Tag: thailand

စက်တင်ဘာ ၂၄၊ ၂၀၁၆
M-Media

– ထိုင်းနိုင်ငံ ဘန်ကောက်မြို့ရှိ နိုင်ငံကူးလက်မှတ် အတုပြုလုပ်သည့် ဂိုးဏ်တစ်ခုကို ယမန်နေ့က ၀င်ရောက်ဖမ်းဆီးရာတွင် မြန်မာနိုင်ငံသား ၂ ဦးအပါအ၀င် ၅ ဦး ဖမ်းဆီးရမိခဲ့ပြီး ရေခဲသေတ္တာထဲတွင် အပိုင်းပိုင်း ခုတ်ဖြတ်ထားသည့် အမျိုးသား အလောင်းတစ်ခုကိုလည်း တွေ့ရှိခဲ့ရသည်ဟု သိရသည်။

ပတ်စ်ပို့အတုလုပ်မှုအပြင် မူးယစ်ဆေးဝါး ရောင်းဝယ်ဖောက်ကားနေသည်ဟု စုံထောက်များက သတင်းရရှိပြီးနောက် ၀င်ရောက်ဖမ်းဆီးခဲ့ခြင်းဖြစ်ပြီး ဗြိတိန်တစ်ဦး၊ အမေရိကန်နှစ်ဦးနှင့် မြန်မာ ၂ ဦးတို့ကို ဖမ်းဆီးရမိခဲ့သည်။

ရှာဖွေမှုများပြုလုပ်စဉ် ၎င်းတို့ထဲမှ တစ်ဦးက နိုင်ငံကူးလက်မှတ်များမှာ မီးခံသေတ္တာထဲတွင် ရှိသည်ဟု ပြောဆိုကာ သေတ္တာကိုဖွင့်၍ ၉ မမ ပစ္စတိုကို ထုတ်ကာ ပစ်ခတ်ခဲ့သောကြောင့် အရပ်ဝတ်နှင့် လိုက်ပါလာသည့် ကမ္ဘာလှည့်ခရီးသွားဆိုင်ရာ ရဲတပ်ဖွဲ့ဝင်တစ်ဦး ဒဏ်ရာရရှိခဲ့သည်။

ထိုဖမ်းဆီးမှုအတွင်း ပစ္စတို ၆ လက်၊ စိတ်ကြွဆေးပြားများ၊ ဆေးခြောက်၊ နိုင်ငံကူးလက်မှတ်အတုများ၊ ပရင်တာနှင့် ဓာတုဗေဒပစ္စည်းများ၊ ၎င်းတို့၏ ဓာတ်ပုံများနှင့် အမည်အမျိုးမျိုးတပ်ထားသော နိုင်ငံကူးလက်မှတ်များကို တွေ့ရှိခဲ့ရသည်။

ထို့ပြင် ၂ မီတာမြင့်သည့် ရေခဲသေတ္တာထဲတွင် ၆ ပိုင်းပိုင်းကာ ပလက်စတစ်အိတ်အနက်ဖြင့် ထုတ်ထားသော လူသေအလောင်းတစ်ခုကိုလည်း တွေ့ရှိခဲ့ရပြီး နိုင်ငံခြားသား အမျိုးသားတစ်ဦး၏ အလောင်းဖြစ်သည်။

သံသယရှိသူများကမူ မိမိတို့မှာ သုတေသနအဖွဲ့မှဖြစ်ပြီး ထိုအလောင်းမှာလည်း သုတေသနလုပ်ရန်အတွက် ဖြစ်သည်ဟု ပြောကြားခဲ့ပြီး သေဆုံးသူမှာ မည်သူမည်ဝါဖြစ်ကြောင်းကို ရဲတပ်ဖွဲ့က စုံးစမ်းစစ်ဆေးမှုများ ပြုလုပ်နေသည်။

ဖမ်းဆီးရမိခဲ့သူများမှ နိုင်ငံခြားသား ၃ ဦးကို ယနေ့တွင် တရားစွဲဆိုခဲ့ပြီး မြန်မာနိုင်ငံသား ၂ ဦးမှာ ထိုအိမ်မှ အိမ်အကူနှင့် ၎င်း၏ ခင်ပွန်းဖြစ်ကာ ၎င်းတို့ကို တရားစွဲဆိုခြင်းမရှိဘဲ သက်သေအဖြစ် အသုံးပြုသွားမည်ဟု ရဲတပ်ဖွဲ့က ပြောကြားခဲ့သည်။

ထိုင်းနိုင်ငံမှာ နယ်စပ်လုံခြုံရေးနှင့် ဗီဇာစည်းကမ်းချက်များ လျော့ရဲမှု၊ ဥပဒေစိုးမိုးရေးဝန်ထမ်းများ လာဘ်စားမှုများကြောင့် နိုင်ငံခြားမှာ ရာဇ၀တ်ကောင်များ၊ ၀ရမ်းပြေးများ ၀င်ရောက်ခိုလှုံရာ နေရာတစ်ခုဖြစ်နေသည်မှာ ကြာမြင့်နေပြီ ဖြစ်သည်။

Ref: Bangkokpost

သြဂုတ် ၁၄၊ ၂၀၁၆
M-Media

– ပြီးခဲ့သည့်ရက်အနည်းငယ်အတွင်း ထိုင်းနိုင်ငံတောင်ပိုင်း၌ ဖြစ်ပွားခဲ့သည့် ဗုံးခွဲမှုများ၊ မီးရှို့မှုများအား စီစဉ်သူမှာ တစ်ဦးတည်းဖြစ်ပြီး တိုက်ခိုက်မှုများမှ တစ်ခုအတွက် အမျိုးသားတစ်ဦးကို ဖမ်းဆီးထားလိုက်ပြီဟု ရဲတပ်ဖွဲ့က ပြောကြားလိုက်သည်။

ကြာသာပတေးနှင့် သောကြာနေ့များက ထိုင်းနိုင်ငံ၏ အထင်အရှားဆုံး အပန်းဖြေစခန်းများတွင် ဖြစ်ပွားခဲ့သည့် ထိုပေါက်ကွဲမှုများကြောင့် လူ ၄ ဦးသေဆုံးခဲ့ပြီး၊ ဒါဇင်နှင့်ချီ၍ ဒဏ်ရာရရှိခဲ့သည်။

ထိုင်းရဲတပ်ဖွဲ့၏ ဒုတိယအကြီးအကဲ Pongsapat Pongcharoen ကမူ ထိုတိုက်ခိုက်မှုမှာ တစ်ဦးတစ်ယောက်၏ အမိန့်ပေးမှုဖြင့် အဖွဲ့တစ်ခုက စီစဉ်ခြင်းဖြစ်ကြောင်း၊ လက်ရှိတွင် အမျိုးသားတစ်ဦးကို ဖမ်းဆီးထားကြောင်း ပြောကြားခဲ့သည်။ သို့သော်လည်း တိုက်ခိုက်မှုများ၏ နောက်ကွယ်တွင်ရှိသည်ဟု ၎င်းတို့ယုံကြည်သူမှာ မည်သူမည်ဝါဖြစ်သည်ဆိုသည်ကို အသေးစိတ် ထုတ်ဖော်ပြောဆိုခဲ့ခြင်းမရှိချေ။

ထိုင်းနိုင်ငံတွင် ပြီးခဲ့သည့်တစ်ပတ်က စစ်တပ်မှရေးဆွဲထားသည့် ဖွဲ့စည်းပုံအခြေခံဥပဒေကို အတည်ပြုခဲ့ပြီး လေ့လာဆန်းစစ်သူများကမူ ထိုရလဒ်ကို မကျေနပ်သည့် အစိုးရအတိုက်အခံများ၏လုပ်ရပ် ဖြစ်နိုင်သည်ဟု ခန့်မှန်းပြောဆိုထားသည်။

ရဲတပ်ဖွဲ့ကလည်း ထိုပေါက်ကွဲမှုမျးမှာာ နိုင်ငံတကာအကြမ်းဖက်အဖွဲ့များ၏ သက်ဆိုင်မှုမရှိဘဲ ပြည်တွင်းနိုင်ငံရေး မတည်ငြိမ်မှုဖြစ်သည်ဟု ပြောကြားထားသည်။

Ref: Aljazeera

သြဂုတ် ၁၂၊ ၂၀၁၆
M-Media

– ပြီးခဲ့သည့် ၂၄ နာရီအတွင်း နိုင်ငံအနှံ့ ဗုံးပေါက်ကွဲမှုများ ဖြစ်ပွားခဲ့ပြီးနောက် ထိုင်းအာဏာပိုင်များက လုံခြုံရေးကို တိုးမြှင့်လိုက်ပြီး ထိုဖောက်ခွဲမှုများ၏ နောက်ကွယ်မှ အကြောင်းအရင်းနှင့် စီမံဆောင်ရွက်သူများကို ဖော်ထုတ်ရန် ကြိုးစားနေသည်ဟု သိရသည်။

ယမန်နေ့ညက ဘန်ကောက်မြို့တောင်ပိုင်း ဟွာဟင်ကမ်းခြေ ဗုံးပေါက်ကွဲမှုနှစ်ခုအတွင်း အမျိုးသမီး ၁ ဦး သေဆုံးခဲ့ကာ၊ ၂၀ ကျော် ဒဏ်ရာရရှိခဲ့ပြီး၊ ယနေ့မနက်ပိုင်းကလည်း ထိုနေရာတွင်ပင် နောက်ထပ် ဗုံးပေါက်ကွဲမှု ၂ ခု ဖြစ်ပွားခဲ့သောကြောင့် လူတစ်ဦး ထပ်မံသေဆုံးခဲ့သည်။

ဖူးကတ်တွင် ယနေ့မနက်ပိုင်း ဗုံးပေါက်ကွဲမှုနှစ်ခု ဖြစ်ပွားခဲ့ပြီး တောင်ပိုင်းပြည်နယ်များဖြစ်သော တရန်းနှင့် ဆူရတ်ထာနီတို့တွင်လည်း ဗုံးပေါက်ကွဲမှု တစ်ခုစီဖြစ်ပွားခဲ့ကာ လူတစ်ဦးစီ သေဆုံးခဲ့သည်။

ထိုပေါက်ကွဲမှုများတွင် ဆက်စပ်မှုများရှိလားဆိုသည့် အထောက်အထားများ လက်ရှိတွင် မတွေ့ရှိရသေးဘဲ၊ ၀န်ကြီးချုပ် ပရာယွတ်ချန်အိုချာက တည်တည်ငြိမ်ငြိမ်ရှိကြရန် ပြည်သူများအား တိုက်တွန်းခဲ့ကာ ထိုဖောက်ခွဲမှုများ၏နောက်ကွယ်တွင် မည်သူရှိနေကြောင်းကို မသိရေသေးဟု ပြောကြားခဲ့သည်။

ပြီးခဲ့သည့်တစ်ပတ်တွင် ထိုင်းနိုင်ငံ၌ စစ်တပ်ကရေးဆွဲထားသည့် ဖွဲ့စည်းပုံအခြေခံဥပဒေကို အတည်ပြုခဲ့ပြီး အတိုက်အခံများကမူ အဆိုပါအခြေခံဥပဒေမှာ စစ်တပ်၏ပါဝင်ကို ကြီးမားစေပြီး နိုင်ငံအတွင်း သွေးကွဲမှုများ ဖြစ်စေနိုင်သည်ဟု ဝေဖန်ထားသည်။

Ref: Aljazeera