စက်တင်ဘာ ၁၅၊ ၂၀၁၉
M-Media
-ဆော်ဒီအာရဗျရဲ့ အကြီးဆုံး နိုင်ငံပိုင်လုပ်ငန်းဖြစ်ပြီး ကမ္ဘ္ဘာပေါ်မှာ အကျိုးအမြတ်အများဆုံး ရတဲ့ လုပ်ငန်းလည်းဖြစ်တဲ့ ရေနံကုမ္ပဏီ Aramco ရဲ့ ရေနံထုတ်လုပ်တဲ့ စက်ရုံနှစ်ခုဟာ မနေ့က ဒရုန်းလေယာဉ်တွေနဲ့ တိုက်ခိုက်ခံလိုက်ရပါတယ်။
တိုက်ခိုက်မှုကြောင့် Abqaiq နဲ့ Khurais ဆိုတဲ့ စက်ရုံနှစ်ခုရဲ့ အစိတ်အပိုင်းတစ်ချို့ မီးလောင်ခဲ့ပြီး နောက်ပိုင်းမှာ မီးကို ထိန်းနိုင်ခဲ့ပါတယ်။ နိုင်ငံအရှေ့ပိုင်းမှာရှိတဲ့ Abqaiq စက်ရုံဟာ ကမ္ဘ္ဘာပေါ်မှာ အကြီးဆုံး ရေနံထုတ်လုပ်၊ သန့်စင်တဲ့စက်ရုံဖြစ်ကာ တစ်နေ့ကို ရေနံစည်ပေါင်း ၇ သန်းလောက် ထုတ်လုပ်နိုင်ပါတယ်။
အနောက်တောင်ဖက် Khurais စက်ရုံမှာတော့ အရန်ရေနံစည်ပေါင်း ဘီလီယံ ၂၀ ကျော် ရှိနေပါတယ်။
ဒီအဖြစ်အပျက်အတွင်း လူသေဆုံးဒဏ်ရာရမှုတော့ မရှိပါဘူး။ Aramco ရေနံလုပ်ငန်းမှာ အမေရိကန်နိုင်ငံသားအများအပြား အလုပ်လုပ်ကိုင်နေကြတာပါ။
တိုက်ခိုက်မှုပြီးတဲ့နောက် အဲဒီစက်ရုံတွေက ရေနံထုတ်လုပ်မှု တစ်စိတ်တစ်ပိုင်းကို ရပ်ဆိုင်း လိုက်ရတာကြောင့် ထုတ်လုပ်မှုဟာ တစ်နေ့ကို စည်ပေါင်း ၅.၇ သန်းလောက် ကျဆင်းသွားပြီး ဒါဟာ ကမ္ဘ္ဘာ့ရေနံတင်ပို့မှုရဲ့ ၅ ရာခိုင်နှုန်းကျော်ပမာဏ ဖြစ်ပါတယ်။
ဟူသီတွေကလုပ်
အီရန်ကျောထောက်နောက်ခံပြုထားတဲ့ ယီမင်သူပုန် ဟူသီအဖွဲ့က တိုက်ခိုက်မှုကို သူတို့လုပ် ဆောင်တာဖြစ်ကြောင်း ထုတ်ပြန်ခဲ့ပါတယ်။
သူတို့ရဲ့ အခွင့်အရေးအရ ဒီလိုတိုက်ခိုက်တာဖြစ်ကြောင်း၊ နောက်ထပ် တိုက်ခိုက်မှုတွေ လုပ်ဆောင်သွားမှာဖြစ်ကြောင်း သတိပေးခဲ့ပါတယ်။
မြို့တော် ဆန်နာအပါအ၀င် ယီမင်နိုင်ငံရဲ့ ဒေသတစ်ချို့ကို သိမ်းပိုက်ထားနိုင်တဲ့ ဟူသီတွေကို ဆော်ဒီဦးဆောင်တဲ့ မဟာမိတ်အဖွဲ့က ၂၀၁၅ ခုနှစ်ကနေ စတင်ပြီး တိုက်ခိုက်ခဲ့တာပါ။ ဆော်ဒီနဲ့ မဟာမိတ်အဖွဲ့ဟာ နိုင်ငံတကာက အသိအမှတ်ပြုထားတဲ့ ယီမင်သမ္မတ အဘ်-ရာဘူ မန်ဆူရ်ဟာဒီဖက်ကနေ တိုက်ခိုက်ပေးနေတာလည်း ဖြစ်ပါတယ်။
ဟူသီအဖွဲ့ကလည်း လေဆိပ်တွေ၊ ရေနံထုတ်လုပ်ရာနေရာတွေ အပါအ၀င် ဆော်ဒီက ပစ်မှတ်တွေကို ၂၀၁၈ ခုနှစ် မတ်လကစလို့ ဒုံးကျည်တွေနဲ့ တိုက်ခိုက်မှု လုပ်ခဲ့ပြီး၊ အခုနောက်ပိုင်းမှာ ဒရုန်းလေယာဉ်တွေကိုပါ အသုံးပြုလာတာပါ။
မနေ့က ကိစ္စကတော့ ဟူသီတွေရဲ့ တိုက်ခိုက်မှုမှာ အရဲတင်းဆုံးလုပ်ရပ် ဖြစ်ပါတယ်။
စစ်ပွဲကြောင့် ယီမင်မှာ လူထောင်သောင်းချီ သေဆုံးခဲ့သလို၊ သန်းနဲ့ချီ အိုးအိမ်စွန့်ခွာ ထွက်ပြေးနေရပါတယ်။ ဒါ့အပြင် ယီမင်ဟာ ကမ္ဘ္ဘာ့အဆိုးဝါးဆုံး လူသားချင်း စာနာထောက်ထားမှုဆိုင်ရာ ပြဿနာနဲ့ ကြုံတွေ့နေရပါတယ်။
တုန့်ပြန်မှု
တိုက်ခိုက်မှုဖြစ်ပွားပြီးတဲ့နောက် ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က အမေရိကန်သမ္မတ ဒေါ်နယ်ထရမ့်ကို ဖုန်းခေါ်ဆိုခဲ့ပြီး မိမိတို့အနေနဲ့ ဒီတိုက်ခိုက်မှုကို တုန့်ပြန်လိုစိတ်ရှိပြီး၊ တုန့်ပြန်နိုင်စွမ်းလည်းရှိကြောင်း ပြောကြားခဲ့ပါတယ်။
အမေရိကန်က ဒီတိုက်ခိုက်မှုကို ရှုတ်ချကြောင်း ထုတ်ပြန်ခဲ့ပါတယ်။ ဆော်ဒီရဲ့ တုန့်ပြန် ဆောင်ရွက်မှုမှာ ပူးပေါင်းပါဝင်ဖို့ အဆင်သင့်ရှိတယ်လို့လည်း ထရမ့်က ပြောကြားခဲ့ပါတယ်။
ယီမင်မှာ တိုက်ခိုက်နေတဲ့ မဟာမိတ်အဖွဲ့က ပြောရေးဆိုခွင့်ရှိသူ ဗိုလ်မှူးကြီး တာရ်ကီ အလ်-မာလ်ကီက တိုက်ခိုက်မှုကို ဘယ်သူတွေ စီစဉ်ဆောင်ရွက်လဲဆိုတာကို ဖော်ထုတ်ဖို့ စုံစမ်းစစ်ဆေးမှု စတင်လုပ်ဆောင်နေတယ်လို့ ပြောကြားခဲ့ပါတယ်။
ကမ္ဘ္ဘာ့စွမ်းအင်ကဏ္ဍ လုံခြုံရေးနဲ့ တည်ငြိမ်အေးချမ်းရေးကို ထိခိုက်နေတဲ့ ခြိမ်းခြောက်မှုတွေကိုအနောက်တိုင်းဦးဆောင်တဲ့ မဟာမိတ်အဖွဲ့က တုန့်ပြန်သွားမယ်လို့လည်း သူက ဆိုပါတယ်။
အမေရိကန်နိုင်ငံခြားရေးဝန်ကြီး မိုက်ပွမ်ပီယိုက ဟူသီတွေရဲ့တိုက်ခိုက်မှုအတွက် အီရန်ကို အပြစ်တင်ခဲ့ပြီး တိုက်ခိုက်မှုဟာ ယီမင်ကနေ လုပ်ဆောင်တာမဟုတ်ဘူးလို့လည်း ပြောကြားခဲ့ပါတယ်။
Ref: Reuters
