စက်တင်ဘာ ၁၆၊ ၂၀၁၇
M-Media
– ရခိုင်ပြည်နယ်မှာ မတည်ငြိမ်မှုတွေကြောင့် ထိခိုက်ခံစားနေရသူတွေအတွက် လူသားချင်း စာနာထောက်ထားမှုဆိုင်ရာ အကူအညီပေးရေး အာဆီယံနိုင်ငံတွေနဲ့ ပူးပေါင်းလုပ်ဆောင်သွားမယ်လို့ စင်ကာပူနိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။
နိုင်ငံခြားရေးဝန်ကြီး ဗီဗီယန် ဘာလာခရစ်ရ်ှနန်ဟာ သောကြာနေ့က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နေပြည်တော်မှာ တွေ့ဆုံဆွေးနွေးခဲ့ပါတယ်။
ဝန်ကြီးက ဒေါ်အောင်ဆန်းစုကြည်ဟာ ရခိုင်အရေးနဲ့ပတ်သက်ပြီး နွေးထွေး ပွင့်လင်းစွာ ပြောကြားခဲ့ကြောင်း၊ လက်ရှိဖြစ်နေတဲ့ပြဿနာတွေကြောင့် ထိခိုက်ခံစားရတဲ့ အသိုင်းအ၀ိုင်းအားလုံးကို လူသားချင်း စာနာထောက်ထားမှုဆိုင်ရာ အကူအညီပေးရေးအတွက် မြန်မာနဲ့ အာဆီယံဟာ ဘယ်လို ပူးပေါင်းဆောင်ရွက်နိုင်တယ်ဆိုတဲ့ ကိစ္စကိုလည်း ဆွေးနွေးခဲ့ကြောင်း သူ့ရဲ့ Facebook စာမျက်နှာမှာ ရေးသားထားပါတယ်။
ရခိုင်အရေးနဲ့ပတ်သက်ပြီး စင်ကာပူ နိုင်ငံခြားရေးဝန်ကြီးဌာနက စက်တင်ဘာ ၈ ရက်နေ့မှာ ကြေငြာချက်တစ်စောင် ထုတ်ပြန်ခဲ့ပြီး၊ ဒီကိစ္စမှာ ပါဝင်ပတ်သက်သူအားလုံး အခြေအနေတွေ ပိုမိုဆိုးရွားစေမယ့် အပြုအမူတွေကို ထပ်မလုပ်ဖို့အတွက် တိုက်တွန်းခဲ့ပါတယ်။
မြန်မာနိုင်ငံရဲ့ အနီးကပ်မိတ်ဆွေနိုင်ငံအဖြစ် စင်ကာပူဟာ ရခိုင်ပြည်နယ်က ထိခိုက်ခံစားရသူတွေအတွက် အကူအညီပေးအပ်ရး အာဆီယံအဖွဲ့ရဲ့ သတ်မှတ်ချက်တွေနဲ့အညီ အဖွဲ့အ၀င်နိုင်ငံတွေနဲ့ ပူးပေါင်းဆောင်ရွက်သွားဖို့ အသင့်ရှိနေကြောင်းလည်း ကြေငြာချက်မှာ ထည့်သွင်းဖော်ပြထားပါတယ်။
Ref: CNA
