ဖေဖော်ဝါရီ ၂၂၊ ၂၀၂၂
M-Media

-ယူကရိန်းအရှေ့ပိုင်းက ခွဲထွက်ဖို့ ကြိုးစားနေတဲ့ ဒွန်ညက်နဲ့ လူဟန့်စ်ဒေသတွေကို ရုရှားတပ်ဖွဲ့တွေ ဝင်ရောက်ဖို့ သမ္မတပူတင်က တနင်္လာနေ့မှာ အမိန့်ပေးလိုက်ပြီး ယခင်က ရှိခဲ့တဲ့ တင်းမာမှုတွေ ပိုမိုမြင့်တက်လာခဲ့ပါတယ်။

ရုရှားစကားပြောသူတွေ အဓိကနေထိုင်တဲ့ အဲဒီဒေသနှစ်ခုဟာ ၂၀၁၄ ခုနှစ်ကတည်းက ခွဲထွက်ဖို့ ကြိုးစားနေတာ ဖြစ်ပြီး ရုရှားက ခွဲထွက်ရေးသမားတွေကို ထောက်ပံ့နေတာဖြစ်ပါတယ်။

ဒွန်ညက်နဲ့ လူဟန့်စ်ဒေသနှစ်ခုရဲ့ ခွဲထွက်ရေးနဲ့ လွတ်လပ်ရေးကို အသိအမှတ်ပြုတယ်လို့ သမ္မတပူတင်က မနေ့ကရုပ်သံမိန့်ခွန်းမှာ ပြောကြားခဲ့ပြီး နောက်ပိုင်းမှာတော့ ငြိမ်းချမ်းမှု ထိန်းသိမ်းရေးအတွက် ရုရှားတပ်တွေ အဲဒီဒေသကို ဝင်ရောက်ဖို့ ကာကွယ်ရေးဝန်ကြီးဌာနကို အမိန့်ပေးခဲ့ပါတယ်။

မိန့်ခွန်းမှာ ပူတင်က အနောက်နိုင်ငံတွေကို ပြင်းပြင်းထန်ထန်ဝေဖန် ခဲ့သလို၊ ယူကရိန်းဟာ ရုရှားရဲ့ ခွဲမရတဲ့ ဒေသဖြစ်ကြောင်း၊ ယူကရိန်းအရှေ့ပိုင်းက ရှေးဟောင်း ရုရှားမြေဖြစ်ပြီး မိမိရဲ့ဆုံးဖြတ်ချက်ကို ရုရှားပြည်သူတွေက ထောက်ခံမယ်လို့ ယုံကြည်ကြောင်း ထည့်သွင်း ပြောဆိုခဲ့ပါတယ်။

ပူတင်ရဲ့ ရုပ်သံမိန့်ခွန်းမှာ ဒွန်ညက်နဲ့ လူဟန့်စ်က ခွဲထွက်ရေးခေါင်းဆောင်တွေ အွန်လိုင်းကတစ်ဆင့် ပါဝင်ခဲ့ကြပြီး မဟာမိတ်ဖြစ်ရေးနဲ့ ပူးပေါင်းဆောင်ရွက်ရေး သဘောတူညီချက်တွေ ရရှိခဲ့ကြတယ်လို့ ဆိုပါတယ်။

အမေရိကန်နဲ့ ဥရောပသမဂ္ဂတို့က ရုရှားရဲ့ ဒီလုပ်ရပ်ကို ဝေဖန်ခဲ့သလို စီးပွားရေးပိတ်ဆို့မှုတွေ လုပ်ဆောင်သွားမယ်လို့ ချက်ခြင်း ကြေငြာပါတယ်။ ရုရှားက တပ်ဖွဲ့ဝင် ဘယ်လောက်စေလွှတ်မယ်ဆိုတာနဲ့ ဒါကို အနောက်နိုင်ငံတွေက ကျူးကျော်မှုအဖြစ် မှတ်ယူတုန့်ပြန်မလားဆိုတာ ရှင်းရှင်းလင်းလင်း မသိရပါဘူး။

ဒွန်ညက်နဲ့ လူဟန့်စ်ဒေသကို ရုရှားကျောထောက်နောက်ခံပြု ခွဲထွက်ရေးသမားတွေက ထိန်းချုပ်ထားတာ ဖြစ်ပါတယ်။

Ref: Reuters

ဖေဖော်ဝါရီ ၂၀၊ ၂၀၂၂
M-Media

-ရုရှားကျောထောက်နောက်ခံပြု ခွဲထွက်ရေးသမားတွေနဲ့ ယူကရိန်းစစ်တပ်တို့အကြား တိုက်ခိုက်မှုတွေ ပြန်ဖြစ်လာပြီး၊ ရုရှားကလည်း နျူတပ်ဖွဲ့ စစ်ရေးလေ့ကျင့်မှု လုပ်နေတာကြောင့် ယူကရိန်းကို ရုရှားရဲ့ ကျူးကျော်နိုင်ခြေ ဆက်ရှိနေသေးတယ်လို့ ကျွမ်းကျင်သူ​တွေက သုံးသပ်ပါတယ်။

ပြီးခဲ့တဲ့နှစ်နှောင်းပိုင်းကတည်းက ယူကရိန်းနယ်စပ်မှာ ရုရှားက တပ်ဖွဲ့ဝင် ၁ သိန်းကျော် ချထားရမှာ တစ်ချို့ကို ပြန်ဆုတ်လိုက်ပြီလို့ ရုရှားအစိုးရက ပြီးခဲ့တဲ့တစ်ပတ်မှာ ထုတ်ပြန်ပါတယ်။

ဒါပေမယ့် အဲဒီနောက်ပိုင်း ရုရှားကထောက်ပံ့ပေးနေတဲ့ ယူကရိန်းအရှေ့ပိုင်းက ခွဲထွက်ရေးသမားတွေက စစ်ရေးလှုပ်ရှားလာပြီး၊ စနေနေ့က ရုရှားရဲ့ မဟာဗျူဟာမြောက် နျူတပ်ဖွဲ့ စစ်ရေးလေ့ကျင့်ခဲ့ကာ သမ္မတပူတင်ကိုယ်တိုင် ဒီစစ်ရေးလေ့ကျင့်မှုကို ဦးစီးခဲ့ပါတယ်။

အမေရိကန် နိုင်ငံတော်လုံခြုံရေးအဖွဲ့က ရုရှားဟာ ယူကရိန်းကို အချိန်မရွေး ကျူးကျော်တိုက်ခိုက်နိုင်ခြေ ရှိတယ်လို့ သမ္မတ ဂျိုးဘိုင်ဒန်ကို ပြောကြားထားပြီး ဒီကနေ့ ထိပ်တန်းအကြံပေးတွေ အိမ်ဖြူတော်မှာ ဆွေးနွေးမှာ ဖြစ်ပါတယ်။

ရုရှားဟာ ယူကရိန်းနယ်စပ်က တပ်တွေဆုတ်ပြီလို့ ပြောထားပေမယ့် အမှန်တကယ် ဆုတ်ခွာတာမျိုး မတွေ့ရသေးဘူးလို့ ဥရောပနဲ့ G7 နိုင်ငံတွေက ထုတ်ပြန်ပါတယ်။

ယူကရိန်းအရှေ့ပိုင်းကမှာ ရုရှားကျောထောက်နောက်ခံပြု ခွဲထွက်ရေးသမားတွေနဲ့ ယူကရိန်းအစိုးရတပ်တွေအကြား တိုက်ခိုက်မှု ပိုဖြစ်လာပြီး အမေရိကန်ကာကွယ်ရေးဝန်ကြီး လွိုက်အော်စတင်က ရုရှားတပ်တွေဟာ နယ်စပ်ကို ပိုကပ်လာတယ်လို့ မနေ့က ပြောကြားခဲ့ပါတယ်။

အမေရိကန်သမ္မတ ဂျိုးဘိုင်ဒန်က ပူတင်ဟာ လာမယ့်ရက်ပိုင်းအတွင်း ယူကရိန်းကို ကျူးကျော်သိမ်းပိုက်ဖို့ ဆုံးဖြတ်ထားပြီးဖြစ်ကြောင်း မိမိယူဆတယ်လို့ သောကြာနေ့မှာ မှတ်ချက်ပေးခဲ့ပါတယ်။

Ref: Reuters

ယူကရိန်းနယ်စပ်မှ ရုရှားတပ်များ ဆုတ်ခွာ၊ အမေရိကန်က သံသယရှိနေဆဲ

ဖေဖော်၀ါရီ ၁၆၊ ၂၀၂၂
M-Media

– ယူကရိန်းနယ်စပ်မှာ ချထားတဲ့ တပ်တစ်ချို့ ဆုတ်ခွာသွားပြီလို့ ရုရှားက ထုတ်ပြန်ထားပေမယ် အမေရိကန်က ဒီပြောကြားချက်ကို သက်သေပြနိုင်မယ့် အထောက်အထားလိုအပ်နေသေးပြီး ရုရှားက ကျူးကျော်မယ့်အန္တရာယ် ရှိနေဆဲလို့ တုန့်ပြန်ထားပါတယ်။

နယ်စပ်မှာ ရုရှားက စစ်လက်နက်အပြည့်အစုံနဲ့ တပ်သားတစ်သိန်းကျော်လောက် ချထားတာပါ။ ယူကရိန်းကို ၀င်သိမ်းတော့မယ်ဆိုတဲ့ ခန့်မှန်းပြောဆိုမှုတွေ မြင့်တက်နေချိန်မှာပဲ ရုရှားက ရှေ့တန်းက သူတို့တပ်ဖွဲ့၀င်တစ်ချို့ကို မိခင် တပ်ရင်းတွေဆီ ပြန်ခိုင်းလိုက်ကြောင်း မနေ့က ထုတ်ပြန်ခဲ့ပါတယ်။

အစောဆုံး ဗုဒ္ဓဟူးနေ့မှာ ရုရှားက ယူကရိန်းကို ကျူးကျော်တိုက်ခိုက်နိုင်တယ်လို့ ကျွမ်းကျင်သူတွေက ခန့်မှန်းထားပါတယ်။ တပ်အချို့ ဆုတ်ခွာတယ်လို့ သတင်းထွက်လာပြီးနောက်ပိုင်း ယူကရိန်းသမ္မတက ဗုဒ္ဓဟူးနေ့ကို ‘နိုင်ငံတော်ညီညွတ်ရေး’ နေ့အဖြစ် ကြေငြာခဲ့ပြီး ယူကရိန်းနိုင်ငံသားတွေကလည်း အလံတွေ့၀ှေ့ယမ်းကာ လမ်းမတွေပါ်မှာ လှည့်လည်ခဲ့ကြပါတယ်။

ရုရှားက တပ်တွေဆုတ်တယ်ဆိုသတင်းကို မိမိတို့ အတည်မပြုနိုင်သေးဘူးလို့ အမေရိကန်သမ္မတ ဂျိုးဘိုင်ဒန်က ပြောကြားခဲ့ပြီး အချက်အလက်တွေအရ ရုရှားရဲ့ခြိမ်းခြောက်မှု ဆက်ရှိနေသေးတယ်လို့ ဆိုပါတယ်။

နေတိုးအဖွဲ့ကလည်း ရုရှားတဲ့တပ်တွေ လှုပ်ရှားမှုဟာ ဆုတ်ခွာတယ်လို မယူဆနိုင်ကြောင်း ထုတ်ပြန်ခဲ့ပါတယ်။ တစ်ချိန်တည်းမှာပဲ ယူကရိန်း ကာကွယ်ရေး၀န်ကြီးဌာန ၀ဘ်ဆိုက်နဲ့ ဘဏ်နှစ်ခု တို့ ဆိုက်ဘာ တိုက်ခိုက်ခံခဲ့ရပြီး ယူကရိန်းက ဒါဟာ ရုရှားလက်ချက်ဖြစ်တယ်လို့ စွပ်စွဲကာ ရုရှားဖက်ကတော့ ငြင်းထားပါတယ်။
Ref : Aljazeera

နိုင်ငံသားတွေကလည်း အလံတွေ့၀ှေ့ယမ်းကာ လမ်းမတွေပါ်မှာ လှည့်လည်ခဲ့ကြပါတယ်။
ရုရှားက တပ်တွေဆုတ်တယ်ဆိုသတင်းကို မိမိတို့ အတည်မပြုနိုင်သေးဘူးလို့ အမေရိကန်သမ္မတ ဂျိုးဘိုင်ဒန်က ပြောကြားခဲ့ပြီး အချက်အလက်တွေအရ ရုရှားရဲ့ခြိမ်းခြောက်မှု ဆက်ရှိနေသေးတယ်လို့ ဆိုပါတယ်။

နေတိုးအဖွဲ့ကလည်း ရုရှားတဲ့တပ်တွေ လှုပ်ရှားမှုဟာ ဆုတ်ခွာတယ်လို မယူဆနိုင်ကြောင်း ထုတ်ပြန်ခဲ့ပါတယ်။ တစ်ချိန်တည်းမှာပဲ ယူကရိန်း ကာကွယ်ရေး၀န်ကြီးဌာန ၀ဘ်ဆိုက်နဲ့ ဘဏ်နှစ်ခု တို့ ဆိုက်ဘာ တိုက်ခိုက်ခံခဲ့ရပြီး ယူကရိန်းက ဒါဟာ ရုရှားလက်ချက်ဖြစ်တယ်လို့ စွပ်စွဲကာ ရုရှားဖက်ကတော့ ငြင်းထားပါတယ်။

Ref : Aljazeera