ဒီဇင်ဘာ ၄၊ ၂၀၁၇
M-Media
– လွန်ခဲ့တဲ့ ၂၇ နှစ် ယူအေအီးကို စတင်ရောက်ရှိစဉ်အချိန်က ရှာဂျဟန် အဘတ်စ်ယောက် တစ်နေ့မှာ ကုမ္ပဏီကြီးတစ်ခုကို ပိုင်ဆိုင်ရမယ်ဆိုတဲ့ အိပ်မက်မျိုး မရှိခဲ့ပါဘူး။
အိန္ဒိယနိုင်ငံ ကီရာလာမြို့က အဘတ်စ်ဟာ သတင်းအချက်အလက်နှင့် နည်းပညာဆိုင်ရာ ဒီပလိုမာတစ်ခု၊ အာရဘီစကား ကျွမ်းကျင်မှုတွေနဲ့အတူ ၁၉၉၀ ပြည့်နှစ် မတ်လမှာ ယူအေအီးကို ရောက်ရှိလာခဲ့တာပါ။
အစောပိုင်းမှာ သူဟာ ဖခင်ဖြစ်သူ အလုပ်လုပ်ကိုင်တဲ့ ကားရေဆေးဆိုင်မှာ တောက်တိုမယ်ရ အလုပ်လုပ်ခဲ့ရပါတယ်။
“အဲဒီ ကားရေဆေးလုပ်ငန်းမှာ ကျွန်တော်ဟာ အကူတစ်ယောက်အဖြစ်ရော အခြား လက်တိုလက်တောင်း အလုပ်အားလုံး လုပ်ခဲ့ရပါတယ်။ ကျွန်တော် ကိုယ့်ကိုယ်ကို မကျေနပ်ပါဘူး။ ကျွန်တော့်ရဲ့ ဒီပလိုမာက ဘာမှ အလုပ်မဖြစ်ဘူးဆိုတာ သိခဲ့ပါတယ်။ ကျွန်တော့်အခြေအနေကို အဖေနဲ ဆွေးနွေးပြီး မြို့စွန်မှာ အော်တို ကားရေဆေးလုပ်ငန်းတစ်ခု ထောင်ခဲ့ပါတယ်” လို့ အဘတ်စ်က သူ့ဘ၀အစကို ပြန်ပြောင်း ပြောပြခဲ့ပါတယ်။
သူစုထားတဲ့ ငွေတွေအားလုံးကို ဒီလုပ်ငန်းထဲမှာ ထည့်သွင်းခဲ့ပြီး အကြိမ်ကြိမ် လဲကျမှုတွေကိုလည်း ရင်ဆိုင်ခဲ့ရပါတယ်။
“ကျွန်တော့်ရဲ့ လုပ်နိုင်စွမ်းကို ကျွန်တော် ယုံကြည်တယ်။ ဆုံးဖြတ်ချက်ကိုလည်း ပြတ်ပြတ်သားသား ချထားတယ်။ ဒီလိုနဲ့ Oasis Car Wash လုပ်ငန်းတစ်ခု ပေါ်ပေါက်လာတာပါ။ အခွင့်အလမ်းကို အမိအရ ဖမ်းဆုတ်နိုင်ခဲ့တာကြောင့် ကျွန်တော်တို့လုပ်ငန်းဟာလည်း တိုးတက်လာခဲ့ပါတယ်”
အော်တို ကားရေဆေးလုပ်ငန်းမှာ အောင်မြင်လာခဲ့ပြီးတဲ့နောက် အဘတ်စ်ဟာ အခြားသော လုပ်ငန်းတွေကိုလည်း လုပ်ကိုင်ခဲ့ပါတယ်။ လက်ရှိမှာ သူဟာ အိမ်ခြံမြေနဲ့ ကျန်းမာရေးစောင့်ရှောက်မှုလုပ်ငန်းတွေအထိ ချဲ့ထွင်နိုင်ခဲ့သလို စူပါမားကတ်တစ်ခု၊ အလှပြင်ဆိုင်တွေကိုလည်း အဘတ်စ်တစ်ယောက် ပိုင်ဆိုင်ထားနိုင်ပါပြီ။
စီးပွားဥစ္စာ ဒီရေအလား တိုးတက်လာသလို အဘတ်စ်ဟာ အလှူရေစက်လည်း လက်နဲ့မကွာပါဘူး။
“နတ်သမီးပုံပြင်လိုမျိုး၊ အရှင်မွေး နေ့ချင်းကြီးလိုမျိုး ထင်ရပေမယ့် လက်တွေ့မှာ မနေမနား ကြိုးစားအားထုတ်ခဲ့ရတာပါ။ ကျွန်တော် လေးစားစံထားရတဲ့ လူတော်တော်များများရဲ့ ပုံစံအတိုင်း လိုက်တုခဲ့ပါတယ်။ အစပိုင်းမှာ ဟိုခုန်ဒီခုန်လုပ်ခဲ့ပြီး အလိမ်ခံရတာ၊ လုပ်ငန်းတွေမှာ သဲထဲရေသွန်သလို ဖြစ်တာတွေလည်း ကြုံတွေ့ခဲ့ရပါတယ်။ ဒါပေမယ့် ဒါတွေအားလုံးက ကျွန်တော့်ကို ရင့်ကျက်စေခဲ့ပြီး အခုအချိန်အထိလည်း ကျွန်တော်ဟာ သင်ယူနေဆဲပါ”
ယူအေအီးဟာ အခွင့်အလမ်းတွေ ပြည့်နှက်နေတယ်လို့လည်း အဘတ်စ်က ပြောပါတယ်။
“ဒီတိုင်းပြည်ကို ကျွန်တော့်ဘ၀တစ်ခုလုံး အကြွေးတင်သွားပြီဗျ။ ကျွန်တော်တို့ ဒီကို ရောက်လာလို့သာ အောင်မြင်တာ။ တစ်ခြားနေရာမှာဆိုရင် ဒီလိုဖြစ်မှာ မဟုတ်ဘူး။ ကျွန်တော်ဟာ ၀န်ထမ်းတွေကို တည်တည်ငြိမ်ငြိမ် ဖော်ဖော်ရွေရွေဆက်ဆံပြီး အလုပ်လုပ်တယ်။ ဒီအကျင့်ဟာ ယူအေအီးခေါင်းဆောင်တွေဆီက သင်ယူခဲ့တာပါ”
အဘတ်စ်ဟာ လက်ရှိမှာ ဇနီးသည်၊ သားသမီး ၄ ယောက်နဲ့အတူ ယူအေအီးမှာ ဘ၀ကို ပျော်ရွှင်စွာ ဖြတ်သန်းနေပါတယ်။
Ref: Khaleej Times
