Tag: SaudiArabia

မေ ၂၀၊ ၂၀၁၇
M-Media

– အမေရိကန်သမ္မတ ဒေါ်နယ်ထရမ့်မှာ ၎င်း၏ ပထမဆုံး နိုင်ငံခြားခရီးစဉ်အဖြစ် ယနေ့မနက်ပိုင်းတွင် ဆော်ဒီအာရေဗျနိုင်ငံ ရီယာ့ဒ်မြို့သို့ ရာက်ရှိလာခဲ့သည်။

ထရမ့်နှင့် အဖွဲ့ကို ဆော်ဒီဘုရင် ဆလ်မန် ဘင် အဘ်ဒူလ် အဇစ် အလ် ဆာအွဒ်က လေယာဉ်ကွင်းတွင် လာရောက်ကြိုဆိုခဲ့သည်။

ထရမ့်မှာ စနေနှင့် တနင်္ဂနွေနေ့များတွင် ဆော်ဒီဘုရင်၊ အခြားသော အာရပ်ခေါင်းဆောင်များ၊ မွတ်စလင်ခေါင်းဆောင်များဖြင့် တွေ့ဆုံဆွေးနွေးမည်ဖြစ်သည်။ ထို့နောက် အစ္စရေး၊ အစ္စရေးက သိမ်းပိုက်ထားသော ပါလက်စတိုင်းပိုင်နက်များ၊ ဗာတီကန်၊ ဘလ်ဂျီယံနှင့် အီတလီနိုင်ငံများသို့ သွားရောက်ရန် စီစဉ်ထားသည်။

ဆော်ဒီသို့ ရောက်ရှိလာသည့် ၂ ရက်ကြာခရီးစဉ်တွင် ထရမ့်မှာ လက်နက်ရောင်းချရေး သဘောတူညီချက်ကို လက်မှတ်ထိုးမည်ဖြစ်ကာ၊ အစ္စလာမ်နှင့်ပတ်သက်သည့် မိန့်ခွန်းတစ်ခုကိုလည်း ပြောကြားမည်ဖြစ်သည်။ ထို့ပြင် ခေါင်းဆောင် ၅၀ ကျော်နှင့် အကြမ်းဖက်ဝါဒ တိုက်ဖျက်ရေးအကြောင်းကို ဆွေးနွေးရန် ရှိနေသည်။

အမေရိကန်သမ္မတစ်ဦးက ၎င်း၏ ပထမဆုံး ခရီးစဉ်အား ဆော်ဒီနိုင်ငံကို ရွေးချယ်မှုမှာ ယခုအကြိမ်သည် ပထမဆုံးဖြစ်ပြီး၊ ထရမ့်အနေဖြင့် အမေရိကန်၏ အနီးကပ်ဆုံး အာရပ်မဟာမိတ်နိုင်ငံနှင့် ဆက်ဆံရေးကို ပြန်လည်ကောင်းမွန်လာစေရန် ဆန္ဒရှိနေသည်ဟု ရှုမြင်ကြသည်။

Ref: Aljazeera

မေ ၁၈၊ ၂၀၁၇
M-Media

– ဆော်ဒီနိုင်ငံပိုင် ပြည်သူ့ရင်းနှီးမြှုပ်နှံမှု ရန်ပုံငွေအဖွဲ့ (PIF) က နိုင်ငံအတွင်း အလုပ်အကိုင် ထောင်ပေါင်းများစွာကို ဖန်တီးပေးရန်အတွက် နိုင်ငံပိုင် လက်နက်စက်ရုံတစ်ခုကို တည်ထောင်လိုက်ပြီဟု ယမန်နေ့တွင် ကြေငြာခဲ့သည်။

ဆော်ဒီအာရေဗျ စစ်လက်နက်ပစ္စည်းစက်ရုံ (SAMI) ဟု အမည်ပေးထားသည့် အဆိုပါကုမ္ပဏီမှာ နိုင်ငံ၏ ၂၀၃၀ ရည်မှန်းချက် အစိတ်အပိုင်းဖြစ်သည်ဟု PIF ၏ ကြေငြာချက်တွင် ဖော်ပြထားသည်။

၂၀၃၀ ရည်မှန်းချက်အရ ဆော်ဒီမှာ စီးပွားရေးတွင် ရေနံအပေါ် မှီခိုနေရမှုကို လျှော့ချမည်ဖြစ်ပြီး အခြားသော နည်းလမ်းများဖြင့် ၀င်ငွေတိုးအောင် ဆောင်ရွက်မည်ဖြစ်သည်။

SAMI တွင် ကနဦးအနေဖြင့် လေကြောင်း စနစ်၊ ကြည်းကြောင်းနစ်၊ လက်နက်နှင့် ဒုံးကျည်များ၊ ကာကွယ်ရေးဆိုင်ရာ ပစ္စည်းများ စသဖြင့် ထုတ်လုပ်ရေးကဏ္ဍ ၄ ခု ခွဲထားပြီး၊ လေယာဉ်ပြုပြင်မှု၊ မောင်းသူမဲ့လေယာဉ်များ ထုတ်လုပ်မှု၊ ပြုပြင်မှုတို့ကိုလည်း လုပ်ဆောင်သွားမည်ဟု ကြေငြာချက်က ဆိုသည်။

PIF ကမူ ယခု ကုမ္ပဏီအသစ်မှာ အလုပ်အကိုင်ပေါင်း ၄ သောင်းကျော်ကို ဖန်တီးပေးသွားနိုင်မည်ဟု မျှော်လင့်ထားပြီး အထူးသဖြင့် နည်းပညာနှင့် အင်ဂျင်နီယာကဏ္ဍများတွင် ဖြစ်သည်။ ထို့ပြင် ဆက်စပ် အလုပ်အကိုင်ပေါင်း ၃ သောင်းကျော်၊ အလယ်အလတ်နှင့် အငယ်စား ကုမ္ပဏီ ရာကျော် ပေါ်ထွက်လာမည်ဟုလည်း မျှော်လင့်ထားသည်။

ဆော်ဒီ ကာကွယ်ရေးဝန်ကြီဖြစ်ပြီး PIF ၏ ဥက္ကဌဖြစ်သူ ဒုတိယအိမ်ရှေ့မင်းသားက SAMI မှာ ၂၀၃၀ ရည်မှန်းချက်တွင် ဖော်ပြထားသည့် ရည်ရွယ်ချက်များ အောင်မြင်ရေး အဓိက အထောက်အကူပြုမည်ဖြစ်ပြီး နိုင်ငံ၏ ကာကွယ်ရေးပစ္စည်း ၅၀ ရာခိုင်နှုန်းကို နိုင်ငံအတွင်းမှာပင် ထုတ်လုပ်သွားနိုင်မည်ဟု ပြောကြားခဲ့သည်။

ထိုလုပ်ငန်းမှာ ဆော်ဒီ၏ ဂျီဒီပီတွင် ကန်ဒေါ်လာ ၃.၇ ဘီလီယံ တိုးလာမည်ဖြစ်ပြီး၊ စစ်ဖက်ဆိုင်ရာ သုတေသနတွင် ရီယဲလ် ၆ ဘီလီယံ ရင်းနှီးမြှုပ်နှံရန်အတွက် ကုမ္ပဏီက လျာထားသည်။

Ref: Alarabiya

မေ ၁၂၊ ၂၀၁၇
M-Media

– ဆော်ဒီ ဘုရင်အဘ်ဒူလ်အဇစ် သိပ္ပံနဲ့ နည်းပညာမြို့တော် (KACST) က သူတို့ရဲ့ ပြည်တွင်းဖြစ် မောင်းသူမဲ့ ဒရုန်းလေယာဉ်သစ်တစ်ခုကို မနေ့က ထုတ်ဖော်ပြသလိုက်ပါတယ်။

Saqr 1 လို့ အမည်ပေးထားတဲ့ အဲဒီ ဒရုန်းလေယာဉ်မှာ အင်မတန် အဆင့်မြင့်တဲ့ နည်းပညာတွေကို အသုံးပြုထားပြီး၊ ကေအေ ဂြိုဟ်တုဆက်သွယ်ရေးစနစ် တပ်ဆင်ထားခြင်းက ဒရုန်းလေယာဉ်ကို အားလုံးထက် သာလွန်ကောင်းမွန်စေခဲ့တာဖြစ်တယ်လို့ KACST ဥက္ကဌ တာရ်ကီ ဘင် ဆာအွဒ် ဘင် မိုဟာမက်က ပြောပါတယ်။

အဲဒီဒရုန်းလေယာဉ်ဟာ ကီလိုမီတာ ၂၅၀၀ ကျော် ပျံသန်းနိုင်ပြီး ဒုံးကျည်၊ လေဆာစနစ်ပါတဲ့ ပဲ့ထိန်းဗုံးတွေလည်း တပ်ဆင်နိုင်ကာ အမြင့်ပေ ကီလိုမီတာ ၅၀၀ ကနေ ၆၀၀၀ အကြားကနေ ပစ်မှတ်တွေကို ပစ်ခတ်နိုင်စွမ်းရှိပါတယ်။

အမြင့်ပေကတော့ ပေ နှစ်သောင်းအထိ တက်နိုင်ပြီး၊ ၂၄ နာရီကြာ ပျံသန်းနိုင်မှာ ဖြစ်ပါတယ်။

KACST ကို ၁၉၇၇ ခုနှစ်ကတည်းက စတင်တည်ထောင်ခဲ့တာဖြစ်ပြီး လွတ်လပ်တဲ့ အဖွဲ့အစည်းတစ်ခုဖြစ်ပါတယ်။ ဒီအဖွဲ့ရဲ့အောက်မှာ သိပ္ပံနဲ့ နည်းပညာ သုတေသန စင်တာပေါင်း များစွာ ရှိနေပါတယ်။

Ref: Alarabiya