Tag: SaudiArabia

ဇန်န၀ါရီ ၁၇၊ ၂၀၁၉
M-Media

– နိုင်ငံရဲ့ ခရီးသွားကဏ္ဍ တိုးတက်စေရေး အထောက်အကူဖြစ်ဖို့အတွက် ကန်ဒေါ်လာ ဘီလီယံ ၅၀၀ တန် မြို့သစ် စီမံကိန်းကြီးတစ်ခုကို စတင်သွားမယ်လို့ ဆော်ဒီက မနေ့မှာ ကြေငြာလိုက်ပါတယ်။

NEOM လို့ အမည်ပေးထားတဲ့ အဲဒီ စီမံကိန်းဟာ နီမွန်ပင်လယ်အော်နားမှာ တည်ဆောက်မှာဖြစ်ပြီး သဲဖြူကမ်းခြေတွေ၊ လူနေအိမ်တွေ၊ အဆင့်မြင့် ဟိုတယ်တွေ၊ ဇိမ်ခံအဆောက်အဦးတွေအပါအ၀င် ခရီးသွားကဏ္ဍအတွက် လိုအပ်တဲ့ အဆောက်အဦးတွေ ပါဝင်မှာ ဖြစ်ပါတယ်။ ဒီမြို့သစ်က နေအိမ်တွေကို ဒေသတွင်းသာမက နိုင်ငံခြားသားတွေပါ ၀ယ်ယူနိုင်မှာပါ။

ဆောက်လုပ်ရေးလုပ်ငန်း ပထမအဆင့်ကို ၂၀၁၉ ခုနှစ် ပထမ ၃ လပတ်မှာ စတင်မှာဖြစ်ပြီး ၂၀၂၀ ခုနှစ်မှာ အဆုံးသတ်မှာ ဖြစ်ပါတယ်။ မြို့သစ်အတွက် အသုံးပြုနိုင်မယ့် လေဆိပ်ကို လက်ရှိမှာ ဆောက်လုပ်နေပြီး အခုနှစ်ကုန်ပိုင်းမှာ ပြီးစီးမှာ ဖြစ်ပါတယ်။

ပင်လယ်နီရဲ့ အချက်အခြာကျတဲ့ ကမ်းရိုးတန်းမှာ တည်ဆောက်မယ့် အဲဒီ NEOM စီမံကိန်းကို ၂၀၁၇ ခုနှစ်မှာ စတင် ကြေငြာခဲ့တာဖြစ်ပြီး ခရီးသွားကဏ္ဍသာမက၊ ရင်းနှီးမြှုပ်နှံမှုကဏ္ဍပါ တိုးတက်အောင် ရည်ရွယ်တာ ဖြစ်ပါတယ်။ မြို့သစ်ရဲ့ တန်ဖိုးကို အတိအကျ ထုတ်ပြန်ထားတာ မရှိသေးဘဲ ဆော်ဒီအစိုးရရဲ့ မတည်ငွေ ကန်ဒေါ်လာ ဘီလီယံ ၅၀၀ နဲ့ စတင်ဆောင်ရွက်မှာ ဖြစ်ပါတယ်။

နိုင်ငံရဲ့စီးပွားရေး ရေနံလုပ်ငန်းအပေါ် အလွန်အမင်း မှီခိုနေရမှုကို လျှော့ချဖို့အတွက် ဆော်ဒီဟာ ရည်းမှန်းချက်ထားပြီး ဆောင်ရွက်နေပါတယ်။ ခရီးသွားကဏ္ဍ တိုးတက်ဖို့အတွက် ဆိုရင် အခြေခံအဆောက်အဦးတွေ၊ ဥပဒေပြဌာန်းမှုတွေအပါအ၀င် လုပ်ဆောင်စရာ တော်တော်များများ ရှိနေတယ်လို့ ကျွမ်းကျင်သူတွေက သုံးသပ်ပါတယ်။

မလိုအပ်တဲ့ အုပ်ချုပ်ရေးလုပ်ငန်းတွေကို လျှော့ချဖြစ်ဖို့အတွက် NEOM မြို့မှာ ကိုယ်ပိုင် အုပ်ချုပ်ရေးအဖွဲ့ကိုလည်း ဆော်ဒီအစိုးရက ထားရှိပေးသွားမှာ ဖြစ်ပါတယ်။

Ref: Arab News

ဇန်န၀ါရီ ၁၃၊ ၂၀၁၉
M-Media

– ဆော်ဒီကနေ ထွက်ပြေးလာပြီး ထိုင်းနိုင်ငံမှာ သောင်တင်နေတဲ့ အမျိုးသမီးဟာ မနေ့က ကနေဒါနိုင်ငံကို ရောက်ရှိသွားပြီ ဖြစ်ပါတယ်။

တိုရွန်တိုလေဆိပ်ကို ရောက်ရှိလာတဲ့ အသက် ၁၈ နှစ်အရွယ် ရာဟက်ဖ် မိုဟာမက် အလ်-ကွန်နွန်ကို ကနေဒါ နိုင်ငံခြားရေးဝန်ကြီး ခရစ္စတီယာ ဖရီးလန်းက ကြိုဆိုခဲ့ပါတယ်။

“သိပ်ကို ရဲရင့်တဲ့ ကနေဒါနိုင်ငံသားအသစ်လေးပါ” လို့ ဖရီးလန်းက ပြောကြားခဲ့ပါတယ်။

မိသားစုရဲ့ ဖိနှိပ်မှုကြောင့် ထွေပြေးလာရတယ်လို့ဆိုတဲ့ အလ်-ကွန်နွန်ဟာ ကူဝိတ်နိုင်ငံကနေတစ်ဆင့် ဇန်န၀ါရီ ၅ ရက်နေ့က ထိုင်းနိုင်ငံ သုဝဏ္ဏဘူမိလေဆိပ်ကို ရောက်ရှိခဲ့ပါတယ်။

ဆော်ဒီရဲ့ မေတ္တာရပ်ခံမှုကြောင့် ထိုင်းအာဏာပိုင်တွေက နေရပ်ပြန်ပို့ဖို စီစဉ်ခဲ့ပေမယ့် အလ်-ကွန်နွန်ဟာ သူ့ကိုကူညီဖို့အတွက် Twitter စာမျက်နှာကနေတစ်ဆင့် နိုင်ငံတကာအသိုင်းအ၀ိုင်းကို တောင်းဆိုခဲ့ပါတယ်။

အဲဒီနောက် ကုလ ဒုက္ခသည်များဆိုင်ရာအဖွဲ့ UNHCR ရဲ့ ကြားဝင်မှုကြောင့် ကနေဒါက အလ်-ကွန်နွန်ကို ခိုလှုံခွင့်ပေးဖို့ လက်ခံလိုက်တာဖြစ်ပါတယ်။ အလ်-ကွန်နွန်ဟာ ထိုင်းကနေ တောင်ကိုရီးယား၊ အဲဒီကမှ ကနေဒါကို ရောက်ရှိခဲ့တာပါ။

ကနေဒါနိုင်ငံခြားရေးဝန်ကြီး ဖရီးလန်းက အလ်-ကွန်နွန်ကို လက်ခံခဲ့ခြင်းဟာ ‘ကမ္ဘာတစ်ဝှမ်းက အမျိုးသမီးတွေနဲ့ မိန်းကလေးတွေကို ကူညီပံ့ပိုးရေး ပေါ်လစီ’ ရဲ့ တစ်စိတ်တစ်ပိုင်းဖြစ်တယ်လို့ ပြောကြားခဲ့ပါတယ်။

“အမျိုးသမီးတွေအပေါ် ဖိနှိပ်မှုဟာ တစ်ရက်လောက်နဲ့ ဖြေရှင်းလို့ရတဲ့ကိစ္စ မဟုတ်ဘူးဆိုတာ ရှင်းပါတယ်။ အမှောင်ထုကို ကျိန်ဆဲနေတာထက် မီးတိုင်လေးတစ်တိုင် ထွန်းပေးလိုက်တာက ပိုကောင်းတယ်လို့ ကျွန်မတို့ ယုံကြည်ပါတယ်။ အမျိုးသမီးတစ်ဦး၊ လူတစ်ဦးကို ကယ်တင်လိုက်နိုင်တာကလည်း ကောင်းတဲ့ကိစ္စတစ်ခုပါ”

အလ်-ကွန်နွန်က သူ့မိသားစုဟာ သူ့အပေါ် အလွန်ချုပ်ချယ်ပြီး ဆံပင်ညှပ်တဲ့အတွက် ၆ လလောက် အခန်းထဲမှာ ပိတ်လှောင်ခဲ့တယ်လို့ ဆိုပါတယ်။ ဝေဖန်ရေးဂျာနယ်လစ် ဂျမားလ် ကာရှိုဂျီ အစ္စတန်ဘူလ်က တူရကီသံရုံးထဲ အသတ်ခံရမှုကြောင့် ဆော်ဒီဟာ နိုင်ငံတကာအသိုင်းအ၀ိုင်းရဲ့ ဝေဖန်ပြစ်တင်မှုကို ခံနေရတဲ့အချိန် အလ်-ကွန်နွန်ကိစ္စ ပေါ်ပေါက်လာတာ ဖြစ်ပါတယ်။

ဆော်ဒီနဲ့ ကနေဒါတို့ဟာ လက်နက်အရောင်းအ၀ယ်ကိစ္စအပါအ၀င် စီးပွားရေးဆက်ဆံမှု ခိုင်ခိုင်မာမာ ရှိနေကြပြီး အလ်-ကွန်နွန်ကို လက်ခံလိုက်မှုက ဒီဆက်ဆံရေးကို ထိခိုက်စေလိ့မ်မယ်ဆိုတဲ့ ပြောကြားမှုတွေလည်း ရှိနေပါတယ်။

ကနေဒါဝန်ကြီးချုပ် ဂျပ်စတင် ထရူဒူက ဒီဝေဖန်မှုတွေကို ပယ်ချခဲ့ပြီး ကနေဒါဟာ လူ့အခွင့်အရေးနဲ့ အမျိုးသမီးအခွင့်အရေးတို့အပေါ် အမြဲတမ်း ခိုင်ခိုင်မာမာ ရပ်တည်သွားမယ်လို့ တုန့်ပြန်ခဲ့ပါတယ်။

Ref: Aljazeera

ဇန်န၀ါရီ ၁၀၊ ၂၀၁၈
M-Media

– နိုင်ငံအတွင်းက စိုက်ပျိုးမွေးမြူရေးလုပ်ငန်း ဖွံ့ဖြိုးတိုးတက်ရေးအတွက် ဆော်ဒီက စီမံကိန်းတစ်ခုကို မနေ့မှာ စတင်ဖော်ဆောင်ခဲ့ပါတယ်။

Sustainable Agricultural Rural Development Program လို့ အမည်ပေးထားတဲ့ အဲဒီစီမံကိန်းဟာ ကော်ဖီနဲ့ အခြား သီးနှံတွေ စိုက်ပျိုရေး၊ မွေးမြူရေးလုပ်ငန်းတွေကို အဓိကထားမှာ ဖြစ်ပြီး စီမံကိန်းဖွင့်ပွဲအခမ်းအနားကို ဆော်ဒီဘုရင် ဆလ်မန် တက်ရောက်ခဲ့ပါတယ်။

ဆော်ဒီ စိုက်ပျိုရေးဝန်ကြီး အဘ်ဒူလ် ရဟ်မန် ဘင် အဘ်ဒူလ် မိုရှန် အလ်-ဖဒ်လီက ဒီစီမံကိန်းက နိုင်ငံတစ်ဝှမ်းမှာရှိတဲ့ တစ်နိုင်တစ်ပိုင် စိုက်ပျိုးမွေးမြူရေးလုပ်ငန်း လုပ်ကိုင်သူတွေ အကူအညီဖြစ်စေမှာဖြစ်ပြီး၊ နိုင်ငံရဲ့ စိုက်ပျိုးမွေးမြူရေးကဏ္ဍမှာ ရင်းနှီးမြှုပ်နှံမှုတွေကို မြင့်တက်လာစေမှာဖြစ်ကြောင်း၊ စားနပ်ရိက္ခာ ဖူလှုံရေးနဲ့ ရေရှည် ဖွံ့ဖြိုးတိုးတက်ရေးတို့ကို အထောက်အကူဖြစ်စေမှာဖြစ်ကြောင်း ပြောကြားခဲ့ပါတယ်။

ရေနံကို အလွန်အမင်း မှီခိုနေရတဲ့ တိုင်းပြည်ရဲ့စီးပွားရေးကို ပြောင်းလဲဖို့ ချမှတ်ထားတဲ့ ၂၀၃၀ စီမံကိန်းမှာ အခြားစီးပွားရေးကဏ္ဍတွေ ဟန်ချက်ညီ ဖွံ့ဖြိုးတိုးတက်ရေး၊ စားနပ်ရိက္ခာဖူလှုံရေးတွေလည်း ပါဝင်ပါတယ်။

စီမံကိန်းဖွင့်ပွဲအခမ်းအနားမှာ ဆော်ဒီဘုရင် ဆလ်မန်က နိုင်ငံအတွင်း ကဏ္ဍစုံ တိုးတက်နေတာကို တွေ့ရတဲ့အတွက် ပျော်ရွှင်မိတယ်လို့ ပြောကြားခဲ့ပါတယ်။

Ref: Arab News

ဇန်န၀ါရီ ၇၊ ၂၀၁၉
M-Media

– မိဘတွေက ချုပ်ချယ်လွန်းတဲ့အတွက် ထွက်ပြေးလာပြီး ထိုင်းနိုင်ငံ သုဝဏ္ဏဘူမိလေဆိပ်မှာ သောင်တင်နေတဲ့ ဆော်ဒီအမျိုးသမီးက နေရပ်ပြန်ရင် အသက်အန္တရာယ်ရှိတာကြောင့် ပြန်မပို့ဖို့ ထိုင်းအာဏာပိုင်တွေကို တောင်းဆိုလိုက်ပါတယ်။

အသက် ၁၈ နှစ်အရွယ် ရာဟက်ဖ် မိုဟာမက် အလ်-ကွန်နွန်ဆိုသူဖြစ်ပြီး မိဘတွေထံကနေထွက်ပြေးကာ ကူဝိတ်ကနေတစ်ဆင့် ထိုင်းနိုင်ငံကို မနေ့က ရောက်ရှိလာခဲ့တာ ဖြစ်ပါတယ်။ ဒါပေမယ့် ဆော်ဒီနဲ့ ကူဝိတ်အာဏာပိုင်တွေက တားဆီးတာကြောင့် ထိုင်းလူဝင်မှုကြီးကြပ်ရေးက သူမရဲ့ စာရွက်စာတမ်းတွေနဲ့ ပတ်စ်ပို့တွေကို သိမ်းဆည်းခဲ့ပါတယ်။

မိသားစုက ရုပ်ပိုင်းဆိုင်ရာ စိတ်ပိုင်းဆိုင်ရာ ချုပ်ချယ်မှုတွေလုပ်တာကြောင့် ဒီလို ထွက်ပြေးလာရတာဖြစ်ကြောင်း၊ ဆံပင်ညှပ်မိတဲ့အတွက် ၆ လလောက် အခန်းထဲပိတ်ထားတာ ခံခဲ့ရကြောင်း Twitter စာမျက်မှာ ရေးသားခဲ့ပြီး ဆော်ဒီပြန်မပို့ဖို့လည်း ထိုင်းအာဏာပိုင်တွေကို အလ်-ကွန်နွန်က တောင်းဆိုခဲ့ပါတယ်။

“ဆော်ဒီထောင်ကနေထွက်တာနဲ့ ကျွန်မကို သူတို့သတ်တော့မယ်ဆိုတာ ၁၀၀ ရာခိုင်နှုန်း သေချာပါတယ်”

သြစတေးလျမှာ ခိုလှုံ့ခွင့်ရထားပြီး ထိုင်းကနေတစ်ဆင့် သွားရောက်ဖို့ စီစဉ်ထားတဲ့ အလ်-ကွန်နွန်ဟာ ကူဝိတ်မှာ ရှိနေစဉ်တုန်းကလည်း သူမရဲ့ အကြောင်းတွေကို ဆိုရှယ်မီဒီယာကနေ တစ်ဆင့် Live လွှင့်ပြောကြားကာ နိုင်ငံတကာကို အကူအညီတောင်းခဲ့ပါတယ်။

ထိုင်း လူဝင်မှုကြီးကြပ်ရေးအကြီးအကဲ ဆူရာချက်တီ ဟက်ပန်က အလ်-ကွန်နွန်ဟာ အပြန်လက်မှတ်၊ ငွေသားတွေလို အခြား စာရွက်စာတမ်းတွေ ပါမလာဘူးလို့ ပြောကြားခဲ့ပါတယ်။

“လက်ထပ်ရမှာကြောက်လို့ မိသားစုထံကနေ ထွက်ပြေးလာတာပါ။ ဆော်ဒီကိုပြန်ရင် ပြဿနာတက်မှာကိုလည်း သူမက ကြောက်နေပါတယ်။ တာဝန်ရှိသူတွေကိုလွှတ်ပြီး သူမကို စောင့်ရှောက်ခိုင်းထားပါတယ်။ ဒါက မိသားစုပြဿနာပါ”

လက်ရှိမှာ ဆော်ဒီသံရုံးနဲ့ ပူးပေါင်းဆောင်ရွက်နေပြီး ဇန်န၀ါရီ ၇ ရက် (တနင်္လာနေ့) မနက်ပိုင်းမှာ ဆော်ဒီအာရေဗျကို ပြန်လည်ပို့ဆောင်သွားမယ်လို့လည်း ဆူရာချက်တီက ထည့်သွင်းပြောဆိုခဲ့ပါတယ်။

လူ့အခွင့်အရေးတက်ကြွသူများ ဝေဖန်

လူ့အခွင့်အရေးစောင့်ကြည့်အဖွဲ့ Human Rights Watch က UNHCR မှာ အလ်-ကွန်နွန်ကို ခိုလှုံခွင့်ပေးဖို့ ထိုင်းအာဏာပိုင်တွေကို တောင်းဆိုခဲ့ပါတယ်။

“မိသားစုထံကနေ ထွက်ပြေးလာတဲ့ ဆော်ဒီအမျိုးသမီးတွေဟာ သူတို့ဆန္ဒမပါဘဲ ပြန်ပို့ခံရရင် ဆွေမျိုးတွေရဲ့ အကြမ်းဖက်မှု၊ လွတ်လပ်ခွင့်ဆုံးရှုံးမှုနဲ့ အခြား ဆိုးရွားတဲ့ ထိခိုက်မှုတွေကို ကြုံတွေ့လာရနိုင်ပါတယ်” လို့ HRW ရဲ့ အရှေ့အလယ်ပိုင်းဆိုင်ရာ လက်ထောက်ဒါရိုက်တာ မီခေးလ်ပေ့ဂ်ျက ပြောကြားခဲ့ပါတယ်။

ဘန်ကောက်မှာရှိတဲ့ ဆော်ဒီသံရုံးက တာဝန်ရှိသူ အဘ်ဒူလီလာဟ် အလ်-ရှူအိုက်ဘီက အလ်-ကွန်နွန်ရဲ့ဖခင်ဟာ သံရုံးကိုဆက်သွယ်ကာ အကူအညီတောင်းထားတယ်လို့ ၀န်ခံခဲ့ပါတယ်။

Re: CNA

ဇန်န၀ါရီ ၆၊ ၂၀၁၈
M-Media

– ဆော်ဒီအာရေဗျနိုင်ငံက အသက် ၁၄ နှစ်အရွယ် ကျောင်းသားတစ်ဦးဟာ ကမ္ဘာ့ စတုတ္ထမြောက် အမြင့်ဆုံးတောင်ကို ၈ ရက်နဲ့ တက်နိုင်ခဲ့ပြီး နိုင်ငံသမိုင်းမှာ မှတ်တိုင်တစ်ခု စိုက်ထူလိုက်ပါတယ်။

အဘ်ဒူလာ အလ်တူအိုင်မီဆိုသူဖြစ်ပြီး တန်ဇန်းနီးယားက အမြင့် ၅၈၉၅ မီတာရှိတဲ့ ကီလီမန်ဂျာရိုတောင်ကို ဒီဇင်ဘာ ၂၆ ရက်နေ့က စတင် တက်ရောက်ခဲ့တာ ဖြစ်ပါတယ်။ ကီလီမန်ဂျာရိုတောင်ဟာ အာဖရိကရဲ့ အမြင့်ဆုံးတောင်လည်း ဖြစ်ပါတယ်။

တောင်တက်ခရီးစဉ်ကို ဆော်ဒီနိုင်ငံ မြို့တော်ရီယာ့ဒ်မှာရှိတဲ့ ကျောင်းတွေက စီစဉ်ပေးတာဖြစ်ပြီး ကျောင်းသားတွေကို လေ့ကျင့်သင်ကြားပေးမှုတွေ ပြုလုပ်ပေးနေတဲ့ Al-Eidi အဖွဲ့က ဦးဆောင်ပါတယ်။

အလ်-တူအိုင်မီဟာ တရက်ကို ၆ နာရီနှုန်းနဲ့ ကီလီမန်ဂျာရိုတောင်ကို တက်ခဲ့တာဖြစ်ပြီး ဒီတောင်ကို တက်နိုင်တဲ့ အသက်အငယ်ဆုံး ဆော်ဒီနိုင်ငံသားအဖြစ် မှတ်တမ်းဝင်ခဲ့ပါတယ်။

ပြီးခဲ့တဲ့နှစ်အတွင်းမှာ ဆော်ဒီက Green Leaves Playgroup ကျောင်းက အသက် ၃၆ နှစ်အရွယ် ကျောင်းအုပ်ဆရာမကြီး ခါလုဒ် အလ်-ဖဒ်လီဟာ ကီလီမန်ဂျာရိုတောင်ကို အောင်မြင်စွာ တက်နိုင်ငံပြီး ကမ္ဘာတစ်ဝှမ်းက အမြင့်ဆုံးတောင် နောက်ထပ် ၆ ခုကို ဆက်လက်တက်ရောက်သွားမယ်လို့ ပြောကြားခဲ့ပါတယ်။

Ref: Arab News