Tag: SaudiArabia

နိုဝင်ဘာ ၅၊ ၂၀၁၇
M-Media

– ဆော်ဒီမှာ အကြီးတန်းဝန်ကြီး အများအပြားနှင့် တော်ဝင်အသိုင်းအ၀ိုင်းမှ မင်းသား ဒါဇင်နှင့်ချီ ထိန်းသိမ်းကာ ခြစားမှုအတွက် စုံစမ်းစစ်ဆေးမှု ပြုလုပ်နေသည်ဟု နိုင်ငံပိုင်မီဒီယာက ယမန်နေ့တွင် ဖော်ပြခဲ့သည်။

ဖမ်းဆီးခံရသူများတွင် Kingdom Holding ရင်းနှီးမြှုပ်နှံမှု ကုမ္ပဏီကို ပိုင်ဆိုင်သည့် ဘီလီယံနာ တော်ဝင်မင်းသား အလ်ဝါလီဒ် ဘင် တာလာလ်လည်း ပါဝင်သည်ဟု အမည်မဖော်လိုသည့် အကြီးတန်း တာဝန်ရှိသူတစ်ဦးကို ကိုးကား၍ Reuters သတင်းဌာနက ဖော်ပြခဲ့သည်။

ခြစားမှုသံသယဖြင့် ထုတ်ပယ်ခံခဲ့ရသည့် ၀န်ကြီးများတွင် အမျိုးသားအစောင့်တပ်ဖွဲ့ အကြီးအကဲ မင်းသား အီတာ့ဘ် ဘင် အဘ်ဒူလာနှင့် စီးပွားရေးဝန်ကြီး အဒဲလ် ဖာကီတို့လည်း ပါဝင်သည်။ ဆော်ဒီရေတပ်မှ တပ်မှူး အဘ်ဒူလာ အလ် ဆူလ်တန်မှာလည်း ယခု စုံစမ်းစစ်ဆေးမှုအတွင်း အစားထိုးခြင်း ခံခဲ့ရသည်။

မကြာသေးမီက ဖွဲ့စည်းခဲ့သည့် ဆော်ဒီ၏ ခြစားမှုတိုက်ဖျက်ရေး ကော်မတီသစ်ကို အိမ်ရှေ့မင်းသား မိုဟာမက် ဘင် ဆလ်မန်က ဦးဆောင်ခြင်းဖြစ်ပြီး ဖမ်းဆီးခံရသူများတွင် တော်ဝင်အသိုင်းအ၀ုိုင်းမှ မင်းသား ၁၁ ဦး၊ လက်ရှိဝန်ကြီး ၄ ဦး၊ ၀န်ကြီးဟောင်းအများအပြားတို့ ပါဝင်သည်ဟု Al-Arabiya သတင်းဌာနက ဖော်ပြခဲ့
သည်။

သို့သော်လည်း ဆော်ဒီအာဏာပိုင်များက ဖမ်းဆီးခံရသူများ၏ အရေအတွက် အတိအကျကို ထုတ်ပြန်ခဲ့ခြင်း မရှိပေ။

အိမ်ရှေ့မင်းသားနေရာကို ရရှိခဲ့ပြီးနောက် မိုဟာမက် ဘင် ဆလ်မန်မှာ နိုင်ငံအတွင်းနှင့် နိုင်ငံပြင်ပတွင် ပြုပြင်ပြောင်းမှုများစွာ လုပ်ဆောင်ရန် အားထုတ်ကြိုးပမ်းလာခဲ့ပြီး ခြစားမှုတိုက်ဖျက်ရေး ကော်မတီမှာ ၎င်း၏ ကြိုးပမ်းမှုများမှ တစ်ခုလည်းဖြစ်သည်။

Ref: Aljazeera

အောက်တိုဘာ ၂၅၊ ၂၀၁၇
M-Media

– အစ္စလာမ်သာသနာအား အစွန်းရောက်စွာ တစ်လွဲဖွင့်ဆို ကျင့်သုံးနေသူများကို တိုက်ဖျက်သွားမည်ဖြစ်ပြီး ဘာသာတရာအားလုံးနှင့် သဟဇာတဖြစ်သည့် အလယ်အလတ်အစ္စလာမ်သာသနာဆီ ပြန်သွားမည်ဟု ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က ယမန်နေ့တွင် ပြောကြားလိုက်သည်။

ဆော်ဒီအာရေဗျနိုင်ငံ မြို့တော်ရီယာ့ဒ်တွင် ပြုလုပ်ခဲ့သည့် Future Investment Initiative (FII) အခမ်းအနား၌ မင်းသားက ထိုကဲ့သို့ ပြောကြားလိုက်ခြင်းဖြစ်ပြီး မိမိတို့တိုင်းပြည်ရှိ အစ္စလာမ်သာသနာမှာ ယခင်က ယခုကဲ့သို့ မဟုတ်ဟုလည်း ဆိုသည်။

“ဘာသာတရားအားလုံး၊ ကမ္ဘာကြီးနဲ့ သဟဇတဖြစ်တဲ့ အလယ်အလယ်အစ္စလာမ်သာသနာကျင့်သုံးတဲ့ တိုင်းပြည်တစ်ခုဆိုတဲ့ ယခင်က အနေအထားကို ကျွန်တော်တို့ ပြန်သွားတော့မှာပါ” ဟု အသက် ၂၃ နှစ်အရွယ် မင်းသားက ဆိုသည်။

FII အခမ်းအနားမှာ ဆော်ဒီက နိုင်ငံအတွင်း ကမ္ဘာတစ်ဝှမ်းမှ ရင်းနှီးမြှုပ်နှံမှုများ ရရှိရန်အတွက် ဆောင်ရွက်သော ပွဲတစ်ခုဖြစ်သည်။

မင်းသား မိုဟာမက် ဘင် ဆလ်မန်က မိမိအနေဖြင့် လူငယ်မျိုးဆက်သစ်များမှာ ရေနံအလွန် ကမ္ဘာကြီးနှင့် နေသားတကျဖြစ်အောင် စွမ်းဆောင်နိုင်မည့် စွမ်းရည်မျိုး ရှိနေကြောင်း မိမိအနေဖြင့် ယုံကြည်သည်ဟု ဆိုပြီး နေစွမ်းအင်၏ အကျိုးကျေးဇူးများကိုလည်း ထည့်သွင်းပြောဆိုခဲ့သည်။

၂၀၁၈ ခုနှစ် ဇွန်လမှစ၍ အမျိုးသမီးများအား ကားမောင်းခွင့်ပြုသည့် သမိုင်းဝင် ဆုံးဖြတ်ချက်တစ်ခုကို ဆော်ဒီက ချမှတ်ပြီး တစ်လအကြာတွင် မိုဟာမက် ဘင် ဆလ်မန်၏ ယခုမှတ်ချက်များ ပေါ်ထွက်လာခြင်းဖြစ်သည်။

Ref: Aljazeera

အောက်တိုဘာ ၂၁၊ ၂၀၁၇
M-Media

– မက္ကာဟ်မြို့ မတ်စ်ဂျစ်ဒ်ဟရမ် ဗလီရှိ ကအ်ဘာကျောင်းတော်ကို လွှမ်းခြုံထားသော ခြုံလွှာ(Kiswah) အား အပူဒဏ်နှင့် အလေးချိန် ပိုမိုခံနိုင်ရန်အတွက် ချည်မျှင်တစ်မျိုးဖြင့် ရက်လုပ်ထားသော ပိတ်စကို အစားထိုးရန် Umm al-Qura တက္ကသိုလ်မှ ကျွမ်းကျင်သူအဖွဲ့တစ်ခုက လေ့လာနေသည်ဟု သိရသည်။

စုတ်ပြဲခြင်းနှင့် ပြန့်ကားသွားခြင်းကို ကာကွယ်ရေးနှင့် ကြီးမားသော အလေးချိန်များကို ခံနိုင်ရေးအတွက် ပိုးချည်များကို အထောက်အကူဖြစ်စေရန် စွမ်းဆောင်ရည်မြင့် Kevlar အမျှင်များကို ထည့်သွင်းကာ အလိုအလျောက် ရက်လုပ်စက်ဖြင့် ရက်လုပ်သွားမည်ဟု ကအ်ဘာကျောင်းတော် ခြုံလွှာဆိုင်ရာ တာဝန်ရှိသူ မိုဟာမက်
ဘာဂျူဒါက ပြောကြားခဲ့သည်။

နာနိုနည်းပညာသုံးမည်

ထုတ်လုပ်မှုပထမအဆင့် ဆေးဆိုးသည့်နေရာတွင် အသုံးပြုသည့် နာနိုနည်းပညာဖြင့် အဆိုပါခြုံလွှာကို တောင့်တင်းအောင်း ပြုလုပ်သွားရန် ရှိနေသည်။

ပိုးချည်များကို ခိုင်မာစေရန်၊ ရာသီဥတုဒဏ် ခံစေရန်အတွက် အလိုအလျောက်ရက်လုပ်သည့် လုပ်ငန်းစဉ်တွင် အသုံးမပြုမီ နာနိုနည်းပညာဖြင့် ခိုင်မာအောင် ပြုလုပ်မည်ဟုလည်း ဘာဂျူဒါက ဆိုသည်။

Kevlar ဆိုသည်မှာ ကျုံ့နိုင်ဆန့်နိုင်ကာ ခိုင်မာမှုအရည်အသွေး အလွန်ကောင်းသည့် ချည်မျှင်မျိုး ဖြစ်သည်။ ၎င်းကို ကျည်ကာဝတ်စုံများတွင် အသုံးပြုပြီး၊ မီးလောင်မှုနှင့် စုတ်ပြဲမှုဒဏ်ကိုလည်း ခံနိုင်သည်။

Kevlar အမျှင်ကို ကားနှင့် လေယာဉ်ပျံများ ထုတ်လုပ်ရာတွင်လည်း အသုံးပြုသည်။

Ref : Alarabiya