ဖေဖော်ဝါရီ ၁၆၊ ၂၀၁၈
M-Media
– တူရကီနှင့် အမေရိကန်တို့၏ ဆက်ဆံရေးမှာ အကြပ်အတည်းတစ်ခုသို့ ရောက်ရှိနေသည်ဟု အမေရိကန်နိုင်ငံခြားရေးဝန်ကြီး ရက်စ်တီလာဆန်က ၀န်ခံပြောကြားလိုက်သည်။
တူရကီနိုင်ငံခြာရေးဝန်ကြီး Mevlut Cavusoglu နှင့် ယနေ့တွင်ပြုလုပ်သော သတင်းစာရှင်းလင်းပွဲ၌ တီလာဆန်က ထိုကဲ့သို့ ပြောကြားလိုက်ခြင်းဖြစ်ပြီး အမေရိကန်-တူရကီ မဟာမိတ်ဆက်ဆံရေးမှာ အလွန်တန်ဖိုးရှိသည့် ဆက်ဆံရေးဖြစ်သည်ဟုလည်း ဆိုသည်။
“ကျွန်တော်တို့ရဲ့ ဆက်ဆံရေးဟာ လတ်တလောအကျိုးအတွက်၊ နှစ်ဖက်အဆင်ပြေဖို့အတွက်သာ ရည်ရွယ်တဲ့ဆက်ဆံရေးမျိုး မဟုတ်ပါဘူး။ နှစ်ဖက် အကျိုးစီးပွား၊ အပြန်အလှန် လေးစားမှုတွေအပေါ်မှာ အချိန်ယူ တည်ဆောက်ထားတဲ့ မဟာမိတ်မျိုး ဖြစ်ပါတယ်။ ဆီးရီးယားမှာလည်း ကျွန်တော်တို့နှစ်နိုင်ငံရဲ့ ရည်ရွယ်ချက်ဟာ အတူတူပါပဲ”
ဆီးရီးယားရှိ ကာ့ဒ်တပ်ဖွဲ့များကို အကြမ်းဖက်အုပ်စုအဖြစ် သတ်မှတ်ကာ တူရကီက ဆီးရီးယားသို့ ပြီးခဲ့သည့်လမှစ၍ ကျူးကျော်ဝင်ရောက် တိုက်ခိုက်နေပြီး ကာ့ဒ်တပ်ဖွဲ့ဝင်များကို လက်နက်တပ်ဆင်ပေးထားသည့် အမေရိကန်ကိုလည်း ပြင်းပြင်းထန်ထန် ဝေဖန်ခဲ့သည်။ ထို့ပြင် ဆီးရီးယားတွင် တပ်စွဲထားသည့် အမေရိကန်တပ်ဖွဲ့များကို ရုပ်သိမ်းရန်၊ မရုပ်သိမ်းပါက မိမိတို့နှင့် ထိပ်တိုက်တွေ့မည်ဟု တူရကီက သတိပေးထားသည်။
အမေရိကန်ကမူ ဆီးရီးယားရှိ ၎င်းတို့တပ်များ ဆုတ်ခွာမည်မဟုတ်ဟု တုန့်ပြန်ခဲ့သည်။
တီလာဆန်နှင့် သတင်းစာရှင်းလင်းပွဲတွင် တူရကီနိုင်ငံခြားရေးဝန်ကြီး Cavusoglu က အမေရိကန်နှင့် တူရကီတို့၏ ဆက်ဆံရေးမှာ အထိခိုက်မခံသည့် အနေအထားကို ရောက်နေပြီး၊ ပြေလည်အောင် ဖြေရှင်းမည်လား၊
သို့မဟုတ် ကိုယ့်လမ်းကိုယ်လျှောက်မည်လားဆိုသည်ကို ဆုံးဖြတ်ရန် လိုအပ်လာပြီဟု ပြောကြားခဲ့သည်။
ထို့ပြင် အမေရိကန်မှာ ၎င်းတို့ပေးထားသည့် ကတိက၀တ်များကို မတည်ကြောင်း ၎င်းက ထည့်သွင်းပြောကြား
ခဲ့ကာ အမေရိကန် ကျောထောက်နောက်ခံပြုထားသည့် ကာ့ဒ်တပ်ဖွဲ့များအနေဖြင့် ဆီးရီးယားရှိ မန်ဘစ်ဂ်ျမြို့မှ ယူဖရေးတီးမြစ် အရှေ့ဖက်ကို ရွှေ့ပြောင်းရန် တူရကီ၏ တောင်းဆိုမှုကို ချီးကျူးပြောဆိုခဲ့သည်။
အမေရိကန်-တူရကီ ဆက်ဆံရေးကို ပြန်လည်ကောင်းမွန်အောင် ဆောင်ရွက်ရန်အတွက် နှစ်နိုင်ငံ ပူးတွဲလုပ်ငန်း
စဉ်တစ်ခု ချမှတ်ကာ အကောင်အထည်ဖော်သွားမည်ဟုလည်း တူရကီနိုင်ငံခြားရေးဝန်ကြီးက ထည့်သွင်းြေ
ပာကြားခဲ့သည်။
Ref: Aljazeera
