Tag: SaudiArabia

ဇွန် ၂၊ ၂၀၁၈
M-Media

– ဆော်ဒီဘုရင် ဆလ်မန်ဟာ ဒီနေ့မှာ အမိန့်ပြန်တမ်းတစ်ချို့ကို ထုတ်ပြန်ခဲ့ပြီး အစိုးရအတွင်း အပြောင်းအလဲတွေ ပြုလုပ်ခဲ့ပါတယ်။

ဘုရင်ကြီးဟာ ယဉ်ကျေးမှုဝန်ကြီးဌာန ဖွဲ့စည်းဖို့ အမိန့်ပေးခဲ့ပြီး လီယိုနာဒို ဒါဗင်ချီရေးဆွဲခဲ့တဲ့ ယေရှုခရစ် ပုံတူပန်းချီကားကို ကန်ဒေါ်လာ သန်း ၄၅၀ နဲ့ ၀ယ်ယူစုဆောင်းခဲ့သူ မင်းသား ဘဒရ် ဘင် အဘ်ဒူလာကို ၀န်ကြီးအဖြစ် ခန့်အပ်ခဲ့ပါတယ်။

မင်းသားဘဒရ်ဟာ ဧပြီလက အသစ်ဖွဲ့စည်းခဲ့တဲ့ ယဉ်ကျေးမှုဆိုင်ရာ အာဏာပိုင်အဖွဲ့ရဲ့ ခေါင်းဆောင်နေရာ အပါအ၀င် ဆော်ဒီအစိုးရရဲ့ ထိပ်တန်းနေရာ တော်တော်များများကို တာဝန်ယူကိုင်တွယ်ရသူလည်း ဖြစ်ပါတယ်။

ဆော်ဒီဟာ အရင်က ယဉ်ကျေးမှုနဲ့ သတင်းအချက်အလက်ဝန်ကြီးဌာနအဖြစ် ပူးတွဲထားရှိခဲ့ပြီး အခုမှ ယဉ်ကျေးမှု ၀န်ကြီးဌာနအဖြစ် သီးသန့်ခွဲထုတ်ခဲ့တာပါ။

ပုဂ္ဂလိကလုပ်ငန်းရှင်တစ်ဦးဖြစ်တဲ့ အဟ်မဒ် ဘင် ဆူလေမန် အလ်-ရဂ်ျဟီကိုတော့ အလုပ်သမားနဲ့ လူမှုဖွံ့ဖြိုးတိုးတက်ရေး ၀န်ကြီးအဖြင် ခန့်အပ်ခဲ့ပါတယ်။

အစ္စလာမ့်ရေးရာ ၀န်ကြီးဌာန ၀န်ကြီးအဖြစ် အဘ်ဒူလ်လတစ်ဖ် ဘင် အဘ်ဒူလ်အဇစ် ဘင် အဘ်ဒူရဟ်မန် အလ် အလ်-ရှိခ်ကို ခန့်အပ်ခဲ့ပါတယ်။ အလ်-ရှိခ်ဟာ အရင်က ဆော်ဒီ ဘာသာရေးရဲတပ်ဖွဲ့ကို ဦးဆောင်ခဲ့သူ ဖြစ်ပါတယ်။

ဘုရင်ဆလ်မန်ဟာ သဘာဝပတ်ဝန်းကျင်နဲ့ မက္ကာဟ်မြို့ဆိုင်ရာ တော်ဝင်ကော်မရှင်၊ ဂျစ်ဒါမြို့ သမိုင်းဝင်ဒေသတွေကို ထိန်းသိမ်းစောင့်ရှောက်ရေး ကော်မရှင်တွေ ဖွဲ့စည်းကြောင်းလည်း အမိန့်ပြန်တမ်းမှာ ဖော်ပြခဲ့ပါတယ်။

ပြည်ထဲရေးဝန်ကြီးဌာန၊ ဆက်သွယ်ရေး၊ ပို့ဆောင်ရေး၊ စွမ်းအင်း၊ စက်မှုလက်မှု၊ သတ္တုတွင်းဝန်ကြီးဌာနတွေက ဒုတိယ၀န်ကြီးနေရာတွေကိုလည်း ဘုရင်ဆလ်မန်က အပြောင်းအလဲ လုပ်ခဲ့ပါတယ်။

အစိုးရအဖွဲ့မှာ ဒီလိုအပြောင်းအလဲ ကြီးကြီးမားမား လုပ်ဆောင်တာဟာ ၂၀၁၇ ခုနှစ်ဇွန်လ မိုဟာမက်ဘင် ဆလ်မန်ကို အိမ်ရှေ့မင်းသားအဖြစ် ခန့်အပ်ပြီးတဲ့နောက်ပိုင်း ဒုတိယအကြိမ်မြောက်လည်းဖြစ်ပါတယ်။

Ref: Aljazeera

မေ ၃၁၊ ၂၀၁၈
M-Media

– ဆော်ဒီအာရေဗျနိုင်ငံ အနောက်ပိုင်း တာအစ်ဖ်မြို့က စစ်စခန်းတစ်ခုကို သေနတ်သမားနှစ်ဦးက မနေ့ညပိုင်းမှာ ၀င်ရောက်တိုက်ခိုက်ခဲ့ပြီး စစ်သည်အများအပြား ဒဏ်ရာရရှိခဲ့ပါတယ်။

သေနတ်သမားတွေဟာ ရဲတစ်ယောက်ကို ဓားနဲ့ထိုးသတ်ဖြတ်ပြီး သူ့ရဲ့ကားနဲ့ လက်နက်တွေယူဆောင်ကာ စစ်စခန်းကို ၀င်ရောက်တိုက်ခိုက်ခဲ့တာပါ။

စစ်သားတွေနဲ့ သေနတ်သမားတွေအကြား အပြန်အလှန်ပစ်ခတ်မှု ဖြစ်ပွားခဲ့ပြီး သေနတ်သမားတစ်ဦး ဒဏ်ရာရရှိကာ ဖမ်းဆီးနိုင်ခဲ့ပါတယ်။ စစ်သားတော်တော်များများလည်း ဒဏ်ရာရရှိခဲ့ပါတယ်။

တိုက်ခိုက်မှုကို ဘယ်အဖွဲ့အစည်းကလုပ်တယ်ဆိုတာ မသိရသေးပေမယ့် နောက်လိုက်တွေအနေနဲ့ ဆော်ဒီ စစ်စခန်းတွေကို တိုက်ခိုက်ကြဖို့ IS အကြမ်းဖက်အဖွဲ့ဟာ ယခင်တုန်းက ဆော်သြတိုက်တွန်းဖူးပါတယ်။

Ref: Aljazeera

မေ ၂၇၊ ၂၀၁၈
M-Media

– အမြင်အာရုံချို့တဲ့သူတွေအတွက် အာရဘီစာရေးနည်းသစ်တစ်ခုကို ဆော်ဒီအာရဗျက အသက် ၁၄ နှစ်အရွယ် အမျိုးသမီးငယ်လေးက တီထွင်ခဲ့ပါတယ်။

တာလာ အဘူလ်နာဂါဆိုတဲ့ အဲဒီ မိန်းကလေးငယ်ဟာ နိုင်ငံအရှ့ပိုင်း ဒါရန်မြို့ကဖြစ်ပြီး ကျောင်းမှာ မျက်စိအလင်းမရတဲ့ ကျောင်းသူတစ်ဦးနဲ့ တွေ့ဆုံခဲ့ပြီးတဲ့နောက် စာရေးနည်းသစ်တစ်ခုကို တီထွင်ဖို့ အကြံရခဲ့တာ ဖြစ်ပါတယ်။

တာလာရဲ့သူငယ်ချင်းဟာ ကမ္ဘာတစ်ဝှမ်း အမြင်အာရုံချို့တဲ့သူတွေ စာရေး၊ စာဖတ်အတွက် အသုံးပြုနေတဲ့ ဖောင်းကြွအစက်အခြေပြု Braille စနစ်ကို အသုံးမပြုနိုင်ပါဘူး။

တာလာတီထွင်ခဲ့တဲ့ စနစ်သစ်ကတော့ ဂျီသြမေတြီပုံသဏ္ဍာန်တွေကို အခြေပြုပြီး အာရဘီစကားလုံးတွေကို အုပ်စု ၃ စု ခွဲထားပါတယ်။ အုပ်စုတစ်ခုချင်းစီမှာ သီးခြားသရတွေ ထည့်ပေးထားပြီး အမြင်အာရုံ ချို့တဲ့သူတွေအနေနဲ့ အာရဘီစကားလုံးတွေကို ရေးသားဖတ်ရှုရာမှာ ပိုမိုလွယ်ကူစေမှာ ဖြစ်ပါတယ်။

သူမက အမြင်အာရုံချို့တဲ့သူတွေဟာ ပတ်ဝန်းကျင်က အရာတွေနဲ့ပတ်သက်ပြီး ကိုယ်ပိုင်နားလည်နိုင်စွမ်းရှိကြောင်း၊ သူတို့ကို မိမိတို့ နားလည်ထားတဲ့အတိုင်း သင်ပေးလို့ မရကြောင်း ပြောကြားခဲ့ပါတယ်။

အမေရိကန် စိတ်ပညာဆိုင်ရာအသင်းက သူမရဲ့ တီထွင်မှုကို ဂုဏ်ပြုတဲ့အနေနဲ အခုလအတွင်း ပြုလုပ်ခဲ့တဲ့ ISEF 2018 ဆုပေးပွဲမှာ အထူးဆုတစ်ခု ချီးမြှင့်ခဲ့ပါတယ်။

Ref: Alarabiya

မေ ၁၇၊ ၂၀၁၈
M-Media

– မက္ကာက မတ်စ်ဂျစ်ဒ်ဟရမ် ဗလီဝတ်ကျောင်းတော်မှာ ရမ်ဇာန်ဥပုသ်လအတွင်း မြင့်တက်လာတဲ့ ၀တ်ပြုသူတွေကို စောင့်ကြည့်ထိန်းသိမ်းဖို့အတွက် ပထမဆုံးအကြိမ် ဒရုန်းလေယာဉ်တွေ အသုံးပြုသွားမယ်လို့ အွမ္မရာဟ်ဆိုင်ရာ အကြီးအကဲ ဗိုလ်ချုပ် မိုဟာမက် အလ်-အဟ်မဒီက ပြောကြားလိုက်ပါတယ်။

ဒါဟာ ကမ္ဘာတစ်ဝှမ်းက အွမ္မရာဟ်ဘုရားဖူး လာရောက်ကြသူတွေရဲ့ လုံခြုံရေး၊ အဆင်ပြေချောမွေ့စေရေးနဲ့ စီမံခန့်ခွဲရေးဆိုင်ရာ အစီအစဉ်ရဲ့ တစ်စိတ်တစ်ပိုင်းလည်း ဖြစ်ပါတယ်။

ဒရုန်းတွေ၊ လေယာဉ်ငယ်တွေနဲ့ စောင့်ကြည့်မှုအပြင် မတ်စ်ဂျစ်ဒ်ဟရမ် ဗလီဝတ်ကျောင်းတော်အတွင်း လူတွေရဲ့ သွားလာလှုပ်ရှားမှုကို ကြည့်ရှုနိုင်ဖို့ လုံခြုံရေးကင်မရာ ၂၅၀၀ တပ်ဆင်ထားပါတယ်။

ဒါ့အပြင် ရဲတပ်ဖွဲ့ဝင် ၂၄၀၀၊ လုံခြုံရေးအဖွဲ့ဝင် ၁၃၀၀ တို့ကို ချထားမှာဖြစ်ပြီး ဗလီဝတ်ကျောင်းတော် ပရဝုဏ်အတွင်း အ၀င်အထွက်လုပ်တဲ့ ယာဉ်ငယ်တွေ ရပ်နားရာနေရာ ၆ ခုကိုလည်း ထားပေးထားပါတယ်။

“ဘုရားဖူးတွေနဲ့ ဗလီဝတ်ကျောင်းတော်ကို လာရောက်ကြသူတွေရဲ့ အ၀င်အထွက်ကို ရဲတပ်ဖွဲ့က စီစဉ် ကြီးကြပ်ပေးသွားမှာပါ” လို့ မက္ကာဟ်ရဲချုပ် ဗိုလ်ချုပ် ဖဟဒ် ဘင် မူတ်လက် အလ်-အိုဆိုင်မီက ပြောကြားခဲ့ပါတယ်။

Ref: Alarabiya