Tag: SaudiArabia

အောက်တိုဘာ ၁၀၊ ၂၀၁၇
M-Media

– ရင်သားကင်ဆာရောဂါအကြောင်း အသိပေးလှုံ့ဆော်မှုကာလကို အားပေးထောက်ခံသည့်အနေဖြင့် ဆော်ဒီအာရေဗျနိုင်ငံ အလ်မဒီနာပြည်နယ် မာဒါအင် ဆွာလေ ရှေးဟောင်းသမိုင်းဝင် နေရာတစ်ခုအား ပန်းရောင်မီးအလှ ထွန်းညှိခဲ့ကြောင်း သိရသည်။

ရင်သားကင်ဆာအန္တရာယ်ကို စောစီးစွာ သတိထားမိကာ ကုသနိုင်စေရန် ရည်ရွယ်၍ “သင်၏တိုက်ပွဲများကို ပြီးဆုံးအောင်တိုက်ပါ” ဟူသော ခေါင်းစဉ်ဖြင့် မာဒါအင်သမိုင်းဝင်နေရာ တည်ရှိရာ အလ်အူလာခရိုင်အတွင်းရှိ ကျန်းမာရေးဌာနများတွင် အခမ်းအနားအမျိုးမျိုးကိုလည်း ကျင်းပခဲ့ကြသည်။

ယင်းလှုပ်ရှားမှုသည် ရင်သားကင်ဆာအန္တရာယ်ကို သတိပြုရန်နှင့် ကြိုတင်ကာကွယ်ထားရန် ရည်ရွယ်လုပ်ဆောင်ခြင်း ဖြစ်သည်။

နိုင်ငံတကာ လေ့လာတွေ့ရှိချက်များအရ အမျိုးသမီး ရှစ်ဦးအနက် တစ်ဦးမှာ ရင်သားကင်ဆာရောဂါကို ခံစားနေရပြီး ၎င်းဝေဒနာ၏ ၉၅ ရာခိုင်နှုန်းမှာ စောစီးစွာ တွေ့ရှိပါက ပျောက်ကင်းအောင် ကုသနိုင်သည်။

Ref : Alarabiya

အောက်တိုဘာ ၈၊ ၂၀၁၇
M-Media

– ဆော်ဒီအာရေဗျနိုင်ငံ ဂျစ်ဒါမြို့ရှိ ဘုရင့်နန်းတော်ကို သေနတ်သမားတစ်ဦးက ကားဖြင့် တစ်ရကြမ်းမောင်းဝင်ကာ သေနတ်ဖြင့်ပစ်ခတ်မှုတစ်ခု ယမန်နေ့တွင် ဖြစ်ပွားခဲ့ပြီး အစောင့် ၂ ဦးသေဆုံးက ၃ ဦး ဒဏ်ရာရရှိခဲ့သည်ဟု သိရသည်။

ဆော်ဒီ ပြည်ထဲရေးဝန်ကြီးဌာနက ထုတ်ပြန်မှုတွင် တိုက်ခိုက်မှုသူမှာ အသက် ၂၈ နှစ်အရွယ် ဆော်ဒီနိုင်ငံသား မန်ဆူရလ် အလ်-အမ်ရီဆိုသူဖြစ်ပြီး ကာလက်ရ်ှနီကော့ဗ်ရိုင်ဖယ်တစ်လက်နှင့် မီးလောင်ဗုံး ၃ လုံး ကိုင်ဆောင်လာသည်ဟု ဆိုသည်။

အမ်ရီမှာ ကားကို အလ်-ဆလာမ် နန်းတော်၏ အနောက်ဖက် ဂိတ်ပေါက်ဝသို့ ဦးတည်မောင်းနှင်လာကာ စတင်ပစ်ခတ်ခဲ့ပြီး တော်ဝင်အစောင့်တပ်ဖွဲ့က နောက်ပိုင်းတွင် သေနတ်သမားကို အသေပစ်သတ်ခဲ့သည်။

အဆိုပါ နန်းတော်မှာ နွေရာသီလာများတွင် တော်ဝင်မိသားစု စီးပွားရေးလုပ်ဆောင်ရာ နေရာဖြစ်ပြီး ဆော်ဒီဘုရင် ဆလ်မန်မှာ လက်ရှိတွင် နိုင်ငံအတွင်းမရှိဘဲ ရုရှားသို့ သွားရောက်နေသည်။

အမ်ရီမှာ ရာဇ၀တ်မှုမှတ်တမ်းမရှိဘဲ၊ လက်နက်ကိုင်အဖွဲ့များနှင့် ဆက်သွယ်သည့် အထောက်အထားများလည်း မရှိကြောင်း၊ လက်ရှိတွင် တိုက်ခိုက်မှုနောက်ကွယ်က အကြောင်းအရင်းကို စုံစမ်းစစ်ဆေးမှု ပြုလုပ်နေကြောင်း ပြည်ထဲရေးဝန်ကြီးဌာန၏ ပြောရေးဆိုခွင့်ရှိသူ မန်ဆူရ် အလ်-တာရ်ကီက ပြောကြားခဲ့သည်။

Ref: Aljazeera s

အောက်တိုဘာ ၄၊ ၂၀၁၇

M-Media