မေ ၁၀၊ ၂၀၁၇
M-Media
– ဆီးရီးယားနိုင်ငံမှ ကျောင်းသားတစ်ဦးမှာ ဂျပန် ရုပ်ပြ ကာတွန်းစာအုပ်ကို အာရဘီဘာသာစကားသို့ ပြန်ဆိုနိုင်ခဲ့ပြီး၊ စစ်ပွဲဒဏ်ကို ခံစားနေရသော ဆီးရီးယားကလေးငယ်များအနေဖြင့် ၎င်းတို့၏ အိပ်မက်ကို ဆုပ်ကိုင်ထားရေး သတင်စကားတစ်ခု ပေးလိုက်ခြင်းလည်း ဖြစ်သည်။
“ဆီးရီးယားက အခြေအနေဟာ တော်တော်ဆိုးပါတယ်။ ဒီလို အရမ်းဆိုးတာကြောင့် ဆီးရီးယားကလေးငယ်တွေရဲ့ ရည်ရွယ်စိတ်ကူးမှုတွေကို ရပ်တန့်စေတယ်လို့ ကျွန်တော်ထင်ပါတယ်။ ဒါပေမယ့် သူတို့လေးတွေရဲ့ စိတ်ကူး အိပ်မက်တွေဟာ တစ်နေ့မှာ ဆီးရီးယားကို ကောင်းမွန်အောင် ပြန်လုပ်ပါလိမ့်မယ်” ဟု ကာတွန်းစာအုပ်ကို ဘာသာပြန်ဆိုနိုင်ခဲ့သည့် အသက် ၂၆ နှစ်အရွယ် အိုဘာဒါ ကာဆူမဟ်က ပြောကြားခဲ့သည်။
ကနဦးပိုင်းတွင် အဆိုပါ ဘာသာပြန်ဆိုမှုကို အချိန်ပိုင်းသာ ဆောင်ရွက်ခဲ့သော်လည်း နောက်ပိုင်းတွင် အိုဘာဒါမှာ အထူးဂရုစိုက် ဆောင်ရွက်ခဲ့သည်။ ၎င်းမှာ လက်ရှိတွင် တိုကျိုရှိ ဂျပန်တက္ကသိုလ်တစ်ခုမှ ပညာသင်ဆုရရှိကာ တက်ရောက်နေသူလည်း ဖြစ်သည်။
၎င်းဘာသာပြန်ဆိုသည့် ကာတွန်းစာအုပ်မှာ ပရော်ဖက်ရှင်နယ် ဘောလုံးသမားတစ်ဦးဖြစ်ရန် ကြိုးစားသည့် လူငယ်လေးအကြောင်းကို ပုံဖော်ထားသော Captain Tsubasa ကာတွန်းဖြစ်ကာ၊ ထိုဘာသာပြန်ဆိုမှုကြောင့် အိုဘာဒါမှာ အချိန်ပိုင်း ဘာသာပြန်အလုပ်နှင့် တက္ကသိုလ်ကို ပြီးဆုံးအောင် တက်ခွင့်ရရှိခဲ့သည်။
အိုဘာဒါကမူ ထိုကာတွန်းက ဆီးရီးယား ကလေးငယ်များနှင့် ၎င်းတို့၏ စိတ်ကူးအိပ်မက်များ အရေးကြီးပုံကို စဉ်းစားမိစေခဲ့သည်ဟု ဖွင့်ဟခဲ့သည်။
“ကလေးဘ၀တုန်းက ကျွန်တော်ကိုယ်တိုင်လည်း Captain Tsubasa ကာတွန်းကို တီဗီမှာကြည့်ပြီး ကြိုက်ခဲ့ပါတယ်။ ဒီကာတွန်းဟာ အင်တန် လှပတဲ့ ကာတွန်းလေးဖြစ်ပြီး ကလေးငယ်တွေကို ပြစေချင်မယ့် ကာတွန်းပါ” ဟု အိုဘာဒါက ပြောကြားခဲ့သည်။
အဆိုပါစာအုပ်ကို ထုတ်ဝေသည့် ပုံနှိပ်တိုက်က အာရပ်ဈေးကွက်သို့ ထိုးဖောက်ဝင်ရောက်ရန်အတွက် အိုဘာဒါအား ဘာသာပြန်ဆိုခိုင်းခဲ့ခြင်း ဖြစ်သည်။
Ref: Alarabiya
