Tag: singapore

အောက်တိုဘာ ၁၃၊ ၂၀၁၇
M-Media

– စင်ကာပူနိုင်ငံ ချန်ဂီလေဆိပ်၌ လ၀က၀န်ထမ်းအား စင်ကာပူဒေါ်လာ ၂၀၀ ဖြင့် လာဘ်ငွေပေးရန်ကြိုးစားသည့် အမျိုးသမီးတစ်ဦးကို စင်ကာပူက ယမန်နေ့တွင် ထောင် ၃ လ ချမှတ်ခဲ့သည်ဟု သိရသည်။

တရုတ်နိုင်ငံသူ လင်ရှူရောင်းဆိုသူဖြစ်ပြီး ပြီးခဲ့သည့်နှစ် ဒီဇင်ဘာ ၅ ရက်က ထိုင်းနိုင်ငံမှ စင်ကာပူနိုင်ငံသို့ လာရောက်စဉ် ထိုအဖြစ်အပျက် ဖြစ်ပွားခြင်းဖြစ်သည်။

သူမအား စစ်မေးရန်အတွက် လ၀ကကောင်တာဆီသို့ ခေါ်ဆောင်သွားစဉ် လင်ရှူရောင်းမှာ စင်ကာပူဒေါ်လာ ၅၀ တန် လေးရွက်ကို လ၀ကအရာရှိ၏ ဂျာကင်ထဲသို့ ထည့်ကာ စင်ကာပူနိုင်ငံသို့ ၀င်ရောက်ခွင့်ရရန် လာဘ်ထိုးခဲ့သည်ဟု အကျင့်ပျက်ခြစားမှုစုံစမ်းစစ်ဆေးရေးအဖွဲ့ (CPIB) က သတင်းထုတ်ပြန်မှုတွင် ပြောကြားခဲ့သည်။

သို့သော်လည်း အဆိုပါအရာရှိက လာဘ်ငွေကို ငြင်းပယ်ခဲ့ပြီး CPIB သို့ တိုင်ကြားခဲ့သည်။

အစိုးရ၀န်ထမ်းအား လာဘ်ပေးမှုဖြင့် လင်ကို ဇန်န၀ါရီလတွင် တရားစွဲဆိုခဲ့ပြီး ယမန်နေ့တွင် ထောင်ဒဏ် ၃ လချမှတ်ခဲ့ခြင်းဖြစ်သည်။ လာဘ်ပေးမှုအတွက် အမြင့်ဆုံးပြစ်ဒဏ်မှာ စင်ကာပူဒေါ်လာ တစ်သိန်းနှင့် ဒဏ်ငွေ ၅ နှစ်ဖြစ်သည်။

“စင်ကာပူဟာ အကျင့်ပျက်ခြစားမှုကို လုံးဝသည်းခံမှာ မဟုတ်ပါဘူး။ CPIB အနေနဲ့ မည်သည့်အကျင့်ပျက်ခြစားမှုကိုမဆို ဂရုတစိုက်ကိုင်တွယ်သွားမှာဖြစ်ပြီး ပါဝင်ပက်သက်သူ မည်သူ့ကိုမဆို အရေးယူဖို့ နှောင့်နှေးနေမှာ မဟုတ်ပါဘူး” ဟု CPIB က ပြောကြားခဲ့သည်။

Ref; CNA

စက်တင်ဘာ ၂၉၊ ၂၀၁၇
M-Media

– စင်ကာပူသမ္မတနေရာမှာ နိုင်ငံ၏ လူမျိုးစုံ၊ ဘာသာစုံဝါဒကို ထင်ဟပ်ရမည်ဖြစ်ပြီး နိုင်ငံအတွင်းရှိ လူမျိုးစုတိုင်း အလှည့်ကျ သမ္မတာဝန်ယူရသည့်စနစ်ကို ဆက်လက်ထားရှိသွားမည်ဟု စင်ကာပူဝန်ကြီးချုပ် လီရှန်လွန်းက ပြောကြားလိုက်သည်။

ဝန်ကြီးချုပ်လီရှန်လွန်းဦးဆောင်သည့် စင်ကာပူအစိုးရမှာ အလှည့်ကျစနစ်ကို အတည်ပြုသတ်မှတ်ခဲ့ပြီး ပထမဆုံးအဖြစ် မလေးလူ့အဖွဲ့အစည်းကို အလှည့်ပေးခဲ့သည်။ သမ္မတနေရာအတွက် မလေးလူမျိုး ၃ ဦးက လျှောက်ထားခဲ့ပြီး ၂ ဦးမှာ အရည်အချင်းမပြည့်သောကြောင့် လွှတ်တော်ဥက္ကဌဟောင်း ဟာလီမာယာကွဘ်က ယခုလအစောပိုင်းတွင် သမ္မတဖြစ်လာခဲ့သည်။

သို့သော်လည်း စင်ကာပူနိုင်ငံသားအချို့က နိုင်ငံ၏ ဦးသျှောင်ဖြစ်သော သမ္မတကို ပြည်သူအများစု၏ မဲစနစ်ဖြင့် ရွေးချယ်ခွင့်မရမှုကို ဝေဖန်ခဲ့သည်။

“ဒီကိစ္စဟာ ခက်ခဲမယ်ဆိုတာ ကျွန်တော် မသိခဲ့ဘူးလို့ထင်လား။ လူကြိုက်များမှာမဟုတ်ဘူး။ ကျွန်တော်တို့မဲတွေ ဆုံးရှုံးမယ်ဆိုတာကိုရော – ဒါတွေအားလုံး ကျွန်တော်သိပါတယ်။ ဒီလို ထိလွယ်ရှလွယ်တဲ့ ကိစ္စကို ကျွန်တော် မသိဘူးဆိုရင် နိုင်ငံရေးလောကထဲမှာ ကျွန်တော် ဘယ်ရှိနိုင်မလဲ။ ဒါပေမယ့် ကျွန်တော် ဒါကို လုပ်ခဲ့တယ်။ ဘာ့ကြောင့်လဲဆိုတော့ လုပ်ရမယ့်အလုပ်ဆိုတာ ယုံကြည်လို့ကို ကျွန်တော်လုပ်ခဲ့တာပါ” ဟု လီရှန်လွန်းက ပြီးခဲ့သည့် စနေနေ့တွင် ပြုလုပ်ခဲ့သည့် PAP ပါတီ အခမ်းအနားတစ်ခုတွင် ပြောကြားခဲ့သည်။

ထို့ပြင် အများဆန္ဒဖြင့် ရွေးကောက်တင်မြှောက်ပါက တရုတ်လူမျိုးများမှာ လူများစုဖြစ်သည့်အတွက် တရုတ်လူမျိုးသာ သမ္မတနေရာကို ရရှိမည်ဖြစ်ကြောင်း၊ လူမျိုးစုံ၊ ဘာသာစုံညီညွတ်သည့် စင်ကာပူနိုင်ငံကို အလွန်ခက်ခဲစွာဖြင့် တည်ထောင်ထားခြင်းဖြစ်ပြီး ထိုဝါဒကို ကာကွယ်ရမည်ဖြစ်ကြောင်း၊ စင်ကာပူတွင် လူမျိုးစုံ ဘာသာစုံမှ သမ္မတတာဝန်ကို ထမ်းဆောင်ရမှုမှာ စင်ကာပူနိုင်ငံ ရပ်တည်ချက်၏ အရေးပါသော သရုပ်သကန်ဖြစ်ကြောင်း ထည့်သွင်းပြောဆိုခဲ့သည်။

“နိုင်ငံသားတိုင်း အထူးသဖြင့် လူများစုဖြစ်တဲ့ တရုတ်လူမျိုးတွေ သိထားရမှာက စင်ကာပူမှာ လူမျိုးစုတိုင်း ပါဝင်ရမယ့် အခန်းကဏ္ဍတစ်ခု ရှိတယ်ဆိုတာပါပဲ”

လူမျိုးစုလိုက် အလှည့်ကျသမ္မတပေးခြင်းမှာ တိုင်းပြည်အား ပိုမို စည်းလုံးညီညွတ်စေရန်ဖြစ်သည်ဟုလည်း ၀န်ကြီးချုပ်က ဆိုသည်။

“စည်းလုံးတဲ့ နိုင်ငံတစ်ခုအဖြစ် ဆက်လက်တိုးတက်စေဖို့ ကျွန်တော်တို့ရဲ့ ဗဟုဝါဒကို ပိုမိုခိုင်မာအောင် ပြောင်းလဲမှုတွေ လုပ်နေတာပါ။ ကျွန်တော်တို့ ဒါမျိုးမလုပ်ရင် မလေးလူမျိုးတစ်ယောက် သမ္မတအဖြစ် အရွေးခံရဖို့ အကြာကြီးစောင့်ရမယ်။ ဒီလိုစောင့်ရတဲ့အခါ စင်ကာပူက လူနည်းစုတွေဟာ သူတို့ ဘေးဖယ်ခံထားရတယ်လို့ ခံစားလာရပါလိမ့်မယ်”

Ref: CNA