Tag: Syria

ဖေဖော်ဝါရီ ၂၉၊ ၂၀၂၀
M-Media

-လတ်တလောမတည်ငြိမ်မှုတွေကြောင့် ဆီးရီးယားကနေ ဝင်ရောက်လာတဲ့ ဒုက္ခသည်အရေးကို ကိုင်တွယ်ဖြေရှင်းတော့မှာမဟုတ်ဘဲ ဥရောပနိုင်ငံကိုသွားရောက်ဖို့ မိမိတို့အစိုးရက စတင်ခွင့်ပြုနေပြီလို့ တူရကီသမ္မတ အာဒိုဂန်က ပြောကြားလိုက်ပါတယ်။

ကြာသာပတေးနေ့က ဆီးရီးယားနိုင်ငံ အီဒလစ်ပြည်နယ်မှာ ဆီးရီးယားအစိုးရတပ်ရဲ့ လက်ချက်ကြောင့် တူရကီစစ်သား ၃၃ ဦး သေဆုံးမှုနဲ့ပတ်သက်ပြီး တူရကီအစိုးရက အခုလို တုန့်ပြန်လိုက်တာပါ။

“မနေ့က ဘာလုပ်ခဲ့လဲဆိုရင် တံခါးတွေ ဖွင့်ပေးလိုက်တယ်။ တံခါးတွေ ပိတ်ထားတော့မှာ မဟုတ်ပါဘူး။ ဘာ့ကြောင့်လဲဆိုတော့ ဥရောပသမဂ္ဂက ကတိမတည်လို့ပါ” လို့ အာဒိုဂန်က ပြောကြားခဲ့ပါတယ်။
‌
တူရကီ-ဥရောပနယ်စပ်မှာ သေကြာနေ့က ဒုက္ခသည် ၁၈၀၀၀ လောက် ရှိနေပြီး စနေနေ့မှာ ၃ သောင်းလောက်အထိ များလာလိမ့်မယ်လို့ လည်း သူက ဆိုပါတယ်။

တူရကီ-ဂရိ နယ်စပ်မှာ ဂရိလုံခြုံရေးအဖွဲ့တွေက ဒုက္ခသည်တွေကို အင်အားသုံးဖြိုခွင်းမှုတွေလည်း ရှိလာပါတယ်။

သူပုန်တွေရဲ့ နောက်ဆုံးခြေကုပ်ဖြစ်တဲ့ အီဒလစ်ပြည်နယ်ကို ပြန်ရရေး ဆီးရီးယားအစိုးရတပ်က အပြင်းအထန် ထိုးစစ်ဆင်နေတဲ့ ပြီးခဲ့တဲ့ လတွေအတွင်း အဲဒီပြည်နယ်မှာ စစ်စခန်းတွေရှိနေတဲ့ တူရကီနဲ့ တင်းမာမှု မြင့်တက်လာတာပါ။ ဒီတင်းမာမှုအသစ်ကြောင့် တူရကီဖက်ကို ‌ဒုက္ခသည်တွေ နောက်ထပ် ထွက်ပြေးရတာ‌တွေလည်း ရှိလာပါတယ်။

တူရကီအစိုးရဟာ ဒုက္ခသည်အရေးကို နိုင်ငံရေးနဲ့ စစ်ရေးအကျိုးအမြတ်အတွက် အသုံးချနေတယ်လို့ ပြောဆိုမှုတွေလည်း ရှိနေပါတယ်။

Ref: Ajazeera

ဖေဖော်ဝါရီ ၂၈၊ ၂၀၂၀
M-Media

-ဆီးရီးယားနိုင်ငံ အနောက်မြောက်ဖက် အီဒလစ်ပြည်နယ်မှာ သောကြာနေ့က ဆီးရီးယားအစိုးရတပ်ရဲ့ လေကြောင်းတိုက်ခိုက်မှုအတွင်း တူရကီစစ်သား အနည်းဆုံး ၃၃ ဦးသေဆုံးခဲ့ပြီး တူရကီကတော့ ပြင်းပြင်းထန်ထန် လက်တုန့်ပြန်သွားမယ်လို့ ပြောကြားခဲ့ပါတယ်။

ဒါဟာ ၂၀၁၆ ခုနှစ်က ဆီးရီးယားပြည်တွင်းစစ်မှာ စတင်ပါဝင်ပြီးနောက်ပိုင်း တစ်ရက်အတွင်း တူရကီစစ်သား အများဆုံး သေဆုံးမှုလည်း ဖြစ်ပါတယ်။ ဖေဖော်ဝါရီလအတွင်း သေဆုံးခဲ့တဲ့ စစ်သည်အရေအတွက်ဟာ ၅၄ ဦး ရှိလာပြီလို့လည်း တူရကီက ထုတ်ပြန်ထားပါတယ်။

သူပုန်တွေရဲ့ နောက်ဆုံးခြေကုပ်စခန်းဖြစ်တဲ့ အီဒလစ်ပြည်နယ်ကို ပြန်လည်သိမ်းပိုက်နိုင်ရေးအတွက် ဆီးရီးယားအစိုးရတပ်တွေက ပြီးခဲ့တဲ့လအနည်းငယ်အတွင်း ထိုးစစ်အရှိန်မြှင့်ရာမှာ စစ်စခန်းတွေရှိနေတဲ့ တူရကီနဲ့ တင်းမာမှု မြင့်တက်လာ ဖြစ်ပါတယ်။

အာဆတ်အစိုးရတပ်ကို ကူညီပေးနေတဲ့ ရုရှားက တူရကီဟာ သူတို့တပ်ဖွဲ့တွေ သူပုန်နဲ့ပေါင်းပြီး တိုက်နေတာကို သတင်းပေးဖို့ ပျက်ကွက်ခဲ့တယ်လို့ ပြောကြားခဲ့ပါတယ်။ တူရကီဖက်ကတော့ ဒီပြောဆိုချက်ကို ငြင်းပါတယ်။

တူရကီကတော့ ဆီးရီးယားအစိုးရတပ်ရဲ့ သိသမျှစခန်းတွေကို လက်တုန့်ပြန်တိုက်ခိုက်သွားမှာဖြစ်ပြီး၊ နိုင်ငံအတွင်းရှိနေတဲ့ ဆီးရီးယားဒုက္ခသည်တွကိုလည်း ဥရောပနိုင်ငံတွေဆီသွားဖို့ ဖွင့်ပေးလိုက်ပြီလို့ ထုတ်ပြန်ခဲ့ပါတယ်။

အီဒလစ်ပြည်နယ် တောင်ပိုင်းနဲ့ အရှေ့ပိုင်းတွေမှာ တူရကီဖက်က ချက်ခြင်း လက်တုန့်ပြန်တိုက်ခိုက်မှုတွေ ရှိနေပြီး အနည်းဆုံး ဆီးရီးယားစစ်သား ၁၆ ဦး သေဆုံးခဲ့တယ်လို့ ယူကေအခြေစိုက် စောင့်ကြည့်အဖွဲ့ Syrian Observatory for Human Rights က ပြောပါတယ်။ ကုလအတွင်းရေးမှူးချုပ် အန်တိုနီယို ဂူတာရက်စ်က ဒီတင်းမာမှုအတွက် အလွန်စိုးရိမ်တယ်လို့ ပြောကြားခဲ့ပြီး နှစ်ဖက်စလုံး အပစ်ရပ်ဖို့လည်း တိုက်တွန်းခဲ့ပါတယ်။

Ref: Aljazeera

ဖေဖော်ဝါရီ ၁၁၊ ၂၀၂၀
M-Media

-ဆီးရီးယားနိုင်ငံ အနောက်မြောက်ဖက် အီဒလစ်ဘ်ပြည်နယ်မှာ ဆီးရီးယားအစိုးရတပ်တွေနဲ့ တူရကီတပ်ဖွဲ့တွေအကြား အပြန်အလှန် ပစ်ခတ်မှုတွေ ဖြစ်ပွားပြီး တင်းမာမှု မြင့်တက်လာပါတယ်။

တနင်္လာနေ့က တက်ဖ်တာနက်ဇ်ဒေသမှာ ဆီးရီးယားတပ်ဖွဲ့တွေရဲ့ ပစ်ခတ်မှုကြောင့် တူရကီစစ်သား ၅ ဦး သေဆုံးကာ ၅ ဦး ဒဏ်ရာရခဲ့ပါတယ်။ ဒီတိုက်ခိုက်မှုကြောင့် ရန်သူ့ပစ်မှတ် ၁၀၀ ကျော်ကို တုန့်ပြန်တိုက်ခိုက်ခဲ့တယ်လို့ တူရကီ ကာကွယ်ရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

တူရကီနိုင်ငံခြားရေးဝန်ကြီး Mevlut Cavusoglu က မိမိတို့တပ်ဖွဲ့တွေအနေနဲ့ လိုအပ်ရင် လိုအပ်သလို ဆက်လက်လုပ်ဆောင်သွားမယ်လို့ ပြောကြားခဲ့ပါတယ်။

ပြီးခဲ့တဲ့တစ်ပတ်ကလည်း တက်ဖ်တာနက်ဇ်မှာ ဆီးရီးယားအစိုးရတပ်တွေရဲ့ တိုက်ခိုက်မှုကြောင့် တူရကီစစ်သား ၈ ဦး သေဆုံးပြီး၊ တူရကီရဲ့လက်တုန့်ပြန်မှုကြောင့် အနည်းဆုံး ဆီးရီးယားစစ်သား ၁၃ ဦး သေဆုံးခဲ့ပါတယ်။

တူရကီကတော့ ၂၀၁၈ ခုနှစ် ဖေဖော်ဝါရီလက ရရှိထားတဲ့ အပစ်ရပ်ရေးသဘောတူညီချက်ပါ နယ်မြေမျဉ်းအနောက်ကို ပြန်ဆုတ်ဖို့ ဆီးရီးယားအစိုးရကို သတိပေးခဲ့ပါတယ်။

သူပုန်တွေရဲ့ နောက်ဆုံးခြေကုပ်စခန်းဖြစ်တဲ့ အီဒလစ်ဘ်ပြည်နယ်ကို ပြန်လည်သိမ်းပိုက်နိုင်ရေးအတွက် ဆီးရီးယားအစိုးရတပ်တွေဟာ ပြီးခဲ့တဲ့ သီတင်းပတ်အနည်းကစလို့ ထိုးစစ်အရှိန်မြှင့်လာတာပါ။ အီဒလစ်ဘ်မှာ တူရကီရဲ့ စစ်စခန်း တစ်ဒါဇင်လောက်လည်း ရှိနေတာ ဖြစ်ပါတယ်။

Ref: Aljazeera

ဖေဖော်ဝါရီ ၈၊ ၂၀၂၀
M-Media

-ဆီးရီးယားနိုင်ငံက သူပုန်တွေရဲ့ နောက်ဆုံးခြေကုပ်ဖြစ်တဲ့ အီဒလစ်ပြည်နယ်က စစ်စခန်း း ၁၂ ခုမှာ ကွန်မန်ဒိုတွေ၊ ၊ လက်နက်ခဲယမ်းတွေပါဝင်တဲ့ စစ်တပ်ယာဉ် အစီးပေါင်း ၁၅၀ လောက်ကို ထပ်မံစေလွှတ် အင်အားဖြည့်တင်းခဲ့တယ်လို့ တူရကီ နိုင်ငံပိုင်သတင်းဌာန Anadolu က မနေ့မှာ ဖော်ပြခဲ့ပါတယ်။

ရုရှားကျောထောက်နောက်ခံပြုထားတဲ့ အာဆတ်အစိုးရတပ်တွေဟာ ပြီးခဲ့တဲ့ သီတင်းပတ်တွေအတွင်း အီဒလစ်ပြည်နယ်ကို ပြန်လည်သိမ်းပိုက်နိုင်ရေး ထိုးစစ်ဆင်မှုတွေ အကြီးအကျယ်ပြုလုပ်နေပြီး တူရကီနဲ့ တင်းမာမှုတွေ မြင့်တက်လာတာ ဖြစ်ပါတယ်။

၂၀၁၈ ခုနှစ် ရုရှားနဲ့ရရှိခဲ့တဲ့ သဘောတူညီချက်အရ အီဒလစ်ပြည်နယ် အရှေ့တောင်ပိုင်းမှာ စစ်စခန်း ၉ ခု တည်ဆောက်ထားရာမှာ လက်ရှိ အားလုံးကို ‌ဆီးရီးယားအစိုးရတပ်တွေရဲ့ ဝန်းရံပိတ်ဆို့မှုကို ခံနေရတယ်လို့ တူရကီက ပြောကြားခဲ့ပါတယ်။ အာဆတ်အစိုးရတပ်ရဲ့ ထိုးစစ်ဆင်မှုကြောင့် အီဒလစ်ပြည်နယ်ကနေ ဒုက္ခသည် သိန်းချီ တူရကီထဲကို ထွက်ပြေးခဲ့ရပြီး ဖေဖော်ဝါရီလကုန်ပိုင်းမှ ဒါတွေကို မရပ်တန့်ဘူးဆိုရင် ဆီးရီးယားအစိုးရတပ်ကို ပြန်တိုက်မယ်လို့ တူရကီသမ္မတ အာဒိုဂန်က ခြိမ်းခြောက်ခဲ့ပါတယ်။

ဆီးရီးယားနဲ့ တူရကီတို့အကြား တင်းမာမှုတွေ လျော့ချဖို့အတွက် ရုရှားအာဏာပိုင်တွေဟာ အန်ကာရာကို လာရောက်ဆွေးနွေးမှုတွေ လုပ်ဆောင်နေပါတယ်။

၂၀၁၇ နဲ့ ၂၀၁၈ ခုနှစ်တွေအတွင်း ရုရှား၊ တူရကီနဲ့ အီရန်တို့အကြား ရရှိခဲ့တဲ့ သဘောတူညီချက်တွေမှာ အီဒလစ်ပြည်နယ်နဲ့ အရှေ့ဂူတာဒေသက မြို့တွေကို တင်းမာမှုလျော့ချရေးဇုန်အဖြစ် သတ်မှတ်ထားပြီး တိုက်ခိုက်မှုကို ပြင်းပြင်းထန်ထန် တားမြစ်ထားတာ ဖြစ်ပါတယ်။ သဘောတူညီချက်အရ တူရကီ စစ်စခန်း ၁၂ ခု တည်ဆောက်ခွင့်ရခဲ့တာပါ။

Ref: Aljazeera