Tag: US

ဖေဖော်ဝါရီ ၂၁၊ ၂၀၁၅
M-Media

– မိမိတို့အနေဖြင့် နေ့စဉ် ဆိုက်ဘာတိုက်ခိုက်မှုပေါင်း ထောင်နှင့်ချီ၍ ကြုံတွေ့နေရသည်ဟု အမေရိကန်အစိုးရမှ ထိပ်တန်းတာဝန်ရှိသူတစ်ဦးက ယမန်နေ့တွင်ပြောကြားလိုက်ပြီး ပြီးခဲ့သည့်နှစ် နိုဝင်ဘာလက အမေရိကန်အစိုးရ၏ ကွန်ယက်ကို ဖောက်ဝင်ခဲ့သော ဟက်ကာများ ဆက်လက်ရှိနေသေးလားဆိုသည်ကိုမူ အတည်ပြုရန် ငြင်းဆန်ခဲ့သည်။

“ကျွန်တော်တို့ရဲ့ ကွန်ပျူတာစနစ်တွေကို ကာကွယ်ဖို့ လုံခြုံရေးကို မြှင့်တင်ထားပါတယ်။ ပြီးတော့ လျှို့ဝှက် အချက်အလက်တွေကို ၀င်ရောက်ကြည့်ရှုခွင့်၊ ကွန်ယက်အလွယ်တကူ ၀င်ရောက်ခွင့်တွေ အပါအ၀င် သတင်းအချက်အလက် လုံခြုံရေးကိုလည်း မြှင့်တင်ထားပါတယ်” ဟု အမေရိကန်အစိုးရ ပြောရေးဆိုခွင့်ရှိ သူ ဂျန် ဆာကီက ဆိုသည်။

သို့သော်လည်း တိုက်ခိုက်မှုများမှာ မြင့်တက်လာပြီး ပို၍ ရှုပ်ထွေးလာသည်ဟုလည်း ၎င်းက ၀န်ခံခဲ့သည်။

“နေ့စဉ်နေ့တိုင်း တိုက်ခိုက်မှုထောင်ပေါင်းများစွာကို ကျွန်တော်တို့ အောင်မြင်စွာ ဖြေရှင်းနိုင်လေ့ရှိပါတယ်။ ပြီးတော့ အဲဒီတိုက်ခိုက်မှုတွေနဲ့ ပတ်သက်ပြီး အခြားသော အစိုးရဌာနေတွနဲ့လည်း ဆက်သွယ်ဆောင်ရွက်နေပါတယ်” ဟု ဆာကီက ထပ်လောင်းပြောကြားခဲ့သည်။

Wall Street ဂျာနယ်ကမူ နိုဝင်ဘာလက ကြုံတွေ့ခဲ့ရသည့် ဆိုက်ဘာချိုးဖောက်ဝင်ရောက်မှုနောက်ပိုင်း အမေရိကန်အစိုးရမှာ ၎င်းတို့၏ အီးမေးလ်ကွန်ယက်ကို ပိတ်ပင်ခဲ့သည်ဟု ဖော်ပြခဲ့ပြီး အဆိုပါ ဟက်ကာများကို ကွန်ယက်အတွင်းမှ နှင်ထုတ်နိုင်ခြင်းမရှိဟုလည်း ဆိုသည်။

အဆိုပါ ချိုးဖောက်ဝင်ရောက်မှုမှာ ရုရှားအစိုးရနှင့် ဆက်စပ်ပတ်သက်ဖွယ်ရှိနေပြီး ဟက်ကာများမှာ ယူကရိန်းပြဿနာနှင့်ပတ်သက်သည့် အမေရိကန်အစိုးရ၏ စာရွက်စာတမ်းများကို ယူဆောင်သွားခဲ့သည်။ ဆာကီကမူ အဆိုပါကိစ္စအတွက် အသေးစိတ်ပြောပြရန် ငြင်းဆိုခဲ့သည်။

အမေရိကန်အစိုးရ၏ ဆိုက်ဘာလုံခြုံရေးမှာ အားနည်းလျက်ရှိနေပြီး မကြသေးမီကပင် အမေရိကန်သမ္မတ ဘာရက်အိုဘားမားက အမေရိကန်အား ဆိုက်ဘာတိုက်ခိုက်မှုများကို ကာကွယ်ရန်အတွက် နည်းပညာကုမ္ပဏီများ ပူးပေါင်းဆောင်ရွက်ကြရန် တိုက်တွန်းခဲ့သည်။

Ref: alarabiya

ဖေဖော်ဝါရီ ၁၄၊ ၂၀၁၅
M-Media

– အမေရိကန်ပြည်ထောင်စု အလာဘားမားပြည်နယ်တွင် အိန္ဒိယလူမျိုးတစ်ဦးအား ထိခိုက်ဒဏ်ရာရစေခဲ့သည်အထိ ကိုယ်ထိလက်ရောက်ကျူးလွန်ခဲ့သည့် ရဲတပ်သားတစ်ဦးကို လက်ရောက်မှုဖြင့် တရားစွဲဆိုလိုက်သည်ဟု အမေရိကန် အာဏာပိုင်များက ပြောကြားလိုက်သည်။

ကျူးလွန်ခံရသူမှာ အသက် ၅၇ နှစ်အရွယ်ရှိ ဆူရက်ရ်ှဘိုင် ပက်တဲလ်ဆိုသူဖြစ်ပြီး ပြီးခဲ့သည့်တစ်ပတ် သောကြာနေ့ နံနက်ပိုင်းက မက်ဒီဆင်ရှိ သားဖြစ်သူနေအိမ်မှထွက်ကာ လမ်းလျှောက်နေစဉ် ရဲတပ်သားများနှင့်တွေ့ကာ ထိုကဲ့သို့ ကျူးလွန်ခံခဲ့ရခြင်းဖြစ်သည်။

ရဲတပ်သားများက သံသယရှိသူတစ်ဦးနှင့်ပတ်သက်၍ ဖုန်းခေါ်ဆိုမှုရရှိခဲ့သည်ဟု ပက်တဲလ်အား ပြောကြားခဲ့သည်။ သို့သော်လည်း ပက်တဲလ်က မိမိမှာ အင်္ဂလိပ်စကားမပြောတတ်ဟုဆိုကာ သားဖြစ်သူ၏ အိမ်နံပါတ်ကို ပေးခဲ့သော်လည်း ရဲတပ်သားများက ပက်တဲလ်အား လုံးထွေးကာ မြေပြင်ပေါ်သို့လှဲချခဲ့သည်။

ပက်တဲလ်မှာ ထိုဒဏ်ရာကြောင့် ကျောရိုးရှိ နာ့ဗ်ကြောမကြီး ထိခိုက်သွားပြီး ခန္ဓာကိုယ်လှုပ်ရှားနိုင်ခြင်းမရှိတော့ဘဲ ခွဲစိတ်ကုသမှု ခံယူရမည်ဖြစ်သည်။ ထို့နောက် ပက်တဲလ်က မြို့တာဝန်ရှိသူများနှင့် ၎င်းအား ရိုက်နှက်ခဲ့သည့် ရဲတပ်ဖွဲ့ဝင် နှစ်ဦးကို တရားစွဲဆိုခဲ့ပြီး ထိုအဖြစ်အပျက်မှာ လူမျိုးရေးခွဲခြားမှုကြောင့် ဖြစ်ပေါ်ရခြင်းဖြစ်သည်ဟု စွပ်စွဲပြောကြားခဲ့သည်။

အခင်းဖြစ်ပွားရာ အလာဘားမားပြည်နယ် မဒ်ဒီဆန်မြို့မှ ရဲအရာရှိများကလည်း ကြာသာပတေးနေ့က သတင်းစာရှင်းလင်းပွဲလုပ်ကာ ပက်တဲလ်နှင့် သူ၏ မိသားစုအား တောင်းပန်ခဲ့ပြီး ထိုအဖြစ်အပျက်တွင် ပါဝင်ခဲ့သည့် ရဲတပ်ဖွဲ့ဝင် ၂ ဦးမှ ၁ ဦးအား လက်ရောက်မှုဖြင့် တရားစွဲဆိုထားသည်ဟု ပြောကြားခဲ့သည်။

ရဲတပ်ဖွဲ့မှ စောစောပိုင်းထုတ်ပြန်သော ကြေညာချက်တွင် ပက်တဲလ်မှာ ၎င်း၏လက်နှစ်ဖက်အား ဘောင်းဘီအိတ်ထဲသို့ ထည့်ကာ ထွက်ပြေးရန် ကြိုးစားခြင်းကြောင့် ရဲတပ်ဖွဲ့က လုံးထွေးဖမ်းဆီးခဲ့ရသည်ဟု ဖော်ပြခဲ့သည်။ သို့သော်လည်း ပတ္တရောင်ကားတွင် ရိုက်ကူးထားသည့်ဗီဒီယိုအရ လက်နောက်ပစ်ထားသော ပက်တဲလ်အား ရဲတပ်တပ်ဖွဲ့ဝင်တစ်ဦးက ရုတ်တရတ် မြေပေါ်သို့ လှဲချခဲ့ခြင်းကို တွေ့ရှိခဲ့ရသည်။

မက်ဒီဆင် ရဲတပ်ဖွဲ့အကြီးအကဲ လယ်ရီ မန်စီကမူ အဆိုပါ ရဲတပ်သား၏လုပ်ရပ်မှာ မိမိတို့ဌာနက သတ်မှတ်ထားသော စည်းကမ်းနည်းလမ်းများနှင့် ညီညွတ်ခြင်းမရှိဟု ပြောကြားခဲ့သည်။ ပက်တဲလ်မှာ မကြာသေးမီက ကလေးမွေးထားသည့် ၎င်း၏သားဖြစ်သူမိသားစုအား စောင့်ရှောက်ရန် ပြီးခဲ့သည့် နှစ်ပတ်က အိန္ဒိယမှ အမေရိကန်သို့ ရောက်ရှိလာသူဖြစ်သည်။

Ref:alarabiya

ဖေဖော်ဝါရီ ၂၊ ၂၀၁၅
M-Media

– အမေရိကန်ပြည်ထောင်စု နယူးမက္ကဆီကိုပြည်နယ်တွင် အသက် ၃ နှစ်အရွယ် ကလေးတစ်ဦး၏ သေနတ်ဖြင့် ပစ်ခတ်မှုကြောင့် ဖခင်နှင့် ကိုယ်ဝန်သည် မိခင်ဖြစ်သူတို့ ဒဏ်ရာရရှိခဲ့သည်ဟု သိရသည်။

အလ်ဘူကွာကီမြို့ မိုတယ်တစ်ခု၏ အခန်းတွင် စနေနေ့နေ့လည်ပိုင်းက ဖြစ်ပွားခဲ့ခြင်းဖြစ်ပြီး အဆိုပါ ကလေးငယ်မှာ မိခင်ဖြစ်သူ၏ ပိုက်ဆံအိတ်ထဲမှ သေနတ်ကိုထုတ်ယူ၍ ပစ်ခတ်ခဲ့ရာ ကျည်ဆံမှာ ဖခင်၏ တင်ပါးအား ဖောက်ထွက်ကာ မိခင်ဖြစ်သူကို သွားရောက်ထိမှန်ခဲ့သည်။

ထိုကလေးငယ်၏ အသက် ၂ နှစ်အရွယ် ညီမဖြစ်သူမှာ အခန်းထဲတွင် ရှိနေသော်လည်း မည်သည့် ဒဏ်ရာရမှုမှ မရှိခဲ့ပေ။ ဖခင်နှင့် မိခင်တို့ကိုမူ ဆေးရုံသို့ ပို့ဆောင်ကာ ဆေးကုသမှု ခံယူစေခဲ့ပြီး ယခုအခါ ဆေးရုံမှ ပြန်လည်ဆင်းသွားပြီဖြစ်သည်။

ကိုယ်သန် ၈ လရှိပြီဖြစ်သည့် မိခင်ကမူ မိမိမှာ အဆိုပါသေနတ်အား သောကြာနေ့ကမှ ၀ယ်ယူခဲ့ခြင်းဖြစ်သည်ဟု ပြောကြားခဲသည်။ ရဲတပ်ဖွဲ့ကမူ မိဘနှစ်ပါးစလုံးအား ကလေးငယ်ကို လစ်လျူရှုထားမှုဖြင့် တရားစွဲဆိုထားသည်။

Ref: independent