သြဂုတ် ၁၅၊ ၂၀၁၇
M-Media
– ပစိဖိတ်ရှိ အမေရိကန်ပိုင် ဂူအမ်ကျွန်းသို့ တိုက်ခိုက်ရန် အစီအစဉ်ကို မြောက်ကိုရီးယားခေါင်းဆောင် ကင်ဂျုံအန်က အကြမ်းဖျဉ်းဆွေးနွေးခဲ့ပြီး လက်ရှိတွင် ထိုကိစ္စကို ခေတ္တဆိုင်းငံ့ထားသည်ဟု တောင်ကိုရီးယားနိုင်ငံပိုင် သတင်းဌာန KCNA က ယနေ့တွင် ဖော်ပြလိုက်သည်။
မြောက်ကိုရီးယား၏ ဒုံးကျည်များကို ကြီးကြပ်ရသော မဟာဗျူဟာတပ်ဖွဲ့မှ ခေါင်းဆောင်များနှင့် ယမန်နေ့တွင် ဆွေးနွေးခဲ့ခြင်းဖြစ်ပြီး၊ စစ်ဖက်ဆိုင်ရာ မဆင်မခြင်လုပ်မှုကြောင့် အမေရိကန်၏ နယ်ချဲ့ဝါဒမှာ ၎င်းတို့၏လည်ပင်းကို ကြိုးကွင်းပြန်စွပ်နေသည်ဟု ကင်ဂျုံအန်က ပြောကြားခဲ့သည်ဟု ဆိုသည်။
သို့သော်လည်း ဂူအမ်သို့ ဒုံးကျည်စမ်းသပ်ပစ်လွှတ်မှု အစီအစဉ်ကို လတ်တလော ပြုလုပ်မည် မဟုတ်သေးဘဲ ယန်ကီးများ၏ မိုက်ရူးရဲသောလုပ်ရပ်များကို အနည်းငယ် စောင့်ကြည့်ချင်သည်ဟု ကင်ဂျုံအန်က ထည့်သွင်းပြောဆိုခဲ့သည်။
“တင်းမာမှုတွေ လျော့ကျစေဖိုနဲ့ ကိုရီးယားကျွန်းဆွယ်မှာ အန္တရာယ်ရှိတဲ့ စစ်ရေးပဋိပက္ခတွေကို ရှောင်ရှားဖို့အတွက် အမေရိကန်အနေနဲ့ သင်တော်တဲ့နည်းလမ်းမျိုး ရွေးဖို့လိုပြီး၊ လုပ်ရပ်တွေကနေတစ်ဆင့် ဒါကို ပြသဖို့ လိုပါတယ်။ ဘာ့ကြောင့်လည်းဆိုတော့ ကျွန်းဆွယ်မှာ သူတို့ရဲ့ ကြီးမားတဲ့ နျူကလီးယား လက်နက်တွေကို ထားရှိပြီး ရန်စတာကြောင့် ဖြစ်ပါတယ်” ဟု KCNA က ဖော်ပြခဲ့သည်။
ကင်ဂျုံအန်က အမေရိကန်အနေဖြင့် မြောက်ကိုရီးယားကို ဆန့်ကျင်သည့် မိုက်မဲသော ရန်စမှုများကို ချက်ခြင်း ရပ်တန့်ရန်လည်း တိုက်တွန်းခဲ့သည်။
အမေရိကန်သမ္မတ ဒေါ်နယ်ထရမ့်က မြောက်ကိုရီးယား၏ ဒုံးကျည်နှင့် နျူကလီးယားအစီအစဉ်အတွက် ယခင်က မရှိခဲ့ဖူးသည့် လုပ်ရပ်မျိုးဖြင့် တုန့်ပြန်သွားမည်ဟု ပြီးခဲ့သည့်တစ်ပတ်တွင် ပြောကြားခဲ့ပြီးနောက် မြောက်ကိုရီးယားကလည်း မိမိတို့အနေဖြင့် ပစိဖိတ်ရှိ အမေရိကန်ပိုင် ဂူအမ်ကျွန်းကို တိုက်ခိုက်ရန် စီစဉ်နေသည်ဟု ပြန်လည် ခြိမ်းခြောက်ခဲ့သည်။
Ref: CNA
