မေ ၇ ၊ ၂၀၁၄
M-Media
အစ္စရေး-ပါလက်စတိုင်း ငြိမ်းချမ်းရေးဆွေးနွေးပွဲ ပျက်ရခြင်းမှာ အစ္စရေး၏ တရားမ၀င် အိမ်ရာများကြောင့်ဖြစ်သည်ဟု အမေရိကန်ဆို
– အစ္စရေး-ပါလက်စတိုင်းငြိမ်းချမ်းရေး ဆွေးနွေးပွဲ ပျက်ပြယ်ခဲ့ရခြင်းမှာ ပါလက်စတိုင်း ပိုင်နက်အတွင်း အစ္စရေးမှ တရားမ၀င် အိမ်ရာများ ဆောက်လုပ်ခြင်းကြောင့်ဖြစ်သည်ဟု အမေရိကန် အစိုးရက အကြီးတန်းအရာရှိများက ပြောကြားလိုက်သည်။
ငြိမ်းချမ်ရေးဆွေးနွေးပွဲတွင် အမေရိကန်နိုင်ငံခြားရေး ၀န်ကြီး ဂျွန်ကယ်ရီနှင့်အတူ ပါဝင်ဆောင်ရွက်နေသည့် အမေရိကန် ညှိနှိုင်းဆွေးနွေးရေးအဖွဲ့မှ အဖွဲ့ဝင်များက အစ္စရေး သတင်းစာ Ynet နှင့်အင်တာဗျူးတွင် ဆွေးနွေးမှု ပျက်ပြားခဲ့ရခြင်းအတွက် အစ္စရေးအား အပြစ်တင်ခဲ့သည်။
“ငြိမ်းချမ်းရေးအတွက် အားထုတ်မှု ပျက်ပြားသွားတဲ့ အကြောင်းအရင်းတွေ အများကြီးရှိပါတယ်။ ဒါပေမယ့် အစ္စရေးပြည်သူတွေကတော့ ခါးသီးတဲ့အမှန်တရားကို လစ်လျူမရှုသင့်ပါဘူး။ အဓိက အတားအဆီးက (အစ္စရေးရဲ့) တရားမ၀င်အိမ်ရာတွေကြောင့်ဖြစ်ပါတယ်” ဟု အမေရိကန်တာဝန်ရှိသူတစ်ဦးက ပြောကြားခဲ့သည်။
အမေရိကန်အစိုးရ ပြောရေးဆိုခွင့်ရှိသူ မာရီဟာ့ဖ်က အမေရိကန်မှ ကမကထပြု၍ဆောင်ရွက်သည့် အစ္စရေးနှင့် ပါလက်စတိုင်းအကြား ငြိမ်းချမ်းရေးဆွေးနွေးပွဲကို ရပ်တန့်ခဲ့ပြီး အမေရိကန် ထိပ်တန်း ညှိနှိုင်းရေးမှူး မာတင် အင်ဒိုက်မှာလည်း အိမ်ဖြူတော်၊ နိုင်ငံခြားရေးဝန်ကြီးတို့ထံမှ အကြံဥာဏ်ရယူရန်အတွက် အမေရိကန်သို့ ပြန်သွားသည်ဟု တနင်္လာနေ့က ပြောကြားခဲ့သည်။
ပြီးခဲ့သည့်လက အမေရိကန်၊ ဥရောပအနောက်ခြမ်းနိုင်ငံများ၊ ရုရှားနှင့် ဂျပန်နိုင်ငံတို့မှ အစိုးရအကြီးတန်းအရာရှိများပါဝင်သည့် အစ္စရေးအိမ်ရာများအရေး တံခါးပိတ်ဆွေးနွေးပွဲတွင် အမေရိကန်နိုင်ငံခြားရေးဝန်ကြီး ဂျွန်ကယ်ရီက ပါလက်စတိုင်းအာဏာပိုင်များနှင့် ငြိမ်းချမ်းရေး ဆွေးနွေးပွဲပျက်ပါက စွန့်ပစ်ခံနိုင်ငံဖြစ်လာလိ့မ်မည်ဟု အစ္စရေးအား သတိပေးခဲ့ကြောင်း အမေရိကန် သတင်းအေဂျင်စီ Daily Beast က ဖော်ပြခဲ့သည်။
သုိ့သော်လည်း အမေရိကန်ရှိ အစ္စရေးထောက်ခံသူများက ဝေဖန်တိုက်ခိုက်မှုများ ပြုလုပ်ခဲ့ပြီးနောက် မိမိအနေဖြင့် ထိုကဲ့သို့ စကားများကို မပြောခဲ့ကြောင်း ဂျွန်ကယ်ရီက ငြင်းဆိုခဲ့သည်။
Press TV
