News @ M-Media

Tag: UAE

  • အာကာသသမိုင်းတွင် အာရပ်စော်ဘွားများ ပြည်ထောင်စုက စံချိန်သစ်တစ်ခု ထပ်တင်

    အာကာသသမိုင်းတွင် အာရပ်စော်ဘွားများ ပြည်ထောင်စုက စံချိန်သစ်တစ်ခု ထပ်တင်

    မတ် ၄၊ ၂၀၂၃

    M-Media 


    -ပြီးခဲ့တဲ့တစ်ပတ် ကြသာပတေးနေ့က အမေရိကန် အာကာသကုမ္ပဏီ Space X ရဲ့ နိုင်ငံတကာ အာကာသစခန်းဆီ အာကာသာ ယာဥ်မှူး လေးဦး စေလွှတ်ခဲ့ရာမှာ အာရပ်စော်ဘွားများပြည်ထောင်စု (ယူအေအီး) က ယာဥ်မှူးတစ်ဦးလည်း ပါ၀င်သွားပါတယ်။ 

    သူကတော့ ဆူလ်တန် အလ်-နီယာဒီဖြစ်ပြီး အာကာသကို သွားရောက်တဲ့ ဒုတိယမြောက် ယူအေအီးနိုင်ငံသားအဖြစ် မှတ်တမ်း၀င်ပါတယ်။

    ဒီခရီးစဥ်အတွင်း နိုင်ငံတကာအာကာသစခန်းမှာ လအတော်ကြာ နေမှာကြောင့် အလ်-နီယာဒီဟာ အာကာသမှာ အချိန်အကြာဆုံး နေထိုင်မယ့် ပထမဆုံး အာရပ်အာကာသယာဥ်မှူးအဖြစ်လည်း သမိုင်းသစ်ရေးထိုးနိုင်မှာ ဖြစ်ပါတယ်။ 

    ကနေဒီအာကာသစခန်းက ဒုံးပျံလွှတ်တင်မှုကို ယူအေအီးတစ်နိုင်ငံလုံးက စောင့်ကြည့်ခဲ့ကြပါတယ်။ 

    အာကာသကိုရောက်တဲ့ ပထမဆုံး ယူအေအီး အာကာသယာဥ်မှူးဟာ ဟက်ဇာ အလ် မန်ဆူရီဖြစ်ပြီး ၂၀၁၉ ခုနှစ်က ဆိုယုဇ် အာကာယာဥ်နဲ့ လိုက်ပါကာ နိုင်ငံတကာ အာကာသစခန်းမှာ ၈ ရက်ကြာ နေထိုင်ခဲ့ပါတယ်။ 

    Ref: AFP

  • စီးပွားရေးတွင် ရေနံအပေါ်မှီခိုနေရမှုကို အာရပ်နိုင်ငံများ လျှော့ချလာနိုင်

    စီးပွားရေးတွင် ရေနံအပေါ်မှီခိုနေရမှုကို အာရပ်နိုင်ငံများ လျှော့ချလာနိုင်

    ဖေဖော်၀ါရီ ၁၄၊ ၂၀၂၃

    M-Media 


    ကုန်ထုတ်လုပ်မှုလုပ်ငန်း အဓိကတည်ရှိရာ ယူအေအီးနိုင်ငံ ရှာဂျာမြို့

    -နိုင်ငံစီးပွားရေး ရေနံအပေါ်မှီခိုနေရမှုကို လျှော့ချနိုင်ရေး ပင်လယ်ကွေ့ အာရပ်နိုင်ငံတွေရဲ့ ကြိုးပမ်းမှုမှာ တိုးတက်မှုတွေ ရှိနေတယ်လို့ နိုင်ငံတကာ ငွေကြေးရန်ပုံငွေအဖွဲ့ IMF က ပြောပါတယ်။ 

    ပုဂ္ဂလိက ရင်းနှီးမြှုပ်နှံမှု၊ ကုန်ထုတ်လုပ်မှု၊ နည်းပညာကဏ္ဍ ချဲ့ထွင်မှု၊  အခွန်ဆိုင်ရာ ပြုပြင်ပြောင်းလဲမှုတွေ၊ ခရီးသွားလုပ်ငန်းတိုးချဲ့မှုတွေကို ပင်လယ်ကွေ့နိုင်ငံတွေက ပြီးခဲ့တဲ့နှစ်အနည်းငယ်မှာ အဓိကထား လုပ်ဆောင်လာကြတာ ဖြစ်ပါတယ်။ 

    “ငွေကြေးတန်ဖိုး ဘယ်လိုမြှင့်တင်ရမလဲ၊ ငွေကြေးကို ဘယ်လို စီမံသုံးစွဲရမလဲဆိုတာတွေမှာ ပြုပြင်ပြောင်းလဲမှုတွေ မရပ်မနား လုပ်ဆောင်နေကြတာ ဖြစ်ပါတယ်” လို့ IMF အကြီးအကဲ ခရစ္စတီးနား ဂျော်ဂျီဗာက မနေ့က ဒူဘိုင်းမှာပြုလုပ်တဲ့ အစည်းအ၀ေးမှာ ပြောကြားခဲ့ပါတယ်။ 

    ပြီးခဲ့တဲ့တစ်နှစ်အတွင်း ပင်လယ်ကွေ့ဒေသမှာ ဆော်ဒီက ရေနံမဟုတ်တဲ့ စီးပွားရေး အမြန်ဆုံးတိုးတက်တဲ့နိုင်ငံ ဖြစ်လာပါတယ်။ ဆော်ဒီဟာ ဒေသတွင်း စီးပွားရေးအကြီးဆုံးနိုင်ငံလည်း ဖြစ်ပါတယ်။ 

    ဘက်ပေါင်းစုံ စီးပွားရေးလုပ်ငန်းတွေရှိတဲ့ အာရပ်စော်ဘွားများ ပြည်ထောင်စု (ယူအေအီး) က အခွန်မူ၀ါဒ၊ နိုင်ငံခြား အလုပ်သမားဆိုင်ရာ မူ၀ါဒတွေကို ပြုပြင်ပြောင်းလဲခဲ့ပြီး ကုန်ထုတ်လုပ်ရေး၊ နည်းပညာနဲ့ ပြည့်ဖြိုးမြဲစွမ်းအင်ထုတ်လုပ်ရေး ဖက်မှာ ရင်းနှီးမြှုပ်နှံမှု အမြောက်အများပြုလုပ်လာပါတယ်။ 

    ခရစ္စတီးနားက အာရပ်နိုင်ငံတွေဟာ ရေနံနဲ့ ဓာတ်ငွေ့စျေး တက်ဖို့ပဲ လုပ်တတ်တယ်ဆိုတဲ့ ထင်မြင်ယူဆချက်တွေ မမှန်ဘူးလို့ ထည့်သွင်းပြောဆိုခဲ့ပါတယ်။ 

    Ref: Arab News

  • ယူကရိန်းဒုက္ခသည်များအတွက် မီးစက်ဒုတိယအသုတ်ကို ယူအေအီး ပေးပို့

    ယူကရိန်းဒုက္ခသည်များအတွက် မီးစက်ဒုတိယအသုတ်ကို ယူအေအီး ပေးပို့

    ဇန်န၀ါရီ ၇၊ ၂၀၂၂

    M-Media 


    -ရုရှားရဲ့ ကျူးကျော်တိုက်ခိုက်မှုကြောင့် ဆောင်းရာသီကို မီးမရှိဘဲ ဖြတ်သန်းနေရတဲ့ ယူကရိန်းဒုက္ခသည်တွေအတွက် အာရပ်စော်ဘွားများပြည်ထောင်စု (ယူအေအီး) က မီးစက် ဒုတိယ အသုတ်ကို ပေးပို့လိုက်ပါတယ်။ 

    မီးစက်အလုံးရေ စုစုပေါင်း ၂၅၀၀ ပေးပို့ကူညီသွားမယ်လို့ ယူအေအီးက ဒီဇင်ဘာမှာ ကြေငြာခဲ့ပြီး ပထမအသုတ် အလုံး ၁၂၀၀ ကို ပေးပို့ပြီးဖြစ်ပါတယ်။ 

    သောကြာနေ့က ပေးပို့ခဲ့တဲ့ အခုဒုတိယအသုတ်မှာတော့ အလုံး ၁၃၀၀ ပါ၀င်ပါတယ်။ 

    ဒါဟာ ယူကရိန်းကို ကန်ဒေါ်လာ သန်း ၁၀၀ ဖိုး လူသားချင်းစာနာထောက်ထားမှု အကူအညီတွေ ပေးအပ်မယ့် အစီအစဥ်ရဲ့ တစ်စိတ်တစ်ပိုင်းလည်း ဖြစ်ပါတယ်။ ဒီအစီအစဥ်ကို အောက်တိုဘာလမှာ ယူအေအီးက ကြေငြာခဲ့တာပါ။ 

    Ref: Alarabiya 

  • ဒူဘိုင်းတွင် ဒုတိယမြောက် ဟိန္ဒူဘုရားကျောင်း ဖွင့်လှစ်

    ဒူဘိုင်းတွင် ဒုတိယမြောက် ဟိန္ဒူဘုရားကျောင်း ဖွင့်လှစ်

    အောက်တိုဘာ ၇၊ ၂၀၂၂
    M-Media

    -အာရပ်စော်ဘွားများပြည်ထောင်စု (ယူအေအီး) နိုင်ငံ ဒူဘိုင်းမြို့မှာ ဒုတိယမြောက် ဟိန္ဒူဘုရားကျောင်းတစ်ခုကို အခုတစ်ပတ်အစောပိုင်းက ဖွင့်လှစ်လိုက်ပါတယ်။

    ဂျီဘီအလီရပ်က ဘာသာပေါင်းစုံရွာ (Worship Village) မှာ ဒီဘုရားကျောင်း တည်ရှိပါတယ်။ အိန္ဒိယနိုင်ငံ အရှေ့၊ အနောက်၊ တောင်နဲ့ မြောက်တို့မှာ ယုံကြည်ဆည်းကပ်ကြတဲ့ ဘုရားပေါင်း ၁၆ ဆူကို ဘုရားကျောင်းမှာ တည်ထားကိုးကွယ်ထားပါတယ်။

    “ဟိန္ဒူဘာသာရဲ့ ဘယ်ဂိုဏ်းကမဆို ဒီဘုရားကျောင်းမှာ လာရောက် ၀တ်ပြုဆုဆောင်းနိုင်ပါတယ်။ လူမှုရေးပွဲ၊ ဘာသာရေးပွဲ၊ မင်္ဂလာဆောင်၊ မွေးနေ့၊ အခမ်းအနားတွေ ကျင်းပဖို့ ခန်းမလည်း ဘုရားကျောင်းမှာ ပါ၀င်ပါတယ်။ ဒီကိုရောက်ရင် အိမ်ပြန်ရောက်သလို ခံစားသွားရမှာပါ” လို့ ဘုရားကျောင်း ဂေါပကအဖွဲ့၀င် ရာဂျူးရှရော့ဖ်က ပြောပါတယ်။

    ဘုရားကျောင်းမှာ စာသင်ကျောင်းကြီးတစ်ခုလည်း ပါ၀င်မှာဖြစ်ပြီး လက်ရှိ ဆောက်လုပ်နေကာ လာမယ့်နှစ် ဇန်န၀ါရီလမှာ ဖွင့်လှစ်နိုင်မှာ ဖြစ်ပါတယ်။ ဒီစာသင်ကျောင်းမှာ ဘာသာစကား၊ ယဥ်ကျေးမှု အနုပညာ ဘာသာရပ်တွေ သင်ကြားပေးသွားမှာပါ။

    ဟိန္ဒူဘာသာရေးပွဲတော် Dussehra မကျင်းပခင်တစ်ရက် အင်္ဂါနေ့က ပြုလုပ်တဲ့ ဘုရားကျောင်းဖွင့်ပွဲ အခမ်းအနားကို ယူအေအီး ဘာသာပေါင်းစုံ ညီညွတ်ရေး၀န်ကြီး ရှိခ် နဟ်ယန် ဘင် မူဘာရက်၊ ယူအေးအီးဆိုင်ရာ အိန္ဒိယ သံအမတ်နဲ့ ဘာသာပေါင်းစုံက ခေါင်းဆောင်တွေ၊ ဘာသာ၀င်တွေ စုစုပေါင်း ၂၀၀ ၀န်းကျင် တက်ရောက်ခဲ့ပါတယ်။

    သံအမတ် ဆွန်ဂျေး ဆူဒီရ်က ဘုရားကျောင်းအတွက် မြေလှူဒါန်းပြီး၊ ဆောက်လုပ်ရေးမှာ ကူညီပေးခဲ့တဲ့ ယူအေအီးအစိုးရကို ကျေးဇူးတင်ကြောင်း ပြောကြားခဲ့ပါတယ်။ ဘုရားကျောင်းကို ၂၀၂၀ ခုနှစ်မှာ စတင် အုတ်မြစ်ချ ဆောက်လုပ်ခဲ့တာ ဖြစ်ပါတယ်။

    ဘုရားကျောင်းကို နေ့စဥ် မနက် ၆ နာရီခွဲကနေ ည ၈ နာရီအထိ ဖွင့်လှစ်ထားမှာဖြစ်ပြီး တစ်နေ့ကို လူ ၁၀၀၀ ကနေ၊ ၁၂၀၀ အထိ လာရောက် ၀တ်ပြုဆုတောင်းနိုင်မှာပါ။

    အခု ဟိန္ဒူဘုရားကျောင်းတည်ရှိရာ ဘာသာပေါင်းစုံရွာ (Worship Village) မှာ ခရစ်ယာန်၊ ဂျူးနဲ့ အခြားဘာသာ၀င်တွေရဲ့ ၀တ်ပြုကျောင်းတွေလည်း တည်ရှိပါတယ်။

    Ref: Times of Oman

  • လကမ္ဘာပုံတူ အပန်းဖြေစခန်းကို ယူအေအီးတွင် တည်ဆောက်မည်

    လကမ္ဘာပုံတူ အပန်းဖြေစခန်းကို ယူအေအီးတွင် တည်ဆောက်မည်

    အောက်တိုဘာ ၅၊ ၂၀၂၂
    M-Media

    -ကနေဒါအခြေစိုက် အပန်းဖြေကုမ္ပဏီတစ်ခုဟာ ကမ္ဘာတစ်၀ှမ်း လပုံစံတူ ဧရာမ အပန်းဖြေစခန်းတွေ တည်ဆောက်ဖို့ စီစဥ်နေပါတယ်။

    လပုံတူဟာ အမြင့် ၇၃၅ ပေ၊ အချင်း ၂၀၄၂ ပေ ရှိမှာဖြစ်ပြီး၊ ချိုင့်ခွက်တွေ၊ တောင်တန်းတွေအပါအ၀င် လ,နဲ့ အသေးစိတ်ပုံစံတူအောင် ဖန်တီးမှာ ဖြစ်ပါတယ်။

    “လရဲ့ မျက်နှာပြင်ပေါ်မှာ လမ်းလျှောက်ရတဲ့ ဖီလင်မျိုး ခင်ဗျားတို့ ဘ၀မှာ ခံစားရတာ့မှာပါ” လို့ Moon World Resorts ကုမ္ပဏီကို ပူးတွဲတည်ထောင်သူ ဟန်ဒါဆန်က ပြောပါတယ်။

    ပထမဆုံး လပုံစံတူ အပန်းခြေစခန်းကို အာရပ်စော်ဘွားများပြည်ထောင်စု (ယူအေအီး) နိုင်ငံ ဒူဘိုင်းမှာ တည်ဆောက်မှာပါ။

    ဟန်ဒါဆန်က ယူအေးအီးဟာ ကမ္ဘာလှည့်ခရီးသွားတွေ စိတ်၀င်စားရာ နေရာဖြစ်သလို၊ ဧရာမ အဆောက်အဦး စီမံကိန်းတွေ အခြေတည်ရာ ဒေသဖြစ်တဲ့အတွက် ရွေးချယ်ရခြင်းဖြစ်တယ်လို့ ပြောပါတယ်။

    Moon World Resorts ကုမ္ပဏီဟာ မြောက်အမေရိက၊ ဥရောပ၊ အရှေ့အလယ်ပိုင်း၊ မြောက်အာဖရိကနဲ့ အာရှတိုက်တွေမှာ လပုံစံတူ အပန်းဖြေစခန်း တစ်ခုစီ တည်ဆောက်ဖို့ ရည်ရွယ်ထားပါတယ်။

    ဧရာမလပုံတူကို တည်ဆောက်ရမှာဖြစ်တဲ့အတွက် နည်းပညာဆိုင်ရာ စိန်ခေါ်မှုတွေ ရှိနေပမယ့် ကမ္ဘာတစ်၀ှမ်းက ထိပ်တန်း အင်ဂျင်နီယာတွေ၊ ဗိသုကာပညာရှင်တွေနဲ့ ပူးပေါင်းကာ ကျော်ဖြတ်သွားမယ်လို့ Moon World Resorts ကို ပူးတွဲတည်ထောင်သူ နောက်တစ်ဦးဖြစ်တဲ့ ဆန်ဒရာ ဂျီ မက်သယူးက ပြောကြားခဲ့ပါတယ်။

    မက်သယူးတို့ ကုမ္ပဏီဟာ ကန်ဒေါ်လာ ၅ ဘီလီယံ ရင်းနှီးမြှုပ်နှံပြီး ဒီစီမံကိန်းကို အကောင်အထည်ဖော်မှာဖြစ်ပါတယ်။

    အာကာသ အစားထိုး

    Moon World Resorts ရဲ့ လ,အပန်းဖြေစခန်းဟာ မကြာမီ အကောင်အထည်ပေါ်လာတော့မယ့် အာကာသခရီးသွားလုပ်ငန်းကို အစားထိုးဖို့လည်း ရည်ရွယ်ပါတယ်။

    ဟန်ဒါဆန်က အာကာသခရီးသွားရင် တစ်ယောက်ကို အနည်းဆုံး ဒေါ်လာ ၄၅၀၀၀၀ လောက် ကုန်ကျမှာဖြစ်ပြီး သူတို့ရဲ့ လ,အပန်းဖြေစခန်းကို လာရောက်လည်ပတ်မယ်ဆိုရင် ဒေါ်လာ ၅၀၀ ပဲ ကုန်ကျမယ်လို့ ပြောပါတယ်။

    လ, အပန်းဖြေစခန်းမှာ အာကာသကို ရောက်နေတဲ့ ပုံစံမျိုး ခံစားရအောင် စီစဥ်ထားမယ်လို့လည်း သူက ဆိုပါတယ်။

    Moon World Resorts ရဲ့ ပထမဆုံး လ,အပန်းဖြေစခန်းကို ၂၀၂၇ ခုနှစ်မှာ ဖွင့်လှစ်နိုင်ဖို့ စီစဥ်ထားပါတယ်။

    Ref: CNN