မေ ၂၃၊ ၂၀၂၂
M-Media

-စစ်ပွဲရပ်နိုင်ရေး ရုရှားသမ္မတပူတင် တောင်းဆိုတဲ့ နယ်မြေတွေ ပေးသင့်တယ်ဆိုတဲ့ ပြောကြားမှုတွေကို ယူကရိန်းဖက်က ကန့်ကွက်လိုက်ပါတယ်။

ဖေဖော်၀ါရီလက စတင်တဲ့ ရုရှားရဲ့ ကျူးကျော်စစ်ဟာ ယူကရိန်းနိုင်ငံအရှေ့ပိုင်းက ရုရှားစကားပြောသူတွေရှိတဲ့ နယ်မြေတွေကို သိမ်းပိုက်ဖို့ ဖြစ်ပါတယ်။

စစ်ပွဲ ၃ လနီးပါး ကြာမြင့်လာတဲ့အချိန် ရုရှားဟာ ယူကရိန်းတောင်ပိုင်းက အချက်အခြာကျတဲ့ မာရီယိုပိုးလ်မြို့တစ်ခုကိုသာ မိမိရရ သိမ်းပိုက်ထားနိုင်ပါတယ်။

ရုရှားရဲ့တိုက်ခိုက်မှုကို ရပ်တန်ဖို့အတွက် ပူတင်တောင်းတဲ့ နယ်မြေတွေ ပေးလိုက်တာ ပိုကောင်းတယ်လို့ အီတလီ၀န်ကြီးချုပ်ဟောင်း ဘာလူစကိုနီက ပြီးခဲ့တဲ့ ရက်ပိုင်းမှာ ပြောကြားခဲ့ပါတယ်။

ယူကရိန်းသမ္မတရုံး ပြောရေးဆိုခွင့်ရှိသူ အဒီရီ ယာမက်က ယူကရိန်းရဲ့ နယ်မြေပိုင်စိုးမှုနဲ့ အချုပ်အခြာအာဏာကို ပြန်လည်ရရှိမှသာ စစ်ပွဲပြီးဆုံးမယ်လို့ Twitter စာမျက်နှာမှာ တုန့်ပြန်ရေးသားခဲ့ပါတယ်။

ရုရှားနဲ့ ဆွေးနွေးနေတဲ့ ယူကရိန်းငြိမ်းချမ်းရေးအဖွဲ့ခေါင်းဆောင် မီခိုင်လို ပိုဒိုလ်ယက်ကလည်း ရုရှားကို နယ်မြေပေးလိုက်ခြင်းအားဖြင့် ငြိမ်းချမ်းရေးရမှာမဟုတ်ဘဲ၊ စစ်ပွဲကို နှစ်အနည်းငယ် ရပ်ဆိုင်းထားတာမျိုးသာ ဖြစ်လိမ့်မယ်လို့ ပြောကြားခဲ့ပါတယ်။

Ref: The Guardian

mmInternationalNews

မေ ၁၄၊ ၂၀၂၂
M-Media

-ယူကရိန်းနိုင်ငံအရှေ့ပိုင်းက အရေးပါတဲ့ ခါကစ်ဗ်မြို့တိုက်ပွဲမှာ ယူကရိန်းဘက်က အနိုင်ရတဲ့ အခြေအနေတွေ တွေ့ရတယ်လို့ စစ်ပွဲစောင့်ကြည့်ရေးအဖွဲ့ IOW က ပြောပါတယ်။ 

ယူကရိန်းရဲ့ တန်ပြန်ထိုးစစ် အားကောင်းလာတာ၊ စစ်ကူ အချိန်မီ မပို့နိုင်တာတွေကြောင့် ရုရှးတပ်ဖွဲ့တွေဟာ သူတို့သိမ်းထားတဲ့နေရာတွေကနေ ရုရှားနိုင်ငံဖက်ကို ပြန်လည် ဆုတ်ခွာနေရတာ ဖြစ်ပါတယ်။ 

ခါကစ်ဗ်မြို့ မြောက်ဖက်နဲ့ အရှေ့မြောက်ဖက်က ကျေးရွာတွေကို ပြန်လည်သိမ်းပိုက်နိုင်ပြီး၊ ရုရှားတပ်ဖွဲ့တွေကို နယ်စပ်အထိ မောင်းထုတ်နိုင်ခဲ့တယ်လို့ ယူကရိိန်းစစ်တပ်က ထုတ်ပြန်ပါတယ်။ 

ခါကစ်ဗ်ဟာ ယူကရိန်းရဲ့ ဒုတိယအကြီးဆုံးမြို့တော်ဖြစ်ပြီး ဖေဖော်၀ါရီကစတင်ရဲ့ ရုရှားရဲ့ကျူးကျော်မှုမှာ အဓိကပစ်မှတ်လည်း ဖြစ်ပါတယ်။ 

ယူကရိန်းစစ်တပ်ရဲ့ အခုအောင်ပွဲဟာ ရုရှားကျူးကျော်စစ်မှာ ချိန်ခွင်လျှာအပြောင်းအလဲ ဖြစ်လာနိုင်တယ်လို့ ကျွမ်းကျင်သူတွေက သုံးသပ်ပါတယ်။ 
လာမယ့်ဇွန်လ ဒုတိယပတ်မှာ ရုရှားနိုင်ငံထဲထိ ၀င်ရောက်ထိုးစစ်ဆင်ဖို့ ယူကရိန်းက စီစဥ်ထားပါတယ်။ 

Ref: Reuters 

မေ ၅၊ ၂၀၂၂

M-Media 

-မဟာမိတ်တွေထံကနေ လက်နက်အလုံအလောက် ရလာမယ့် ဇွန်လ အလယ်ပိုင်းလောက်ကနေစပြီး ရုရှားကို တန်ပြန်ထိုးစစ်ဆင်တော့မယ်လို့ ယူကရိန်းသမ္မတ အကြံပေး အိုလက်စီယီ အရက်စတိုဗစ်ချ်က ပြောပါတယ်။

ယူကရိန်းဟာ လက်ရှိမှာ ရုရှားရဲ့ ကျူးကျော်စစ်ကို ခုခံနေရတာဖြစ်ပြီး တန်ပြန်ထိုးစစ် ဆင်မယ်ဆိုရင် စစ်ပွဲပိုမိုကြီးမားကာ ပတ်၀န်းကျင်နိုင်ငံတွေကိုပါ ရိုက်ခတ်လာနိုင်ပါတယ်။ 

ရုရှားဟာ မေလ ၉ ရက်နေ့မှာ ဒုတိယကမ္ဘာစစ် နာဇီကိုအောင်နိုင်မှု အထိမ်းအမှတ် အခမ်းအနား ကျင်းပဖို့ ရှိနေပြီး အရက်စတိုဗစ်ချ်က အဲဒီနေ့မတိုင်ခင် ရုရှားဟာ ယူကရိန်းမှာ ဘယ်လိုအောင်ပွဲမှ မရနိုင်ဘူးလို့လည်း ထည့်သွင်းပြောဆိုခဲ့ပါတယ်။ 

အမေရိကန်ဦးဆောင်တဲ့ မဟာမိတ်အဖွဲ့တွေဟာ ဗျူဟာမြောက် လက်နက်တွေအပါအ၀င် စစ်လက်နက်ပစ္စည်းတွေ အမြောက်အများ ထောက်ပံ့ခဲ့ပြီး ဆက်လက်ထောက်ပံ့ဖို့လည်း စီစဥ်နေပါတယ်။

Ref: Reuters 

ဧပြီ ၂၁၊ ၂၀၂၂

M-Media

-ရုရှားက ယူကရိန်းအရှေ့ပိုင်းကို အကြီးအကျယ် ထိုးစစ်ဆင်နေတဲ့အချိန် အမေရိကန်နဲ့ မဟာမိတ်နိုင်ငံတွေကလည်း ယူကရိန်းကို အဆင့်မြင့်လက်နက်တွေ ပိုမိုထောက်ပံ့မယ်လို့ မနေ့က ထုတ်ပြန်ကြေငြာပါတယ်။ 

ပြီးခဲ့တဲ့တစ်ပတ်က သန်း ၈၀၀ ဖိုး လက်နက်တွေပေးပို့ခဲ့တဲ့ အမေရိကန်ဟာ အခုတစ်ပတ်၊ ဒါမှမဟုတ် လာမယ့်တစ်ပတ်မှာလည်း နောက်ထပ် သန်း ၈၀၀ ဖိုး ထပ်မံ ထောက်ပံ့ဖို့ ရှိပါတယ်။ 

အမေရိကန်နဲ့ မဟာမိတ်နိုင်ငံတွေရဲ့ ဒီတစ်ခေါက် ထောက်ပံ့မှုမှာတော့ တိုက်လေယာဥ်အပိုပစ္စည်းတွေ၊ ရဟတ်ယာဥ်တွေ၊ ဒုံးခွင်းစနစ်တွေ၊ လက်နက်ကြီးတွေ၊ သံချပ်ကာယာဥ်တွေ ပိုမိုပါ၀င်လာတော့မှာဖြစ်ပါတယ်။ 

မဟာမိတ်နိုင်ငံတွေ ယူကရိန်းကို ထောက်ပံ့ပေးထားတဲ့ ဗျူဟာမြောက် လက်နက်အချို့ကို ဖော်ပြလိုက်ပါတယ်။ တစ်ပုံချင်းစီတွင် ဖတ်ရှုနိုင်ပါတယ်။ 

ပြီးခဲ့တဲ့တစ်ပတ် အမေရိကန်က ပေးပို့တဲ့ စစ်ရေးအကူအညီထဲမှာ ၁၅၅ မမ ဟောင်၀စ်ဇာ အမြောက် ပါ၀င်ပါတယ်။ ရုရှားက သုံးနေတဲ့ အ၀ေးပစ်အမြောက်တွေနဲ့ ယှဥ်နိုင်ပြီး ဗျူဟာမြောက်လက်နက်လည်း ဖြစ်ပါတယ်။ 

အမေရိကန်ဟာ ဆိုဗီယက်ခေတ်ဒီဇိုင်း ဖန်တီးထားတဲ့ Mi-17 တိုက်ခိုက်ရေး ရဟတ်ယာဥ်တွေကိုလည်း ယူကရိန်းထံ ပြီးခဲ့တဲ့တစ်ပတ်က ပေးပို့ခဲ့ပါတယ်။ 

Javelin တင့်ဖျက်ဒုံးကျည်ပါ။ ယူကရိန်းစစ်ပွဲမှာ တော်တော်လေးနာမည်ရတဲ့ လက်နက်ဖြစ်ပြီး တင့်ဖျက်ဒုံးဒဏ် ခံနိုင်တယ်ဆိုတယ် ရုရှားတင့်ကားတွေ Javelin ဒုံးကြောင့် အကြီးအကျယ် ပျက်ဆီးခဲ့ရပါတယ်။ ဂျာမနီလို အမေရိကန် မဟာမိတ်နိုင်ငံတွေက ထောက်ပံ့တာပါ။ 

ပခုံးထမ်း လေကြောင်းရန် ကာကွယ်ရေးစနစ် Stinger Missiles တွေကိုလည်း ကန်မဟာမိတ်နိုင်ငံတွေက ယူကရိန်းထံ ပေးပို့ထားပါတယ်။ ကောင်းကင်ပေါ် ပေပေါင်း ၁၁၀၀၀ လောက်မှာ ပျံသန်းနေတဲ့အရာ အားလုံးနီးပါးလောက်ကို ပစ်ချနိုင်ပါတယ်။ တိကျမှုအလွန်ကောင်းပြီး အလွယ်တကူ ရွှေ့ပြောင်းသယ်ယူလို့ရတဲ့ Stinger ပခုံးထမ်းဒုံးကျည်တွေဟာ ယူကရိန်းစစ်ပွဲကို အလှည့်အပြောင်းဖြစ်စေမယ့် လက်နက်အဖြစ် ပညာရှင်တွေက မှတ်ချက်ပေးထားပါတယ်။ 

နော်၀ေက ပေးပို့တဲ့ တာတိုပစ် လေကြောင်းရန်ကာကွယ်ရေးစနစ် Mistral ဖြစ်ပါတယ်။ အလုံး ၁၀၀ ပေးထားတာပါ။ လူကိုယ်တိုင်ဖြစ်စေ၊ ကား၊ သင်္ဘောပေါ်တင်ပြီးဖြစ်စေ၊ ရဟတ်ယာဥ်မှာတပ်ပြီးဖြစ်စေ အသုံးပြုနိုင်ပါတယ်။ 

Ref: Washington Post