Tag: SaudiArabia

ဇူလိုင် ၄၊ ၂၀၁၈
M-Media

– ကုလကထုတ်ပြန်တဲ့ ကမ္ဘာပေါ်က အစားအစာ အလေအလွင့်အဖြစ်ဆုံး တိုင်းပြည်စာရင်းမှာ ထိပ်ဆုံးကနေ ပါဝင်နေတဲ့အတွက် ဖြုန်းတီးသူတွေကို ကီလိုအလိုက် ဒဏ်ငွေကောက်ဖို့ ဆော်ဒီ အစားအစာဘဏ် Eta’am က ဆော်ဒီအာဏာပိုင်တွေကို တိုက်တွန်းလိုက်ပါတယ်။

တိုင်းပြည်မှာ အစားအသောက် လေ့လွင့်မှုဟာ ၄၀ ရာခိုင်နှုန်းလောက် ရှိနေတယ်လို့ ဆော်ဒီ သဘာဝပတ်ဝန်းကျင်၊ ရေနဲ့ လယ်ယာစိုက်ပျိုးရေး ၀န်ကြီးဌာနက ထုတ်ပြန်ထားပါတယ်။

Eta’am အဖွဲ့ အတွင်းရေမှူး ဖိုက်ဆဲလ် ရှိုရှန်က ဟိုတယ်တွေ၊ စားသောက်ဆိုင်တွေ၊ မင်္ဂလာခန်းမတွေ၊ သဘာဝပတ်ဝန်းကျင်နဲ့ အစားအသောက် ထိန်းသိမ်းရေးစင်တာတွေအနေနဲ့ ဖြုန်းတီးသူတွေအပေါ် ဒဏ်ငွေတပ်ရမယ်ဆိုတဲ့ စည်းကမ်းတစ်ခု ချမှတ်ရေး ဆောင်ရွက်ဖို့ စည်ပင်သာယာရေးနဲ့ ကျေးလက်ဒေသဆိုင်ရာ ၀န်ကြီးဌာနကို အကြံပြုထားကြောင်း ပြောကြားခဲ့ပါတယ်။

“အခုနှစ် ပထမနဲ့ ဒုတိယ ၃ လပတ်တွေမှာ အစားအသောက်နဲ့ လယ်ယာစိုက်ပျိုရေးအဖွဲ့ဟာ ထမင်းဟင်း အပွဲ ၁.၈ သန်းနဲ့ လတ်ဆတ်တဲ့သစ်သီး ခြင်းပေါင် ၅ သိန်းလောက်ကို စုဆောင်းကာ နိုင်ငံအရှေ့ပိုင်းပြည်နယ်၊ ရီယာ့ဒ်နဲ့ ဂျစ်ဒါတို့က မိသားစု ၂၅၀၀ ကျော်ကို ဝေငှပေးခဲ့ရပါတယ်။ အလေအလွင့်ဖြစ်မှုဟာ ပြီးခဲ့တဲ့နှစ်ကနဲ့ယှဉ်ရင် ၅၁ ရာခိုင်နှုန်း မြင့်တက်လာတာ ဖြစ်ပြီး အစားအသောက်တွေ အလဟသဖြစ်မှုကို တိုက်ဖျက်ဖို့အတွက် ကျွန်တော်တို့အဖွဲ့ ဆက်လက် ဆောင်ရွက်ရအုံးမယ်ဆိုတာ ပြသနေတာလည်း ဖြစ်ပါတယ် ” လို့ ရှိုရှန်က ပြောကြားခဲ့ပါတယ်။

၂၀၁၇ ခုနှစ် ကုလရဲ့ စစ်တမ်းကောက်ယူမှုအရ ဆော်ဒီမှာ တစ်နေ့ကို အစားအသောက် အလေအလွင့်ဖြစ်မှုဟာ တန်ပေါင်း ၄၂၇ တန်ရှိပြီး ဆော်ဒီရီယဲလ် သန်း ၇၀ ဖိုး ဖြစ်ပါတယ်။ နိုင်ငံတစ်ဝှမ်းမှာရှိနေတဲ့ အိမ်ထောင်စုတွေရဲ့ ၉၀ ရာခိုင်နှုန်းလောက်မှာ အစားအသောက်တွေ နေ့စဉ် လေလွင့်နေတာဖြစ်ပြီး ဒီပမာဏဟာ တစ်နိုင်ငံလုံးကလူတွေကို ကျွေးမွေးနိုင်တဲ့ ပမာဏလည်း ဖြစ်ပါတယ်။

Ref: Alarabiay

ဇွန် ၂၄၊ ၂၀၁၈
M-Media

– အိမ်ရှေ့မင်းသား မိုဟာမက် ဘင် ဆလ်မန် ဦးဆောင်တဲ့ ပြုပြင်ပြောင်းလဲရေး တစ်စိတ်တစ်ပိုင်းအဖြစ် ဆော်ဒီအာရေဗျနိုင်ငံက အမျိုးသမီးတွေဟာ ဒီကနေ့မှာ ပထမဆုံးအကြိမ် ကားမောင်းခွင့်ရခဲ့ပါတယ်။

“အခုဆိုရင် အမျိုးသမီးတွေဟာ နိုင်ငံတစ်ဝှမ်းမှာ ကားမောင်းခွင့် ရရှိသွားပါပြီ” လို့ မော်တော်ယာဉ်ဆိုင်ရာ အာဏာပိုင်အဖွဲ့ ပြောရေးဆိုခွင့်ရှိသူ ကာနယ် ဆာမီ ဘင် မိုဟာမက်ရဲ့ ပြောကြားမှုကို နိုင်ငံပိုင် Al-Ekhbariya က ကိုးကားဖော်ပြခဲ့ပါတယ်။

ဆော်ဒီဟာ ကမ္ဘာပေါ်မှာ အမျိုးသမီးတွေအပေါ် ကန့်သတ်မှုအများဆုံး နိုင်ငံတွေထဲက တစ်ခုဖြစ်ပြီး၊ အရင်က အမျိုးသမီးသမီးတွေကို ကားမောင်းခွင့်မပြုတဲ့ ကမ္ဘာ့ တစ်ခုတည်းသောနိုင်ငံ ဖြစ်ခဲ့ပါတယ်။

ဒါပေမယ့် အိမ်ရှေ့မင်းသား မိုဟာမက် ဘင် ဆလ်မန်ဟာ အိမ်ရှေ့အရာ ရရှိပြီးနောက်ပိုင်း နိုင်ငံအတွင်း ပြုလုပ်ပြောင်းလဲမှုတွေ လုပ်ခဲ့ပြီး အမျိုးသမီးတွေကို ကားမောင်းခွင့်ပြုမယ်လို့ ပြီးခဲ့တဲ့လမှာ ကြေငြာခဲ့ပါတယ်။ နောက်ပိုင်းမှာ အမျိုးသမီးတွေအတွက် ကားမောင်းသင်တန်းတွေဖွင့်လှစ်တာ၊ လိုင်စင်ထုတ်ပေးတာတွေကို ဆော်ဒီအစိုးရက စီစဉ်ပေးခဲ့ပါတယ်။

ကြာသာပတေးနေ့က ‘ဘုရားသခင်အပေါ်ယုံကြည်ပြီး ကားမောင်းပါ’ ဆိုတဲ့ ၃ ရက်တာ လှုပ်ရှားမှုတစ်ခုကို စတင်ခဲ့ပြီး အမျိုးသမီးတွေကို ယာဉ်စည်းကမ်းဆိုင်ရာ အသိပညာပေးဖို့ ရည်ရွယ်တာဖြစ်ပါတယ်။

အမျိုးသမီးတွေ ကားမောင်းခွင့် ပိတ်ပင်ထားတာကို ဒီလို ဖြေလျော့လိုက်မှုအပေါ် တက်ကြွလှုပ်ရှားသူတွေက ကြိုဆိုခဲ့ပေမယ့် အတားအဆီး အဟန့်အတားတွေ ရှိနေဆဲပဲလို့ ဆိုပါတယ်။

လိုင်စင်အတွက် ကားမောင်းသင်တန်းတက်ရင် သင်တန်ကြေးဟာ အမျိုးသားတွေထက် ၆ ဆလောက် များနေတာ၊ အမျိုးသမီးတွေအတွက် ယာဉ်မောင်းသင်တန်းကျောင်းတွေ များများစားစား မရှိသေးတာတွေကို သူတို့က ထောက်ပြခဲ့ကြပါတယ်။

ဆော်ဒီအမျိုးသမီးတွေဟာ သူ့တို့ရဲ့ ပထမဆုံး ကားမောင်းရမှုအတွေ့အကြုံကို ဓာတ်ပုံတွေ၊ ဗီဒီယိုတွေနဲ့ ဆိုရှယ်မီဒီယာတွေမှာ မျှဝေခဲ့ကြပါတယ်။

Ref: Aljazeera

ဇွန် ၁၉၊ ၂၀၁၈
M-Media

– ဆော်ဒီအာရေဗျနိုင်ငံ မက္ကာဟ်မြို့မှာရှိတဲ့ မတ်စ်ဂျစ်ဒ်ဟရမ် ဗလီဝတ်ကျောင်းတော် ခေါင်မိုးကနေ ဘင်္ဂလားဒေ့ရ်ှနိုင်ငံသားတစ်ဦး ခုန်ချသတ်သေမှုတစ်ခု တနင်္ဂနွေနေ့မှာ ဖြစ်ပွားခဲ့ပါတယ်။

ဝတ်ပြုသူတွေက ကအ်ဘာကျောင်းတော်ကို လက်ဝဲရစ် လှည့်ပတ်နေစဉ်အတွင်းမှာ ဒီအမျိုးသားက ခုန်ချခဲ့တာဖြစ်ပြီး နေရာမှာပဲ ပွဲချင်းပြီး သေဆုံးခဲ့ပါတယ်။ ခုန်ချမှုကြောင့် ဆူဒန်အဖိုးအိုကို ထိခိုက်မိပြီး ပြင်းပြင်းထန်ထန် ဒဏ်ရာရရှိခဲ့ပါတယ်။

အာဏာပိုင်တွေက စောင့်ကြည်ကင်မရာ မှတ်တမ်းတွေအရ အဲဒီဘင်္ဂလားဒေ့ရ်ှအမျိုးသားဟာ မတော်တဆ ပြုတ်ကျတာမဟုတ်ဘဲ ခုန်ချသတ်သေတာဖြစ်တယ်လို့ ပြောကြားခဲ့ပါတယ်။

ဇွန်လ ၉ ရက်နေ့ကလည်း မတ်စ်ဂျစ်ဒ်ဟရမ် ဗလီဝတ်ကျောင်းတော် ခေါင်မိုးပေါ်ကနေ ပြင်သစ်အမျိုးသားတစ်ဦး ခုန်ချသတ်သေခဲ့ပါတယ်။

ဘာ့ကြောင့် ဒီလိုသတ်သေရသလဲဆိုတာကိုတော့ ရှင်းရှင်းလင်းလင်း မသိရပါဘူး။

Ref: Daiy Times

ဇွန် ၁၃၊ ၂၀၁၈
M-Media

– ဆော်ဒီအာရဗျက ထိပ်တန်း အစ္စလာမ်သာသနာရေးအဖွဲ့တစ်ခုဖြစ်တဲ့ အစ္စလာမ့် ဓမ္မပညာရှင်များကောင်စီမှာ အမျိုးသမီး ‘မွဖ်သီ'(ဓမ္မသတ်မှူး) တွေ ခန့်အပ်ဖို့အတွက် ထိပ်တန်း အစ္စလာမ့်ပညာရှင်တစ်ဦးဖြစ်တဲ့ ရှိခ် အဘ်ဒူလာ အလ်-မူသွလက်က တိုက်တွန်းလိုက်ပါတယ်။

ကောင်စီအဖွဲ့ဝင်တစ်ဦးလည်းဖြစ်တဲ့ အလ် မူသွလက်က အမျိုးသမီးဓမ္မသတ်မှူးတွေဟာ အထူးသဖြင့် အမျိုးသမီးဆိုင်ရာ ကိစ္စတွေနဲ့ပတ်သက်လို့ ဓမ္မသတ်တွေ ထုတ်ပြန်ပေးလိမ့်မယ်လို့ ဆိုပါတယ်။

“အီမာမ် မိုဟာမက် ဘင် ဆာအွဒ် အစ္စလာမ့်တက္ကသိုလ်၊ အွမ်မေ့ အလ်-ကူရာ တက္ကသိုလ်တွေလို ကျောင်းတွေက ကျွန်တော်တို့ရဲ့ သမီးတွေ၊ အစ္စလာမ့်ဓမ္မသတ်ဥပဒေကို အထူးကျွမ်းကျင်တဲ့ အခြားသူတွေကို ခန့်အပ်ဖို့အတွက် ကျွန်တော်ဟာ မွဖ်သီချုပ်ကို တိုက်တွန်းထားပါတယ်” လို့ အလ် မူသွလက်က ရုပ်သံအစီအစဉ်တစ်ခုမှာ ပြောကြားခဲ့ပါတယ်။

အမျိုးသမီးတွေနဲ့ပတ်သက်ပြီး ဓမ္မသတ်ထုတ်ပြန်ပေးရမှာတွေ အများကြီးရှိနေကြောင်း၊ အမျိုးသမီးသမီးတွေဟာ သူတို့ကိစ္စကို အမျိုးသားမွဖ်သီထံ မေးရမှာ ရှက်ရွံ့နေတတ်တဲ့အတွက် ဓမ္မသတ်ကော်မတီမှာ အမျိုးသမီးတွေ ပါဝင်ခွင့်ပေးဖို့ တောင်းဆိုရတာဖြစ်ကြောင်း သူက ပြောပါတယ်။

“အစ္စလာမ့်ဓမ္မသတ်ဥပဒေကို အထူးကျွမ်းကျင်တဲ့ အမျိုးသမီးတွေဟာ အမျိုးသမီးရေးရာကိစ္စတွေမှာ ကျွန်တော်တို့ထက် အများကြီး ပိုနားလည်တယ်ဆိုတာ သံသယဖြစ်စရာ မလိုပါဘူး။ သူတို့တွေထံမှာ အမျိုးသမီးတွေဟာ ပိုပြီး သက်တောင့်သက်သာနဲ့ လွတ်လွတ်လပ်လပ် အကြံဉာဏ်ရယူနိုင်မှာ ဖြစ်ပါတယ်”

အမျိုးသမီးတွေဟာ မိမိတို့ရဲ့ အလှအပတွေကို တစ်ပါးသူတွေမြင်အောင် မပြသရဘူးဆိုတဲ့ အစ္စလာမ်သာသနာရဲ့လမ်းညွှန်ချက်ဟာ တစ်ကိုယ်လုံးဖုံးထားတဲ့ ခြုံထည်ကြီးတွေကိုသာ ၀တ်ဆင်ရမယ်ဆိုတာမျိုးမဟုတ်ဘဲ ပွပွချောင်ချောင်နဲ့ ခန္ဓာကိုယ်လုံခြုံစေနိုင်မယ့် ဘယ်လိုအ၀တ်အစားမျိုးမဆို ၀တ်ဆင်နိုင်တယ်လို့ ရှိခ် အလ် မူသွလက်ဟာ အရင်တုန်းက ပြောကြားခဲ့ဖူးပါတယ်။

Ref: Alarabiya