ဇွန် ၂၂၊ ၂၀၁၇
M-Media
– မြောက်ကိုရီးယား၏ နျူကလီးယားနှင့် ဒုံးကျည်အစီအစဉ်ကို ကြိုးကိုင်နိုင်ရေး အကူအညီဖြစ်စေရန်အတွက် စီးပွားရေးနှင့် သံတမန်ရေးဖိအားများ ပိုမိုဆောင်ရွက်ပေးရန် အမေရိကန်က တရုတ်နိုင်ငံကို ဖိအားပေးလိုက်သည်။
ယမန်နေ့က ၀ါရှင်တန်တွင် အမေရိကန်နှင့် တရုတ်နိုင်ငံတို့မှ သံတမန်များ၊ ကာကွယ်ရေးအကြီးအကဲများ တွေ့ဆုံမှုတွင် ယခုကဲ့သို့ ပြောကြားလိုက်ခြင်းဖြစ်သည်။ အမေရိကန် သမ္မတ ဒေါ်နယ်ထရမ့်က မြောက်ကိုရီးယားနှင့်ပတ်သက်၍ တရုတ်၏ ဆောင်ရွက်ချက်မှာ အောင်မြင်မှုမရှိဟု အင်္ဂါနေ့တွင် ဝေဖန်ခဲ့သည်။
“ဒေသတွင်းမှာ တင်းမာမှုတွေ ထပ်ပြီး မြင့်တက်မလာစေချင်ဘူးဆိုရင် မြောက်ကိုရီးယားအစိုးရအပေါ် စီးပွားရေးနဲ့ သံတမန်ရေးအရ ဖိအားတွေပိုပေးဖို့ သံတမန်ရေးဆိုင်ရာတာဝန် တရုတ်မှာရှိတယ်ဆိုတာ ကျွန်တော်တို့ ထပ်ပြီး ပြောလိုပါတယ်” ဟု အမေရိကန် နိုင်ငံခြားရေးဝန်ကြီး ရက်စ် တီလာဆန်က ကာကွယ်ရေးဝန်ကြီး ဂျင်မ် မာတစ်နှင့် ပူးတွဲပြုလုပ်သည့် သတင်းစာရှင်းလင်းပွဲတွင် သတင်းထောက်များအား ပြောကြားခဲ့သည်။
မာတစ်ကမူ မြောက်ကိုရီးယား၏ရန်မှ မိမိတို့နှင့် မိမိတို့၏ မဟာမိတ်များကို ကာကွယ်ရေး လိုအပ်သော ဆောင်ရွက်မှုများကို ဆက်လက် ပြုလုပ်သွားရန် သန္ဓိဌာန်ချထားသည်ဟုလည်း ထည့်သွင်းပြောဆိုခဲ့သည်။
မြောက်ကိုရီးယားနှင့်ပတ်သက်၍ ကြိုတင်လက်ဦးမှု ရယူတိုက်ခိုက်ရန် အမေရိကန်၏ ကာလာရှည် ရပ်တည်ချက်မှာ လက်ရှိတွင် အန္တရာယ်များနေပြီး ထရမ့်၏ အကြံပေးများက စီးပွားရေးနှင့် သံတမန်ရေးဆိုင်ရာ ဖိအားများကိုသာ အာရုံစိုက်နေသည်။
တီလာဆန်က သမ္မတထရမ့်မှာ အခုနှစ်အတွင်း တရုတ်နိုင်ငံသို့ သွားရောက်ရန်ရှိနေပြီး၊ မာတစ်ကမူ နှစ်နိုင်ငံ စစ်ဖက်ဆက်ဆံရေးကို ချဲ့ထွင်ရန် သဘောတူထားသည်ဟုလည်း ဆိုသည်။
Ref: Aljazeera
