မေ ၂၃၊ ၂၀၁၇
M-Media
– ဆီးရီးယားဒုက္ခသည်တွေရဲ့ ဒုက္ခသုက္ခတွေကို လူတွေ ပိုမို သိရှိနားလည်စေဖို့အတွက် ရည်ရွယ်တဲ့ သီးသန့် ၀ဘ်ဆိုက်တစ်ခုကို ဂူးဂဲလ်နဲ့ ကုလတို့က ပူးပေါင်းပြီး ဖန်တီးထုတ်ပြန်လိုက်ပါတယ်။
Searching for Syria လို့ခေါ်တဲ့ ဒီဝဘ်ဆိုက်မှာ ကုလသမ္မဂ ဒုက္ခသည်များဆိုင်ရာ မဟာမင်းကြီးရုံး (UNHCR) က အချက်အလက်တွေ၊ ဂြိုဟ်တုပုံရိပ်တွေ၊ မြင်ကွင်းကို ၃၆၀ ဒီဂရီ လှည့်ကြည့်လို့ရမယ့် ဓာတ်ပုံတွေ၊ ဗီဒီယိုက ဓာတ်ပုံတွေ၊ ဗီဒီယိုတွေ၊ ဒုက္ခသည်တွေရဲ့ ဘ၀ဇာတ်ကြောင်းတွေ စတာတွေကို ဒီဝဘ်ဆိုက်မှာ ဖော်ပြထားပါတယ်။
ဝဘ်ဆိုက်မှာ What is happening in Syria?၊ what is a refugee? ဆိုတဲ့ မေးခွန်းတွေကို အင်မတန် အဓိပ္ပါယ်ပါတဲ့ ဓာတ်ပုံတွေနဲ့ အဖြေပေးထားပြီး စစ်မဖြစ်ခင်က ဆီးရီးယားနိုင်ငံရဲ့ လူမှုရေး၊ စီးပွားရေး၊ ပညာရေးအခြေအနေတွေ တိုးတက်ကောင်းမွန်ပုံ၊ စစ်ဖြစ်ပွားပြီးနောက်ပိုင်းမှာ အလွန်ဆိုးရွားသွားပုံတွေကိုလည်း ဖော်ပြထားပါတယ်။
Google ကတော့ ဆီးရီယားအရေး ၀ဘ်ပေါ်မှာ လူတွေ ဘယ်လောက် စိတ်ဝင်စားလဲဆိုတာကို ဆီးရီးယားက ဒုက္ခည်တွေနဲ့ပတ်သက်ပြီး သူ့ရဲ့ serach engine မှာ အခြေခံမေးခွန်းတွေရိုက်ကာ ရှာဖွေမှုနဲ့ အကဲဖြတ်ခဲ့ပြီး What is happening in Syria ဆိုတဲ့ မေးခွန်းက ပြီးခဲ့တဲ့နှစ်အတွင်း ဂျာမနီ၊ ပြင်သစ်နဲ့ ယူကေတို့မှာ ရှာဖွေမှု အများဆုံးဖြစ်တယ်လို့ ဆိုပါတယ်။
ဥပမာအားဖြင့် ၂၀၁၆ ခုနှစ်အတွင်း ဆီးရီးယားနဲ့ပတ်သက်တဲ့ အချက်အလက်တွေ ရှာဖွေသူဟာ ဒီနိုင်ငံတွေမှာ ၁၀ သန်းကျော်လောက် ရှိခဲ့တာပါ။
ဆီးရီးယားမှာရှိတဲ့ ယူနက်စကိုရဲ့ ကမ္ဘာ့အမွေအနှစ်နေရာတွေ စစ်မဖြစ်ခင်က ဘယ်လိုရှိခဲ့တယ်၊ စစ်ဖြစ်ပြီး နောက်ပိုင်း ဘယ်လိုပျက်ဆီးသွားလဲ ဆိုတာတွေကိုလည်း ၃၆၀ ဒီဂရီပုံရိပ်နဲ့ ဒီဝဘ်ဆိုက်မှာ ကြည့်ရှုနိုင်မှာ ဖြစ်ပါတယ်။
ဆီးရီးယားအရေးနဲ့ပတ်သက်ပြီး Google က ကူညီတာမျိုးဟာ ဒါ ပထမဆုံးအကြိမ် မဟုတ်ပါဘူး။ ဒုက္ခသည် ၈ သိန်းလောက်ကို အရေးပေါ် ကူညီထောက်ပံ့မှု ပြုလုပ်ဖို့၊ အရေးပါတဲ့ သတင်းအချက်အလက်တွေ ရဖို့၊ ပညာသင်ကြားနိုင်ဖို့ ဂူးဂဲလ်ဟာ ယခင်က ကန်ဒေါ်လာ သန်း ၂၀ လောက် သုံးစွဲခဲ့ပါတယ်။
Ref: Techcrunch
