မတ် ၂၁၊ ၂၀၁၉
M-Media
– ကမ္ဘာတစ်ဝှမ်း မြင့်တက်လာတဲ့ အမျိုးသားရေးအစွန်းရောက်ဝါဒကို တိုက်ဖျက်ဖို့ နယူးဇီလန်ဝန်ကြီးချုပ် ဂျာစင်ဒါ အာရ်ဒန်က တိုတွန်းလိုက်ပြီး နယူးဇီလန်မှာ ဒီဝါဒမျိုး ရှိနေတယ်ဆိုတာကိုလည်း ၀န်ခံခဲ့ပါတယ်။
ပြီးခဲ့တဲ့တစ်ပတ် သောကြာနေ့က ခရိုက်ချက်မြို့မှာရှိတဲ့ ဗလီနှစ်လုံးကို သြစတေးလျနိုင်ငံသား လူဖြူအစွန်းရောက်ဝါဒီ ဘရန်တန် တားရန့်က သေနတ်နဲ့ ၀င်ရောက် အကြမ်းဖက်ပစ်ခတ်ခဲ့ပြီး အနည်းဆုံး လူ ၅၀ သေဆုံးကာ ၃၀ ကျော် ဒဏ်ရာရရှိခဲ့ပါတယ်။
ဒီအကြမ်းဖက်မှုဖြစ်ပွားပြီး ပထမဆုံးအကြိမ်အဖြစ် BBC သတင်းဌာနနဲ့ အင်တာဗျူးမျာ ၀န်ကြီးချုပ် ဂျာစင်ဒါ အာရ်ဒန်က လူဖြူအမျိုးသားရေးဝါဒကို ရှုတ်ချခဲ့ပြီး၊ ပြောင်းရွှေ့အခြေချမှုကြောင့် လူမျိုးရေးခွဲခြားမှု ဖြစ်လာတယ်ဆိုတဲ့ အယူအဆကိုလည်း ပယ်ချခဲ့ပါတယ်။
“အခုလုပ်သွားတဲ့သူက သြစတေးလျနိုင်ငံသားဖြစ်ပါတယ်။ ဒါပေမယ့် နယူးဇီလန်မှာ ဒီလိုဝါဒမျိုး မရှိဘူးလို့ ပြောတာမဟုတ်ပါဘူး။ ရှိတယ်ဆိုပြန်ရင်လည်း နယူးဇီလန်နိုင်ငံသားအများစုကို စော်ကားသလို ဖြစ်သွားမှာပါ”
အမျိုးသားရေးအစွန်းရောက်ဝါဒ ဘယ်နေရာမှာပဲရှိရှိ ဒါကိုအမြစ်ဖြတ်ဖို့၊ ဒီလိုဝါဒမျိုး ပေါက်ဖွားနိုင်တဲ့ ရေခံမြေခံမျိုး မဖန်တီးပေးဖို့ အားလုံးမှာ တာဝန်ရှိတယ်လို့လည်း ၀န်ကြီးချုပ်က ထည့်သွင်းပြောကြားခဲ့ပါတယ်။
“တစ်ကမ္ဘာလုံးကို ကျွန်မ တိုက်တွန်းချင်ပါတယ်။ နယူးဇီလန်မှာ ဒီလိုအကြမ်းဖက်မှုမျိုး ဖြစ်လာတာဟာ တစ်ခြားတစ်နေရာမှာ မွေးဖွားကြီးပြင်းကာ ဒီအယူအဆကို ရရှိခဲ့သူကြောင့် ဖြစ်ပါတယ်။ ဘေးအန္တရာယ်ကင်းပြီး၊ သည်းခံခွင့်လွှတ်နိုင်တဲ့၊ အားလုံးပါဝင်နိုင်တဲ့ ကမ္ဘာကြီးကို လိုချင်တယ်ဆိုရင် ဒီကိစ္စကို ကိုယ်နဲ့မဆိုင်သလို နေလို့မရပါဘူး”
ကမ္ဘာတစ်ဝှမ်းက ပြောင်းရွှေ့အခြေချသူတွေကို နယူးဇီလန်က စံချိန်တင် လက်ခံထားမှုနဲ့ပတ်သက်လို့လည်း ဂျာစင်ဒါက ကာကွယ်ခဲ့ပြီး၊ ဒီလိုလက်ခံတာကြောင့် အမျိုးသားရေးအစွန်းရောက်ဝါဒ မြင့်တက်လာတယ်ဆိုတဲ့ ပြောကြားမှုကိုလည်း ပယ်ချခဲ့ပါတယ်။
အော်တိုသေနတ်များကို ပိတ်ပင်
ခရိုက်ချက် ဗလီနှစ်လုံး အကြမ်းဖက်ခံရမှုအပြီး နယူးဇီလန်က သေနတ်ကိုင်ဆောင်မှု ဥပဒေကို တင်းကြပ်ဖို့ ဆော်သြမှုတွေ ရှိခဲ့ပြီး ဂျာစင်ဒါက ချေမှုန်းရေးရိုင်ဖယ်နဲ့ ဆီးမီးအော်တို သေနတ်တွေကို ရောင်းချခွင့် ပိတ်ပင်လိုက်တယ်လို့ ဒီကနေ့မှာ ကြေငြာခဲ့ပါတယ်။
“ဒါဟာ ကျွန်မတို့လုပ်ဆောင်နေတဲ့ လုပ်ငန်းရဲ့ အစပိုင်းပဲ ရှိပါသေးတယ်။ အမျိုးသားအကျိုးစီးပွားလည်းဖြစ်သလို၊ ဘေးအန္တရာယ် ကင်းရှင်းရေးအတွက်လည်း ဖြစ်ပါတယ်။ ကျွန်မတို့တိုင်းပြည်မှာ ဒီလိုအကြမ်းဖက်မှုမျိုး နောက်ထပ်မဖြစ်အောင် တားဆီးဖို့ပါ”
ချေမှုန်းရေးရိုင်ဖယ်နဲ့ ဆီးမီးအော်တိုသေနတ်တွေ ပိတ်ပင်မှု ဥပဒေဟာ ဧပြီလ ၁၁ ရက်နေ့မှာ စတင်သက်ရောက်မှာဖြစ်ပြီး ဒီလက်နက်တွေ အရင်က ၀ယ်ဆောင်ထားသူတွေအနေနဲ့ လက်နက်အစားထိုး လဲလှယ်နိုင်မယ့် အစီအစဉ်ကိုလည်း လုပ်ဆောင်သွားမှာ ဖြစ်ပါတယ်။
Ref: Aljazeera, BBC
