စက်တင်ဘာ ၁၀၊ ၂၀၁၈
M-Media
– အမေရိကန်စစ်သားတွေ စစ်ရာဇ၀တ်မှု ကျူးလွန်လားဆိုတာကို နိုင်ငံတကာ ရာဇ၀တ်ခုံရုံးက ICC က စစ်ဆေးဖိုးကြိုးစားမှုကို အမေရိကန်က လက်မခံဘဲ ဖြစ်နိုင်သမျှ နည်းလမ်းတွေနဲ့ တားဆီးသွားဖို့ ရှိနေပါတယ်။
အာဖဂန်စစ်ပွဲမှာ တာလီဘန်တွေ၊ ဒေသခံလုံခြုံရေးတပ်ဖွဲ့တွေ၊ စစ်ဘုရင်တွေနဲ့ အမေရိကန်ဦးဆောင်တဲ့ မဟာမိတ်တပ်ဖွဲ့တွေ ကျူးလွန်မှုတွေ ရှိခဲ့တယ်လို့ အာဖဂန်ပြည်သူတွေရဲ့ တိုင်ကြားမှုပေါင်း ၁.၁၇ သန်းကို ရရှိခဲ့ပြီးတဲ့နောက် ICC က အာဖဂန်မှာ စစ်ရာဇ၀တ်မှုကိစ္စကို တရားဝင် စုံစမ်းစစ်ဆေးဖို့ စီစဉ်နေတာပါ။
သမ္မထရမ့်ရဲ့ အမျိုးသားလုံခြုံရေးအကြံပေး ဂျွန်ဘော်လ်တန်တစ်ယောက် အဲဒီကိစ္စနဲ့ပတ်သက်ပြီး အခမ်းအနားတစ်ခုမှာ ပြောကြားမယ့် မိန့်ခွန်းမူကြမ်းမှာ သူတို့အနေနဲ့ နည်းလမ်းပေါင်းစုံသုံးပြီး နိုင်ငံသားတွေနဲ့ မဟာမိတ်တွေကို ကာကွယ်သွားမယ်လို့ ရေးသားထားပါတယ်။
“တရားမ၀င်တဲ့ ခုံရုံးက မတရားတဲ့ တရားစွဲဆိုမှုကနေ ကျွန်တော်တို့ နိုင်ငံသားတွေနဲ့ မဟာမိတ်တွေကို လိုအပ်သမျှနည်းလမ်းပေါင်းစုံနဲ့ ကာကွယ်သွားမှာပါ။ ICC နဲ့ ကျွန်တော်တို့ ပူးပေါင်းသွားမှာ မဟုတ်ဘူး၊ ကူညီသွားမှာလည်း မဟုတ်ပါဘူး။ ဆက်သွယ်ဆောင်ရွက်မှာလည်း မဟုတ်ပါဘူး။ ICC ကိုယ့်ဟာကိုယ် ကျဆုံးသွားတာကို ကျွန်တော်တို့ ထိုင်ကြည့်မှာပါ။ ကျွန်တော့်တို့သဘောထားကို ပြောရရင် ICC ဟာ ကျွန်တော်တို့အတွက် လုံးဝ အရေးမပါပါဘူး”
ဒီမိန့်ခွန်းမူကြမ်းကို ရိုက်တာသတင်းဌာနက ရရှိခဲ့တာ ဖြစ်ပါတယ်။
အမေရိကန်ရဲ့ အနီးကပ်မဟာမိတ်ဖြစ်တဲ့ အစ္စရေးဟာလည်း ပါလက်စတိုင်းပြည်သူတွေအပေါ် ကျူးလွန်မှုတွေအတွက် ICC ရဲ့ စုံစမ်းစစ်ဆေးမှုကို ခံရဖို့ ရှိနေပါတယ်။
ဘောလ်တန်ရဲ့မိန့်ခွန်းမူကြမ်းမှာတော့ အမေရိကန်အနေနဲ့ မဟာမိတ် အစ္စရေးဖက်ကနေ လုံးဝ ရပ်တည်သွားမယ်လို့ ထည့်သွင်းရေးသားထားပါတယ်။
ICC က စုံစမ်းစစ်ဆေးမှုတွေ လုပ်မယ်ဆိုရင် ဒီလုပ်ငန်းမှာ ပါဝင်တဲ့ တရားသူကြီးတွေ၊ ရှေ့နေတွေနဲ့ ပူးပါင်းဆာင်ရွက်သူတွေကို အမေရိကန်က ပြည်ဝင်ခွင့်ပိတ်တာ၊ အမေရိကန်မှာရှိတဲ့ သူတို့ရဲ့ပိုငဆိုင်မှုတွေကို သိမ်းဆည်းတာ၊ အမေရိကန်တရားရုံးမှာ သူတို့ကို တရားစွဲတာမျိုးတွေ လုပ်လာနိုင်ပါတယ်။
Ref: RT
