Tag: US

နိုဝင်ဘာ ၊ ၂၆ ၊ ၂၀၁၄
M-Media

– အမေရိကန်ပြည်ထောင်စု မစ်ဇူရီပြည်နယ်တွင် ပြီးခဲ့သည့်သြဂုတ်လက လူမည်းလူငယ် မိုက်ကယ်ဘရောင်းအား သေနတ်ဖြင့် ပစ်ခတ်ခဲ့သော ရဲအရာအရှိကို တရားစွဲဆိုခြင်းမပြုလုပ်ရန် တရားရုံးက ဆုံးဖြတ်ခဲ့ပြီးနောက် အမေရိကန်နိုင်ငံတစ်ဝှမ်း ဆန္ဒပြမှုများ ဖြစ်ပွားခဲ့သည်ဟု သိရသည်။

စိန့်လူးဝစ်ခရိုင် ဖာဂူဆန်တွင် ဖြစ်ပွားခဲ့သည့် အဆိုပါ အဖြစ်အပျက်တွင် ရဲတပ်ဖွဲ့က အဆိုပါလူငယ်အား သေနတ်ဖြင့် ၆ ချက် ပစ်ခတ်ခဲ့ခြင်းဖြစ်ပြီး တရားရုံးကမူ ရဲအရာရှိမှာ မိမိကိုယ်ကို ကာကွယ်သည့်အနေဖြင့် ပစ်ခဲ့ခြင်းဖြစ်သည်ဟု တနင်္လာနေ့က ဆုံးဖြတ်ခဲ့သည်။

မိုက်ကယ်ဘရောင်း၏ မိသားစုကလည်း မိမိတို့အနေဖြင့် ထိုဆုံးဖြတ်ချက်အတွက် စိတ်ပျက်ခဲ့ရသည်ဟု ပြောကြားခဲ့သည်။ ထိုသို့ ဆုံးဖြတ်ခဲ့ပြီးနောက် စိန့်လူးဝစ်ခရိုင်တွင် ဆန္ဒပြမှုများ ဖြစ်ပွားခဲ့ပြီး ဈေးဆိုင်များ၊ အစိုးရအဆောက်အအုံများ၊ ရဲကားများအား ဖျက်ဆီး မီးရှို့သည်အထိ ပြင်းထန်ခဲ့သည်။ ထို့ပြင် ဆန္ဒပြသူများမှာ မစ်ဇူရီရှိ ပြည်နယ်ချင်းဆက် အဝေးပြေးလမ်းမနှင့် မစ္စစီပီမြစ်ကူးတံတားများကိုလည်း ပိတ်ဆို့ခဲ့ကြသည်။

အမေရိကန်လုံခြုံရေးတပ်ဖွဲ့ဝင်များကလည်း ဆန္ဒပြသူများအား မျက်ရည်ယိုဗုံးများ၊ မီးခိုးဗုံးများ အသုံးပြုကာ လူစုခွဲခဲ့ကြပြီး ဖမ်းဆီးမှုများလည်း ရှိခဲ့သည်။

အမေရိကန်ရှိ အခြားသော မြို့ကြီးများတွင်လည်း တရားရုံး၏ ထိုဆုံးဖြတ်ချက်ကို မကျေနပ်သည့်အတွက် ပြည်သူအများအပြား ချီတက်ဆန္ဒပြခဲ့ကြသည်။ သမ္မတအိုဘားမားကမူ အမေရိကန်ပြည်သူများအနေဖြင့် ငြိမ်းချမ်းစွာရှိကြရန် တိုက်တွန်းခဲ့သည်။

နိုဝင်ဘာ ၊ ၂၆ ၊ ၂၀၁၄
M-Media

– ပြီးခဲ့သည့်လကတည်းက ရာထူးမှနှုတ်ထွက်ခွင့် တောင်းခံထားသည့် ကာကွယ်ရေးဝန်ကြီး ချက်ဟေဂယ်၏ နှုတ်ထွက်စာကို အမေရိကန်သမ္မတ ဘာရက်အိုဘားမားက လက်ခံခဲ့သည်ဟု သိရသည်။

နှုတ်ထွက်ခွင့်ပြုကြောင်း ကြေညာခြင်းကို ယမန်နေ့က အိမ်ဖြူတော်တွင် ပြုလုပ်ခဲ့ပြီး အိုဘားမား၊ ဒုတိယသမ္မတ ဂျိုးဘိုင်ဒန်နှင့် ချက်ဟေဂယ်တို့ တက်ရောက်ခဲ့ကြသည်။ အိုဘားမားက ဟေဂယ်မှာ စံနမူနာယူစရာ ပုဂ္ဂိုလ်တစ်ဦးဖြစ်သည်ဟု ပြောကြားခဲ့သည်။

`ကာကွယ်ရေးဝန်ကြီးရာထူးကို ထမ်းဆောင်ဖို့ ကျွန်တော် ချက်ကို ပြောခဲ့စဉ်က ကျွန်တော်တို့ဟာ အကူးအပြောင်းကာလတစ်ခုကို ၀င်ရောက်နေတဲ့အချိန်ပါ´ ဟု အိုဘားမားက ပြောကြားခဲ့သည်။

အမေရိကန်မီဒီယာများကမူ ISIL နှင့် ပတ်သက်သည့် ပင်တဂွန်၏ ဗျူဟာကြောင့် ဟေဂယ်အား နှုတ်ထွက်ရန် အိုဘားမားက ဖိအားပေးခဲ့သည်ဟု ဖော်ပြခဲ့ကြသ