ဇူလိုင် ၂၄၊ ၂၀၁၇
M-Media
ဆီးရီးယားက အလ်ကိုင်းဒါးမဟာမိတ် အုပ်စိုးတဲ့ ဒေသလေးတစ်ခုမှာ စာသင်ကျောင်းတစ်ကျောင်း ဖွင့်လှစ်ထားတဲ့ ဆီးရီးယား-အမေရိကန် အမျိုးသမီး ရာနီယာ ကီဆာရ်တစ်ယောက် ဒီစစ်သွေးကြွအုပ်စုနဲ့ ညှိနှိုင်းတန် ညှိနှိုင်း၊ ဆန့်ကျင်တန်ဆန့်ကျင်နဲ့ သူရည်မှန်းထားတဲ့ ခရီးကို ဆက်လက်ချီတက်နေပါတယ်။
– ဆီးရီးယားက အလ်ကိုင်းဒါးမဟာမိတ် အုပ်စိုးတဲ့ ဒေသလေးတစ်ခုမှာ စာသင်ကျောင်းတစ်ကျောင်း ဖွင့်လှစ်ထားတဲ့ ဆီးရီးယား-အမေရိကန် အမျိုးသမီး ရာနီယာ ကီဆာရ်တစ်ယောက် ဒီစစ်သွေးကြွအုပ်စုနဲ့ ညှိနှိုင်းတန် ညှိနှိုင်း၊ ဆန့်ကျင်တန်ဆန့်ကျင်နဲ့ သူရည်မှန်းထားတဲ့ ခရီးကို ဆက်လက်ချီတက်နေပါတယ်။
ကျောင်းသားတွေအတွက် ဘွဲ့နှင်းသဘင်လုပ်ဖို့ စီစဉ်ချိန် အဲဒီစစ်သွေးကြွအုပ်စုက အခမ်းအနားနာမှာ သီချင်းဖွင့်လားဆိုတာကို စောင့်ကြည့်ဖို့ ကြီးကြပ်သူတစ်ယောက်လွှတ်ခဲ့ပြီး ကီဆာရ်က ဒါနဲ့ပတ်သက်လို့ လက်မခံပါဘူး။ ဒါပေမယ့် ဘွဲ့နှင်းသဘင်နေ့မှာ သူမဟာ ဒီအုပ်စုကို ဖိတ်ကြားခဲ့ပါတယ်။
ကြီးကြပ်သူရဲ့ဆန္ဒအတိုင်း ကုရ်အာန်ကျမ်းတော်မြတ်ကို ရွတ်ဖတ်ကာ အခမ်းအနားကို ဖွင့်လှစ်ခဲ့ပါတယ်။ တက်ရောက်လာကြတဲ့ ဧည့်သည့်တော်တွေ၊ မိသားစုဝင်တွေနဲ့ စစ်သွေးကြွအဖွဲ့က ကိုယ်စားလှယ်တွေအရှေ့မှာ ကျောင်းသားတွေအားလုံးကို စုရုံးပြီးတဲ့အခါမှာတော့ ကီဆာရ်ဟာ အမေရိကန်ကျောင်းတွေရဲ့ ဘွဲ့နှင်းသဘင် အခမ်းအနားမှာ ဖွင့်လေ့ရှိတဲ့ Pomp and Circumstance သီချင်းကို ဖွင့်ခဲ့ပါတယ်။
ဒါဟာ တွက်ချက်ထားပြီးသား အလောင်းအစားတစ်ခုလည်း ဖြစ်ပါတယ်။ စစ်သွေးကြွတွေ ဘယ်လိုတုန့်ပြန်မလဲဆိုတာက သူမက သွေးတိုးစမ်းလိုက်တာပါ။
“ဘာမှ ထူးခြားမလာဘူးရှင့်။ သူတို့ ဘာမှမလုပ်ပါဘူး” လို့ ကီဆာရ်က ပြောပါတယ်။ အစောပိုင်းက ဒီကိစ္စမှာ ဘာဖြစ်လို့ သူတို့ဝင်ပါလဲဆိုတာကိုလည်း သူမက သိနေပါတယ်။
“ဒီလိုဝင်မပါလို့ရှိရင် သူတို့ ပါဝါမရှိဘူးလို့ လူတွေက ထင်ကြမှာပေါ့”
ကီဆာရ် ကျောင်းဖွင့်ထားတဲ့ အစ်ဒလစ်ဘ်ပြည်နယ်ဟာ ဆီးရီးယားနိုင်ငံ အနောက်မြောက်ပိုင်းမှာ တည်ရှိပြီး သမ္မတ ဘာရှာ အာဆတ်ကို ဆန့်ကျင်ကာ ၂၀၁၁ ခုနှစ်ကတည်းက ထခဲ့တဲ့ သူပုန်တွေရဲ့ နောက်ဆုံး ခြေကုပ်စခန်းဖြစ်ပါတယ်။ အဲဒီပြည်နယ်မှာ အလ်ကိုင်းဒါကို သစ္စာခံတဲ့အုပ်စုက အင်အားအတောင့်တင်းဆုံးဖြစ်ပြီး အုပ်စုငယ်လေးတွေစုထားတဲ့ သူတို့အုပ်စုကို Hayat Fatah al-Sham အဖွဲ့က ဦးဆောင်ပါတယ်။ ပြည်နယ်အုပ်ချုပ်ရေးမှာတော့ အတိုက်အခံတွေက ဖွဲ့စည်းထားတဲ့ အစိုးရက လွှမ်းမိုးပါတယ်။
ဒါပေမယ့် ဒီအုပ်စုဟာ သူတို့ရဲ့ခြေလှမ်းကို ဂရုတစ်စိုက်နဲ့ လှမ်းနေရပြီး ဒေသကို ထိန်းချုပ်ထားမယ့် သူတို့ရဲ့ရည်ရွယ်ချက်၊ ဒေသခံတွေ၊ အခြားသောအုပ်စုတွေနဲ့ အတိုက်အခံမဖြစ်ဖို့ဆိုတဲ့ အခြေအနေကြားမှာ ချိန်ညှိဆောင်ရွက်နေရတာ ဖြစ်ပါတယ်။ အခုအချိန်အထိတော့ အခြေအနေက တည်တည်ငြိမ်ငြိမ်ရှိနေပြီး သူတို့အာဏာရှိကြောင်း ပြသနိုင်မယ့် အခွင့်အလမ်းတိုင်းကို ဒီစစ်သွေးကြွအဖွဲ့က လက်လွှတ်မခံပေမယ့် အစွန်းရောက်အုပ်စုတွေရဲ့ ရည်မှန်းချက်တစ်ခုဖြစ်တဲ့ အစ္စလာမ့်မစ်ဥပဒေ ပြဌာန်းမှုကိုတော့ သိပ်ပြီ စိတ်ဝင်စားပုံမရပါဘူး။
ရာဇ၀တ်ကောင်တွေကို လူသူရှေ့မှာ သတ်ပြတာမျိုး မရှိသလို၊ ဘာသာရေးပုလိပ်တွေ ပတ္တရောင်လှည့်ပြီး လူတွေကို ဖမ်းဆီးရိုက်နှက်တာ၊ အမျိုးသမီးတွေကို အတင်းမျက်နှာအုပ်ခိုင်းတာမျိုးလည်း မရှိပါဘူး။ ဒါဟာ အဲဒီစစ်သွေးကြွအုပ်စုနဲ့ IS တို့ကြားက ကွာခြားချက်ဖြစ်ပါတယ်။
ပြည်တွင်းစစ်ကြောင့် နိုင်ငံတစ်ဝှမ်းက အိုးအိမ်စွန့်ခွာ ထွက်ပြေးရသူပေါင်း ၉ သိန်းကျော်လောက် အစ်ဒလစ်ဘ်ပြည်နယ်မှာ ရှိနေပါတယ်။
SHINE ဖောင်ဒေးရှင်း
၂၀၁၅ ခုနှစ်မှာ ကီဆာရ်ဟာ အစ်ဒလစ်ဘ်ပြည်နယ်ရဲ့ ဒုတိယအကြီးဆုံးမြို့ဖြစ်တဲ့ မာရကတ် အလ်-နူမန်မှာ အမျိုးသား စွမ်းအားမြှင့်တင်ရေးဆိုင်ရာ ဆီးရီးယား လူသားချင်းစာနာထောက်ထားမှု အင်စတီကျု (SHINE) ကို တည်ထောင်ခဲ့ပြီး အရွယ်ရောက်တဲ့သူတွေကို ကွန်ပျူတာသင်တန်း၊ ပရိုဂရမ်ရေးဆွဲနည်းသင်တန်း၊ ၀ဘ်ဒီဇိုးသင်တန်းတွေ သင်ပေးနေပါတယ်။
SHINE အဖွဲ့ကို အမေရိကန်ပြည်ထေင်စု ဒါးလက်စ်မြို့မှာ မှတ်ပုံတင်ထားပြီး တူရကီ၊ အမေရိကနဲ့ အခြားနေရာတွေက ပြည်သူတွေရဲ့ထောက်ပံ့ပေးမှုနဲ့ ရပ်တည်နေတာဖြစ်ပါတယ်။ ဒီအင်စတီကျုကနေ လက်ရှိမှာ ကျောင်းသားပေါင်း ၂၃၇ ဦးကို ဘွဲ့ပေးနိုင်ခဲ့ပါတယ်။
ကီဆာရ်ဟာ geek squad (ဂုရုအဖွဲ့) ဆိုတဲ့ အဖွဲ့အလေးတစ်ခုကိုလည်း ဖွဲ့စည်းပေးထားပြီး အဲဒီအဖွဲ့က အမျိုးသား၊ အမျိုးသမီးတွေဟာ စမတ်ဖုန်းတွေ၊ ကွန်ပျူတာတွေကို ပြင်ဆင်ပေးနိုင်နေပါပြီ။ ဒါဟာ တယ်လီဖုန်းလိုင်းတွေမရှိဘဲ အင်တာနက်ဆက်သွယ်မှုအတွက် ဂြိုဟ်တုဆက်သွယ်ရေးကို မှီခိုနေရတဲ့ ဒီဒေသအတွက်တော့ တော်တော်လေး အရေးပါပါတယ်။
“ပုဂ္ဂလိကကျောင်းမရှိဘူး၊ တက္ကသိုလ်မရှိဘူး၊ ဆေးရုံတွေလည်း မရှိပါဘူး။ ဒီဒေသက လူနည်းနည်း၊ စတနာ့ဝန်ထမ်း နည်းနည်းနဲ့ ကျွန်မတို့အုပ်စုကပဲ ရှေ့ဆက်လျှောက်နေရပြီး ‘ရတယ်။ ငါတို့ လမ်းတွေဖောက်သွားမယ်။ ဆေးရုံတွေမှာ စေတနာ့ဝန်ထမ်းလုပ်မယ်။ ကျောင်းတွေဆောက်မယ်။ ဒါဟာ ငါတို့ရဲ့ အလုပ်၊ ငါတို့ရဲ့ ဂုဏ်’ လို့ အားပေးနေရပါတယ်” လို့ ကီဆာရ်က ပြောကြားခဲ့ပါတယ်။
ကီဆာရ်တစ်ယောက် စစ်သွေးကြွတွေနဲ့ ပထမဆုံး ရင်ဆိုင်ရတာက သူမရဲ့ အလုပ်အတွက် ဒီဒေသကို စီမံနေတဲ့အဖွဲ့ကနေ အသိအမှတ်ပြုမှုရဖို့ ရှင်းပြရတဲ့အချိန် ဖြစ်ပါတယ်။ တာဝန်ရှိသူတစ်ယောက်နဲ့ သူမ ကတောက်ကဆဖြစ်ခဲ့ပြီး လက်နက်ကိုင်အုပ်စုတွေအနေနဲ့ ပြည်သူတွေရဲ့ ကိစ္စတွေကို မထိန်းချုပ်သင့်ဘူးလို့ သူက ပြောခဲ့ပါတယ်။
သူမဟာ အမျိုးသမီးဖြစ်တာကြောင့် အဲဒီတာဝန်ရှိသူက မျက်လုံးချင်းဆုံပြီး မကြည့်ပါဘူး။ ဒါပေမယ့် ကီဆာရ်ဟာ အမေရိကန်ကလို့ ကြားတဲ့အခါ ဒီလူက “အမေရိကန်မွတ်စလင်တစ်ယောက် ဒီမှာရှိတဲ့အတွက် ငါတို့ဂုဏ်ယူတယ်။ ခင်ဗျားကို ဒီမှာရှိစေချင်တယ်” လို့ ပြန်ပြောခဲ့ကြောင်း ကီဆာရ်က ပြောပါတယ်။
ထိပ်တိုက်တွေ့ဆုံမှုများ
စစ်သွေးကြွတွေနဲ့ ထိပ်တိုက်တွေ့ဆုံမှုတိုင်းမှာ သူမဟာ လေးစားတဲ့အနေအထားမျိုးနဲ့ပဲ စကားပြောဆိုခဲ့ပြီး ဒါက သူမရဲ့အလုပ်အတွက် အထောက်အကူဖြစ်ခဲ့ပါတယ်။ သူမဟာ အမျိုးသမီးတစ်ယောက် ဖြစ်နေတာကလည်း တစ်ပန်းသာပါတယ်။
“ကိစ္စတော်တော်များများကို ကျွန်မ ဖြတ်ကျော်နိုင်ခဲ့တယ်။ အမျိုးသမီးတစ်ယောက် ဖြစ်တာကြောင့် ကျွန်မဟာ သက်ညာမှုလည်း တော်တော်ရခဲ့ပါတယ်”
ရှေးရိုးစွဲ စစ်သွေးကြွတွေက အမျိုးသားနဲ့ အမျိုးသမီးတွေကို စာအတူတူတွဲသင်မှာ စိုးရိမ်ပြီး ကီးဆာရ်က အမျိုးသားတွေကို အောက်ထပ်မှာသင်စေကာ၊ အမျိုးသမီးတွေကိုတော့ အပေါ်ထပ်မှာ သင်စေခဲ့ပါတယ်။ လေကြောင်းတိုက်ခိုက်မှုကြောင့် အပေါ်ထပ်ပြိုသွားတဲ့အခါ ကီဆာရ်ဟာ အောက်ထပ်မှာပဲ အမျိုးသား၊ အမျိုးသမီး ခွဲသင်ပေးခဲ့ပါတယ်။
သူတို့ကိုမထိခိုက်ရအောင် သင်ရိုးကို ရေးစွဲထားပေမယ့် စစ်သွေးကြွတွေဟာ အတန်းတွေကို လာလာစစ်ဆေးကြပါတယ်။
“အားလုံးကို သူတို့က ၀င်စွက်ချင်တာရှင့်” လို့ ကီဆာရ်က ပြောပါတယ်။
Hayat Fatah al-Sham အဖွဲ့ဟာ အစ်ဒလစ်ဘ်ပြည်နယ်က နေ့စဉ်ကိစ္စတွေနဲ့ လှုမှုအဖွဲ့အစည်းတွေအပေါ် ၀င်စွက်မှု တိုးလာခဲ့ပြီး ပစ္စည်းတွေ သိမ်းတာ၊ ကုန်သွယ်ဌာနတွေကို ထိန်းချုပ်တာ လုပ်လာတယ်လို့ Century Foundation အဖွဲ့က ဆမ် ဟယ်လာက ဆိုပါတယ်။ အကူအညီပေးရေးကိစ္စကို ထိန်းချုပ်ဖို့ ကြိုးစားလာတာကြောင့် အကူအညီပေးရေး အသိုင်းအ၀ိုင်းအတွက် စိုးရိမ်စရာဖြစ်လာတယ်လို့ သူက ထည့်သွင်းပြောကြားခဲ့ပါတယ်။
အလ်ကိုင်းဒါကို သစ္စာခံတဲ့အဖွဲ့တွေနဲ့ ဆီးရီးယားလွတ်မြောက်ရေးအဖွဲ့တွေအကြား ဇွန်လမှာ တိုက်ပွဲအကြီးအကျယ် ဖြစ်ပွားခဲ့ပြီး ဒီပြဿနာတွေကြောင့် ကီဆာရ်က စိတ်ဓာတ်ကျဆင်းကာ အန္တရာယ်ကင်းအဖွဲ့အတွက် မြို့ကနေ ရက်အနည်းငယ်လောက် ထွက်သွားခဲ့ပါတယ်။
နောက်ပိုင်း တိုက်ခိုက်မှုတွေ ရပ်ဆဲသွားတဲ့ခါမှာ ကီဆာရ်ဟာ အစ်ဒလစ်ဘ်ကို ပြန်သွားခဲ့ပြီး မွတ်စလင်တွေရဲ့ ၀ါကျွတ်အီးဒ်ပွဲတော်အတွက် ကလေးတွေကို ပြင်ဆင်ပေးခဲ့ပါတယ်။
“ရှင်တို့ ဗီဒီယိုတွေ ကြည့်ကြည့်ရှင့်။ ဒစ္စနေလန်းလိုပဲ ရှိုင်းလန်းပေါ့။ တော်တော်မိုက်ပါတယ်” လို့ ကီဆာရ်တစ်ယောက် ရယ်ကျဲ့ကျဲ့နဲ့ ပြောကြားခဲ့ပါတယ်။
Ref: Alarabiya
