမောင်းခွင့်မပြုသည့် စိတ်ရောဂါရှင်များ၏ စာရင်းတွင် လောင်းကစားစွဲနေသူနှင့် ခိုးဝှက်လိုသည့်စိတ် ပြင်းထန်နေသူများကိုလည်း ထည့်သွင်းခဲ့သည်။ ရုရှားရှိ ဆရာဝန်များနှင့် လူ့အခွင့်အရေး လှုပ်ရှားသူများကမူ အဆိုပါ ဆောင်ရွက်ချက်ကို ရှုတ်ချခဲ့သည်။

ရုရှားမှာ ၂၀၁၃ ခုနှစ်ကလည်း သဘာဝအတိုင်းမဟုတ်သည့် လူနေမှုဘ၀များ တည်ဆောက်ခြင်းမှာ တရားမ၀င်ဟု သတ်မှတ်ခဲ့သည်။

စိတ်ရောဂါ ကျွမ်းကျင်ဆရာဝန်တစ်ဦးဖြစ်သူ မီခေးလ် စထရာကော့ဗ်ကမူ ရုရှားအစိုးရ၏ `စိတ်မူမမှန်သူများ´ စာရင်းမှာ ရှင်းရှင်လင်းလင်းမရှိဘဲ အချို့သော စိတ်မူမမှန်မှုများမှာ ယာဉ်မောင်းရာတွင် ဘေးကင်းရေးကို ထိခိုက်ခြင်းမရှိဟု ပြောကြားခဲ့သည်။

Ref : BBC

နိုဝင်ဘာ ၁၆ ၊ ၂၀၁၄
M-Media

– သြစတေးလျတွင် ပြုလုပ်နေသော G 20 အစည်းအဝေးတွင် ယူကရိန်းအရေးနှင့် ပတ်သက်၍ ဖိအားပေးမှုများနှင့် ရင်ဆိုင်ခဲ့ရသော ရုရှားသမ္မတမှာ အစည်းအဝေးမပြီးဆုံးမီ စောစီးစွာ ထွက်ခွာခဲ့သည်ဟု သိရသည်။

၂ ရက်ကြာ ကျင်းပပြုလုပ်သည့် အဆိုပါအစည်းအဝေးမှာ ယနေ့တွင် ပြီးဆုံးမည်ဖြစ်ပြီး ပူတင်ကမူ အစည်းအဝေးမှ စောစီးစွာ ထွက်ခွာရန် ဆုံးဖြတ်ခြင်းမှာ ယူကရိန်းအရေး ဖိအားပေးမှုများကြောင့် မဟုတ်ဘဲ အိမ်ပြန်ရောက်သည့် တနင်္လာနေ့တွင် အလုပ်လုပ်နိုင်ရန်အတွက် နာရီအနည်းငယ်ကြာ အိပ်စက်ရန်ဖြစ်သည်ဟု ပြောကြားခဲ့သည်။

“ဗာလ်ဒီဗိုစတော့က်ကို ဒီကနေ ၉ နာရီကြာ ပျံသန်းရမှာပါ။ အဲဒီကနေတစ်ဆင့် မော်စကိုကို နောက်ထပ် ၉ နာရီထပ်ကြာပါလိ့မ်မယ်။ အဲဒီနောက် အိမ်ပြန်ပြီး တနင်္လာနေ့ ရုံးတက်ရအုံးမှာပါ။ ဒါ့ကြောင့် ၄၊ ၅ နာရီလောက် အိပ်စက်ဖို့လိုပါတယ်” ဟု ပူတင်၏ ပြောကြားမှုကို RIA Novosti သတင်းအေဂျင်စီက ဖော်ပြခဲ့သည်။

ကမ္ဘာ့ စီးပွားရေးအင်အားကြီးခေါင်းဆောင်များတွေ့ဆုံခဲ့သည့် အဆိုပါ ဘရစ္စဘိန်းအစည်းအဝေးတွင် စီးပွားရေးဖွံဖြိုးတိုးတက်မှုကို အဓိကထားခဲ့သော်လည်း ယူကရိန်းအရေးက တစ်စိတ်တစ်ပိုင်း လွှမ်းမိုးခဲ့သည်။

အမေရိကန်နှင့် တရုတ်နိုင်ငံတို့မှာ ၎င်းတို့၏ စီးပွားရေးကို ၂၀၁၈ ခုနှစ်တွင် ၂.၁ ရာခိုင်နှုန်း တိုးတက်ရန် ကတိပြုခဲ့ပြီး ထိုတိုးတက်မှု၏ တန်ဖိုးမှာ ကန်ဒေါ်လာ ၂ ထရီလီယံ ရှိမည်ဖြစ်ကာ အလုပ်အကိုင် သန်းနှင့်ချီ၍ ဖန်တီးပေးနိုင်မည်ဟု အမေရိကန်နှင့် တရုတ်ခေါင်းဆောင်များက ပြောကြားခဲ့သည်။

ref_ Al Jazeera and agencies