Tag: SaudiArabia

နိုဝင်ဘာ ၂၀၊ ၂၀၁၆
M-Media

– ဆော်ဒီအာရေဗျရှိ မက္ကာနှင့် မဒီနာမြို့တို့ကို တိုက်ရိုက်ပြေးဆွဲမည့် အမြန်ရထားလမ်းတစ်ခုကို ၂၀၁၈ ခုနှစ်မတ်လတွင် ဖွင့်လှစ်နိုင်မည်ဟု အဆိုပါ စီမံကိန်းကို ဆောင်ရွက်နေသော စပိန်ဆောက်လုပ်ရေးလုပ်ငန်းက ပြောကြားလိုက်သည်။

အစ္စလာမ်သာသနာ၏ အမြင့်မြတ်ဆုံး မြို့နှစ်ခုကို ဆက်သွယ်မည့် အဆိုပါရထားလမ်းကို ကနဦးက ယခုနှစ်ကုန်တွင် ဖွင့်လှစ်ရန် ရည်ရွယ်ထားသော်လည်း ပြီးစီးမည့်ရက်ကို ၂၀၁၇ နှစ်ကုန်အထိ ရွှေ့ဆိုင်းထားခဲ့ရသည်။

ယခုတွင် Al-Shoula ဆောက်လုပ်ရေးလုပ်ငန်းမှ ပြောရေးဆိုခွင့်ရှိသူက ရထားလမ်း၏ လုပ်ငန်းအပြည့်အ၀ကို ၂၀၁၈ ခုနှစ် မတ်လမှ လည်ပတ်နိုင်မည်ဟု ဆိုသည်။ တစ်စိတ်တစ်ပိုင်း ဖွင့်လှစ်မှုကို ၂၀၁၇ ခုနှစ် ဒီဇင်ဘာလတွင် ပြုလုပ်နိုင်မည်ဖြစ်သည်။

ဟဂ်ျရာသီတွင် လာရောက်သည့် ကမ္ဘာတစ်ဝှမ်းမှ ဟဂ်ျပြုသူများအတွက် ထိုမြို့နှစ်ခုအကြား သွားလာရေး တိုးတက်စေရန် ရည်ရွယ်သည့် အဆိုပါ ရထားလမ်းဆောက်လုပ်ရန် စပိန်ကုမ္ပဏီ ၁၂ ခုနှင့် ဆော်ဒီကုမ္ပဏီ ၂ ခုတို့ဖြင့် ဖွဲ့စည်းထားသည့် ဆောက်လုပ်ရေးလုပ်ငန်းတစ်ခုက ၂၀၁၁ ခုနှစ်တွင် ကန်ထရိုက် ရရှိခဲ့ခြင်းဖြစ်သည်။

စပိန်လုပ်ငန်းများ နိုင်ငံရပ်ခြားတွင် ရရှိသည့် စီမံကိန်းမျာမှ အကြီးဆုံးစီမံကိန်းဖြစ်သည့် အဆိုပါ ရထားလမ်းမှာ ၄၄၄ ကီလိုမီတာရှည်လျားမည်ဖြစ်သည်။ ပြီးဆုံးပါက နေ့စဉ် ခရီးသည် ၁၆၆၀၀၀ ကို သယ်ယူပို့ဆောင်ပေးနိုင်မည်ဖြစ်သည်။

သုို့သော်လည်း စီမံကိန်းတွင် စိန်ခေါ်မှုများနှင့် ရင်ဆိုင်ခဲ့ရပြီး ငွေကြေးများ ထပ်မံလိုအပ်ခဲ့ကာ ပြဿနာကို မည်သို့ဖြေရှင်းမည်ဆိုသည့် ကိစ္စနှင့်ပတ်သက်၍ လုပ်ငန်းတွင်ပါဝင်သည့် ကုမ္ပဏီများအကြား အငြင်းပွားမှုများလည်း ဖြစ်ခဲ့သည်။

သဲမုန်တိုင်းများ တိုက်ခတ်ကာ သဲသောင်များ မကြာခဏ ဖြစ်ထွန်းလေ့ရှိသည့် အာရေဗျသဲကန္တာရတွင် ရထားလမ်းဆောက်လုပ်ရေးလုပ်ငန်းမှာ မလွယ်ကူသောကြောင့် ယခုစီမံကိန်းမှာ နှောင့်နှေး ကြန့်ကြာရခြင်းလည်းဖြစ်သည်။

Ref: Arabnews

စက်တင်ဘာ ၆၊ ၂၀၁၆
M-Media

– သဘာဝဘေးအန္တရာယ် နည်းပါးမှု၊ ကျန်းမာရေး၊ လုံခြုံရေးနှင့် အခြေခံအဆောက်အဦးများ ကောင်းမွန်ရေး အစိုးရ၏ စဉ်ဆက်မပြတ် အားထုတ်မှုများကြောင့် ကမ္ဘာ့ ဘေးကင်းလုံခြုံမှုအရှိဆုံး နိုင်ငံများစာရင်း၏ ထိပ်ဆုံးသုံးနိုင်ငံတွင် ဆော်ဒီအာရေဗျ ပါဝင်လာသည်ဟု သိရသည်။

တိုကျိုအခြေစိုက် UN တက္ကသိုလ်၏ ပတ်ဝန်းကျင်နှင့် လူထုလုံခြုံရေးဌာနက ထုတ်ပြန်ခဲ့သည့် စစ်တမ်းကောက်ယူမှု ရလဒ်တွင် ဖော်ပြထားခြင်းဖြစ်ပြီး မော်လ်တာနှင့် ကာတာနိုင်ငံတုိ့ပြီးနောက် ဆော်ဒီမှာ ကမ္ဘာပေါ်တွင် တတိယမြောက် ဘေးကင်းလုံခြုံမှုအရှိဆုံး တိုင်းပြည်တစ်ခုအဖြစ် သတ်မှတ်ခံခဲ့ရသည်။

အမေရိကန်ကမူ ထိုစာရင်းတွင် အဆင့် ၄၅ သာ ချိတ်ခဲ့ပြီး ကမ္ဘာ့အန္တရာယ်အရှိဆုံး နိုင်ငံများမှာ ဗနူအာတူ၊ တွန်ဂါ၊ ဖိလစ်ပိုင်၊ ဂွာတီမာလာနှင့် ဘင်္ဂလားဒေ့ရ်ှတို့ ဖြစ်ကြသည်။ အမေရိကန် သတင်းဝဘ်ဆိုက်တစ်ခုဖြစ်သည့် TakePart ကမူ မီးဘေး၊ ဆူနာမီနှင့် မြေငလျင်ကဲ့သို့သော် သဘာဝဘေးများက ပြည်သူများ ဘေးကင်းလုံခြုံစွာ နေထိုင်နိုင်သည့် အချိုးအစားကို လျော့ကျစေသည်ဟု ဆိုသည်။

UN တက္ကသိုလ်ရှိ သုတေသီများက နိုင်ငံပေါင်း ၁၇၁ နိုင်ငံတွင်ရှိသော သဘာဝဘေးများနှင့် ထိခိုက်ပျက်စီးမှုများကို လေ့လာခဲ့ခြင်းဖြစ်ပြီး စီမံကိန်းမန်နေဂျာ Peter Myuk က ယင်းစစ်တမ်းမှာ ပတ်ဝန်းကျင်၊ သဘာဝနှင့် လူသားကဏ္ဍများသာမက နိုင်ငံများစွာရှိ အခြေခံအဆောက်အအုံများ၊ နိုင်ငံသားများအတွက် လုံခြုံမှုပေးနိုင်စွမ်းနှင့် အချို့ သဘာဝဘေးဖြစ်စဉ်များတွင် အစိုးရ၏ ကယ်ဆယ်ရေးအကူအညီ လျင်မြန်စွာ ပေးပို့နိုင်စွမ်းတို့အပေါ် လေ့လာဆန်းစစ်ချက်များ ပါဝင်သည်ဟု ပြောကြားခဲ့သည်။

ပြည်သူများ ဘေးအန္တရာယ်ကင်းမှု အနိမ့်ဆုံးနိုင်ငံ ၁၅ ခုတွင် အာဖရိကတိုက်မှ ၁၃ နိုင်ငံ ပါဝင်နေသည်။ ချမ်းသာသော နိုင်ငံများမှာ အခြေခံအဆောက်အဦးများ ကောင်းမွန်မှု၊ စားနပ်ရိက္ခာ အများအပြား ထောက်ပံ့နိုင်မှု၊ ဆက်သွယ်ရေးကဏ္ဍ၊ လျှပ်စစ်၊ မိလ္လာစနစ်၊ ရေပေးဝေမှုနှင့် ပြည်သူများလိုအပ်သော အခြားဝန်ဆောင်မှုများ ကောင်းမွန်ခြင်းတို့ကြောင့် ထိုစာရင်းတွင် မြင့်မားသောအဆင့်၌ ရှိနေကြသည်။

Ref : IINA