စက်တင်ဘာ ၂၃၊ ၂၀၁၈
M-Media
Tag: US
-
ထရမ့်ကို ဟစ်တလာနဲ့နှိုင်းလိုက်တဲ့ မိုက်ကယ်မိုး (မြန်မာစာတမ်းထိုး)
-
စစ်တပ်အပေါ် ပိတ်ဆို့မှုအတွက် အမေရိကန်ကို တရုတ် ခြိမ်းခြောက်
စက်တင်ဘာ ၂၁၊ ၂၀၁၈
M-Media
– ရုရှားထံကနေ စစ်လက်နက်ပစ္စည်းတွေ ၀ယ်ယူမှုအတွက် ပြုလုပ်ထားတဲ့ ပိတ်ဆို့မှုကို ဖယ်ရှားပေးဖို့ တရုတ်က အမေရိကန်ကို တိုက်တွန်းလိုက်ပြီး အဲဒီလိုမှမဟုတ်ရင် ‘နောက်ဆက်တွဲဆိုးကျိုးတွေ’ ခံစားရမယ်လို့ ခြိမ်းခြောက်လိုက်ပါတယ်။
တရုတ်ဟာ ရုရှားထံဆီကနေ SU-35 တိုက်လေယာဉ်တွေ၊ S-400 ဒုံးခွင်းနစ်တွေကို ၀ယ်ယူမှာဖြစ်ပါတယ်။ အမေရိကန်အစိုးရက ဒီလို ၀ယ်ယူမှုဟာ ယူကရိန်းကိစ္စနဲ့ ရုရှားအပေါ် သူတို့ပြုလုပ်ထားတဲ့ ပိတ်ဆို့မှုတွေကို ချိုးဖောက်တာဖြစ်တယ်လို့ မနေ့မှာ ပြောကြားခဲ့ပြီး တရုတ်စစ်တပ်အပေါ် ပိတ်ဆို့မှုတွေ လုပ်ဆောင်ခဲ့ပါတယ်။
တရုတ်ကတော့ အမေရိကန်အနေနဲ့ ဒီ ပိတ်ဆို့မှုတွေကို မဖယ်ရှားဘူးဆိုရင် နောက်ဆက်တွဲ ဆိုးကျိုးတွေနဲ့ ရင်ဆိုင်ရမယ်လို့ ဒီကနေ့မှာ သတိပေးခဲ့ပါတယ်။
“အထက်ကပြောခဲ့တဲ့အတိုင်း အမေရိကန်ရဲ့ ကျိုးကြောင်းမဆီလျော်တဲ့ ဆောင်ရွက်မှုတွေအတွက် တရုတ်က တော်တော်လေး ခံပြင်းဒေါသထွက်ပါတယ်” လို့ တရုတ် နိုင်ငံခြားရေးဝန်ကြီးဌာနက ပြောရေးဆိုခွင့်ရှိသူ ဂျန်ရွှန်က သတင်းထောက်တွေကို ပြောကြားခဲ့ပါတယ်။
ရုရှားကလည်း အမေရိကန်ဟာ မီးနဲ့ကစားနေပြီး ကမ္ဘာ့လက်နက်ဈေးကွက်မှာ ရုရှားကို ပိတ်ဆို့ဖို့ ကြိုးစားနေတယ်လို့ ဝေဖန်ပြောကြားခဲ့ပါတယ်။
အမေရိကန်က ရုရှားအပေါ် ပြုလုပ်ထားတဲ့ ပိတ်ဆို့မှုနဲ့ပတ်သက်ပြီး တတိယနိုင်ငံတစ်ခုကို အရေးယူတာဟာ ဒါ ပထမဆုံးအကြိမ် ဖြစ်ပါတယ်။
ရုရှားရဲ့ ဒုံးခွင်းစနစ်တွေကို ၀ယ်ယူဖို့အတွက် တူရကီနဲ့ အိန္ဒိယတို့လည်း စိတ်ဝင်စားနေပါတယ်။
Ref: Aljazeera
-
တနင်္ဂနွေနေ့မနက် နိုင်ငံတကာသတင်းများ
စက်တင်ဘာ ၁၆၊ ၂၀၁၈
M-Media
အမေရိကန်တွင် ဟာရီကိန်းကြောင့် လူ ၈ ဦးသေဆုံး
============
အမေရိကန်ပြည်ထောင်စု အရှေ့ဖက်ကမ်းရိုးတမ်းကို ၀င်ရောက်နေတဲ့ ဟာရီကိန်း ဖလော့ရင့်စ်ကြောင့် သေဆုံးသူအရေအတွက်ဟာ မနေ့ကအထိ ၈ ဦးရှိလာခဲ့တယ်လို့ အာဏာပိုင်တွေက ပြောကြားခဲ့ပါတယ်။ လက်ရှိ မုန်တိုင်းဟာ အားပျော့သွားပေမယ့် မိုးသည်းထန်စွာ ရွာသွန်းတာ၊ လေတိုက်တာတွေ ဆက်လက်ဖြစ်ပေါ်ကာ အသက်အန္တရာယ် ခြိမ်းခြောက်မှု ဆက်ရှိနေတယ်လို့လည်း သတိပေးချက် ထုတ်ပြန်ထားပါတယ်။ မုန်တိုင်းကြောင့် အဆောက်အဦးတွေ ပြိုကျပျက်ဆီးခဲ့ပါတယ်။ မုန်တိုင်းကြောင့် ရေကြီးရေလျှံမှုဟာ တစ်ပတ်လောက်အထိ ဆက်ရှိမယ်လို့လည်း ခန့်မှန်းထားပါတယ်။ဖိလစ်ပိုင်တွင်တိုက်ခတ်သည့် တိုင်ဖုန်းမုန်တိုင်း တရုတ်သို့ ဦးတည်
==================
ဖိလစ်ပိုင်နိုင်ငံ မြောက်ပိုင်းမှာ တိုင်ဖုန်း မန်ခွတ်ကြောင့် အနည်းဆုံး လူ ၁၃ ဦး သေဆုံးခဲ့ပြီး လက်ရှိအချိန်မှာ မုန်တိုင်းဟာ ဟောင်ကောင်နဲ့ တရုတ်နိုင်ငံတောင်ပိုင်းကို ဦးတည်နေပါတယ်။ သေဆုံးသူအများစုဟာ မြေပြိုမှု၊ အိမ်ပြိုမှုတွေကြောင့်ဖြစ်ပြီး သေဆုံးသူတွေထဲမှာ ရင်ခွင်ပိုက်နဲ့ အသက် ၂ နှစ်အရွယ် ကလေးငယ်တွေ ပါဝင်ပါတယ်။ ပျောက်ဆုံးသူကလည်း ၂ ဦး ရှိနေပါတယ်။ မုန်တိုင်းကြောင့် ဆိုးဆိုးဝါးဝါး ထိခိုက်နိုင်တဲ့ နေရာတွေက လူပေါင်း ၉ သောင်းနီးပါးလောက်ကို အစိုးရတာဝန်ရှိသူတွေက ဘေးလွတ်ရာကို ရွှေ့ပြောင်းပေးထားပါတယ်။ဝန်ကြီးချုပ်ဖြစ်ရေး အလျင်မလိုဟု အန်န၀ါရ် အီဘရာဟင်ပြော
================
တိုင်းပြည်ဟာ လက်ရှိမှာ တည်ငြိမ်မှုနဲ့ ခိုင်မာတဲ့ခေါင်းဆောင်မှုတွေကို လိုအပ်နေတဲ့အတွက် မိမိအနေနဲ့ ၀န်ကြီးချုပ်ဖြစ်ရေး အလျင်စလို ဆောင်ရွက်သွားမှာမဟုတ်ဘူးလို့ စင်ကာပူကို ရောက်ရှိနေတဲ့ မလေးရှား အတိုက်အခံခေါင်းဆောင်ဟောင်း အန်န၀ါရ် အီဘရာဟင်က မနေ့မှာ ပြောကြားလိုက်ပါတယ်။ အန်န၀ါရ်ဟာ လာမယ့် ကြားဖြတ်ရွေးကောက်ပွဲမှာ အမတ်နေရာ ၀င်ရောက်ယှဉ်ပြိုင်ဖို့ ရှိပြီး နောက်ပိုင်းမှာ ၀န်ကြီးချုပ် မဟာသီယာ မိုဟာမက်ရဲ့နေရာကို ဆက်ခံသွားဖို့ ရည်ရွယ်နေပါတယ်။ သူ ၀န်ကြီးချုပ်ဖြစ်လာရင် လက်ရှိ ဒုတိယ၀န်ကြီးချုပ်ဖြစ်နေတဲ့ သူ့ဇနီး ၀မ် အဇီဇာဟ် ၀မ် အစ္စမာအီလ်ကို ရာထူးမှာ ဆက်ထားတော့မှာ မဟုတ်ဘဲ လက်ရှိ လွှတ်တော်အမတ်ဖြစ်နေတဲ့ သမီးဖြစ်သူ နူရူလ်အစ်ဇာဟ်ကိုလည်း စောင့်ကြည့်သွားမယ်လို့ အန်န၀ါရ်က ဆိုပါတယ်။အီရတ်လွှတ်တော်က အသက်အငယ်ဆုံး ဥက္ကဌကို ခန့်အပ်
=============
အီရတ်လွှတ်တော်ဟာ သောကြာနေ့က အသက် ၃၉ နှစ်အရွယ် ဆွန်နီဂိုဏ်းဝင် မိုဟာမက် အလ်-ဟာလ်ဘူဆီကို ဥက္ကဌအဖြစ် ခန့်အပ်ခဲ့ပြီး မေလ ရွေးကောက်ပွဲပြီးတဲ့နောက် လိပ်ခဲတည်းလည်းဖြစ်နေတဲ့ အစိုးရဖွဲ့စည်းရေး လမ်းကြောင်းတစ်ခု ပွင့်သွားတာလည်းဖြစ်ပါတယ်။ အလ်-ဟာလ်ဘူဆီဟာ အီရတ်သမိုင်းမှာ အသက်အငယ်ဆုံး လွှတ်တော်အမတ်လည်း ဖြစ်ပါတယ်။ အီရတ်နိုင်ငံရေးထုံးစံအရ လွှတ်တော်အမတ်နေရာကို ဆွန်နီကိုပေးကာ ၀န်ကြီးချုပ်နေရာကို ရှီအာကယူပြီး သမ္မတနေရာကို ကာ့ဒ်လူမျိုးကို ခန့်အပ်လေ့ရှိပါတယ်။Ref: Aljazeera, CNA
-
စနေနေ့မနက် နိုင်ငံတကာသတင်းများ
စက်တင်ဘာ ၁၅၊ ၂၀၁၈
M-Media
ဟာရီကိန်း ‘ဖလော့ရန့်စ်’ မြင်ကွင်း ဖိလစ်ပိုင်တွင် အပြင်းဆုံး တိုင်ဖုန်းမုန်တိုင်းတစ်ခု တိုက်ခတ်နေ
================
အဆင့် ၅ ရှိတဲ့ တိုင်ဖုန်းမုန်တိုင်း ‘မန်ခွတ်’ ဟာ ဒီကနေ့မနက် အစောပိုင်းမှာ ဖိလစ်ပိုင်နိုင်ငံ မြောက်ပိုင်းကို ၀င်ရောက်ခဲ့ပြီး အာဏာပိုင်တွေက အကြီးအကျယ်ပျက်ဆီးမှုတွေ ရှိနိုင်တယ်လို့ သတိပေးချက် ထုတ်ပြန်ထားပါတယ်။ ‘မန်ခွတ်’ ဟာ အခုနှစ်အတွင်း ဖိလစ်ပိုင်နိုင်ငံကို ၀င်ရောက်တဲ့ မုန်တိုင်းတွေထဲမှာ အပြင်းဆုံး မုန်တိုင်းလည်း ဖြစ်ပါတယ်။ ဖိလစ်ပိုင်မှာ နှစ်စဉ် မုန်တိုင်း ၂၀ လောက် တိုက်ခတ်မှုကြောင့် လူရာချီ သေဆုံးလေ့ရှိပါတယ်။ ယခု တိုင်ဖုန်း ‘မန်ခွတ်’ ဒဏ်ကို လူသန်းချီ ခံစားရနိုင်ပါတယ်။အမေရိကန်တွင် ဟာရီကိန်း’ဖလော့ရန့်စ်’ ကြောင့် လူ ၅ ဦးသေဆုံး
================
မနေ့က စတင်ဝင်ရောက်ခဲ့တဲ့ ဟာရီကိန်းမုန်တိုင်း ‘ဖလော့ရန့်စ်’ ကြောင့် အမေရိကန်ပြည်ထောင်စု မြောက်ကယ်ရိုလိုင်းနားပြည်နယ်မှာ အနည်းဆုံး ၅ ဦး သေဆုံးခဲ့တယ်လို့ ရဲတပ်ဖွဲ့နဲ့ မီဒီယာတွေက ထုတ်ပြန်ခဲ့ကြပါတယ်။ သေဆုံးသူတွေဟာ အမျိုးသမီး ၂ ဦး၊ ရင်ခွင်ပိုက်ကလေးငယ်တစ်ဦးနဲ့ အမျိုးသား ၂ ဦးတို့ ဖြစ်ကြပါတယ်။ မုန်တိုင်းကြောင့် သစ်ပင်တွေလဲတာ၊ လမ်းတွေ ပိတ်ဆို့တာ၊ ဓာတ်အားပြတ်တောက်တာတွေလည်း ရှိနေပါတယ်။ ‘ဖလော့ရန့်စ်’ ဟာ မြောက်ကယ်ရိုလိုင်းနားနဲ့ တောင်ကယ်ရိုလိုင်းနား ကမ်းရိုးတန်းတွေကို ဖြတ်သန်းသွားဖို့ရှိပြီး ဗာဂျီးနီးယားပြည်နယ်ကိုလည်း ရိုက်ခတ်ဖို့ ရှိနေပါတယ်။ အာဏာပိုင်တွေကတော့ လူ ၁.၇ သန်းလောက်ကို ဘေးလွတ်ရာ ပြောင်းရွှေ့ဖို့ သတိပေးထားပါတယ်။ကိုရီးယားကျွန်းဆွယ် နျူကင်းစင်ရေး အမေရိကန် ဆက်ဆွေးနွေးမည်
=================
ကိုရီးယားကျွန်းဆွယ် နျူကင်းစင်ရေးအတွက် မြောက်ကိုရီးယားနဲ့ မိမိတို့အကြား ဆွေးနွေးမှုတွေ ဆက်လက်လုပ်ဆောင်နေတယ်လို့ အမေရိကန် နိုင်ငံခြားရေးဝန်ကြီး မိုက် ပွမ်ပီယိုက မနေ့မှာ ပြောကြားခဲ့ပါတယ်။ ဇွန်လ ၁၂ ရက် ခေါင်းဆောင်နှစ်ဦး တွေ့ဆုံမှုဟာ အပြုသဘောဆောင်ခဲ့ပေမယ့် နောက်ပိုင်း နျူကိစ္စနဲ့ပတ်သက်လို့ တင်းမာမှုတွေ ရှိလာတာပါ။ ဒါပေမယ့် မြောက်ကိုရီးယားခေါင်းဆောင် ကင်ဂျုံအွန်က ထရမ့်နဲ့ နောက်ထပ်တွေ့ဆုံဖို့ ကမ်းလမ်းမှုကို အမေရိကန်က လက်ခံခဲ့ပါတယ် ပွမ်ပီယိုကတော့ သူတို့အနေနဲ့ ကုလရဲ့ ဆုံးဖြတ်ချက်တွေကို ဆက်လက်အကောင်အထည်ဖော်ဖို့ စိတ်ပိုင်းဖြတ်ထားပြီး ဒါဟာ မြောက်ကိုရီးယား နျူကင်းစင်ရေး ကြိုးပမ်းမှုမှာ အဓိကကျတယ်လို့ ပြောကြားခဲ့ပါတယ်။တိုက်ခိုက်မှုလုပ်ရန် စီစဉ်ထားသည့် အကြမ်းဖက် ၁၀ ဦးကို မလေးရှား ဖမ်းဆီး
====================
မလာကာနဲ့ ပီနန်တို့မှာ တိုက်ခိုက်မှုတွေလုပ်ဖို့ စီစဉ်နေတဲ့ အကြမ်းဖက်သံသယရှိသူ ၁၀ ဦးကို နိုင်ငံတစ်ဝှမ်း သြဂုတ်လ ၁၁ ရက်နေ့ကနေ ၃၁ ရက်နေ့အထိ ပြုလုပ်တဲ့ စစ်ဆင်ရေးအတွင်း ဖမ်းဆီးခဲ့တယ်လို့ မလေးရှားရဲတပ်ဖွဲ့က မနေ့မှာ သတင်းထုတ်ပြန်ပါတယ်။ ဖမ်းဆီးခံရသူတွေဟာ အကြမ်းဖက် အုပ်စုငယ် ၂ ခုက အဖွဲ့ဝင်တွေ ဖြစ်ပြီး အသက် ၃၉ နှစ်ကနေ ၅၃ နှစ်အထိ ရှိကြပါတယ်။ အဲဒီထဲကတစ်ချို့ဟာ အရှေ့အလယ်ပိုင်းက အစွန်းရောက်အဖွဲ့တွေနဲ့ သွားရောက်ဖို့ စီစဉ်နေသူတွေ ဖြစ်ပါတယ်။ မလေးရှားရဲချုပ်က ဒီလူတွေဟာ တမန်တော်မိုဟမ္မဒ်သခင်ရဲ့ သြ၀ါဒတော်တွေကို ပုံဖျက်ရိုက်သွင်း ဦးနှောက်ကျင်းခံထားရတယ်လို့ ပြောကြားခဲ့ပါတယ်။Ref: CNA, Aljazeera
-
အင်္ဂါနေ့မနက် နိုင်ငံတကာသတင်းများ
စက်တင်ဘာ ၁၁၊ ၂၀၁၈
M-Media
ပူတင်နှင့် အာဘေးတို့ တွေ့ဆုံမှု ထရမ့်နှင့် နောက်တစ်ကြိမ်တွေ့ဆုံရန် ကင်ဂျုံအွန်တောင်းဆို
======================
သမ္မတထရမ့်နဲ့ နောက်တစ်ကြိမ် တွေ့ဆုံဆွေးနွေးဖို့အတွက် မြောက်ကိုရီးယားခေါင်းဆောင် ကင်ဂျုံအွန်က မနေ့မှာ စာရေးသားတောင်းဆိုလိုက်ပြီး အိမ်ဖြူတော်ကလည်း ဒီအတွက် အစီအစဉ်ဆွဲနေပါတယ်။ ကင်နဲ့ ထရမ့်တို့ဟာ ဇွန်လ ၁၂ ရက်နေ့က စင်ကာပူနိုင်ငံမှာ တစ်ကြိမ် တွေ့ဆုံခဲ့ပြီး ကိုရီးယားကျွန်းဆွယ် နျူကင်းစင်ရေးကိစ္စကို ဆွေးနွေးခဲ့ကြပါတယ်။ အိမ်ဖြူတော် ပြောရေးဆိုခွင့်ရှိသူ ဆာရာဆန်းဒါးက မနေ့ကစာဟာ အင်မတန်နွေးထွေးပြီး အပြုသဘောဆောင်တဲ့ စာဖြစ်ကြောင်း၊ အဓိကအကြောင်းအရင်းက ထရမ့်နဲ့တွေ့ဆုံဖို့ဖြစ်ပြီး လက်ရှိ မိမိတို့က ညှိနှိုင်းစီစဉ်နေကြောင်း သတင်းစာရှင်းလင်းပွဲမှာ ပြောကြားခဲ့ပါတယ်။ဆော်ဒီထံမှရသည့် ငွေများ၏ အထောက်အထားများကို နာဂျစ်ထုတ်ပြ
==========
သူ့ရဲ့ ကိုယ်ပိုင်ဘဏ်အကောင့်ထဲကို ၀င်လာတဲ့ ကန်ဒေါ်လာ ၆၀၇ သန်းဟာ ဆော်ဒီ တော်ဝင်မိသားစုရဲ့ လှူဒါန်းဖြစ်တယ်ဆိုတဲ့ အထောက်အထားတွေကို မလေးရှားဝန်ကြီးချုပ်ဟောင်း နာဂျစ်ရာဇတ်က Facebook စာမျက်နှာပေါ်မှာ မနေ့က ထုတ်ပြလိုက်ပါတယ်။ အဲဒီစာရွက်စာတမ်းတွေထဲမှာ ဆော်ဒီ တော်ဝင်မင်းသားတစ်ပါးဖြစ်တဲ့ အဘ်ဒူလ်အဇစ် အလ်-ဆာအွဒ်ရဲ့ စာတစ်စောင်လည်း ပါဝင်ပြီး အဲဒီစာထဲမှာ သူပေးတဲ့ ဒေါ်လာသန်း ၁၀၀ ဟာ လက်ဆောင်ဖြစ်တယ်လို့ ရေးသားထားပါတယ်။ နာဂျစ်က အာရပ်နွေဦးတော်လှန်ရေး ဖြစ်ပြီးတဲ့နောက် ဒီငွေကို ရရှိတာဖြစ်ပြီး ဆော်ဒီဘုရင်ဟောင်းက မွတ်စလင်နိုင်ငံတွေမှာ တည်ငြိမ်အောင်ထိန်းဖို့ ဒီလို ငွေကြေးလက်ဆောင်ပေးတာဖြစ်ကြောင်း ရေးသားခဲ့ပါတယ်။ကလေးမွေးမှုကန့်သတ်သည့် ဥပဒေများအားလုံး ဖျက်သိမ်းရန် တရုတ်ပြင်ဆင်
====================
မိသားစုစီမံကိန်းဆိုင်ရာ ကိစ္စတွေကို အကောင်အထည်ဖော်နေတဲ့ ရုံး ၃ ရုံးကို ဖျက်သိမ်းတော့မယ်လို့ တရုတ်ကျန်းမာရေးကော်မရှင်က မနေ့မှာ ကြေငြာလိုက်ပြီး ဒါဟာ ကလေးယူမှု တင်းကြပ်တဲ့ ပေါ်လစီတွေကို ထပ်မံလျော့ပေါ့ပေးရေး ခြေလှမ်းတစ်ခုလည်း ဖြစ်ပါတယ်။ တရုတ်နိုင်ငံဟာ ၁၉၇၉ ခုနှစ်ကတည်းက တစ်အိမ်ထောင် ကလေးတစ်ယောက်ပေါ်လစီကို ချမှတ်ခဲ့တာပါ။ ဒါပေမယ့် သက်ကြီးရွယ်အိုများလာမှု၊ လုပ်သားအင်အားကျဆင်းလာမှုတွေကြောင့် ၂၀၁၆ ခုနှစ်မှာ မြို့ပြကမိသားစုတွေ ကလေးနှစ်ယောက်ယူဖို့ ခွင့်ပြုခဲ့ပါတယ်။ အခုနှစ်နှောင်းပိုင်းမှာတော့ ကလေးယူမှုကန့်သတ်တဲ့ ဥပဒေတွေအားလုံးကို ဖျက်သိမ်းဖို့ ရှိနေတယ်လို့ မီဒီယာတွေက ဖော်ပြလာကြပါတယ်။ဂျပန်နှင့် အငြင်းပွားသည့်ကျွန်းကိစ္စ ဖြေရှင်းရန်ကြာမည်ဟု ပူတင်ပြော
==================
ဂျပန်နဲ့ ပိုင်ဆိုင်မှုအငြင်းပွားနေတဲ့ ကူရီလ်ကျွန်းစုကိစ္စ သိပ်မကြာခင် ပြေလည်သွားမယ်လို့ ပြောကြားနေမှုဟာ နုံအရာကျတယ်လို့ ရုရှားသမ္မတ ပူတင်က မနေ့မှာ ဂျပန်ဝန်ကြီးချုပ် ရှင်ဇိုအာဘေးနဲ့ တွေ့ဆုံပြီးတဲ့နောက် ပြောကြားလိုက်ပါတယ်။ အဲဒီကျွန်းကို ဒုတိယကမ္ဘာစစ်အပြီးမှာ ရုရှားက သိမ်းပိုက်ထားတာဖြစ်ပြီး ဂျပန်က သူတို့ပိုင်တဲ့ကျွန်းလို့ဆိုကာ ပြန်တောင်းနေတာပါ။ ပြီးခဲ့တဲ့နှစ်တွေမှာ နှစ်နိုင်ငံ ဆွေးနွေးမှုတွေ ပိုမိုပြုလုပ်လာခဲ့ပြီး ကျွန်းစုအတွင်း စီးပွားရေးနဲ့ နည်းပညာ ဖွံ့ဖြိုးတိုးတက်ရေး လုပ်ငန်းတွေကိုလည်း နှစ်နိုင်ငံ ပူးပေါင်းဆောင်ရွက်နေပါတယ်။ ဂျပန်ဝန်ကြီးချုပ် ရှင်ဇိုအာဘေးက ဒီကိစ္စဟာ သိပ်မကြာခင် ပြီးသွားမယ်လို့ အရင်က ပြောထားဖူးပါတယ်။Ref: CNA, Aljazeera
