Tag: US

ဖေဖော်၀ါရီ ၁၄၊ ၂၀၂၃

M-Media 

-ပြီးခဲ့တဲ့ရက်ပိုင်းက ဆက်တိုက် ပစ်ချခဲ့ရတဲ့ ပျံသန်းနေတဲ့ အရာ၀တ္ထုတွေအကြောင်း တစ်ချို့အချက်အလက်တွေကို အမေရိကန်က ထုတ်ပြောလာပါတယ်။ 

သောကြာနေ့ကစတင်ပြီး အမေရိကန်နဲ့ ကနေဒါတို့မှာ ပျံသန်းနေတဲ့ အရာ၀တ္ထု ၃ ခုကို အမေရိကန်တိုက်လေယာဥ်တွေ ပျံတက်ပြီး ပစ်ချခဲ့ရပါတယ်။ 

ဒီအရာ၀တ္ထုတွေဟာ လူမဲ့ပျံသန်းနေတဲ့ အရာတွေဖြစ်ပြီး သတင်းအချက်အလက် ရယူပေးပို့တဲ့ အခြေအနေမျိုး ကနဦးစစ်ဆေးမှုမှာ မတွေ့ရဘူးလို့ အိမ်ဖြူတော်ရဲ့ နိုင်ငံတော်လုံခြုံရေးဆိုင်ရာ ပြောရေးဆိုခွင့်ရှိသူ ဂျွန်ကီရ်ဘီက မနေ့က သတင်းစာရှင်းလင်းပွဲမှာ ပြောပါတယ်။ 

ထောက်လှမ်းရေးလုပ်တယ်လို့ ပြောလို့မရသလို၊ မလုပ်ဘူးလို့လည်း ပြောလို့မရကြောင်း၊ မြေပြင်က ပြည်သူတွေအတွက် ခြိမ်းခြောက်မှု မရှိကြောင်း ကီရ်ဘီက ဆိုပါတယ်။ 

အမေရိကန်ဟာ ဖေဖော်၀ါရီ ၄ ရက်နေ့က တောင်ကယ်ရိုလိုင်းနားမှာ တရုတ်ရဲ့ စပိုင်မိုးပျံပူဖောင်းကို ပစ်ချခဲ့ရပါတယ်။ တရုတ်ဖက်ကတော့ ဒါဟာ စပိုင်ပူဖောင်းမဟုတ်ဘဲ ရိုးရိုး သုတေသန လုပ်ဖို့ဖြစ်ကြောင်း၊ နည်းပညာအမှားအယွင်းကြောင့် အမေရိကန်လေပိုင်နက်ထဲ ၀င်သွားခဲ့တာဖြစ်ကြောင်း တုန့်ပြန်ပြောဆိုထားပါတယ်။ 

ဖေဖော်၀ါရီ ၁၀၊ ၁၁ နဲ့ ၁၂ ရက်နေ့မှာ တွေ့ရတဲ့ ပျံသန်းနေတဲ့အရာတွေဟာ တရုတ်စပိုင်ပူဖောင်းနဲ့ ပတ်သက်မှုမရှိဘူးလို့ အမေရိကန်အာဏာပိုင်တွေက ပြောပါတယ်။

Ref: Reuters

ဖေဖော်၀ါရီ ၁၃၊ ၂၀၂၃

M-Media 

-ကနေဒါနယ်စပ်နားက Lake Huron ရေကန်ပေါ်မှာ ပျံသန်းနေတဲ့ အရာ၀တ္ထုတစ်ခုကို အမေရိကန်စစ်တပ်က တနင်္ဂနွေနေ့မှာ ပစ်ချလိုက်ပါတယ်။ 

ဒီအရာ၀တ္ထုကို စနေနေ့က မွန်တားနားပြည်နယ် စစ်စခန်းတွေရဲ့ အပေါ်တည့်တည့်မှာ တွေ့ခဲ့ရတာဖြစ်ပါတယ်။ စစ်ဖက်ဆိုင်ရာ ခြိမ်းခြောက်နိုင်တဲ့အရာမျိုး မဟုတ်ဘူးလို့ ယူဆရပေမယ့် အရက်ဖက်လေကြောင်းသွားလာရေးအတွက် အနှောက်အယှက်ဖြစ်နိုင်တာကြောင့် ပစ်ချလိုက်တာလို့ အမေရိကန် ကာကွယ်ရေး၀န်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။  

အခုလအတွင်း အမေရိကန်နဲ့ မြောက်အမေရိကတစ်၀ှမ်း ပျံသန်းနေတဲ့ အမည်မသိအရာ၀တ္ထုတွေကို ပစ်ချရတာ ၄ ကြိမ်မြောက်ရှိပါပြီ။ 

ဖေဖော်၀ါရီ ၄ ရက်နေ့က တောင်ကယ်ရိုလိုင်းနားမှာ တရုတ်ရဲ့ စပိုင်မိုးပျံပူဖောင်းကို အမေရိကန်စစ်တပ်က ပစ်ချခဲ့မှုဟာ နာမည်ကြီးပါတယ်။ 

အဲဒီနောက်ပိုင်း ပြီးခဲ့တဲ့ သောကြာနေ့က အလာစကာပြည်နယ်မှာ တစ်ကြိမ်၊ စနေနေ့က ကနေဒါအနောက်မြောက်ပိုင်းမှာတစ်ကြိမ် ပျံသန်းနေတဲ့ အရာ၀တ္ထုတွေကို ပစ်ချခဲ့ရပါတယ်။ 

လက်ရှိမှာတော့ အပျက်အဆီးတွေကို အမေရိကန်နဲ့ ကနေဒါတို့က ပူးပေါင်းရှာဖွေနေပြီး ဘာတွေလည်းဆိုတာကို သုတေသနပြု ထုတ်ပြန်ဖို့ ရှိနေပါတယ်။ 

Ref: BBC

ဖေဖော်၀ါရီ ၅၊ ၂၀၂၃

M-Media 

-အမေရိကန်အစိုးရကို သီတင်းပတ်တစ်ပတ်လောက် ခေါင်းကိုက်စေခဲ့တဲ့ တရုတ် စပိုင်ပူဖောင်းကို ကန်စစ်တပ်က ဒုံးကျည်နဲ့ ဖျက်ဆီးပစ်ချလိုက်ပါတယ်။ 

တရုတ်ဖက်တော့ အရပ်ဖက်သုံး လူမဲ့ပူဖောင်းတစ်ခုကို လက်နက်သုံး ဖျက်ဆီးတဲ့အတွက် မကျေနပ်ဘူးလို့ ထုတ်ပြန်ပါတယ်။ 

ပူဖောင်းကို F22 တိုက်လေယာဥ်ကနေ AIM-9X Sidewinder ဒုံးကျည်နဲ့ ပစ်ချလိုက်တာကို အမေရိကန် ပြည်တွင်း သတင်းဌာနတွေက ဒီကနေ့မှာ ဖော်ပြခဲ့ပါတယ်။

အပျက်အဆီးတွေဟာ တောင်ကယ်ရိုလိုင်းနားက မာတဲလ်ကမ်းခြေက ရေပြင်မှာ ကျသွားခဲ့ပြီး ရေတပ်က လိုက်လံသိမ်းဆည်းကာ လေ့လာသွားမယ်လို့ အမေရိကန် ကာကွယ်ရေး၀န်ကြီးဌာနက ထုတ်ပြန်ပါတယ်။

တရုတ်ရဲ့ စပိုင်ပူဖောင်းကို ပြီးခဲ့တဲ့တစ်ပတ်က မွန်တားနားပြည်နယ် လေပိုင်နက်မှာ စတင်တွေ့ရှိခဲ့တာ ဖြစ်ပါတယ်။ မွန်တားနားမှာ အမေရိကန်ရဲ့ ဗျူဟာမြောက် ဒုံးကျည်စခန်းတစ်ခု ရှိပါတယ်။

ပူပေါင်းကို ဖျက်ဆီးဖို့ သမ္မတဂျိုးဘိုင်ဒန်က ဗုဒ္ဓဟူးနေ့မှာ အမိန့်ပေးခဲ့ပြီး စစ်တပ်က ဘေးကင်းတဲ့နေရာအထိရောက်အောင် စောင့်ကာ ပစ်ချခဲ့တာပါ။ 

ပစ်ချခံရပြီး သိပ်မကြာခင်မှာ ထုတ်ပြန်တဲ့ တရုတ်နိုင်ငံခြားရေး၀န်ကြီးဌာနရဲ့ ကြေငြာချက်မှာ ပူဖောင်းဟာ အရပ်ဖက်အတွက် အသုံးပြုတာဖြစ်ပြီး မတော်တဆ အမေရိကန်ပိုင်နက်ထဲ ၀င်ရောက်တာဖြစ်တယ်လို့ ကန်အာဏာပိုင်တွေကို အကြိမ်ကြိမ်ပြောကြားထားကြောင်း ဖော်ပြထားပါတယ်။ 

Ref: BBC