Tag: US Muslims

ဇန်န၀ါရီ ၁၈၊ ၂၀၁၈
M-Media

– ပါကစ္စတန်-အမေရိကန်တစ်ယောက်ဖြစ်ပြီး စစ်မှူထမ်းဟောင်းတစ်ယောက်လည်းဖြစ်တဲ့ အာတစ်ဖ် ကာရ်နီဟာ အမေရိကန်ပြည်ထောင်စု ဗာဂျီးနီးယားပြည်နယ်ရဲ့ ပညာရေးဝန်ကြီး ဖြစ်လာခဲ့ပါတယ်။

ပြည်နယ်အုပ်ချုပ်ရေးမှူးသစ်အဖြစ် ခန့်အပ်ခံထားရတဲ့ ရာလ်ဖ် နော်သမ်ရဲ့အမိန့်နဲ့ ၀န်ကြီးဖြစ်လာတဲ့ အာတစ်ဖ်ဟာ အမေရိကန် မရိန်းတပ်ဖွဲ့မှာ တပ်ကြပ်ကြီးအဖြစ် တာဝန်ထမ်းဆောင်ခဲ့ပြီး အလယ်တန်းပြဆရာတစ်ယောက်လည်း ဖြစ်ပါတယ်။ သူဟာ ဂျော့ဂ်ျဝါရှင်တန်တက္ကသိုလ်နဲ့ ဂျော့ဂ်ျမန်ဆန် တက္ကသိုလ်တို့ကနေ ဘွဲ့ရထားသူပါ။

“စာသင်ခန်းအကြောင်းကို နားလည်တဲ့သူတစ်ယောက် ဗာဂျီးနီးယားရဲ့ ပညာရေးဝန်ကြီးဖြစ်လာတာဟာ ကျွန်တေ်ာ့အတွက်တော့ အရမ်းအရေးပါပါတယ်။ သူဟာ K-12 ပညာရေးစနစ်ကို သိရှိကာ၊ လာမယ့်နှစ်တွေအတွင်း ဒီပညာရေးကို ဘယ်အထိ ဆွဲတင်ရမလဲဆိုတဲ့ ရည်မှန်းချက် ရှိသူပါ” လို့ ပြည်နယ်အုပ်ချုပ်ရေးမှူးက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

အာတစ်ဖ်ဟာ ပြည်နယ်တွင်း နိုင်ငံရေးလှုပ်ရှားမှုတွေမှာ တော်တော်ကြာကြာကတည်းက ပါဝင်ခဲ့သူဖြစ်ပြီး ၂၀၁၃ ခုနှစ်နဲ့ ၂၀၁၅ ခုနှစ်တွမှာ အမတ်အဖြစ် ၀င်ရောက်အရွေးခံခဲ့ဖူးပါတယ်။

“ကျောင်းဆရာတစ်ယောက်အဖြစ် ကျင်လည်ခဲ့တဲ့ ပြီးခဲ့တဲ့ ၁၀ နှစ်အတွင်း ရရှိခဲ့သမျှ အတွေ့အကြုံတွေကို အသုံးပြုသွားဖို့ စိတ်အားထက်သန်နေပါတယ်” လို့ အာတစ်ဖ်က ၀န်ကြီးအဖြစ် ခန့်အပ်ခံရပြီးတဲ့နောက်ပိုင်းမှာ ပြောကြားခဲ့ပါတယ်။

အမေရိကန်မှာ မြင့်တက်လာတဲ့ အစ္စလာမ်ကြောက်ရောဂါနဲ့ပတ်သက်ပြီး ၂၀၁၅ ခုနှစ်မှာ သူဟာ Washington Post မှာ ဆောင်းပါးတစ်ပုဒ် ရေးသားခဲ့ပြီး မွတ်စလင်အမေရိကန်တွေ – အထူးသဖြင့် စစ်ပြန်တွေ – ကို အကြမ်းဖက်အဖြစ် တံဆိပ်ကပ်တာလောက် စိတ်ပျက်စရာကောင်းတာ မရှိဘူးလို့ ရေးသားခဲ့ပါတယ်။

မွတ်စလင်အမေရိကန်တွေဟာ တိုင်းပြည်ကို ချစ်တာကြောင့် စစ်သား၊ ပြည်သူ့ဝန်ထမ်း၊ ကျောင်းဆရာ၊ အစိုးရ၀န်ထမ်း၊ ဆရာဝန်၊ ရှေ့နေ စသဖြင့် လူ့အဖွဲ့အစည်းအတွက် ကိုယ်စွမ်း၊ ဉာဏ်စွမ်းရှိသမျှ ပေးဆပ်ရတာကို ဂုဏ်ယူကြောင်းလည်း သူက ဆောင်းပါးမှာ ထောက်ပြခဲ့ပါတယ်။

Ref: Alarabiya

ဒီဇင်ဘာ ၇၊ ၂၀၁၇
M-Media

– အမေရိကန်ပြည်ထောင်စု ကယ်လီဖိုးနီးယားပြည်နယ်ရှိ ဗလီဝတ်ကျောင်းတော်တစ်လုံးအား ၀င်ရောက်ဖျက်ဆီးခဲ့သူကို တရားရုံးက ထောင်ဒဏ် ၁၅ နှစ် ချမှတ်လိုက်သည်ဟု ပြည်နယ်ရှေ့နေချုပ်က ယမန်နေ့တွင် ပြောကြားခဲ့သည်။

အသက် ၃၇ နှစ်အရွယ် မီခေးလ် ၀ုလ်ဖီဆိုသူဖြစ်ပြီး ၂၀၁၆ ခုနှစ် ဇန်န၀ါရီလက တီတွတ်စ်ဗီလီရှိ မတ်စ်ဂျစ်ဒ် အလ်-မူနင် ဗလီဝတ်ကျောင်းတော်အား ဖျက်ဆီးဝင်ရောက်ကာ ၀က်သားအများအပြားကို ထားခဲ့မှုကြောင့် အမုန်းရာဇ၀တ်မှုဖြင့် ဖမ်းဆီး တရားစွဲဆိုခံခဲ့ရသည်။

ပြစ်မှုကျူးလွန်သည့်အချိန်တွင် ဓားရှည်ကိုင်ထာသော ၀ုလ်ဖီမှာ အဆိုပါဓားဖြင့် ဗလီအတွင်း မီးချောင်းများကို ဖျက်ဆီးခြင်း၊ ပြတင်းပေါက်များကို ရိုက်ခွဲခြင်းတို့ကိုလည်း ပြုလုပ်ခဲ့သည်။

ကြားနာစစ်ဆေးမှုအတွင်း ၀ုလ်ဖီက ၎င်းအနေဖြင့် အမုန်းကြောင့် ထိုကဲ့သို့ ဆောင်ရွက်ခဲ့ခြင်းဖြစ်သည်ဟု အင်္ဂါနေ့က ၀န်ခံခဲ့သည်။

ရာဇ၀တ်မှုများကို ပုံမှန်ကျူးလွန်လေ့ရှိသည့် ၀ုလ်ဖီမှာ ဗလီဝတ်ဖျက်ဆီးမှုဖြင့် တရားစွဲဆိုခံနေရစဉ်အတွင်း ဓားပြမှုဖြင့် ထပ်မံ စွဲချက်တင်ခံခဲ့ရသည်။

Ref: USA Today