မေ ၁၊ ၂၀၁၅
M-Media
– ဂျူဗင်တပ်စ်အသင်းတွင် ခြေစွမ်းပြနေသည့် ပြင်သစ်တိုက်စစ်မှူး ပေါ့ဘာအား ခေါ်ယူရန်အတွက် ပီအက်စ်ဂျီမှာ ယူရို သန်း ၈၀ ဖြင့် သဘောတူညီမှုရခဲ့သည်ဟု သိရသည်။
အသက် ၂၂ နှစ်အရွယ် ရှိပြီဖြစ်သည့် ပေါ့ဘာအား ခေါ်ယူရေး အသင်းကြီးများကိုကျော်ကာ ဆောင်ရွက်ခဲ့သည့် ပီအက်စ်ဂျီ၏ အပြောင်းအရွှေ့အတွက် ဂျူဗင်တပ်စ်က သဘောတူခဲ့ခြင်း ဖြစ်သော်လည်း ပေါ့ဘာကမူ ၎င်း၏ ဇာတိဖြစ်သည့် ပဲရစ်သို့ ပြောင်းရွှေ့မည်လားဆိုသည်ကို အာမခံနိုင်ခြင်း မရှိသေးချေ။
ပီအက်စ်ဂျီအသင်း၏ ဥက္ကဌဖြစ်သူ နက်ဆာ အလ်-ခေလိုင်ဖီမှာ ယခုသီတင်းပတ်အစောပိုင်းတွင် ပေါ့ဘာနှင့် ၎င်း၏ ကိုယ်စားလှယ်များအား မွန်တီကာလိုတွင် တွေ့ဆုံခဲ့သော်လည်း ငွေရေးကြေးရေး ကိစ္စများနှင့်ပတ်သက်၍ သဘောတူညီမှု မရခဲ့ပေ။
ပေါ့ဘာမှာလည်း ယခုနှစ်နွေရာသီတွင် ရောက်လာရန်ရှိနေသည့် ကမ်းလှမ်းမှုများကို ချင့်ချိန်စဉ်းစားသွားရန် ရှိနေသည်ဟုဆိုသည်။
အလ်-ခေလိုင်ဖီကမူ မိမိတို့မှာ ပေါ့ဘာနှင့် စကားပြောပြီးပြီဟု အင်္ဂါနေ့တွင် ပြောကြားခဲ့သော်လည်း ခေါ်ယူရန်အတွက် ယှဉ်ပြိုင်မှုများကို ရင်ဆိုင်ရမည်ဟု ၀န်ခံခဲ့သည်။
“ပေါ့ဘာကို ဘာ့ကြောင့် ကျွန်တော် စကားပြောတာလဲ ဟုတ်လား။ သူက ပါရမီရှိတယ်လေ။ သူက ပြင်သစ်နိုင်ငံသားဖြစ်ပြီး ပဲရစ်ကပါ။ ဒါက အသင်းကြီးတွေလိုချင်တဲ့ အကြောင်းအရင်းပါပဲ” ဟု သတင်းထောက်များအား ပြောကြားခဲ့သည်။
ဂျူဗင်တပ်စ်အသင်း၏ အားကစားဒါရိုက်တာ ဂူဆက်ပီ မာရော့တာကမူ ထိုတွေ့ဆုံမှုမှာ သာမန်တွေ့ဆုံမှုသာ ဖြစ်ခဲ့ပြီး ဘောလုံးအကြောင်းများကိုသာ ပြောကြားခဲ့ကာ မိမိတို့မှာ ပေါ့ဘာအား မရောင်းချင်ဟု ဗုဒ္ဓဟူးနေ့တွင် ပြောကြားခဲ့သည်။
Ref: Goal
