စက်တင်ဘာ ၁၄၊ ၂၀၁၅
M-Media
– တောမီးလောင်မှု မြင့်တက်လာသောကြောင့် အမေရိကန်ပြည်ထောင်စု ကယ်လီဖိုးနီးယားပြည်နယ် မြောက်ပိုင်းဒေသများကို အရေးပေါ်အခြေအနေ ကြေငြာလိုက်သည်ဟု သိရသည်။
အဆိုပါ တောမီးကြောင့် မီးသတ်သမား ၄ ဦး ဒဏ်ရာရရှိခဲ့ပြီး လူပေါင်း ၃၀၀၀ ခန့်ကို အရေးပေါ် ပြောင်းရွှေ့ကယ်ဆယ်မှုများ ပြုလုပ်ခဲ့ရကာ ကယ်လီဖိုးနီးယား အုပ်ချုပ်ရေးမှူး ဂျယ်ရီဘရောင်းက ယမန်နေ့တွင် ယခုကဲ့သို့ အရေပေါ်အခြေအနေ ကြေငြာခဲ့ခြင်းဖြစ်သည်။
ဒဏ်ရာရရှိသော မီးသတ်သမားများမှာ ဒုတိယအဆင့် မီးလောင်ကျွမ်းဒဏ်ရာများဖြင့် ဆေးရုံတင်ထားရသည်။ တောမီးလောင်မှုမှာ ယမန်နေ့က ဆန်ဖရန်စစ္စကို မြောက်ပိုင်း လိခ်ကောင်တီခရိုင်ကိုပါ ကူးစက်ခဲ့ပြီး အိမ်ယာ ၄၀ ခန့်မှာ လုံးဝ မီးလောင်ကျွမ်းသွားခဲ့သည်ဟု AP သတင်းဌာနက ဖော်ပြခဲ့သည်။
ပြည်နယ်အာဏာပိုင်များက မီးလောင်မှုကြောင့် အနည်းဆုံး လူပေါင်း ၅၀၀၀ ခန့်မှာ လျှပ်စစ်ဓာတ်အား ပြတ်တောက်နေသည်ဟု ပြောကြားခဲ့ပြီး၊ နေထိုင်သူအများစုကလည်း ၎င်းတို့မှာ ရေမရရှိဟု ဆိုသည်။ သို့သော်လည်း မီးသပ်တပ်ဖွဲ့ တာဝန်ရှိသူများကမူ မီးလောင်ကျွမ်းသွားသည့် အဆောက်အဦးစာရင်းကို ထုတ်ပြန်ခဲ့ခြင်း မရှိချေ။
ကယ်လီဖိုးနီးယားပြည်နယ်တွင် တောမီးလောင်ကျွမ်းသည့်နေရာမှာ ၁၃ နေရာ ရှိနေပြီး တနင်္ဂနွေနေ့အထိ မီးသတ်တပ်ဖွဲ့က ၂၀ ရာခိုင်နှုန်းသာ ထိန်းချုပ်ထားနိုင်သည်။
Ref: Aljazeera
